雄記小廚

营业中

休息中

呢2幅圖係分別2日唔同去食白鱔餐 HK$60 連drink /湯白鱔7舊(5腩2尾) + 一款指定蔬菜(如轉其他餸就加$8)。白鱔份量我覺得算多，其他店通常得3舊或當2餸價。鱔肉＆皮都好彈牙，係新鮮貨，讚讚讚。三餸飯 ，價錢約四十頭定係三十尾吧。茄子：好吃，雖然顏色好深咁，但好入味。牛尾：呢個其他店好少有，好吃。開邊蝦：份量正常，無乜鮮味，但沒有霉，味道一般。最重要是不用加錢，當一餸計。其他仲有蒸魚餐，$40起。大眼雞那些。

人人去排權發，但唔知其實過兩條街嘅雄記都一樣好食，權發而家實在太貴...45蚊先兩餸加嘢飲，已經將平民美食之稱嘅兩餸飯炒高晒啲價...我唔希望兩餸飯炒高到好似茶記碟頭飯咁成70-80蚊碟...雄記就好有良心，36蚊有兩餸有凍飲，餸菜仲要好夠鑊氣👍👍完全同權發平分秋色👍推薦口水雞扒，辣辣地幾好食，咖哩類都算唔錯，有時5點幾仲有免費糖水送，屋企阿媽有時懶煮飯都係去買兩個餸就得，希望大家可以知道雄記唔錯啦，真係唔駛一定淨係幫襯權發👍