雄點心

营业中

休息中

平時每星期都會外出吃飯，有時都會去得寶商場的餐廳吃飯。此店前一陣子新開張的，有去了5次以上，那裡的點心很好吃。決定寫一篇食評分享給大家之餘，也希望此店在香港到處都有食店結業的情況下，生意越做越好啦！食物描述:外觀：大部分點心或湯品都OK，做街坊生意為主味道：好味！尤其是菠蘿叉燒包、流沙奶黃包、腸粉類和夜晚的套餐湯品等等份量：除了菠蘿叉燒包尺寸偏細個之外，其他點心份量都可以的。印象中特價點心套餐只可以早市或晚市有提供，午市是沒有的用餐體驗:員工服務態度：OK環境氛圍：餐廳的裝潢做街坊生意為主、店舖偏細，冷氣不足夠需要改善，如去吃的話，最好坐靠近店內裡比較凍D，衛生狀況OK 等候時間：因不是大商場，只是屋苑樓下餐廳，故平日夜晚去不用等太耐的，但周末假日午市去就要等位了價格：合理可以一試，始終小店經營未必有很大的折扣優惠了，早茶或夜茶去吃套餐會抵D總結：如果想找九龍灣附近飲夜茶吃點心的地方，我會推薦這家店！

行過〔得寶〕見到這一間應該是新開的點心專門店，下午茶時間就入去試一試。從門面、茶杯至制服都見到一個【雄】字，估計應該是老闆的名字，以今時今日的小店來說，算是落重了本來塑造形象，相當難得。一人套餐只是65蚊，有主食、有湯、有點心，價格相當親民。2個人就點了一人套餐及點心中最基本但又最難做得好整的點心：蝦餃、叉燒包、紅米腸等，全部食得出是人手即做點心，連燉湯都做得清澈又入味。即做即蒸的點心、用心製作的食物，原來的確是食得出的。座位寬闊又不會趕客，令人坐得舒服。是值得再三幫襯的精緻小店！我給予滿分。

聽講牛頭角開咗一間現場製作的點心專門店，要試下係咪真係現場做。 叫左三個傳統點心：叉燒包,一睇外皮，果然係現場製作，外皮鬆軟香甜，內餡以蜜汁叉燒為主，鹹甜交融，口感豐富。叉燒肉質鮮嫩多汁，醬汁濃郁，傳統港式點心中的經典美味。再來的是比較新冰金沙脆皮腸粉，外皮酥脆金黃，內裡柔軟滑嫩，咬下時發出清脆聲響。金沙鹹香與腸粉的米香交融，令人回味無窮，是近年興起金沙鹹香美味。由于港式叉燒包太好食，再叫左金黃酥脆的酥皮叉燒包，佢 外皮裹著蜜汁叉燒，一口咬下，甜鹹交融，滿嘴都是港式風情，熱騰騰的餐包，是最誘人的美味記憶。三個点心俱在水準之上。這間新開在牛頭角區點心專門店令我回味傳統香港点心味道，一食就知現場製作，鮮明味道，性價比高。

今早陪完太太去睇物理治療後，到早前在「得寶」新開左間「雄點心」點心店嘆點心鮮蝦脆皮紅米腸：超脆好食潮州粉果同蟹皇燒賣：感覺啲肉味有點太濃味胡椒粉地方算可以，服務唔錯，佢哋見你食完啲點心籠好快手執走

今日與朋友試了一間新開的點心餐廳，環境幾好，光猛寬敞，不會好嘈，係香港飲茶有時會嘈到頭痛，枱與枱之間都有一定空間，可能今日坐到卡位吧。服務不錯，人手充足，不會叫極都無人招呼，試了六款點心，咸水角，清蒸鯪魚球，腸粉，燒賣，鳳爪等等，都有水準，真係超出預期的好，早晨孖寶好似$42。此外，我好喜歡飲茶，這真係好驚喜，連普洱茶都好飲，因為除非高級酒樓，茶通常都唔好飲，我好少寫食評，今次一定要讚下，鼓勵下香港小店的經營者，一定會再光顧。這間雄點心性價比高！

🫖茶位 $6🍴招牌鮮𧎚餃皇 $36皮唔算薄嘅，啲蝦新鮮但偏腍爽，入邊啲筍呢就好爽！咩都係比較偏鹹少少！🍴酥皮焗叉燒包 $30都幾香脆嘅，入邊有啲洋蔥甜甜地叉燒嘅量都足，不過就比較細隻。🍴鮮蝦脆皮紅米腸 $36個鼻係好薄，都好香脆啲蝦都有鹹味爽彈！🍴蟹皇燒賣 $32燒賣都大粒入邊有蝦嘅，口感都係紮實，正正常常！🍴醬皇蒸鳳爪 $26 鳳爪都大隻嘅，正正常常。🍴豉汁蒸排骨 $26排骨都幾大嚿份量都足嘅，比較油少少啦下面有少少南瓜正！🍴鮮竹牛肉球 $26正常都幾軟滑，唔會好重鹼水味，正正常常！🍴菜干排骨粥 $26屋企人叫嘅菜乾粥，都係正常比較清淡！推薦指數: 7/10中午嚟排隊要半個鐘，味道係正常嘅，環境都好乾淨價錢都唔算好貴，都可以支持一下。