影片
港铁粉岭站 A3 出口, 步行约13分钟
继续阅读
电话号码
26680348
营业时间
今日营业
11:30 - 16:00
18:00 - 21:00
星期一
11:30 - 16:00
18:00 - 21:00
星期二
全日休息
星期三至日
11:30 - 16:00
18:00 - 21:00
以上资料只供参考，请与餐厅确认详情
相关文章
讲起联和墟美食，一定有佢份，雄泰嘅海南鸡饭出晒名，好似俾人影到张家朗拎完金牌返HK，就即刻嚟食佢！好多Youtube channel亦有介绍，本身系谂住嚟佢海南鸡饭，当日6点几去到，话1点已经卖晒，唯有下次再试！叫咗同样都出名嘅烧猪肉，等咗20分钟先有，但的确好食，个皮烧到好香脆，d肉肥瘦适中，配埋个酸甜带辣嘅酱好汁好好食，推荐！个猪手饭都几出色，猪手量好多，而且好入味，几香浓，甜甜地咁~至于个冬荫汤粉拣咗虾同金边粉，d虾都几多，系弹牙嘅，d粉好滑，个汤系偏甜唔辣嘅，唔算好惊艳，但都ok~💰价钱参考：- 泰式净脆猪 $55- 冬荫汤粉（虾） $58- 猪手饭 $65- 青柠梳打 $20
继续阅读
粉岭有间好出名既泰国菜叫雄泰，听讲要排队排好耐，我地一行三人约11:45分去到，排 10分钟左右就入到喇！听朋友推介叫左脆猪，仲有手快有手慢无既海南鸡，另外仲叫左虾饼，泰奶咁。果碟脆猪一黎到，香气扑鼻，岩岩炸起仲有油光，个份量唔少。食落口唔油腻，个皮卜卜脆，腩肉亦肥瘦适中，个人觉得仲好食过广东菜既烧腩仔，同埋佢果层皮真系烧得好好，但肉质又唔干果下好野，我估计应该系分开处理先做到咁既效果。海南鸡都无每我失望，鸡肉嫩滑，新鲜无雪味，份量足，基本上系每一枱都叫，应该到下晏就会卖晒。仲有个虾饼都好好食，不过好味程度当然无脆猪同海南鸡咁出色啦。入面既侍应态度都好好，虽然好多人排队，又忙，但系无将呢样压力野转嫁俾食客，今时今日黎讲已经算系咁。埋单价钱亦都好亲民，食到饱饱，我地仲有叫碟菜，三杯野饮，午市时间都唔洗80蚊一个人。值得再帮衬！
继续阅读
前排成日睇到D片介绍联和墟有乜嘢好食, 见呢间出名有海南鸡食仲要有埋烧肉㖞, 咁梗系吸引到我去啦, 我地3个人去到都唔使等位, 可能已经过咗个午市啦, 入到去梗系叫海南鸡饭啦, 点知店员好晦气咁同我哋讲冇㖞, 卖晒㖞, ok 唔紧要即刻转一转叫第二样, 咁就叫两个烧鸡油饭, 一个猪颈肉饭, 跟住又话冇烧鸡油饭, 跟住又话冇油饭, 见你咁晦气, 我都忍唔住同佢讲咁你仲有啲乜嘢系有㗎, 唔答我走咗去, 跟住第二个侍应过嚟, 咁我哋已经决定咗食啲乜咁就落单, 真系要讲句没有期待就没有失望, 我哋最终系叫咗一个烧鸡油饭, 冬阴功汤河, 猪颈肉饭, 白饭比较硬, 硬到un胃, sorry本人食惯软糯嘅米, 鸡算滑, 猪颈肉还可以, 面烧得有小小干, 油饭反而冇咁硬, 都好味嘅, 冬阴功就好似唔系好够味, 汤唔够浓唔觉有虾味, 如果特登去食的话, 请死心, 唔好浪费时间, 如果想比人串下既, 可以去试下, 包你比D长毛飞黑你面~完
继续阅读
香港难得有诚意好好味既泰菜炸虾饼劲足料，新鲜热辣，岩岩炸起，饱满有口感泰式炸脆猪劲好食，个皮超香脆，猪肉肥瘦有层次，肥既位置香而不腻，瘦既位置又唔会干，个酸汁都好夹，出色牛肉船河足料，汤底香浓又唔咸，有牛腩牛丸牛栢叶，河粉索晒个汤，好味猪肉碎饭好好送饭，个猪肉碎调味几好，带少少甜味，正常发挥，再加只太阳蛋，好食泰茶同龙眼冰正常发挥，有泰国既味道同感觉价钱平民，呢个价钱难得食到咁正宗新鲜既泰国菜，味道正宗有诚意，值得食完再食！有惊喜最受欢迎既海南鸡好早就卖晒，希望下次食到！
继续阅读
佢哋嘅泰式脆猪饭同冬阴公汤饭真系令我印象深刻。首先讲讲脆猪饭，呢碗饭上面放咗一片金黄脆口嘅猪肉，外脆内嫩，咬落去嘅时候，口感非常好。猪肉上面有一层香脆嘅皮，咬开之后，肉质鲜嫩，味道浓郁。佢哋用嘅酱汁非常特别，带有一点点甜味同微辣，完美衬托咗猪肉嘅风味。再讲冬阴公汤饭，呢碗饭入面有好多只虾，真系唔少！汤底系经典嘅冬阴公味道，酸酸辣辣，令我一饮就停唔到。虾肉鲜甜，搭配汤底嘅香料，整体味道非常丰富。饭粒吸咗汤汁之后，味道更加突出，每一口都令人感到满足。总括而言，呢两道菜真系值得一试。无论系脆猪嘅口感定系冬阴公汤嘅酸辣，都令我回味无穷。如果你钟意泰国菜，呢间餐厅一定唔可以错过！下次再去嘅时候，我会再试下其他菜式，期待有更多惊喜！
继续阅读