隨變火鍋

营业中

休息中

聽過呢個名好多年，原來而家開咗新舖，個景好靚，望住維港海景，店內空間感好好，食飯勁舒服。以前聽同事講話放工成日去食雞煲，而家除咗雞煲仲有好邊爐今日就先食個雞煲，酸湯豬肚雞煲，用砂鍋上，更有味道，唔係出面一黎就邊爐煲咁求其。其中一欄係手工丸餃，平時自己打邊爐好少食丸，因為大部分買到嘅都係好渣，出到黎就梗係想試招牌手工野，手打芝士墨魚丸，棍打牛筋丸。芝士同墨丸兩溝，都得喎！食開牛筋丸係返唔到轉頭的，又有咬口又多汁！食唔返普通牛丸啦！有膏鵝腸(?)有分有無膏嘅咩？try點少得炸魚皮！識叫就要叫凍豆腐呢d吸湯嘅野大推！牛胸爽！勁重牛味嘅爽爽口感部位！有即叫即食嘅熟食，重口味嘅我要咗孜然牛肉串同羊肉串，佢無孜然羊肉啊，所以咪兩款都叫囉。每樣一串咋嘛，今日係黎打邊爐咖，但勁好食，即叫即燒，又夠重口味！百花韭菜芝麻煎餅，唔知邊度仲有得食！勁薄！外面兩邊全部都係芝麻！超香嘅，入面就全部都係韭菜哈哈，勁好食，似d手工小食咁仲有雪米糍送，開心

📍隨變火鍋（銅鑼灣）朋友話呢間雞煲好好食 我一路都未食過😆今次同屋企人一齊黎食～餐廳環境幾靚 落地大玻璃可以遠眺維港景色🥰呢到唔止有邊爐 仲有串燒食👍🏻▫️ 麻辣雞煲（微辣）我地叫左一隻雞 有紫洋蔥 乾辣椒等配料 叫微辣真係岩岩好 我地兩個都唔係好食得辣 ～食落雞件嫩滑 麻辣湯底都好惹味！▫️脆鯇腩片我屋企人嘅至愛😆打邊爐佢一定要食 夠新鮮 脆鯇片爽口 👍🏻▫️黑松露餃子黑松露餃好飽滿 餃子皮好薄 入口好香黑松露味 🥰▫娃娃菜▫️燒芝士年糕勁中意食佢！係燒唔係炸所以無左油炸果種油膩感 煙煙韌韌加埋芝士嘅咸香 好好食🤤

今日去開港島行街，就同老公去食麻辣火鍋，因為老公最愛吃辣。朋友就向我推介呢間餐廳，因為環境舒服乾淨，而且仲可以望到靚景，打住邊爐睇住靚景，心情更佳。餐廳有多款鍋物可選擇，可以食雞煲、乾鍋煲等，再打邊爐。老公一見到餐牌上有蠔煲，他便說一定要食蠔煲了，而其他食材就我再點選了少少。因為吃乾鍋會再送一個火鍋湯底之後打邊爐的，這樣都唔錯，可以一邊食乾鍋一邊打邊爐。先介紹一下呢個乾鍋醬汁蠔煲，呢個蠔煲果然好足料，入面有超過十隻蠔，而每隻蠔都好飽滿，好肥美肉厚，好正呀。而且鍋煲都可以點選唔同的辣度，由於我吃唔到太辣的口味，所以點了微辣。呢款微辣好香好惹味，吃起來少少辣少少刺激，但又未至於辣到流淚的，所以岩曬唔多食到辣但又想食濃味一點的食客。呢個味道相當之唔錯。同埋蠔真係好鮮，醬汁又好味，每隻蠔都做到外面脆脆，中間仍是嫩滑的口感，一流。乾鍋內除了蠔外，還有一些椰菜花、菜類及年糕，食材全吸入了醬汁，超惹味。之後就介紹一下呢款微辣的麻辣火鍋，呢度既湯都唔少，又有辣度揀。點了少少食材，因為蠔煲份量都不少，我們二人都吃得飽飽。火鍋食材我們點了雲吞皇、蔥爆貢丸及午餐肉。雲吞皇真係好正，好足料，入面有大大隻既鮮蝦

隨變火鍋餐廳名有特色，餐廳環境很舒適，足夠空間感，侍應招待親切有禮。今晚跟朋友上去食飯。我們選了濃湯豬骨湯底，肉件頗多，足夠二人份量，味道好濃郁。另外我們也選擇了新鮮的生蠔。生蠔肉質鮮甜，大大隻，令人十分飽足，價錢亦很合宜。不過不振就是即場即燒的燒肉串，十分之惹味，令人很開胃。最後我們叫了一個公仔麵，打邊爐點可以缺少的一部份就是享受最後的湯底濃郁嘅味道。總結來講，這間餐廳很適合朋友相聚，一邊打邊爐一邊暢談。

隨變火鍋乾鍋醬汁雞色澤油亮，香氣濃郁誘人的乾鍋雞，雞肉軟嫩醇香，吸飽醬汁。乾鍋嘅熱力令雞肉帶有一層煎香嘅效果，份外香辣可口。其他材料包括椰菜花，年糕，芫荽，洋蔥等，十分豐富。火鍋湯底係消暑冬瓜湯消暑冬瓜湯清甜得可以直接當湯飲，冬瓜消暑健康。中和乾鍋醬汁雞嘅濃郁味道。萵筍片萵筍片顏色清綠，口感爽脆，令人感覺舒服。紐西蘭羊肉卷紐西蘭羊肉卷肥瘦比例極佳，肉質嫩滑羶味少。能夠輕鬆烹煮，可以享受獨有的鮮甜肉汁和細緻口感，打邊爐一流，羊肉控必試。四寶餃拼盤打邊爐點少得各種餃，四寶餃拼盤有水餃、雲吞、魚皮餃、韭菜餃。餃肉肥美而肉汁豐富，皮薄餡靚。

來到交通方便的銅鑼灣登龍街VPoint 23樓的隨變火鍋午膳，這店佈置簡單，地方寬敞，枱與枱之間擺放闊落，令人感覺舒適又輕鬆，頗有私隱度；還有最吸睛的落地大玻璃窗，可俯瞰維港一帶景色，既可欣賞美景又可享受佳餚。我先選了至愛的清湯雞煲，要了一隻雞，雞的味道清香可口，肉質幼滑，加上各類配菜，令整道菜更鮮甜。意猶未盡加追新鮮滑牛肉，牛肉新鮮爽口，加上雞湯的香味，更提升了牛肉的鮮味。正當猶豫不决之際，看見餐牌上的午市套餐，立刻追加酸菜魚連白飯套餐，熱氣騰騰的一道菜，有大量芽菜搭配魚片的鮮嫩，味道微微酸辣，魚肉嫩滑芽菜彈牙，用來送飯實是絕配，這裏的午餐可說是豐儉由人，確實吸引，值得一訪。

今日同老友嚟到”隨變火鍋”食晚餐，真係好正！佢地打邊爐外，仲有串燒🍢、涼拌小菜，一邊食一邊飲🍹，不錯選擇！鍋底有兩種：乾鍋&湯鍋!乾鍋選擇：雞、蠔、龍躉背翅、田雞及大腸雞主等，每款併上秘製醬汁，即叫即炒，仲可以加湯再打邊爐，如果想要鴛鴦鍋只需加$50，個人應為呢個鍋適合4-5個人頭，咁會食得多款火鍋配料~湯鍋選擇好特別：饞咀麻辣雞、酸燙豬肚雞、原味清湯雞、滋味花膠雞、花甲雜菌煲、瑤柱冬瓜煲、酸菜魚煲等…💥香辣雞煲(半隻)老友選左香辣雞煲-小辣：醬汁濃郁，香辣得黎又帶有刺激感，味道不似麻辣火鍋般嗆喉，小辣不算太辣；雞件咬落嫩滑，記住要盡快食，以免雞件過熟!! 香辣湯底愈煲愈惹味，熱辣辣的雞肉愈滾愈香濃，令人難以抗拒~💥牛頸脊-小碟牛頸脊好嫩，牛味好重，帶有適量油脂，肉質鮮嫩爽滑，與辣鍋湯底一齊食，絕配!💥鵝腸帶有脂肪，肯定係新鮮絕不是冰鮮! 每條都很寬厚，而且洗得乾淨在鍋中約碌15秒，己經微微髮捲，收縮不算太多，咬落爽口脆身，正!💥田雞(2隻)好少火煱菜單有田雞，仲要係即叫即整；朋友見到上枱時仲郁郁下，即時嚇到企左係度，店員見到好細心，拎走係旁邊話過一陣再上! 田雞白滑肥美，碌起香辣煱中

以前都到過時代廣場旁邊V Point 搵食好幾次， 到 發現好一兩間食火鍋的，但特別想介紹下今日第一次嘗試主力食雞煲的隨變火鍋。座落於23樓的確零舍開揚， 一入場已經見到幾面都是落地大玻璃， 少有的餐廳可以飽覽整個銅鑼灣區。 設計光猛潔淨得來亦都富現代感， 空間同樣闊落舒適。 員工一早已經放好餐牌， 可以隨時點菜。這裏雞煲的款式選擇也很多， 其中辣雞煲已經細緻的分為兩三款， 有的比較濃味或有的相對清淡但麻香特出， 連辣度都有四個層次選擇，亦有一兩款係非雞煲例如酸菜魚煲，花甲 雜菌煲等選擇。今次選的是隨變麻辣雞煲（半隻雞）， 一上枱已經香味撲鼻， 配料包括青椒，洋蔥， 紫洋蔥等， 增加層次， 這些配料炆淋後都非常入味香口， 絕對不可錯過。 但當然雞件先係主角， 非筆墨所能形容的嫩滑， 而且就算煲耐了依然保留到， 同時雞味非常香濃， 有理由懷疑不是冰鮮雞， 雞皮亦沒有多餘肥膏， 配合雞煲辣汁非常惹味。對於兩個人來說吃完雞煲， 已經有少少飽肚感，但還是因為唔想浪費美味煲汁，所以依然叫了少量配料打邊爐， 鴨血幼滑香濃， 烏冬好彈牙，但當中最喜歡要數到即炸響鈴卷， 真的比一般脆口而且豆味香濃，

*炎夏火鍋之選*位於銅鑼灣 V Point 的隨變火鍋，提供了一個風景優美的用餐環境，讓客人們在品嚐美食的同時欣賞維港的美景。餐廳空間寬敞，落地大玻璃設計帶來充足的自然光線，是一個非常舒適、愉悅的用餐體驗。這次用餐，我點了乾鍋醬汁蠔煲和湯底火鍋。其中乾鍋醬汁蠔味道相當不錯，蠔肉鮮嫩多汁的口感，搭配微辣的醬汁，讓人一口接一口地想品嚐。此外，鍋內的小年糕增添了口感的層次，讓人感受到不同的口感和嚼勁。整道菜的味道非常濃郁，讓人回味無窮。火鍋湯底我選擇了消暑冬瓜湯，湯底的金華火腿、瑤柱和冬瓜片的搭配非常恰到好處，湯底口感鮮美，很適合在炎炎夏日裡食用。金華火腿和瑤柱讓湯底更加濃郁，而冬瓜的清甜則平衡了湯底的味道，讓人感受到一種清爽的口感。這樣的湯底非常適合在炎炎夏日裡食用，可以幫助消暑解熱，讓人感到舒適愉悅。火鍋配料有白鱔片、皇帝菜和四寶餃拼盤。其中，白鱔片鮮甜，皇帝菜清爽可口，而四寶餃拼盤則包含了黑松露餃、魚皮餃、韭菜餃和芹菜木耳餃，每種餃子都有其獨特的口感和風味，非常值得一試。總體而言，隨變火鍋提供了優美的用餐環境和美味的菜餚，讓您在享受美食的同時，也能欣賞到壯麗的維港美景。食物的品質和口感

朋友和我在銅鑼灣逛街後，他介紹我去這間「隨變火煱」。位處於23樓，景觀開揚，完全沒有遮擋，餐廳的超大的玻璃窗令人吸引，可以遠遼望到美麗的海景，使我們感到愉快。餐廳是現代感裝修風格，十分有時尚感。乾鍋醬汁雞煲（半隻）$268乾鍋款式頗多，用料講究，無論海鮮類、養生滋補、新派口味，款式好多。我楝了中辣口味，果然辣度恰到好處又香口，不失惹味。放到枱前已經聞到好香雞煲醬汁，麻辣鍋底比坊間吃到的有層次，麻香味同時俱備。配料有椰菜花、紅洋蔥、年糕等。年糕質感不靭而有點柔軟，吸收了鍋內醬汁，美味可口。乾鍋醬汁雞除了放入口感滑嫩，仲非常惹味，雞的份量好多和好新鮮，可能炸過好香口。椰菜是爽脆，加了洋蔥等蔬菜，更加令湯底充滿鮮甜味。我的最愛當然是秘製醬汁，實在太美味，越吃越上癮，整體乾鍋醬汁比想像中出色。每款乾鍋都加配一款精選湯底。我選了「冬瓜瑤柱湯」，湯底富有瑤柱的鮮味，好清甜，配合任何火煱材料也出色。不可錯過手工雲吞王皮薄餡靚，食下去雲吞皮滑溜溜，蝦隻好大隻，好爽口和充滿鮮味，不愧為雲吞王。三星蔥爆漿貢丸貢丸從外觀到放下嘴裏的口感都沒有隱藏它的精美度，外面是彈牙，而裡面的三星蒽融合在一起，蔥油香氣在貢

平時返工太忙，放假都想同老公去食吓好嘢享受一下，老公鍾意打邊爐，於是朋友便介紹了這一間銅鑼灣嘅火鍋店，有無敵海景，食物質素仲好好，於是就同老公去試吓😬一入到餐廳，就俾佢嘅茅台陣吸引到，餐廳環境好寬敞樓底好高，全部窗都係落地玻璃，睇到維港嘅無敵海景，另一邊仲有馬場景，入面仲有兩間VIP房可打通，啱晒一班人或公司聚會，一坐低侍應便很殷勤為我們介紹菜式，原來餐廳嘅招牌菜係乾鍋醬汁雞煲，於是我哋叫咗半隻少辣試吓，點這個煲還送一個湯底，我們點了瑤柱金華火腿冬瓜湯，雞煲好惹味，香辣得來有少少甜，有很多配料包括洋蔥、椰菜、芫荽，而且啲雞肉好滑，連雞胸都唔會鞋，瑤柱冬瓜湯都值得一讚，好清甜足料，入面好多瑤柱同金華火腿，老公打邊爐前仲飲咗2碗😜火鍋菜式方面，廣島蠔大大粒，鮮甜多汁，煮完都唔會縮水，即炸響鈴好新鮮，鬆脆可口，吸收晒湯汁精華好正，雲吞王大大粒，入面嘅蝦肉夠爽夠鮮，配上豬肉同木耳味道好夾，凍豆腐都好正，好似海綿咁吸收晒湯汁嘅精華，皇帝菜好新鮮爽脆，最後食埋隨變粉，滑得來口感Q彈，好有特色，全程侍應服務態度殷勤，不停為我們加水、換碟，值得一讚👍🏻呢間餐廳無論食物、環境、服務都好有水準，唔經唔覺我

登龍街嗰邊好多嘢食，今次去到V Point打邊爐，角落有個落地玻璃位，可以高處望出去，好開揚好chill嘅感覺🌶️隨變麻辣/饞咀麻辣雞煲$208/ 半隻火鍋有8個湯底，要咗中辣雞煲，好似多啲嘢食咁，雞件都幾好食，開頭唔太辣，最後愈食愈辣，加埋湯底打邊爐更加辣🌶️🌶️下次要小辣就夠了🥵🥟手工韮菜餃$38🥟不可錯過手工雲吞王$38雲吞好食，饀料實淨，蝦肉爽口🥢即炸響玲卷$58好食夠脆，索晒湯汁其實幾正🥢蘿蔔$38砌到成朵花咁又幾靚，蘿蔔好薄身🥬娃娃菜$38🍜紅薯粉$23🍋凍檸檬茶$38🥤凍檸檬可樂$38兩杯都勁靚呀😍原來有熊仔造型嘅冰，望到都得意呀🥰🚩隨變火鍋 (銅鑼灣) 📍銅鑼灣登龍街18號V Point 23樓

鐘意食麻辣火鍋嘅我哋今日去左銅鑼灣Vpoint的隨變火鍋。麻辣湯雞煲 一隻 $288微辣的味道非常適中，湯汁濃郁，辣得過癮，好惹味！雞肉嫩滑入味，索晒麻辣湯，每一口都讓人回味無窮😍鵝腸$78鵝腸仲黐住肥膏，口感爽脆❤️，小心變韌，唔好淥得太熟田園拼盤 $88包括娃娃菜、皇帝菜、生菜、雲耳、蕃茄、金菇菜等，都好新鮮。四色餃子拼盤 $68水餃、雲吞、魚皮餃和韭菜餃，每種口味都非常經典，最愛雲吞，爽口彈牙。凍檸茶有隻可愛小bear bear🥰，王老吉清熱，好啱打邊爐飲。P.S 要注意嘅係餐廳會有$20@嘅醬油費

曾經常常去佐敦店隨變火鍋，原來銅鑼灣已經開了分店一段日子了。實在太方便住港島區的我位置於銅鑼灣最多食肆地方登龍街，內裡裝修很高檔，每個角度都望到高居林下的景色，一流亦有VIP 房，私隱度十足menu 十分多選擇，有很多套餐亦有單點選擇，除火鍋外，亦有我喜歡的川式串燒凍檸檬茶可愛冰熊仔，超級大愛，還有超大杯，很抵飲尖椒皮蛋招牌隨變雞煲每次必食的，香濃雞汁湯底，雞肉嫩滑，足料份量，食得滋味炸魚片頭熱辣辣，外脆內軟，魚片非常彈牙，超級好味火鍋配料， 手工精美川式串燒很愛孜然粉的味道，味道燒得香口靚景環境，食物質素高，令我十分滿意

天氣越來越熱，但唔知點解反而好想食辣野，可能因為可以排汗😂😂。難得去銅鑼灣，緊係要試下幾出名既隨變雞煲😋。位置位於銅鑼灣登龍街既V point ，一出𨋢就覺得好舒服，座位好闊落，仲有一大片窗，可以睇到外面既夜景，估唔到食雞煲都咁有格調🥰！第一時間當然叫個隨變麻辣雞煲先，咁重口味既我，一定係試中辣啦😏！果然係有料到，湯底已經見到好多乾辣椒，麻籽，紫洋蔥，辣勁十足！煲左一陣，食啲雞吸收左湯汁既精華，麻麻辣辣咁，真係好惹味，雞肉又唔會好老，越食越過癮😁，喺香港好少有呢種麻辣度，真係一試難忘🤤🤤🤤。隨變麻辣雞煲 半隻 $208再加左幾款配料：四色餃子拼盤 $68餃子同麻辣湯底好夾😋，本身又餃子好新鮮，尤其是韮菜餃味道濃郁，一啖麻辣，一啖韭菜，一種味覺既衝擊👍。新鮮滑牛 $118我自己好鍾意食滑牛，因為新鮮牛肉既口感係好正，又好有牛味，仲要份量唔少，值得推介🤗。葱爆貢丸 四粒 $38貢丸都彈牙，中間有香葱醬，都幾有特色😃。隨變粉 $33我覺得呢度好細心，有個大筲箕俾你用來煮粉，啲粉唔會散晒，加上隨變粉煙韌得嚟又有滑嘟嘟既口感，吸收左湯既辣度，真係好刺激😆。食完真係好滿足🥰，好耐無試過咁過癮，好似