影片
食家推介
招牌菜
曾经系同朋友聚脚点之一，唔知几时开始，食物质素同份量都开始下降，但价钱却升高不少，而且服务仲差左。ps：当时并唔系爆场，得几枱客。而且目测全部都系大陆自由行。汤底正常，但食完口渴。鸡肉还好，都叫对得住个价位。但单点配料ge份量就少得可怜，一碟一份木耳，冬菇成包纸巾咁细， 不敢想像半份系点😥肥牛(小)约＄108一碟，得约莫10片。一碟“新鲜淮山“ ＄48，以前都仲又肥又大又厚身，而家就得6-7条好似树枝咁幼细。3个人，冇叫酒精饮品，埋单都要9百几。落错单，入左电脑冇黎，都唔只一次，不过唔紧要，人总会有犯错ge时候嘛。而更重要ge系，对单时，侍应阿婶竟然同我地讲“洗咩对阿～食好少咋㖞！“ “ne到阿～签啦～“🙄🙄🙄(你想我地食几多牙，包起你成间舖d料好冇？笑😂)落错单可以改反，但对人态度咁样，要人再反转头系冇可能。ne间已经唔会再去，价钱贵又麻麻地好食，更令我反感系侍应态度。同等价钱ge鸡煲，仲有其他更好味，食得更身心舒畅ge选择👍
继续阅读
真系食到好嬲既餐厅，以后Bad List佢事缘系经过湾仔，见到D食评唔错，又有咁多明星帮衬既相，谂住应该唔错啦，点知中晒伏我地叫左个鸡煲，汤底系一半麻辣(微辣)，一半清汤。上到榙果阵系威系势，个煲就好有睇头啦，有龙头系两边，不过滚起既汤底完全无香味，试过个汤底都系无味既，两边都系似滚水加味精粉咁，真系我去超市买个小肥羊既清汤包都好过你。仲有讲起D鸡先嬲，又细又「鞋」又老又多碎骨，仲要劲多鸡颈，完全唔入味既，根本系度浑水摸鱼，伏到喊，唔合格。我地食左一两件鸡，大约系十分钟到，个煲少左水，D侍应即刻加水，加完之后仲淡味，之后要叫人加辣加酱先似返个汤底，真系晒晒D时间同你「淆」汤底，仲衰过买现成汤包好多。成个煲收$118半只鸡，好似唔太贵，不过无味，份量少，个人就觉得极之唔抵。我地之前唔知佢个汤底咁差，仲叫左一份美国肥牛($108)同内蒙肥羊($98)，先讲肉质，只能够讲唔韧，不过牛同羊都无乜味。份量方面每份十片，劲薄更幼，睇图就知几唔抵啦。仲有份冬菇($13)先小家，同包纸巾一样size，都系煲左好耐都唔入味。好彩D串烧几好食，叫左两串羊同鸡皮，仲有送既串烧虾，不过食完个鸡煲都无晒Mood啦，仲食咩，即刻埋单，无食过D咩都$444，我地转去食返个$44既麦当劳仲好食过好多，唔怪得门面贴晒明星相都无人排队，全晚得两三榙客，侍应仲多过客人，下次都系睇真D先帮衬。钱都系事少，野食无质素事大
继续阅读
周街都系鸡煲，依间居然成为电视台、杂志、明星推介为必试鸡煲？一试即刻上瘾！食小辣已经好刺激，成个口都麻哂，再慢慢溢出辣味，食到流汗话明烧烤麻辣店当然要试埋烧烤la，我地叫咗麻辣烧虾，新鲜即烧虾肉劲弹牙豚腩肉脂肪比例啱啱好，搭麻辣食直头满口幸福火锅点少得海鲜，极力大推珍珠蚌！嚟到一定要试，超鲜甜爽口最后食埋吸收哂麻辣汤底嘅薯粉，淀粉质控表示好满足麻辣Fans一定要嚟试试依间明星鸡煲，包你辣到上瘾🌶
继续阅读
鸡煲仲未大行其道时，唔系话周围都有好食嘅，其中随变鸡煲佐敦店都红极一时，一个礼拜总有几晚落去帮衬，佢地嘅鸡煲的而且确几好食几上瘾，仲记得以前好多时都要坐街边，大家都唔介意，一番风味。年纪大左，肠胃唔系十分之好，都少食鸡煲，最近破例喺湾仔分店食左一次，偶然一煲几回味呢几日得十度八度，天气冻，火锅店、鸡煲、烤鱼宁舍受欢迎，平日晚上黎到客人不少，如果冇订位，都恐怕要等。店内位置唔多，座位间布置密麻，墙边有挂钩让客人可以挂起随身物品，而店员都好眼明手快，递上圆櫈仔俾我地放手袋。平日黎食有套餐优惠，麻辣鸡煲半只加手切本地牛颈脊(小)定价$198，如果唔食辣$98可点清汤花甲海虾煲，够哂抵食。部分配料会分为一份/半份，适合人少嘅客人，份量唔洗咁多，又可以试多几款，弹性较高。除左鸡煲，仲有烧烤，好有国内风味。麻辣鸡煲 呢度嘅鸡煲比一般食嘅辣，正常点少辣都够。有别于奇味鸡煲，一品、米走鸡𠮶种，唔系干身，唔系用酱炒起；而本身已经有汤汁煮住，叫埋配料基本上可以即时渌。鲜鸡半只，冇雪藏感，唔叫嫩滑，但都啖啖肉，两个人食份量可以。辣度十足，麻香容易入口，唔会呛喉，而且冇油腻感。手切本地牛颈脊(小)份量唔少啊，所以套餐性价比几高，牛颈脊较肥牛嫩腍有嚼劲，唔会太薄身，配麻辣一流飞一般手打虾滑 $88里面有明显新鲜虾肉，弹牙爽口，相信都好多人点，中途已经听到话沽清，我地都好幸运。不可错过云吞皇 $50云吞一碟有9粒，唔系超市货。size唔细，虾肉比例多，猪肉肥瘦适中，抵deal冻豆腐 $28就好似食麻辣锅要配蜂巢豆腐一样，食鸡煲不能不点。冰冻豆腐砖嘅气孔超吸汁，好惹味。油面根 $28入口唔会太油，都系吸汁料，口感胀卜卜鸡脾菇 $12冬瓜片 $12、娃娃菜 $17随变粉 $28个人打边炉食鸡煲必定要点埋淀粉质先够饱，随变粉睇落有啲似乌冬加薯粉混合，口感腍啲，冇薯粉咁烟韧，几好食。凉拌青瓜 $28食到咁上下，店员就会送上湿纸巾同tempo，小贴心。
继续阅读
嬲到真系唔知从何说起！ 今晚Book左时间打边炉，一入到去，个女职员话「冇位㖞！」我地Book左7点㖞，点解会冇位？？「你地迟到㖞！」迟左几多？5分钟！！ 正常餐厅都是15分钟才cancel你个booking, 而且至少打一次电话问下个客来唔来先比位其他人你间餐厅与别不同，都应该落Booking时提一提你地连一分钟都唔会等挂？？？点解你间铺会仆倒去做两个walk in既生意而去咁样得失啲booking客？难道你真系怕冇生意到呢个地步？？呢次系一次差到冇得再差既用餐经验，好难想像会有人咁样做生意！好不知所谓
继续阅读