陸陸雞煲火鍋 (已結業)

同男朋友慶祝紀念日，咁岩大家都想食雞煲，openrice一下覺得依間評價不錯，就一於食依一間～陸陸雞煲火鍋海鮮套餐，338一位，入面包左好多野食，好方便我地依d諗唔到食咩既懶人🤣🤣🤣一點完野食，就會先上冷盤海螺。係食既期間，店員就會上雞煲。入面有半隻雞，有各種香口配菜，醬汁叫左小辣，唔會話好辣，個汁惹味，雞肉都好嫩，好食👍🏻食完雞煲之後，店員就會上龍蝦湯底，真係有大大隻龍蝦係入面🤩枱面好貼心咁放左不同用具，方便客人起龍蝦肉，龍蝦起左肉之後，個人建議大家可以留返低蝦頭同蝦殻係湯底繼續煲，之後湯底就會有好香好濃既龍蝦味🤤🤤🤤之後仲有不同既火鍋配料，有唔同種類既海鮮，好dum本，唔係比d cheap野，物有所值👍🏻😋仲有肥牛、手打丸、雜菇、響鈴等等，手打丸質感偏淋，冇咩咬口，至於其他配料，正正常常，不過不失。飲品方面叫左西瓜汁，大大杯又抵飲又解渴😛（唔記得影相，飲到最後先記得影😅）總括嚟講，成餐都好好食好滿足，不論係雞煲定邊爐都做得好食，份量好足，食到最後都食唔曬，飽到好似食完放題咁，放題價錢但食到超於放題既食物質素，值得大家一試😋😋😋

呢度嘅收費係按人頭收費，雖然唔係仼食，但都一定夠食！～首先有雞煲，雞煲可以揀唔同嘅辣度。食完雞煲之後就可以加上湯，有龍蝦湯同蟹湯揀。～之後就上海鮮拼盤，有魚蝦蟹鮑魚聖子蚌螺魚蜆生蠔，每樣既份量都好多，又大隻又新鮮！～之後就上肉，有牛柳粒，有豬有牛，份量都係好多！～菜之後有菇有丸有餃有炸魚皮。完全飽到食唔落！～最值得稱讚嘅地方係呢度既服務好好，由一坐低就有侍應安排醬料，之後雞煲都有侍應控制火候同攪勻雞煲。侍應仲會幫手上菜，收碟都好快，唔會逼到成枱都係野。～飲品要另外收費，人頭費唔包，另外仲可以嗌小食，例如雞軟骨、豬頸肉。～落單用iPad,ipad全程跟枱，所以都好方便～

我們一行三人上OpenRice睇下旺角附近有咩好食，無意中見到呢間66居然有四百幾人，咁當然亳無疑問決定去食，點知係完全中伏門口大大隻字寫明如果結帳時支付現金便會贈送生猛海鮮，所以我們決定支付現金。我們在所贈送的海鮮當中選擇了六隻蝦及四隻鮑魚。而店員還說會蒸熟才上枱，我話不用了，因為我們想將所贈送的海鮮放在雞煲內一齊煮，但店員說不可以，咁我們唯有接受啦點知海鮮上枱後我深深明白點解要堅持煮熟才上枱，因為海鮮係絕對不新鮮，看見相片一定深深感覺到點唔新鮮首先講煲所謂既雞煲，由於我們三人都十分喜歡食雞煲，所以我們亳不考慮叫了一隻雞，雞煲一上枱我們已經問店員是否攪錯了，我們叫的是一隻雞，而不是半隻喎，點知店員回答這是一隻雞。果個雞煲如果是一隻雞的份量，咁我肯定隻雞係鵪鶉雞然後我們還點了一些火鍋配料，每碟配料的價錢相比份量真係少得過份，尢其是果碟竹笙，居然要差不多20元一條，真係過份最攪笑我問個男店員點解脆肉鯇魚片會滾得爛，他居然答我脆鯇當然會滾得爛啦！我大大聲話唔係卦，我未食過D脆鯇係會滾得爛喎根住就有個女店員即刻人衝埋黎話唔好意思,可能攪錯了。然後果位女店員就拉開話脆鯇滾得爛果位男店員細細聲同

重回拍拖舊地👫記得同老公拍拖初期有食過陸陸雞煲，印象咁深刻係因為果時我覺得佢好奇怪🙈成餐飯一路食一路望住我😂 講返正題先，5年後再次食依然好味道✨⠀🍲陸陸海鮮套餐 ($338/1位)超級豐富！先食雞煲🐥再食海鮮火鍋！仲有冷盤海螺小食，食物水準不錯同埋極飽啊🤰🏻⠀🐥先講招牌陸陸雞煲～2個人食半隻雞 肉質嫩滑而且入味 醬汁調得夠惹味😋⠀🦀食完雞煲轉海鮮湯打邊爐 有勁大隻蘇格蘭麵包蟹 湯底充滿濃濃蟹味🧡⠀海鮮火鍋拼盤有鮑魚、貴花蚌、廣島蠔、蟶子、海蝦🦐、 蜆&魚片 每樣都新鮮👍🏻⠀肉類有肥牛、牛柳粒、豬肉片🐮🐷脂肪分佈平均同嫩滑⠀自家手打牛丸、墨丸,&豬肉丸里度嘅丸類就比較一般⠀🥟餃子類有雲吞、水餃、白菜餃、魚皮餃款式多 岩唒有唔同口味既人⠀炸魚皮&自家炸響鈴 夠脆⠀🍄茹拼盤&鮮菜籃🥬新鮮乾淨✨吸唒海鮮湯既精華☺️⠀🍹特大鮮柞西瓜汁($34)原汁原味鮮柞✨每一啖都飲到好rich嘅西瓜汁🍉💦超級解膩 勁大杯之下我地仲encore多一杯🥰⠀.陸陸雞煲火鍋旺角白布街16號.#gfood_mongkok#gfoodglife

餐廳就在旺角白布街那邊，店面看起來小小非常濶絡又好座，裝潢新潮大部分的人都點這個雞煲海鮮套餐，每位$298，飲品另計飲料有汽水啤酒，這裡的伙計服務超好，不用CALL也會自動來服務花螺前菜不用加錢，味道好惹味雞煲很正,真係會一試愛上，未食已經聞到陣陣香味，雞煲我點上中辣覺得味道剛好雞肉好入味，好嫩滑又無骨!不一會店員送上了湯底!嘩!用上原隻龍蝦來做湯底，好豪龍蝦很彈牙，充滿龍蝦的鮮味，而部分的龍蝦味落入湯底入面不一會店員又送上海鮮海鮮盤了，原來每一日供應的海鮮都會有些不同鮑魚是生的而且好大只大蝦!足足成只手那麼大珍寶級的帶子和蚌帶子食起來很鮮甜，記緊要小心火喉，過火就會浪費食物了!蟶子皇SIZE之大令人興奮，食起來爽口餐還包括了一份牛肩胛，看到鮮艷的顏色都知是上貨,煮一下帶點粉紅色，肉質食起來不會老，而牛肉本身不是很肥的那種，食起來比較健康，而且肉味很濃手打丸包括有手打墨魚丸，尤魚丸和豬肉丸口感也很彈牙還有一系列的水餃和雲吞，都是真材實料 原隻龍蝦加上會郁既鮑魚打邊爐，聽落好豪，其實都係300多一點就可以!

呢間餐廳幾年前佢仲係舊舖既時候食過一次，記得啲味道都唔錯，今次朋友相約我再次來到這間餐廳，又可以一嘗這裡雞煲的味道！這間餐廳共有兩層，我們二人坐地下那層，一入門口就見到白兵係門口做接待，幾特別！看見這裡有個先食雞煲後打邊爐的套餐好似幾抵食，所以就叫黎試下！這個套餐包了雞煲、麵包蟹沙底邊爐、海鮮拼盤、炸魚皮、響鈴、豬肉牛肉、丸等等，食到超飽！雞煲點了bb辣，因為有小小唔舒服，所以冇叫太辣，bb辣都唔會冇哂辣味，仲有少少麻辣，食得過癮！雞煲黎左只需要等一陣，店員會幫忙整！雞煲內除了雞，還有紫洋蔥、芹菜等較香口的蔬菜，雞件唔會太細件而且都算幾多，而且夠入味！麵包蟹湯底邊爐，食完雞煲可以請店員幫忙收起雞煲，好快便呈上超香蟹味的湯底，湯入面有一隻都幾大隻既麵包蟹，好多膏，所以個湯超甜超香，友人唔小心都飲左一碗！海鮮拼盤，海鮮拼盤包括有海鮮、蟶子、生蠔、花甲、蜆、螺等，海鮮都好新鮮，爽口彈牙鮮甜！美國肥牛、豬肉片、牛柳粒，因為兩個人，所以份量唔算好多，但係已經好足夠！豬肉片幾有豬味，牛柳粒牛肉味濃，唔會好韌！手打肉丸、魚皮餃、豬肉餃、水餃等，肉丸食得出係自己整而唔係用機整的，牛味豬肉味會較濃。餃類

今晚約咗個朋友吹水，想打邊爐又要坐得耐，我朋友介紹去呢間食火鍋，因為叫套餐冇限時可以任坐，所以我地就叫咗陸陸海鮮套餐。雖然唔係任食，但呢個餐都包咗好多款式嘅火鍋配料同海鮮。入到呢間火鍋店，入面d裝修都好in好有特色。首先黎個冷盤小食，係花螺，點少少佢地嘅醬油食，好鮮味好爽口，螺肉又唔硬，肉好嫩。雞煲-我地叫咗中辣，上枱已經勁香，d醬汁好惹味，雞肉好嫩滑，仲有好多配菜一齊煮雞煲，d配菜都好好食，由其是洋蔥。原隻蘇格蘭麵包蟹海鮮湯-個湯底真係好香濃，好鮮味，入面真係有成隻蟹、番茄同粟米一齊煮湯底，所以個湯真係鮮甜無比，隻蟹真係勁大隻，呢個湯底真係好出色。海鮮拼盤包括有鮑魚、貴妃蚌、刀貝，大蜆、聖子、海蝦、魚片同廣島蠔，呢個海鮮盤海鮮款式都唔少，樣樣海鮮都好新鮮，好鮮甜，由其是鮑魚同聖子非常出色，鮑魚肉厚，非常爽口鮮甜，而聖子係聖子王，成隻手掌咁長，煮幾分鐘，食落好鮮，好爽口，成個拼盤d海鮮都好好食。美國肥牛、牛柳粒、豬肉片-肥牛同豬肉片肥瘦適中，唔會覺得好油膩，而牛柳粒，食落好juice,一d都唔鞋口。手打牛丸、貢丸、墨魚丸-全部都係自家制呢幾款丸，好彈牙好爽口，而貢丸比較特別，出面好少有

晚餐時間在旺角白布街見到呢間雞煲店，每人338就有超級豐富既海鮮火鍋加雞煲今晚就係佢啦！餐廳裝修幾有趣，色彩繽紛，應該是主打年輕人市場用現金埋單仲有優惠由於我地係門口已經被雞煲火鍋海鮮套餐吸引左，所以入到黎都冇睇menu就決定食果個首先會有東風螺作為前菜這裡的醬汁都幾好吃好快，雞煲就上台啦店員會幫我地計時以及攪拌，我地只需等食就得👍🏻這裡的雞煲沒有不辣的，最低都係BB辣🌶️雞煲非常惹味，還有大量配菜，好正食完雞煲之後，並唔係就咁係雞煲加稅打邊爐，反而係另外上左個湯底，裡面有一大隻麵包蟹！蟹的份量很多，而且還有膏海鮮拼盤非常壯觀，有聖子、廣島蠔、鮑魚、貴妃蚌、海蝦等等，每樣都新鮮，其中貴妃蚌同聖子最鮮甜，好抵食除左海鮮，還有咁多火鍋配料！完全食唔曬真係超級豐富手打丸拼盤以及餃子拼盤完全想像唔到咁多嘢食每人都只係338...D份量根本足夠三個人食，超值

舊同學相約去旺角陸陸雞煲火鍋食品晚餐，餐廳樓分兩層，主打雞煲火鍋，尤其是海鮮，每日新鮮運到，特別鮮美。我們選了選了這套餐，有豐富的海鮮和火鍋配料。冷盤花螺小食爽口，之後做火鍋指定動作-混醬！陸陸雞煲，辣度選了BB辣，上枱後，侍應替我們用多種香料和料頭爆炒雞件，攪拌均勻特製醬汁，廠雞肉鮮嫩入味，味道惹味。原隻波士頓龍蝦湯：食完雞煲再食火鍋，湯底蕃茄味清甜，原度龍蝦好彈牙。海鮮火鍋拼盤：用冰底墊住上，豐富的海像一座小山，有鮑魚、貴妃蚌、廣島蠔、蟶子、蜆、魚片。因為確保新鮮，海鮮不設指定。海鮮鮮甜，爽口彈牙。肉類有：頂級美國肥牛、牛柳粒、豬肉片。新鮮薄切z肉味香濃好新鮮。自家手打丸：手打牛丸、手打墨丸、手打豬肉丸。手打丸比較有口感。餃子：魚皮餃、雲吞、水餃、白菜豬肉餃，細細粒，一口一粒，皮薄餡料新鮮。自家炸響鈴，吸收了湯汁後，豆香味和蕃茄湯味混合一齊，特別好味。炸魚皮香脆可口。鮮菜籃：多種新鮮蔬菜好淸甜。菇菌類拼盤：全部新鮮，非一般乾菌，除了有爽口的口感，還有菇菌的清香。

閏密病左一排, 好返後話要食餐最愛既雞煲+邊爐賀一賀佢, 我當然冇問題啦, 就返大家方便返屋企, 所以揀左旺角陸陸雞煲。.訂左檯7:30pm, 我早左少少到, 侍應招呼我入座後介紹而家餐廳做緊一個「陸陸雞煲火鍋海鮮套餐」, 先食雞煲, 然後再食海鮮邊爐, 而湯底更加係原隻蘇格蘭麵包蟹海鮮湯, 聽到都流口水, 所以冇等佢, 我已嗌左呢個套餐, 哈哈。.冷盤率先上桌, 白灼海螺配微辣豉油, 原汁原味, 而且好大份~ 到半個主角雞煲出場, 放低後我地只需要等食, 焗炒過程由侍應負責, 佢亦好細心冇話唔記得左我地走左去, 等左幾分鐘就食得, 一打開蓋香味已經撲出黎, 即刻起筷, 雞肉放入口由於索哂啲汁, 所以好入味, 而且時間掌握得好所以啲肉唔好過熟鞋口, 另外份量亦適中唔會太多搞到食唔到之後既食物, 特別一提既係記得食埋啲配菜, 入哂味好好食。.食完雞煲, 就到另一位主角出場, 麵包蟹海鮮湯打邊爐, 湯底一出, 我地已「嘩」左出聲, 好大隻麵包蟹丫, 仲好多膏添, 啖啖膏冇得頂, 淨係食隻蟹都用左唔小時間~ 至於海鮮拼盤有鮑魚、貴妃蚌、廣島蠔、蟶子、蜆、海蝦、魚片 (如果你有4個人以上仲

同老公出旺角買相機鏡頭，買完時間尚早，又諗起雞煲打邊爐，66雞煲上次晏咗又冇book位食唔到，今日早早地碰下運氣，好好彩，仲有一張二人枱，連埋我哋，今晚full曬。店員推介雞煲火鍋海鮮套餐，都好，老公鍾意海鮮，樣樣有，兩個人食可以試多啲。先嚟前菜花螺，凍食鮮甜爽口。然後混好醬，準備作戰。雞煲揀咗BB辣，上枱後店員幫忙炒炒炒，確保每件雞都沾上濃汁，配料好豐富，包括紫洋葱、唐芹、芫茜、辣椒、青椒、薑、葱……，雞件好滑，汁嘅味道濃而不鹹，越食越惹味，喜歡吃濃味的我真的好喜歡。食完雞煲，店員幫我哋換上打邊爐嘅鍋，是一個蟹鍋，未打開蓋已經聞到一陣陣好香嘅蟹味，裏面有一隻好大嘅蟹，打開蓋，蟹嘅香味更加撲鼻。海鮮拼盤包括鮑魚、貴妃蚌、廣島蠔、蟶子、大蜆、海蝦、螺、魚片，海鮮好新鮮，先吃蟶子皇，勁大隻，肉質爽口，老公最喜歡這個；海蝦勁新鮮，蝦肉爽甜；鮑魚勁大隻，厚肉鮮甜；廣島蠔都唔錯，再多兩隻更理想。隻大蟹有好多膏，成個湯滾住都係蟹膏， 蟹肉香甜，蟹蓋內都有好多膏，落手落腳食到大家舐舐脷。其他火鍋材料包括美國肥牛、牛柳粒、豬肉片，夠肥夠香，牛柳粒淥耐咗都唔韌。仲有手打牛丸、手打墨魚丸同手打豬肉丸，手打

今日同男朋友出去旺角食飯，男朋友好想食雞煲，行過附近見到有間新開嘅餐廳，就一於入去試吓啦😂😂😂一打開餐牌，就係見到好貼心嘅提示，啱晒我易啲人😂😂我哋叫咗架$338嘅套餐，有雞煲又有得打邊爐❤️❤️👍🏼👍🏼👍🏼嘩好大煲雞煲！雖然我不留唔係好鍾意食，但係依個雞煲令到我改觀！啲雞好好滑❤️❤️❤️，又好入味😀😀食完雞煲就會送上海鮮拼盤，乜都有，又新鮮😀😀😀👍🏼👍🏼最後一定要提一提佢杯西瓜汁，30幾蚊就有咁大杯，抵到爛啦👍🏼👍🏼😂😂😂

好不容易到年中， 一行4人可以有很多選擇。大熱天時，朋友竟然建議不如去打邊爐？我地最終去旺角，食陸陸雞煲火鍋，入到去冷氣好夠，一年四季打邊爐都可以。我地叫左陸陸雞煲火鍋海鮮套餐 $338 每位。先上的就是辣雞煲提一提神，雞塊比其他大店少骨，而且雞塊數量也不少，叫左bb辣，輕微可接受的辣度，好惹味，唔會太乾太熱氣。服務是超好，換骨碟很快，上菜也很快，三兩手腳就換煲開始打邊爐。海鮮火鍋拼盤的海鮮量果真不少，鋪滿整張檯，鮑魚，貴妃蚌、廣島蠔、蟶子都沒有沙、沒有異味，其他有海蝦、魚片、蟹，海鮮都新鮮。湯底是龍蝦湯，4位以上會湯底會有蟹非龍蝦，也算是不錯，淡淡的龍蝦湯，沒有蓋過海鮮鮮味。已經半飽的我們還有肉丸跟水餃要消滅，有手打牛丸、墨丸和豬肉丸，肉丸雖說是手打，但口感就一般，略嫌太硬不彈牙；另外有水餃、魚皮餃和雲呑。別以為海鮮鍋只有海鮮，還有頂級美國肥牛、牛柳粒和豬肉片不能少，品質尚可。配菜還有我們最愛的炸魚皮與響鈴，淥幾秒就要食喇。菇菌類拼盤有超多不同種類的菇，起碼有7款，不錯！另外鮮菜籃也是，吃多些蔬菜感覺多少些罪惡感。打邊爐最怕就是一身食物味，幸好此鋪抽風系統不錯，打邊爐時也不是太大煙，

今日係旺角嗰邊買完嘢， 行到去白布街嗰邊有好多好嘢食， 見到［陸陸］，雞煲癮又發作。😁得我同老公兩人唔會散叫，當然係點套餐。《陸陸雞煲海鮮火鍋套餐》每位$338好豐富，有雞煲海鮮火鍋和各款特選火鍋料！😍前菜有白灼花螺 幾爽口!香噴噴嘅雞煲， 選了BB辣， 高溫爆香洋蔥，紅洋蔥，芫茜，各式香料和充滿秘製醬汁嘅雞件， 惹味爆曬燈。 一件接一件係停唔到口～～ 兩個人係可以食清呢個煲裏所有雞件😋😋😁轉頭放低咗套餐包括嘅一盤海鮮拼盤， 款款新鮮。 有巨型嘅貴妃蚌， 非常爽甜， 海蝦亦鮮甜彈牙。 蟶子皇爽口肉夠厚。 用脆肉鯇魚片砌出兩朵花， 唔易散。仲有兩隻手掌咁大嘅鮮鮑魚， 大件到好似食麵包咁， 用咗較剪剪開一塊塊， 同樣鮮甜彈牙。 主角出場＞＞原隻龍蝦湯底。拆開龍蝦肉， 肉質彈牙不過比較鹹。 湯底充滿蝦味， 仲有唔少嘅大肉茄。😋菇類拼盤， 種類非常豐富 而且排得好靚， 有鮮冬菇，雞髀菇，秀珍菇，金菇， 本菇，大蘑菇。自家炸響鈴， 輕渌幾秒仲保持到小小脆口！炸魚皮，夠厚夠脆。肉類方面有美國牛肩胛，豬腩片，牛柳粒。 牛肉夠嫩，冇渣，肥瘦適中。👍 牛柳粒就只得三粒， 咬落有油花，夠香囗。丸類主要有梅

今晚喺旺角搵食，忽然想打邊爐，上網見到呢間陸陸雞煲評價唔錯。去到白布街好易就搵到呢到，一入到就見到別有心思既裝修！我相信係搵咗人親手畫畫上牆！侍應亦好有禮貌帶我地入位，可能時間尚早，七點左右，全鋪都只係得我地一枱，我同朋友就嗌咗海鮮拼盤套餐。好快，雞煲就上咗枱。侍應好有心咁同我地講，要等多一陣，等水滾後會再幫我地撈，叫我地混醬先。當然啦，不論雞煲同邊爐，最緊要都係啲混醬吖嘛！呢到啲醬既質素都唔錯。過咗一陣，水滾，侍應就過咗嚟幫我地撈雞，然後叫我地慢慢食。當然我就急不及待試下啲雞啦，啲雞jl算多肉，同埋好滑！唔會好似一般au雞煲，有好多連勁大舊骨又冇咩肉。而且啲雞超入味，嗌咗bb辣既都唔算太辣！好味！食完雞，有三四成飽喇，就叫侍應上邊爐。本身我預計佢會直接落龍蝦湯落雞煲到，點知佢地收咗個雞煲，過咗陣就上咗一盤新既龍蝦湯。我望到入面仲有成隻全龍蝦嫁！侍應仲讚我地識嗌呀，有全隻龍蝦做湯嫁！我就順便叫咗一瓶竹蔗茅根水下下火！之後就陸續上咗海鮮拼盤，肉，丸同菜。本身都算大食既我，食完海鮮果輪已經有八成飽。因為佢又有鮑魚，聖子，大蜆等等。丸就有好入味既牛丸，魚皮餃果啲，食到呢到我已經頂哂肚。煮多少