陸她娜豬髀飯專門店 (已搬遷) 新店位置

今又遊遊吓又行到嚟呢邊，見到門口寫住招牌豬脾，就即刻諗起好多骨膠原一嚟就馬上落個招牌豬脾飯先!呢道地方細細，無咩特別裝修，2點半左右人唔多，得2到3個客人開緊餐。等左幾分鐘就有得食喇!份量都大嘅，有啲菜同咸酸菜墊底，半隻鹵過既雞蛋同5大片豬脾肉。餐牌上寫用秘制鹵水汁，個人感覺入口鹵汁偏淡，食唔出有咩香料係個汁裡面，個飯都爽身，配上咸酸菜都ok。至於個招牌豬脾有少少失望，味道尚可，豬皮部份都腍嘅，但肉質就好肉煮耐咗小小咁，無咩彈性啲肉，配上泰式辣汁整體個味先豐富返小小……唔知係咪配合返香港人口味，我完全感覺唔到我係食緊泰菜加6蚊有杯凍飲，叫咗杯奶茶，其實我係咪食緊港式茶餐廳?

晚上到華都一帶覓食, 本來想去小巴黎, 途經見到陸她娜, 很特別的店名, 很有特色的小店, 原來是吃泰國菜, 感覺似乎幾地道。豬脾飯吸引了我們入去, 剛進去時沒有客人, 後來陸陸續續有不少街坊光顧。有飯類、河粉、撈麵等, 價錢都好相宜。還可加$4-$8配飲品, 抵飲啦!招牌豬脾飯 $45豬脾已經拆肉, 食得好方便, 肉質真很嫩滑, 好軟淋, 又入味, 份量唔少。底下的飯有少少汁, 個味好有泰式風情, 但係唔辣的。仲配左幾條菜, 感覺健康D!彩虹湯河 $47湯底呢隻橙紅色, 確是少見, 飲落有醋味同辣辣地, 應該係天然醋色, 不是色素。河粉有點碎, 配料都幾多, 有豬紅、魚片、魚蛋、魷魚、豆卜, 仲見到片日式的鳴門卷, 有點FUSION感, 又似車仔麵。個味道又幾泰式, 有點去了泰國食野的感覺, 可以止下泰國癮!飲品係熱柚子蜜、熱菜蜜 (各+$4), 兩者都好夠味, 有些餐廳可能孤寒, 會溝到飲品好淡, 但這個就不會。個人不太喜歡杯子全黑, 看不到裡面情況, 少左安全感, 講句唔好聽, 裡面有浮游生物都睇唔到。兩個人食飽飽才 $90埋單, 又一經濟實惠飯堂之選, 日後可以多點來幫襯, 也

來到屯門市中心找地方食午飯，而且是一個人的時間，我又秉承我尋找隱世的味道的主義，在屯門的生活小區尋食。在市中心區，好多大都以為只有大型商場，飲飲食食的話，就只有連鎖食店。這樣想的話，邏輯上是對的，但不要忘記，大會堂那一邊尚有兩個小型的商場，而我尋食的步伐，也就以那一邊的商場為主，結果我來到了華都商場，在本地居民才會穿插的華都商場地下，讓我找到這一家名叫《陸她娜》的泰國小飯店。人流很高的店，不過大都是附近街坊來買外賣飯盒的，一盒一盒的豬脾飯，雞飯地賣走，甚是興旺。不過，店子小座位不多，而我是到後來上了商場二樓行逛時才知道，這店在二樓的同一位置舖，另有座位，相信晚市才會全面開放，而樓上更揚名是做泰式小菜的，而不是簡單的碟頭飯。聽店女主人同廚房的談話，已經讓人知道這是一間由旅港泰僑開的食店，單是在我們的帳單上，是中、泰文對照的，已經知道，這是為方便在這店工作的泰國人而設。豬脾加雞飯，是我的選擇，汁煮的豬脾，很腍也很香，豬脾的皮十分之香滑，也有少少像我在大陸工作時喜歡食的隆江豬腳飯的一樣，再者，汁是帶甜的，加一點的魚露，更是香口惹味。另外的雞件，就是我們慣食的海南雞風格，入口嫩滑而無骨，雞味好

今日lunch同 同事外賣 叫左呢間係華都花園既【陸她娜豬脾飯專門店】之前 lunch 都有叫過 覺得都ok既 所以今次先再叫多次 。點知今次打過去 態度好差 我地叫左 2份豬肉碎生菜包 同1碗冬陰湯河 。職員話冇人送外賣 要等耐啲 咁我地知星期日忙 ok 。等左剛剛好一個鐘。外賣到。 一打開個蓋 我同我同事都呆左 2份生菜包既份量比之前叫既一半都冇 我諗大概包2次就冇哂 咁同事就打反去問啦 職員話： 真係火到黎 我地心諗你吾換都吹你吾脹。算啦諗住小有小食。比左百幾蚊 吾通吾食咩。點知食一啖就知賴野 成個生菜包都係用魚露沉住。咸到根本食唔到 132蚊 一個lunch全部掉哂。第一次對一間餐廳咁不滿 真係好嬲！ 呢間野 我地即刻bad list咗 冇第二次！

今天特然心血來潮想食豬脾飯，就同朋友搵到呢間《陸她娜豬脾專門店》，講到明食豬脾應該有d水準啦！須然地方不算太大，只有十幾個位，比人感覺總算齊齊整整，服務員態度親切，因我地只得2個女子又食得唔多，店員有介紹我地食咩！我又唔想食得太肥，甘我地就叫左豬脾飯啦！加生菜包，生菜都好新鮮唔會梅梅爛爛個種。肉又唔會太鹹，配埋生菜咪道岩岩好！豬脾當然好好食啦！肉又淋又夠咪，一d都唔鹹。其實我重想食蒜蓉包，但真係驚食唔曬好浪費，我地最後叫左生蝦，超正，我重叫左三色冰，我覺得有少少甜，下次可以叫佢唔好甘甜！其實重有好多野想試，不過實在太飽啦！下次會再黎食

是日，將軍生日所以打算食泰國菜，都有一段時間冇食泰國菜了。本來打算到小曼谷吃泰菜，但是這幾天紅日必定有好多人潮聖，所以我提議轉埸免得要等上一至兩個鐘！在openrice找到這家泰菜，雖然沒有太多食評，但見似不俗，華都又近又就腳，所以就來一試吧！價格雖比小曼谷貴些小，但對大眾泰菜這算是平價吧！竟然生蝦身刺也只是$68，那麼平可以計較甚麼！！坐下不久，有店員拿餐具，meun就在枱面。冬陰公$68 生蝦$68 金邊粉$52 生菜包$68 串燒$68 炒通菜$52 珍多冰$20 平均每道菜只是50多塊珍多冰$20 在馬來西亞吃過珍多冰的甜品 有種念念不忘既感覺，香港食唔返的感覺。這珍多冰椰汁很重， 加上綠色粉條(印尼傳統珍多冰之粉條乃用加入色素的綠豆粉所製成)。加上冰有少少稀釋了椰漿味。生蝦刺身 $68 六十幾蚊有十隻大大隻既蝦，係邊渡可以搵到？個外型好似個大菠蘿，啲蝦都好爽口，大隻就夠曬，完全唔會有雪味，個底既冰係用保鮮紙包到成個波咁，可以保持凍住個蝦。個醬係青辣椒同辣椒仔製成，個辣度一流，仲要個生蒜片係夠曬辣。冬蔭功 (細) $68 冬蔭功竟有四隻大蝦，足料程度可想而知，仲要蝦

見佢同一商場開兩間，就試下佢係咪咁得啦咁就係地下個間買左豬脾飯…豬肉生菜包…同上層先有既蒜蓉包啦好好食…包身軟，個醬又好香…必食豬脾夠淋…個汁好正肉碎好食呀…生菜夠新鮮，不過叫左少辣，都好辣囉…但堅好食既

最近發現一間泰國料理小店，好似只是開了半年左右，同事話樓上仲有一間分店,我較為愛來地下這間多些 ,今次點了香矛雞亦飯(38元),熱飲加5元 我加熱奶茶，這間店地方不大,有些小迫感覺，價錢稍貴,我覺得整得幾好味,華都商場食店差不多幾乎光顧了好多間，我的午餐集中在華都揾食為主，呢間叫陸她娜泰國小店覺得不錯呀,服務都OK,店員寫單好快手,香矛雞亦整得好入味,它用雞中亦,我覺得十分好味,有4隻咁多,有些食店只俾2隻呀,奶茶就一般啦 華都地下以小店為主，我光顧小店多些，陸她娜價錢不算最貴，亦不是好平個隻,它的價錢應該是中下,平均41元左右，環境只是普通啦,相比上次去元朗個間泰國料理，我覺得陸她娜好吃好多，又抵食好多，當然環境比唔上,我覺得陸她娜服務同食物肯定好好多啦,它的店鋪地方不大,勝在有小店特色，泰國料理在屯門市中心選擇亦不多，只有這間同屯門時代廣場另一間，我覺得陸她娜比屯市另一間好吃好多，我間中紎去光顧陸她娜味道:香矛雞亦整得好好吃，十分入味呀,又不會有太咸感覺，奶茶就一般啦,整體幾好吃，我全碟吃完，白飯份量剛剛好啦,白飯又不會太硬,我好怕吃到太硬白飯感覺似唔熟，軟熟剛剛好環境:地方

第一次寫食評。 食左陸她娜3次，通常都係睇戲前約食飯，就揀左呢間小店食。坐位不多。只有10多個。 不過店員態度都好親切，會介紹下佢的推薦的特色美食。我自已好中意食生菜包，呢到有個清邁肉碎包同出面食開生菜包好唔同。係加左一些豬的內臟。而且味道都不會過咸過濃味。較得岩岩好。 亦食過佢的蝦餅，都好彈牙。正！ 仲有呢到有一d香港比較少見的特色粉面，改個名都好搞笑。遊船河，彩虹湯河呀，都係比較街頭風的泰國美食。 今日食埋佢的青咖喱豬飯。雖然咖喱中只有薯仔同豬，不過咖喱煮得很香很惹味。而我中意佢d豬肉似係用左西施肉，食落肉質係爽的。而且$38算係平啦。 市中心愈來愈少d細店，大家多多幫襯下佢地啦

之前o係葵芳食過豬髀飯～ 上左癮～ 偶然o係OP見到呢間打正旗號名為''豬髀飯專門店''既餐廳～ 即刻雙眼發光～  其實自從舊年去完2次曼谷返黎～ 到依家起碼有半年冇食過泰國野～ 可能食厭左～ haha～今次再撘足泰國餐廳～ 依舊不減對泰國野食既熱情～ 因為雖然得2頁A4紙既menu～ 但好多野都想食～  今次目標係豬髀飯～ 所以放棄左湯粉麵+炸豬皮～ 留返下次先試～ 千挑萬選下～ 嗌左 招牌豬髀飯 ($40)，大蝦柚子沙律 ($48)，炸蝦餅 ($48)，青檸梳打(叫粉麵飯+$8就得，正價$18)～ 招牌豬髀飯 - 豬髀數量唔算少～ 睇落肥肥地，但食落又唔覺～ 肉質唔鞋，加埋泰式辣汁好惹味～ 食完一舊又一舊～(上菜果陣，侍應姐姐好窩心提醒可以用調味架供應既辣汁提升味道～ 果然比原味鹵水汁美味～) 大蝦柚子沙律 - 酸酸甜甜好開胃～ 如果份量多d就好喇～  炸蝦餅 - 新鮮熱辣炸起又點會唔好食～ haha～青檸梳打 - 薄薄2片青檸，唔夠檸味～ 如果多1-2塊就好喇～ 食飽飽對住個牙籤桶玩左一輪～ 揭唔開又推唔郁～ 原來係㩒中間，跟住個蓋就會升上黎～ d牙籤就好似開花咁～ 未夠