陳茶館芋圓甜品專門店 (馬頭圍道)

营业中

休息中

作為土瓜灣街坊多年熹記一直都係我地嘅甜品首選👍🏻👍🏻所以熹記改咗做陳茶館之後當然要嚟試試佢啦！呢期見陳茶館推緊開心果同黑芝麻嘅芋圓甜品作為芝麻同開心果愛好者梗係要叫晒兩個嚟食啦🥰兩隻嘅口感都好似開心果嘅碎碎比芝麻糊嘅朱古力碎碎有口感但芝麻糊味濃啲，好啱芝麻愛好者👍🏻不過開心果糊都好好味！兩者都唔會死甜或過甜好啱鍾意清新口味嘅人🙆🏻‍♂️長輩食都唔怕負擔重啦最有趣嘅其實係佢附送嘅卡仔竟然係MK體😂😂😂好有Y2K嘅情懷啊！

當天假日下午三點，堂食客人不多。1)但等一個甜品等了15分鐘。 台面上，上一組客人食剩的甜品在這15分鐘期間都沒有員工來執拾。 在等候期間，看到收據上指繁忙時間只限入座30分鐘。 在非繁忙時間等甜品時間都等了15分鐘！ 如果在繁忙時間，等一個甜品的時間很大可能多於15分鐘？ 請問享用時間會剩低幾多呢？2)再者， 員工又唔執台。 我一人無奈被迫坐在無其他客人揀的兩張二人台度。 當有新客人到的時候，又要求我調台。 那客人進店時，好應該有個員工帶客人坐相應位置。這樣會令客人唔使咁麻煩！3)員工態度差～ 收銀員工不禮貌，指出不收現金時的語氣差令人難受～4)仙草並不是仙草是涼粉。與預期有落差。不如直接在菜單上如實寫上涼粉。5) 唯一好的是芋圓出色及上甜品員工好好態度 !黑糖的甜品會提醒你要攪勻才好享用！總結： 甜品不是十分出色，等候時間久，對待客人態度不友善。 不會再想幫襯！

最近香港掀起開心果熱潮，好多食店都紛紛推出以開心果為主題嘅產品，而陳茶館這間已芋圓為主題的甜品店亦不例外，推出咗兩款開心果甜品。今次試嘅係其中一款開心果甜品-開心果雪燕西米露。呢款甜品放咗濃燶嘅開心果醬喺西米露上面，開心果醬嘅量絕不吝嗇，而且仲有開心果碎喺上面，當然甜品入邊亦都包括陳茶館嘅招牌芋圓。甜品食落口感非常豐富，脆口嘅有開心果碎，煙靭嘅有芋圓，又滑嘅有雪燕同埋西米，開心果醬亦都令成款西米露有好香嘅開心果味，而且唔係人工嘅開心果味。而店員嘅服務都算友善，知道我哋怕冷氣大風，亦都安排咗一個冇咁大風嘅座位俾我哋

由佢以前熙記食到而家變成陳茶館，一直都覺得呢間嘅芋圓質素高，如果鍾意食西瓜佢嘅西瓜大滿貫一次過可以滿足到想食西瓜，芋圓，同奶茶底嘅慾望。試咗一次開心果，覺得佢嘅開心果碎非常香，而開心果湯底就不過不失。但呢到嘅芋圓真係好食，有芋頭味又有番薯味。

落單：比個外賣電話快過我，結果我起碼等咗佢3分鐘先落完單，然後到我落單鋪面：時間21:07基本上坐咗七至八成滿仲有一張六人枱同埋一張二人枱食物：我叫咗個熱嘅木瓜桃膠燉雪耳，一個燉雪耳好基本嘅係我會見到糖水會有少少膠質嘅感覺，好明顯呢一碗係木瓜一份，再加一份桃膠，一份雪耳，同埋一碗等同珍珠奶茶嘅3分糖甜度都冇嘅糖水，如果叫做燉雪耳的話係完全唔合格。如果佢叫做糖水的話，行咗兩年幾低糖生活嘅人，我都食唔出甜味。服務：21:37 佢話用餐時間30分鐘喎，叫我睇住時間嚟坐，態度麻麻地，應該喺後面睇住我張單夠30分鐘先同我講，仲要係出面冇人等位，而佢仲有起碼四至五個空位，忘記了，裏面食緊嘢嘅任何一個人，都應該比我早入嚟，可能我叫一碗糖水實在太少，唔緊要，我落單嗰陣時又唔同我講，我都唔想阻住人哋做生意，咁我都準時起身走總括嚟講，呢碗唔甜嘅糖水，你坐低真係要預30分鐘內食完就走，唔好諗住帶啲朋友過嚟吹水慢慢食。

開心果雪燕西米露（$52） 開心果控可以過來試試💚 面頭有滿滿的開心果脆脆 真係每一口都有開心果 雖然糖水偏重椰汁味🥥 但係依然食到淡淡既開心果味！裡面仲有雪燕、芋圓同埋西米露 其實都幾飽肚😗 我最鍾意都係芋圓！大大粒好彈牙 重點係每一隻色都好重芋頭/蕃薯/紫薯🍠味 絕對唔會過甜 或者只係食到一舊粉團！好高質👍🏻📍陳茶館芋圓甜品專門店 (土瓜灣)地址：土瓜灣馬頭圍道101號地舖

呢個開心果雪燕西米露（$52）不得了呀😍好濃開心果味，勁多香脆開心果碎，第一啖食到滿滿嘅開心果😋😋之後食下面啲料勁多西米，勁大粒芋圓😍芋圓好煙韌，食到芋頭/蕃薯味…仲有好多一條條嘅？係雪燕？ 好足料囉😆😆下次黎再試下其他糖水😆

#陳茶館 嘅 #芋圓 同 #雪燕 大家都一定唔陌生而佢地亦跟上個潮流 推出 #開心果系列採用 #日本開心果 少少地推出兩款而且亦會附上 #粒粒開心果碎 食用前先灑上面保持返個口感😉#開心果雪燕西米露 $52平時普通版就 $38 價錢就擺明略高架啦不過 質素冇降低😂 平時嘅椰汁花奶底變咗做開心果 而且係order完即打 所以都合理嘅而且由於要確保返個質素 所以冇凍熱版 劃一常溫開心果味唔錯👍🏼而且唔會勁甜 冇額外加野😉即使小編叫外賣 開心果碎會另外裝起所以臨食先灑上面 唔會浸到唔知似咩😅店員仲千叮萬囑要一兩個鐘頭內食用 🈲記得唔好放雪櫃🈲🅿️土瓜灣分店實在太方便👍🏼次次揸車外賣 泊門口就得🚙💸仲有溫提返💁🏻‍♀️佢地唔收cash 可八達通 WeChat pay or Alipay

其實幫襯咗間舖頭好多次，甜品芋圓係好食，但係今次令我好失望。入到舖頭個收銀職員嘅態度已經麻麻地，店入面有幾張空枱，但都要用一個好不滿嘅態度叫我地起身調去佢指定嘅位，咁我都好配合調位。（其實如果係咁，我建議你地安排返個帶位員，等我入店之前知道要坐邊張枱。）當我喺櫃枱落單，個職員帶住口罩講嘢，佢間店啲音樂又比較大聲，我聽唔到佢講咩，佢就用冇禮貌兼大聲咁問我「要凍定熱呀！」 呢啲職員嘅服務態度只會令香港嘅飲食業越嚟越差….. 雖然啲甜品係好食，但我寧願會揀一個服務態度好啲嘅甜品店。

之前喺網上見到人哋推薦呢間新出品嘅開心果甜品，本身係開心果控，早幾日終於去咗試吓。試咗佢嘅開心果芋圓雪燕西米露，未食已經覺得佢個樣好吸引，開心果味好濃郁，而且有好多開心果碎喺上面。另外仲食到一絲絲嘅雪燕，芋圓亦好煙靭。口感好豐富，而且唔會太甜！😍下次會再試埋佢嘅開心果豆乳。

😋😋😋開心果雪燕西米露開心果雪燕西米露真係令人驚喜！每一啖都可以食到啖啖開心果碎，香脆可口，唔會太過單調。甜度啱啱好，唔會膩，反而令人感到清新。特別係入面仲有啲芋圓，嚼落去煙韌厚實，帶來咗一種豐富嘅口感，搭配開心果嘅香味，真係完美！整體上，呢款甜品好適合炎熱嘅天氣。😚😚😚Oreo芋泥鮮奶Oreo芋泥鮮奶就係另一種享受。芋泥嘅質感非常綿密，味道香甜，令人回味無窮。Oreo嘅加入令整個甜品更添層次，脆口嘅餅乾碎同滑順嘅鮮奶形成咗一個完美嘅搭配，口感相當平衡。唔會太甜，剛剛好，令人每一口都想再多來一口。

🍡陳茶館🍡開心果迷召集！💚💚💚呢間芋圓甜品專門店出左一個開心果系列〜 有兩款甜品揀，分別係粒粒開心果碎開心果雪燕西米露 $52, 同埋粒粒開心果碎開心果牛乳/豆乳 $48〜我地今次試左西米露🫶🏻 一上枱真係嚇親，毫不吝嗇地鋪滿左日本開心果碎✨💚 打卡正📸 面頭個啲開心果同個汁好夾，係超濃郁嘅開心果味！芋圓都有水準〜大大粒好有咬口👍🏻 不過開心果味同芋圓唔算好夾🙂‍↔️ 食到一半已有有啲濟〜 另外叫左木瓜桃膠雪耳凍 $35，個木瓜都好大嚿，好足料，不過手搖飲開微糖嘅我都覺得唔夠甜，所以如果係鍾意無糖嘅朋友會幾鍾意，不過我係一個食糖水嘅心態就會有少少唔happy🤣總括嚟講，今次好似揀錯咗，但因為佢啲芋圓都真係幾好食，所以會encore嘅，不過就試返啲最正路嘅糖水，試吓先🤣

😆😆陳茶館😆😆地址： 土瓜灣馬頭圍道101號地舖開心果牛乳 🍵$48開心果雪燕西米露$52超濃開心果味！仲有開心果碎碎每一啖都禁好食！食完野做甜品真係一流 我本身晚餐已經好飽 但我全部都想食哂去開心果大愛呀！！！！！！🥰🥰🥰🥰🥰🥰🥰🥰#開心果 #陳茶館芋圓甜品專門店 #陳茶館 #dessert #afterdinner #甜品 #天堂 #好味 #土瓜灣 #foodie #HongKong #宵夜 #美食

2024年8月18日女朋友喺網上見到新推出開心果系列，好想試下……🫠即刻出左去試下，6點幾去到，唔喺甜品時間，有四人位坐，舒服好多😎本身減緊肥，要戒糖，想叫走甜或者少甜，不過係set 死左，一場黎到，點都要試下，點知兩個甜度都岩岩好（我淡口味，重甜症者能會覺得太淡）🫢雪燕：每一啖都有幾濃下開心果味，每一啖都食到開心果碎同西米雪燕，底果度有大約七八粒芋圓地瓜圓，煙韌厚實，的確出色😬開心果奶：超濃開心果味，仲濃過雪燕果一種，諗唔到開心果mix 牛乳咁夾，每一啖都有果香味同奶香奶甜味，正🤤

#20240523 🤍📍 陳茶館芋圓甜品專門店 @taro_n_tea 土瓜灣馬頭圍道101號地舖 🍽️紅磡必嘉街120號黃埔天地第3期百寶坊地下G12號舖➖➖➖➖➖➖➖➖➖➖➖➖➖➖➖➖➖#桃膠芋圓仙草 $38💭 依家桃膠越尼越hit，呢間野都有好多甜品入面用桃膠做材料，用料都唔孤寒，啲桃膠粒粒圓轆轆，唔會散收收得啲碎，芋圓上枱果陣係帶少少暖🤏🏼要快啲食，如果唔係浸左落啲冰度就好快硬，橙色蕃薯味最出，不過無得揀既🍠啲仙草係一大舊，超似龜苓膏咁，比較特別係佢個底唔係用椰汁底，而係冬瓜茶沙冰底，感覺更加古早味濃🇹🇼.#土瓜灣美食 #🐷在土瓜灣 #紅磡美食 #🐷在紅磡 #🐷_食