陳茶館芋圓甜品專門店 (啟德零售館1)

叫咗两碗糖水，一碗椰汁木瓜雪燕，一碗五福仙草，都好难食。椰汁木瓜雪燕个椰汁底完全唔甜，系冇味既一碗水,40几蚊一碗系完全唔值五福仙草由仙草到芋圆都好难食，芋圆系一旧粉团，一d地瓜/芋头味都冇，又硬又冇味，自吹自擂系芋圆专门店，但连最基本既都整唔好！仙草都系冇味既，唯一有味既系加3蚊转既奶茶底，甜到我怀疑人生，唔知系咪将隔离椰汁嘅糖水倒咗落去奶茶底里面。一碗预制又制得唔好既糖水，完全系对糖水既insult!Totally overrated!最后两个字总结，难食！…查看更多

好耐之前系红磡分店食过佢嘅芋圆、蕃薯圆和紫薯圆，觉得好好味，口感烟韧不硬，而且每只味都好出👍🏻知道佢出咗开心果糖水，满心期待去食…开心果雪燕芋圆西米露开心果粒的确好香好味，但系啲水好稀，又无乜开心果味😅入面啲雪燕和西米好细粒又少，全程好似饮紧好淡嘅开心果水咁😅芋圆比以前大粒，口感亦唔同咗…椰汁雪燕三宝呢款就好啲，因为有芋泥嘅关系，搅拌之后整体无咁稀，同埋芋头和椰汁味都比较明显～回头机率很低😅…查看更多

我叫左黑芝麻雪燕西米露同金枝玉糯先讲黑芝麻雪燕西米露，黑芝麻香味浓郁扑鼻，配埋碧根果粒粒咸香脆口，食落夹到爆，每一啖都食到碧根果嘅咬口。雪燕份量都足够入口软滑；芋圆有六七粒，烟韧Q弹；仲有细细粒芋泥隐藏其中，细腻绵密增添层次，整体芝麻奶香滑顺，加上其他配料都不错。其次金枝玉糯，成碗芒果沙冰主导，芒果味清新自然，唔会太甜腻，沙冰细腻多汁。入边有好多麻糬 食落似米麻糬，柔软棉密有弹性，配芒果沙冰系我第一次试，同样六七粒麻糬，食馆做到甜酸平衡超夹。最爱嘅芒果雪条，每条都用真芒果做，甜美juicy，中间保留芒果核，咬落果香爆发，视觉味觉双享受。整体嚟讲两款都OK，但比较推荐金枝玉糯，感觉清新啲，料多实在！…查看更多

今日同朋友嚟到启德体育园嘅陈茶馆，呢间以芋圆作招徕嘅甜品店最近人气高企，我哋叫咗两款招牌甜品试！**黑芝麻豆乳大满贯** ($58)一上桌已经闻到浓郁芝麻香！碗底舖满滑溜豆腐花，上面淋上手工磨制嘅黑芝麻糊，质感绵密细致，芝麻味香浓而不苦涩。最惊喜系配料极丰富：烟韧芋圆同地瓜圆保持咬口，仲有软糯黑糖珍珠、清甜红豆同埋脆口芝麻汤圆，多重口感层次分明。豆乳嘅清香恰好平衡芝麻嘅浓厚，甜度控制得恰到好处，绝对系诚意之作！**金枝玉糯** ($44)呢个名改得相当贴切，金黄色嘅芒果酱包裹住粒粒糯米糍，视觉效果满分！芒果选用熟度刚好嘅吕宋芒，香甜多汁，配上软糯不黏牙嘅小糯米糍，口感配搭新奇有趣。底层仲有少量椰汁西米露，增添南洋风味。虽然相比起黑芝麻豆乳稍为简单，但系清爽口感正好作为餐后完美句点。**总评**：两款甜品埋单$102，以现今甜品市价嚟讲属合理水平。陈茶馆成功喺传统糖水基础上加入创新元素，食材配搭见心思，分量足够二人分享。店舖坐落启德体育园内，环境光猛舒适，绝对系运动后或者周末休憩嘅好去处。特别推荐俾钟意浓郁口感嘅芝麻控，呢碗黑芝麻豆乳大满贯绝对会令你一试难忘！…查看更多

开心果雪燕西米露，$52，真材实料，将开心果磨咗糊之后，再喺面糁一啲开心果碎，双重口感。黑芝麻豆乳大满贯，$50，芝麻味好香，豆浆嘅豆味亦都浓，感觉就系用豆浆开稀咗嘅芝麻糊。四喜仙草同埋五福仙草都系以仙草做主打，价钱同样系$40，芋圆同地瓜丸系好食嘅，烟靭之余真系食得到番薯同埋芋头嘅味，啲桃胶都几多。佢呢度每个甜品都会有一张卡仔，介绍吓个甜品之外亦都有啲gimmick嘢，款款甜品嘅卖相都好掂，而且个味道都真系唔错。…查看更多