陳光記 (已結業)

深水埗總給人價廉物美的享受連食物亦都是平民過人絕對是覓食的好地方！近來都有唔少特別的店子進駐深水埗，而今日我就來到澳門過江龍陳光記一嚐它知名的黑椒燒鵝！ 不過未去食之前我跟車爸爸先走去合益泰整番幾條腸粉食下先，黑仔的我猶記得上一次來的時候竟然撞正裝修期間，我呢個地獄黑仔王真係並非浪得虛名㗎！！ 兩蚊一條的豬腸粉確實入口滑溜，不過我硬係覺得佢幼身咗好多咬口不復當年勇＄而豬油亦都好似冇以往咁香口！不過十蚊八蚊嘅美食始終好令人快樂滿足的！ 跟住就去到今日要來潮聖的陳光記了，座落於舊式當舖的燒味店又異常的合襯喎！ 內裏裝修都幾光鮮可惜係嗰地板好滑！去食飯嘅朋友要小心及留意老人家及小朋友的安全呀！坐下甫看見廚櫃掛滿一隻隻肥美的燒鵝等待去燒製好壯觀喔！ 一場來到當然要吃招牌的黑椒燒鵝啦！本來諗住叫燒鵝髀飯＄110不過貼心的店員提醒我們不如要份例牌因為有燒髀燒鵝髀外另外還有多些肉吃抵好多呢！燒鵝咬下皮香口肉質淋滑肉味香濃，加上用了蒜蓉黑椒調味令鵝徒添香氣實在好吃非常，怪不得有不少老饕也要專程過大海品嚐啦！ 另一份我們點了叉燒乳豬飯＄68，乳豬出色非常皮脆肉香不肥膩，而叉燒刚普通貨色可以不吃！ 每個飯

早排經過時已經發現有新野食今晚再路過紅紙已經撕左，可以安心入去食以前有朋友介紹新開張舖頭唔好爭頭啖湯，要食等開張後，一來營運無咁混亂，二來唔會食到鐵銹味美食當前我未試過食到鐵銹味。我字典裏就只有好食與不好食之分。今日星期日好似特別變左食家咁，一路食就一路講d味道點點點，可能假期作怪。首先講下環境，其實個舖都幾特別，唔講唔知前身係舊式當鋪。難怪門口前有兩條柱。（我張相影唔到）牆身係真係石牆，樓底又高，同食燒鵝，我覺得個配搭幾match 好似古裝feel咁。裡面檯唔多，全部圓檯仔，多人去就要分檯，or坐逼d。店內主要得燒鵝、燒鴨、燒腩仔、油雞、叉燒同 '紅' 食。可謂紅，我開頭以為係🐷紅，原來係鴨紅，一樣好味我們還有點了燒鵝和叉燒主打的燒鵝淡淡都係肉，黑椒汁唔係全部都辣的，呢款是有d甜味。都不錯叉燒是半肥瘦，入口即溶的感覺至於米芝蓮級數，有無呢個美譽，其實都好好味

這天中午過後，在深水埗一個原是當鋪的唐樓，發現澳門有名的燒味飯店陳光記在這裡開了分店，對於馬交食物有情意結的我，就算食過午飯也要一試。大門的招牌尚未除去紅紙，看來仍是試業階段。陳光記最出名是黑椒燒鵝/鴨，這亦是已半飽的我，唯一有興趣一試的東西。冇錢食110元的鵝肶麵，便食個六十元的黑椒燒鴨肶粗麵。其實來此店追求的不是燒鴨/鵝的皮脆，而是個獨門黑椒汁，所以食鴨同鵝肶的分野對我來說不大。店員先送上免費附送的例湯，都有一些鴨頸在內，湯又算鮮，算唔錯了。跟著是分開上的一碟鴨肶和一碗湯麵。湯麵沒特別，反而鴨肉的份量比我想像中多，當中也包括小部份肶位外近鴨胸的肉。鴨肉亦沒有一些朋友所說的多脂肪，肉醃得幾透味又嫩，尤其是配搭獨門，不太辛辣又夠濕潤感的黑椒汁，感覺唔錯。不過，唔知係咪心理作用，感覺澳門個黑椒汁同鴨肉好似好味少少，可能是新開張，要比多點時間店子Run好D才上軌道吧。

最近好多人都討論呢間起澳門開過黎既燒味店佢地既主打係黑椒燒鴨/ 鵝剛好經過深水埗，就黎試下餐廳唔算大，大概坐二三十人左右全部都係圓形枱要有心理準備係要撘枱的！去之前都有睇到其他食客既comment ，啲人話地板好跣！去到一試，又真係幾跣喎！可能因為咁，走廊加左地氈防跣！不過無地氈嘅地方都係跣...朋友話廁所仲跣，大家要小心地滑！一入去就會見到師傅斬料呢度係餐廳最入面，用黎製作燒鵝燒鴨黎呢度食梗係要叫招牌菜: 黑椒燒鵝佢有例牌，半隻同一隻俾你揀因為得兩個人，所以叫左例牌！賣相還可以望落顏色燒得唔錯，上面有好多黑椒咁啱呢碟有脾食！味道:一開始食覺得都唔錯，但係食落就覺得汁還汁，鵝還鵝同有啲肥膩鵝肉正常，加上黑椒汁係幾特別同好味既不過除左大家見到面個層係有肉，下面全部都係得肥膏⋯所以食到最後有啲失望一開始試左燒鴨先覺得真係無咩特別食完燒鵝，再食番燒鴨，就會明白點解兩者價錢有距離！鴨本身肉質較實，黑椒味完全入唔到去如果大家只想試一樣，建議揀黑椒燒鵝就好了燒腩仔飯$42我覺得同出面街食既無咩分別皮又唔係特別脆而且汁好少，飯有啲乾！可以不叫大家可以參考下個餐牌

澳門過江龍陳光記，把招牌菜「黑椒燒鵝」引入香港，其獨特的口味，自成一格；香辣惹味的黑椒和燒鵝甚是搭配，實在值得推介！早前在網上看到有人説澳門陳光記，在香港開了分店，喜歡嘗鮮的我，當晚便立刻起行（當日還在試業中）；位置非常方便，就在深水埗地鐵站A1 出口旁邊。店舖是一間古蹟「三層式當舖」，現在活化成一間食店，老闆刻意保留了部分古董，更把牆壁清洗乾淨，回覆當年的模樣，實在用心良苦，大家真係要好好欣賞清楚，尤其是那石牆真是一絕。店內地方不是太大，但環境乾淨，尤其是想到身在古蹟之中，感覺更有特色。看看餐牌，價錢一點也不平，但食物水準又如何呢？店舖主要是吃燒臘，所以我們決定叫一碟黑椒燒鵝肶飯、一碟叉燒燒肉飯，另加一碟清菜。黑椒燒鵝肶飯～黑椒味非常香口又濃郁，怕辣的我實在有點勉強，燒鵝肉質嫩滑，油份香酥油潤，送飯真是一流；可能因燒鵝味道比較濃，反映菜的味道過於清淡，有點不是味道，值得留意。叉燒燒肉飯～人總是貪心的，想一次試多幾樣品種，所以才叫叉燒燒肉，叉燒顏色不是一般看到的偏紅色（用花紅粉開色），而是淡淡的淺紅色，而且是我最喜歡的半肥瘦部分，帶有蜜糖的香甜味，肉質鮮嫩，肉味香濃，只是有點點過咸，但

兩支公嚟到深水埗，試吓澳門過江龍啦。乳豬例牌，乳豬皮脆肉嫩，好味道呀。黑椒燒鵝就有保留喇，首先係鵝皮，比黑椒汁浸到唔脆，仲煙煙韌韌添，仲有就係阿師傅切鵝，切到一忽大一忽細，值得一讚就係個汁，用嚟撈飯一流。早啲嚟食仲有例湯送，今晚係木瓜湯。呢度冇酒牌，但可以自己喺對面些粉買酒嚟飲。

一直以來都好鍾意澳門陳光記嘅黑椒鴨同鴨紅，今次難得係香港開分店，所以今日特登過嚟試一試。餐廳位置喺深水埗A1出口轉左向後行幾步就見到了。可能係啱啱開張無耐，招牌仲未裝上去，但店內已經裝修完，開始營業緊。一坐低就叫咗黑椒鴨瀨粉、黑椒鴨拼雞飯、生菜紅、例湯。不過落單嘅時候佢無落到例湯，原來係因為例湯係按人頭計送俾客人的👍🏼今日例湯係蓮藕湯，見佢幾好飲諗住加單，點知店員話可以送多2碗俾我地，加分！講返主食，黑椒鴨同澳門果間水準一樣，讚👍🏼👍🏼👍🏼，雞都有驚喜，色澤唔深但入味👍🏼👍🏼👍🏼，生菜紅就有點失望，因為d鴨紅有點異味，無之前係澳門食咁新鮮。總括而言，下次都會再幫襯。

識我食duck太狼嘅食都知我鐘意食鴨。今次誤打誤撞俾我入咗陳光記食飯。呢間舖頭我每次去澳門都話想去食。但耐何沒有機會。今次响香港見到。咪入去試吓。原本想叫燒鴨嘅我見到燒鵝幾靚。所以叫咗個燒鵝飯食。佢仲送埋個例湯添。例湯幾好飲。但應該有味精。燒鵝幾好食。新鮮整。食落唔似擺咗好耐果啲咁。黑椒汁幾match。皮唔算太脆。但是唔會un。以$68價錢一個飯非常合理。食物算是有誠意製作。對我而言呢個燒鵝不算是最好味。但非常合格。下次會試下其它燒味。我當然會試吓佢啲duck啦！

我一向唔係太好燒鵝，但超級鍾意黑椒，呢間賣嘅係黑椒燒鵝，真係啱晒我口味，以前去澳門會專登去排隊食，但坐得比較辛苦，而家香港有，於是可以外賣返屋企慢慢嘆，已經將佢列入心思思想食名單

好耐之前係Macau食過一次，那邊只是一間普通燒臘店，沒有太多人，來到香港店裝潢較中式，骨子點，牆身用上大麻石，裝潢有誠意的，黎到一定要叫例牌菜黑椒燒鵝試下，由於不太肚餓，兩人叫了例牌試下，黑椒味得濃很香，燒鵝吃得出不是放了很久，應該是燒出來不久，味道是不錯嘅，還會跟多碟黑椒汁，細心，係隻鵝好多肥膏，但肉唔多，骨感好重，希望下次隻鵝好肉少少啦。當日都見有賣完等出爐嘅情況，由於店鋪表示每日只售一百只，要食唔好太夜去。

多年前去澳門食過一次，但已經無咩印象，今次黎試深水埗店，一嚐黑椒燒鵝嘅味道！六點半黎到已經人頭湧湧，好彩唔使等位。裝修尚可，樓底幾高，不過唔知點解地板好滑😒一入去好似溜冰咁，坐喺凳上都可以滑黎滑去...點左燒鵝叉燒雙拼飯，原本想叫燒腩仔但賣晒。燒鵝唔算肥，皮都有點脆，不過唔算嫩滑，而且無咩黑椒味，唔可以話唔好食，只係同平時食嘅差唔多。臨走時先7點左右，聽到燒鵝賣晒，叉燒賣晒，切雞同菜都賣晒......唔知之後係咪會再出爐，否則應該都可以提早收工😂

禽日行過深水埗見到有間新野本來都係直接無視, 但望一望......陳光記?????記得幾年前有過大海有個澳門朋友專登帶我去食的佢話呢檔野本來係街邊小販.....做左幾十年....依家成為澳門燒味至尊....等等等.....入去問門口個阿姐...原來真係澳門過來果間呀....雖然唔肚餓....但記得幾年前隻黑椒燒鵝.....忍唔住入左去叫左個黑鵝飯吃裝修OK咩, 燒味店沒什麼要求!!D阿姐都好friendly, 仲係咁話老闆就反......(關我叉事咩)叫個飯多汁....佢比左正常多DD汁...我同阿姐講佢直接比左一小碗我!! +分個黑椒汁我只能講句....暫時黎講係香港無敵......(呢個係我入去主要原因, 因為幾年前食過一次..佢個汁真係記到依家!)隻鵝都OK, 皮好脆而且好明顯係現場燒的+分再叫左個珍肝都好入味!!!絕對會成為燒味飯首選!(真心覺得好食過鏞記)

今日去試！比澳門店更為出色！無論叉燒黑椒燒鵝高水準丶以後唔使過甘遠去澳門了丶可以慳返啲船飛錢在香港食！可以常常都可以隨時隨地都可以食丶正正！值得推介下星期一定再去朝聖

爸爸話深水埗開咗一間叫黑椒燒鵝嘅鋪頭，爸爸係燒鵝愛好者，所以話一定要黎試吓好唔好味。我只能說結果是名過於實，我哋叫咗一碟60幾蚊嘅黑椒燒鵝飯，價錢當然係唔便宜啦，但如果係好味我覺得係值得嘅。可惜當我見到碟燒鵝飯嘅時候，我只見到一層又一層嘅脂肪，一片又一片唔脆的皮。好吧，儘管還有一些一些的肉，但都是好'銀'好鞋，我不明白儘管沒有黑椒這個賣點，但燒鵝也未至於這般差吧。我還想說店舖的地下非常之油，我已經滑了好幾次.....然後帶着失望而離開。

老公聽講這間澳門出名黑椒燒餓飯店係深水埗開了第一間香港分店。 專誠帶我去試試。 可惜, 失望而回。 一入舖頭, 櫃台的阿姐已話而家無鵝。 一問之下, 帶位的阿姐就話要等30分鐘先出。 心諗太耐, 唯有下次。 出口前櫃台阿姐又話只須10分鐘。 咁就坐低等下啦。 坐低等了幾分鐘後, 帶位阿姐就話可以 order 鵝啦。 但由於吾太認識。 望了餐牌吾夠2分鐘後先叫我姐 order。 點知帶位阿姐話無晒啦。 無晒, 真係超級無奈, 只係吾夠2分鐘就無晒。 重話今晚無晒貨啦。 緊係嬲爆走人啦！😡😡今日條街好興, 估吾到入到間舖後更興。 咁混亂的服務, 幾好食都係咁話啦。 如果吾改善, 一定趕客。😡😡