陳仔花甲粉

营业中

休息中

星期五晚加班到七點多，近近地去德福個美食廣場食埋野先走啦，見有間新開嘅花甲粉店，試下先。⭐羊肉花甲粉朋友點左羊肉花甲粉，羊肉幾多片，有羊肉香唔錯喎。花甲無沙，約有六隻。要左中辣，朋友話辣度啱啱好合佢口味😋⭐芫茜山花甲粉自己就點左芫茜山花甲粉，芫茜比羊肉貴🤔芫茜算幾多，新鮮又香口！呢碗有十隻花甲喎，碗碗唔同？辣度要左小辣，啱我口味。粉絲勁多，食極都唔見底，超飽呀😆⭐冰紅茶跟餐轉左冰紅茶，加$5都抵吖。發覺個場都幾多人食花甲粉，但佢出餐都好快，十分鐘內有得食啦。

德福商場shopping完之後在food court碰見呢間花甲粉，原來剛剛在6月1日新開張，款式選擇都幾多，可以揀米線、粉絲或者菜底，又或者加$8轉稻庭烏冬/加底，最後二人選擇了伊比利亞橡果豬花甲粉以及無骨魚片花甲粉，套餐包飲品。伊比利亞橡果豬花甲粉，花甲粉用錫紙裝住，與普通的肉片比較，橡果豬肉片嘅肉味比較濃，花甲幾大隻，鮮甜，至緊要食落去無沙。粉絲吸收咗辣湯，醒胃又十分惹味。至於個無骨魚片花甲粉，係幾夾個花甲，大家都係海鮮，令到個湯多了一層鮮味，另外有些豆卜，幾吸味。藤椒辣魚皮都幾過癮，魚皮爽口，麻辣帶椒香，食完一塊又會想夾下一塊。

🍽️德福food court 新開咗一間食花甲粉，放工路過去試吓😋問返店員，新鮮滾熱辣6月1號開張，去到food court都見到好多人點嚟食!✨香辣肥牛花甲粉 $69✨香辣鮮味鴨血花甲粉$64可以自行搭粉絲、烏冬、米線，仲可以配菜底。辣度可以調，仲配有一包紙包飲品，解渴一流！😆一打開錫紙，就聞到熱辣辣嘅花甲粉勁香仲滾下滾下咁，好有驚喜令人有哇一聲嘅感覺～花甲份量多，而且新鮮又夠大隻，食落好鮮甜，配埋有好多蔥同芫荽嘅湯，再加埋吸味嘅粉絲同辣椒食落好惹味～同埋份量都好大，小鳥胃嘅可以兩個人分一碗，然後再點配其他小食😋

星期六放假去咗九龍灣行吓，見到佢哋food court有一間6月頭新開嘅花甲粉，星期六都仲有下午茶餐，非常抵食，所以就決定試吓！我哋嗌咗兩個餐，分別係 伊比利亞橡果豬花甲粉🐷$59 同埋 香辣鮮味鴨血花甲粉🦆 $54，每兜花甲粉都有八隻大大隻既花甲，洗得好乾淨完全冇沙～兩款配料各有特色，我自己就覺得鴨血更加惹味😋😋花甲粉除咗可以揀粉絲做麵底之外，仲可以轉菜底、米線 或者 +$8轉日本稻庭烏冬，驚唔夠飽想加底既話都係$8咋～套餐已經包左紙包飲品，我地就揀左道地巨峰提子汁🍇 同埋 道地烏龍茶🫖另外，我哋仲叫咗蒜香焗金菇🍄‍🟫$19 做小食，估唔到呢個蒜蓉金菇撈埋落個花甲粉到咁好食，推介大家嗌返個，配搭花甲粉一齊食，超正！

九龍灣德福food court多咗好多嘢食，今次試咗喺正門口嘅陳仔花甲粉可以揀粉絲之外，仲可以揀菜底，想食少啲輕盈啲都冇問題呢度都幾多款口味材料可以選擇，仲有下午茶，可以食平啲，份量少啲但都夠飽🥢芫荽山花甲粉自己好鍾意芫荽，所以要咗芫荽山花甲粉，配原本嘅粉絲，粉絲份量超多，花甲尚算大隻清甜新鮮，原來飲食都幾爽粉絲，即使係話下午茶，但份量覺得都冇特別太少，女仔食都有少少食唔晒🥢伊比利亞橡果豬花甲粉要咗菜底，伊比利亞橡果豬有豬味有質感，幾好食，最欣賞湯底清甜，飲咗幾啖都唔會太鹹，好味🥢藤椒爽脆魚皮揀埋小食試吓，呢款預備我自己好鍾意，口感爽脆，有啲辣椒油、藤椒味道，味道刺激食唔停口

香辣伊比利亞橡果豬花甲粉伊比利亞橡果豬花肉質唔錯, 呢個轉左米線底但份量比想像中多好多, 建議食唔到辣既可以揀唔辣或者微辣就好, 試左啖朋友既小辣真係有料到🤣鮮味鴨血花甲粉鴨血配花甲原來係咁好食, 花甲處理得幾好 完全唔會有沙, 微辣被粉絲吸左啲湯汁好夠味!! 粉絲同啲料既份量都好足夠, 差啲食唔哂🫣紙包飲品係包埋, 有道地烏龍茶/ 綠茶, 巨峰提子汁, 而可樂就都係加$5都抵食每款都有得調整辣度, 粉絲底郁可轉菜底 / 米線, 又或者+$8轉日本稻庭烏冬/加底。堂食既話仲有個石鍋保溫!! 不過我地諗住慳時間就外買走, 佢都有錫紙包住保溫!!!

德福二期既foodeli 美食廣場選擇都幾，樣樣野都好想試吓‼️最後揀左陳仔花甲粉。眼見都唔少人食緊呢個包住錫紙既花甲粉‼️試咗個香辣肥牛花甲粉，中辣，配左粉絲，打開個錫紙，香味已經湧緊出黎，粉絲吸晒個湯底精華‼️我覺得辣到啱啱好，非常惹味，最後飲咗大半碗湯，花甲新鮮的，大概有10粒，都算飽滿。朋友食咗個鮮味鴨血花甲粉，唔辣的，我覺得花甲粉一定要配辣湯😂😂。另外套餐加咗$29配咗個香辣魚皮，份量正常，同朋友share，魚皮都算得上爽口彈牙，味道不過不失。PS.下次會挑戰大辣

最近見九龍灣food court開咗一間食花甲粉，好開心九龍東終於有得食呢樣嘢啦。因為呢間舖喺food court入邊，所以要自己搵位，呢個有少少唔方便。由於見到有黃牛，於是嗌咗個黃牛花甲粉同埋加咗錢叫咗個麻辣魚皮。和牛花甲粉揀咗小辣，不過辣嘅程度唔算好大，香辣嘅味道幫個湯底加咗，黃牛質素好高，好軟腍腍。花甲就藏咗喺底，食得出花甲好鮮甜，食物質素唔錯。然後麻辣魚皮對於食辣嘅朋友嚟講好出色，唔食得辣嘅可能真係要諗諗，因為魚皮出邊食都好貴，依家加購其實都好抵，套餐仲包埋嘢飲。

第一次去食，見佢賣相唔錯，講明花甲粉，希望湯底同質素有返咁上下。我叫了黑毛豬花甲米線，加$8轉烏冬，但當日取餐時，發現沒有轉烏冬，叫佢換返，佢真係就咁掹走啲位置，仲剩返一兩條，然之後加個$8嘅烏冬落去，賣相即刻差咗好多，我埋位食，湯底沒有期待中的花甲鮮味，烏冬好似仲未煮夠，有啲好似硬硬地戀戀地嘅感覺，整碗麵偏淡口，但價錢差不多要$80 ，相對其他同類型食肆，似乎質素差很多，豬肉沒有醃製，原味，花甲唔似新鮮，雪藏多啲，整體感覺失望😓

下午茶餐幾抵，下午茶餐花甲粉只需$38，包紙包飲品一盒。我揀左微辣，唔知係咪因為新開張，微辣都至少有譚仔3小辣，分分鐘2少辣都黎，辣到我流曬眼淚😂（我平時食開譚仔4小）睇落好似好少粉絲，但食落份量ok，女仔食一定夠飽。印象中大約有12-14隻花甲，勝在花甲數量足料，味道符合價錢。茶餐加配小食減$10，藤椒爽脆魚皮 $39 -$10 =$29蚊。份量唔細，爽脆度高，但隻辣味一般，有啲後悔嗌左。整體而言，下午茶餐係值得一試既👍係幾平。但唔食得辣千奇唔好嗌辣