陞記刀削麵 (已結業)

叫咗朋友陪我喺深水埗買啲小配件，買完之後，諗住搵間小店食啲嘢，路過呢度，見到係新開🎊，乾乾淨淨，朋友就話不如喺呢度食飯啦。我哋叫咗幾樣食物一齊食。🌶️麻辣雞刀削麵套餐 $60麻辣雞 同 刀削麵分開上；刀削麵要咗湯麵、微辣，已經好好味，辣度又啱我哋胃口；麻辣雞 少少麻少少辣，雞肉嫩滑，上邊仲加咗啲花生🥜、蒜蓉🧄、紅椒🌶️，好惹味。飲熱港式奶茶☕️：要咗多奶，夠香滑。🐓花雕醉雞$50雞肉又係幾嫩滑，雞皮就有啲爽脆，所有雞件都有淡淡嘅花雕酒香味，份量亦都幾多。🍵淳•茶舍+$8🐷麻辣豬軟骨$45有三大件，每一件都頗為巨型，朋友同我見到都已經好開心😀；豬軟骨有肉嘅部份炆煮得好腍，軟骨部份就軟軟哋脆脆哋，一啖裏邊又腍又軟又脆，口感豐富。🥬涼拌蒿筍 $30相當大碟，蒿筍新鮮、好爽脆，落咗大量蒜蓉🧄，好香口。呢間小店每樣食物份量都幾多，食得朋友同我非常飽飽🤰😆。

陞記刀削麵，我已經食咗好多次熱伴撈刀削麵好好味我的小朋友們也很喜歡食每次放咗學都要來食刀削麵，值得推薦係深水埗近地鐵站D1出口，226-242號金華大廈地下9號鋪。