影片
去打波之前有啲饿，见到呢档就叫左鱼旦烧卖各一串，佢既辣酱有得拣大辣同小辣，我叫左小辣。鱼旦同烧卖都ok, 不过不失，但食落去重点系个秘制辣酱，真系好香，有带姜味，够辣，但不会辣到食唔落去果种，几过瘾！
继续阅读
之前黄埔都有一间陈记鱼蛋，有时候经过都会去试吓，但系自从黄埔𠮶间执咗之后就冇再食过噜！前两日咁啱经过北角见到，就去试吓！呢间鱼蛋最令我念念不忘嘅系佢个汁，好重咖喱味，辣得好过瘾！今次食果然系回忆嘅味道，虽然价钱都唔算平，但系未到就真系同以前一样，久唔久怀缅下都几好！
继续阅读
我哋系北角嘅大街小巷行紧嘅时候，被陈记鱼蛋嘅辣酱香味吸引到。于是我就决定买一串鱼蛋($8)配小小辣酱，再买多左一串美味斋($9)配小辣酱。由于鱼蛋系在清汤里面煮熟，再加配辣酱。我食嘅时候，鱼蛋有啲硬。另外，辣酱系几香嘅。分数: 3/10 美味斋，就太淋，好大旧，唔系太好食。分数: 3/10 总结: 味道一般，可以再改善，但系辣酱好香，唔差嘅
继续阅读
虽然呢间小食店唔系最近我屋企但佢开左之后我就好多时都会行多两步路食呢间我下面张相系$20份量正常系$7一串既食陈记最重要系要食佢既辣汁我今次叫左小小辣呢个辣度系平时唔太食辣既人都handle倒既辣汁依然都系咁好味佢其实有d唉咖喱汁咁但佢带少少甜味而且佢比较杰身 唔会好似出面d好希既咖喱汁咁食每一粒鱼蛋烧卖都可以沾上大量辣汁 非常惹味可惜既系我觉得佢d烧卖退步左好多望个样觉得佢好似直情换左第二只烧卖咁如果唔配上辣汁系完全冇味而且完全唔弹牙 非常淋以前既烧卖绝对唔系咁就算唔系十分好味但至少系正常鱼蛋都叫正常d都系冇咩味架啦但叫做有d弹牙既感觉我估如果陈记冇左辣汁 佢d烧卖鱼蛋真系唔系好得
继续阅读
北角区有很多小食档，位于新光戏院的<<陈记鱼旦>>，今次第一次帮衬。正如其他的分店一样，都有好多街头小食卖。今天买的是肠仔一串，记得要讲要唔要辣，还是小辣，多辣。我点的是小辣。叫肠仔，送多粒鱼旦。盛惠$4。对于肠仔都冇咩评价，都是急冻的鸡肉肠，不过酱料就几出色，小小辣，配合肠仔多多脆。 免费的鱼旦都算弹牙。##还记得上次在鲗鱼涌的分店受了气，所以一年都再无帮衬呢个集团了。
继续阅读