影片
见屋企附近开左间星马餐厅，于事走去试试，其实试新店都非常冒险，我有时都会预左，只要过得去我自己都会继续帮衬，见证佢进步，但今次直情系中哂招，我都好耐未试过食完一餐系咁嬲。坐底后，水都无杯，店员工系度你一句我一句闹黎闹佢，我问左三次先肯比menu我，我点了个肉骨茶煲，点完之后竟然先后有另两位同事再问我点了菜未，其中一位系之前同我落单果个。有电视睇，睇完一集同事三分亲再加一节建筑有情天，肉骨茶先到，等了大半个钟以上，一煲汤加几件肉洗唔洗咁耐，等到我非常肚饿，我一放落后超滚，肉骨茶好高温即时烫伤我的舌头，热成咁都拿出黎，员工亦无话睇热，白饭隔左三分钟先送上，价值$75的肉骨茶的确唔足料，得三，四旧肥肉，无药材味仲好多味精，非常唔抵。当时我睇紧电视，做到陈国邦帮杨碗仪还债，非常有戏味，我停哂手望住部电视，系呢个时侯，竟然有员工，伸左半只手指落只碟度问我仲要唔要，哗....呢个时侯真系火都黎，我净返三分一汤，六成白饭，好明显系未食完，要赶客走都唔系咁嘛!!!我隔离果台仲离谱，起码等左一个钟碟海南鸡饭，都一肚气仲唔起身走咩，下次请都唔黎。埋单又系自己出去埋，去到收银一听到多谢$82.5，好似无讲多谢添，唔系下话茶餐厅都要加一，无野下话。食后感: 食物差，服务仲差，简直就系笑话。
继续阅读
想当年坐落响北京道嘅陈太星马菜，今日竟重逢于北角七姊妹道一个不太起眼嘅地方内...以前响尖咀食过一两次，不甚了了。对之印象最深刻嘅系佢哋嘅福建炒面做得不错....今次重开，摇身一变成为普通茶记。餐牌亦简化许多，以前挂头牌嘅娘惹菜及Rojak已不在餐牌中。始终响北角呢亭旧区开，一D不为旧区街坊熟悉嘅菜系，要放上menu始终系冒险咗少少...当然许多为人熟知嘅星马菜式如炒粿条、肉骨茶仍然保留，但味道却系极之令人失望...粿条查实就系我哋平时食开嘅幼身河粉。但上台时发觉佢哋系用渗渗嘅做法--- 即河粉加米粉两沟。对自己而言，反而更对口味。用上甜豉油炒，加入蛳蚶、鱼片及虾，算不俗；但最关键系欠缺猪油香，蛳蚶份量亦太少。需知好嘅炒粿条必备此二者，否则无异于普通炒沙河粉...肉骨茶更不消提--- 一D药材香都嗅唔到，用嘅亦系猪手而唔系肉排，搅到成碗嘢油淋淋；又欠缺配菜如冬菇及油条，更遑论有炭香了。想起当年去马来西亚带队，跟一班学生通宵睇完波后，翌日到酒店楼下嘅地道小店，边食炭炉肉骨茶边聊天，具往矣...太座叫个香茅猪扒炒面。个面被碱水洗礼到完全唔食得，正式苦过DD；猪扒毫无肉味，不知所谓....唉...怪不得老舖响北京道经营多年终于失守。食众嘅眼晴始终系雪亮嘅...但世事往往并非如此--- 新店开张一星期内其门如市，邻座嘅少女不断赞D嘢有几好食得几好食。听后不禁摇头苦笑...
继续阅读