影片
心血来潮请日假，走到机场接老友机顺道食个靓饭。本想到何洪记或美心翠园，谁知老友识途推介 2 号客运大楼有好野食，梗系去试试啦！踏足机场多年都不知道柳暗花明又一村，有一排食肆开在这边呢！真系走宝呀。黄昏五点几的接机晚餐，少食多滋味。雷奥、凯多、法兰奇，卤水鸭舌、卤水鹅片、卤水圆蹄并滋味鸡！我宿醉未清，来多碗白饭及壸铁观音醒醒去。到最后一碟，卤水圆蹄并滋味鸡送到时，婶婶称 last call 喇。因示威关系要提早收档彻退呢，明白明白。卤水鸭舌，食过王子饭店鸭舌出品，暂时其他食肆都被比下去了！这堆还能评为美味，饱满肥嘟嘟，脆脆软骨。外层爽爽，掉入口一赵爆开，汁液四溅，卤水芳香。卤水鹅片配豆腐，没有跟白醋好罕见㖞。眼测已预料肉质不怎嫩滑，肥瘦适中鹅肉味甜美亲民，鹅脂甘香不腻，卤水浸得完美无瑕。豆腐也绝不马虎，豆味浓郁，外皮咽韧香口白肉嫩嫩。搭著鹅片齐齐啪，有更高级的享受。卤水圆蹄并滋味鸡，卤水圆蹄比起熏蹄更多功夫更加珍贵，厚切肉汁特别丰富欲滴，猪肉纯天然甜味非凡，就连卤水都眨为配角。爽脆猪皮黏著弹弹猪肉，煮理得实在出色无比！脆皮白切鸡，似足年青时系英国食𣇈鸡，真令人怀念。坚系鸡有鸡味，价钱高昂有她的理由。薄脆鸡皮喷出甘香凤脂，白肉弹滑散发摄人心魄鸡甜味，还淋上淡酱油提味，此举太过份太可恶喇！
继续阅读
之前帮衬过几次阿鸿小吃，都是匆匆忙忙地买个外卖饭盒，觉得尝不到真味。今天Honey往外地，我到机场送机，趁还有时间，我们就在阿鸿小吃堂食餐厅吃了个午饭。我们不是机场员工，没有套餐，只能散点。价钱合理，坐得也舒服，店员态度亦殷勤。我们叫了冬菇鹅肉松粥，还有捞面。肉食方面，叫了鹅片、卤猪肠、卤鹅掌。三款食物，Honey最喜欢冬菇鹅肉松粥：汤头很甜，满口是鹅肉的甘香。粥底是潮州粥，米刚刚开，有米的口感，又不至于广东式粥品的绵滑。而且，有芥兰度，清新，Honey赞不绝口。捞面：是幼身的碱水面，很滑，又爽口。配以芽菜和XO酱，我觉得几好味，Honey就觉得普通，淡口一点。我叫了卤水三并 - - 鹅片、卤猪肠、卤鹅掌：猪肠好入味，圈圈啖啖肉，没有肥腻，没有脏物。鹅肉片也不少，没有想过这么大碟，$238也算是货真价实。不过，卤水鹅掌就有点过咸，不过，很爽口。整体而言，这餐午饭，非常满意！
继续阅读
之前成日都见到知道佢啲卤水鹅好出名但未有机会试，今日终于试到。餐厅入面好多大枱，啱晒一大班人去食。喺门口已经见到ok多人，大家都一边等位一边睇menu同落单，有效率啲。我哋全部都拣套餐A，有卤水鹅片外加一款卤水食物。我要墨鱼，同行嘅人分别嗌牛𦟌、肾同猪颈肉。我个墨鱼无乜味，不过就好爽口唔会韧，反而试咗人哋个牛𦟌觉得好好食，好入味而又唔会太咸。值得一提系佢个辣油好香好正，个墨鱼沾完啲辣油之后好食咗好多。讲返主角鹅片，份量都算ok（大概有五片左右，有啲都切得几厚身）。虽然望落有啲肥，但食落唔肥腻，好腍好易咬。佢下面啲豆腐都几好食。标价$130，但有七折，埋单$91，都算几好，可以再食。
继续阅读
下午落机，一心谂住食饱饱直接返去训觉，见门外有下午茶餐介绍，就直接坐入去食。舖头本身人已经吾多，但系坐底左好耐都无人攞餐牌过嚟。到我不过挥手示意至有人拎过泥。而个职员净系比个正价餐牌俾我地，我系隔离枱拎左套餐餐牌叫，佢就话吾叫得架你吾系职员，然后收起个套餐餐牌。但系我见个套餐餐牌写住职员七折，咁即系话街客应该都可以叫，只不过冇额外折扣姐。不过实在太攰啦，吾想同佢拗。最后两个人，叫左碟例牌鹅片、菜心同捞面。d野食冻冻地，味道好一般。最后埋单两个人三百几蚊。下午茶咋好无！d野又无新开张既时候咁好食、职员又吾老实，实在谂吾到一个理由返转头再帮衬😡😡😡
继续阅读
爸妈出埠旅行，今日特登送佢哋去机场。 由于是搭长途机的关系，先同佢哋食啲嘢再上机。本来想去 T2 食 food court，但时间唔够，只可以行到去食阿鸿。叫咗三样嘢，分别系卤水拼盘，海鲜炒面同蔡澜捞面。拼盘本来想食鸡脚筋，但卖晒，只好拣牛。 个豆腐就偏咸，牛同墨鱼就硬咗少少。过海鲜炒面就系失败之作，个芡汁成尺咁厚。 不过海鲜都算足料，有鱼、虾同贵妃蚌。 成个面炸到脆卜卜。 我 expect 嘅炒面系有镬气㗎。最后系蔡澜捞面。用得蔡 san 个名就即系有珠油啦。我唔知落咗几多珠油，不过呢个无其他料嘅捞面的确系好香嘅。食完很失望，因为完全食唔出有米芝莲餐厅嘅水准。可能我叫错𩠌吧。3样嘢，埋单$286。
继续阅读