阿鴻小館 (已結業)

一次很差的体验。早前订了13:00枱并支付了 $500订金。当天提早了10分钟到，结果到最后 13:43 才有位。厅餐根本无预留枱做准备，而系到达后要等有人离开先会有枱，请问订枱意义何在？同 walk-in 等位有咩分别？开头知客同我讲有一枱就走，张枱就即刻可以俾我地，结果大半小时后，𠮶张上左一道菜，即系人地根本都未开始食，知客乱咁讲，然后我即刻同知客理论要求即退订，当然餐厅不愿意退想我地再等…. Black list …. 无下次…查看更多

因怕食团年饭多人book，已经预早好多book枱，我book嘅时候应该无乜客book，问我想book几点，咁我就book 咗6:30pm。过多一星期后，突然打嚟话有限时段，要分两轮，6-8，8-到尾，咁我拣6-8:00啦，我话我会照6:30先到，佢话无问题。再过多几日，突然收到SMS，话我book左5:30-7:30呢个时段，之后我打去问，我话我book 6-8:00，个服务员话「无问题嘅，个电脑改唔到，系写5:30-7:30，你照6:30嚟啦！」到今日6:20，家人到了拎位，个服务员同我家人讲(可能见佢细个)话我哋张枱至到7:30要还枱！家人打嚟问我点，𠮶刻火都嚟！即系我之前同佢哋两次嘅对话都系废话！咩服务？当我到场时，我呆左！啲枱加到迫到好似去咗大排档咁，我哋坐到最走廊位，条走廊刚刚一个人身位，全餐饭都不停隔离啲服务员贴住行！落左6个𩠌，等左好耐都未嚟，原来帮我落左3个𩠌！漏单嘅唔止我哋一枱，隔离枱都火滚，等左成个钟都无野食，应该系漏咗单。我叫两碗白饭，叫左佢哋7次，先嚟到两碗白饭，好彩个姐姐入去帮我庄，先有饭食，啲𩠌都冻晒。原来之前𠮶6次都系服务员/经理就咁叫厨房庄饭，我不停咁追个饭，佢都可以唔入去庄比我，好野👍🏼呢间野真系无得顶！我明想做多啲生意，我都想你哋可以做多啲生意，但唔系咁做啰！都可以有服务嘅！如果搞唔掂就唔好更硬嚟啦！以后一定唔会再去！…查看更多

生日同屋企人食饭，菜式特别享受美满嘅一餐。鸡汤花胶扒最为难忘，花胶非常厚肉，鸡汤浓郁，店长介绍先用母鸡熬汤，鸡壳丢弃，用另一只新鲜鸡熬20分钟上枱，鸡肉滑到不得了。冰镇咕噜肉中间有麦芽糖摆设，小朋友博烂佢尽兴，大人亦食尽怀旧味道。韭菜鹅红煲，第一次食鹅红，非常美味，口感比猪红好，应该唔系好多地方有得食，非常难得。鲍鱼扣鹅掌非常入味，软硬适中。蟠龙老虎斑拆骨起肉，配上丝瓜又滑又爽口美味。 最唔显眼嘅豆苗竟然有惊喜，鸡油炒豆苗，非常香口嫩滑。竹炭豆腐、荔枝虾丸都系阿鸿小馆特色菜，已经第二次食，小朋友最钟意这两味菜。…查看更多

厚切鹅片，刀功破坏了食物美味，不要一时大意,令到出品恍如一般食馆水准，真的要自我检讨㖞，一个小时车程，换来非一般的感觉。希望下次到来的时候，回复以往一贯阿鸿的水准。由北角吃到官塘的食客！…查看更多

她, 曾在北角工作数年, 对阿鸿小吃有份情意结, 所以今天在官塘处理完私事, 她说想回味下鸿哥的卤水, 苦荣肯定全力支持.由阿鸿小吃变身阿鸿小馆, 地方大了, 还增添了点心. 都是虾饺烧卖叉烧包咸水角之类 并不会找到粿等潮式点心, 但味道是好的. 没关系, 苦荣与她的目标著眼于卤水, 鹅片和腩肉双拼, 卤水依旧香, 鹅片嫩滑, 腩肉甘香. 再叫一碗蚝仔粥, 好大碗, 好多蚝, 涨卜卜很鲜美.苦荣爱甜, 她批准苦荣放肆地吃反沙芋, 松脆, 绵滑, 好味道. 与她分享甜蜜, 苦荣幸福感满满.…查看更多