阿霞餛飩

营业中

休息中

喺大埔街頭兜兜轉轉 唔知食乜好今日阿妹帶路 帶我到左一間驚為天人嘅福建小吃店「📍阿霞餛飩」雖然小店無裝修 但味道係夠曬平靚正💖【乾撈小雲吞✨】一上枱就聞到濃郁嘅 花生醬香🥜 雲吞皮滑捋捋薄到透光✨雲吞包到圓嘟嘟 入邊嘅豬肉餡鮮美彈牙靈魂嗰勺花生醬鹹中帶甜 黐住每粒雲吞 細細粒剛好一啖一件 食到筷子停唔到口🤤【莆田滷麵🍜】湯頭濃到黏嘴唇！粗麵吸盡咗滷汁精華🔥仲有手打肉丸、爽脆蝦仁、香滑香菇同蔬菜鋪滿面頭🍤啖啖都係料【小麥煎🌾】外表睇落平平無奇食落竟然似童年嘅雞蛋餅🤩 外皮煎到微脆 內裡軟糯帶焦糖香 灑滿花生碎增添口感🌟

呢間舖係大埔好受歡迎，客人流量好多，坐立簡潔，出餐快 。係香港好少會食到一口小餛飩喇，呢間嘅小餛飩餡同皮都做得相當好，個餡每隻味道同大小形狀均勻，個皮夠薄同好滑，食得好開心🥰我配咗刀削麵同加咗紫菜，刀削麵好長同好滑，厚薄適中，份量又足夠👍紫菜我想講我懷疑佢俾咗成半餅紫菜我🙈真係好多好抵食，仲要係靚紫菜，夠香又唔會腥。叫咗8粒粟米鮮肉煎餡，兩面都煎得好靚，個餡肉味濃，夠粟米，但如果整大隻啲更好😋加咗個竹筍小食，有夠大碟，唔太辣，好爽口。佢仲有其他set，好抵食又夠飽，呢間性價比高呀❣️Joyfoodstop心動值：💓💓💓💓/5（以上評價純屬個人口味）阿霞餛飩(香港)地址: 香港大埔南盛街21號南盛閣地下4號舖電話: +852 55439535

估唔到呢間餃子店越開越多，一直未有機會食到，不過今日終於有機會幫襯了。叫了一碗白菜豬肉餃子麵，然後再加多4隻韭菜餃，要煎嘅，兩個煮法一次過試晒佢，再加一支豆漿。雖然煎餃的確係香口D，不過我自己就比較鍾意放湯嘅煮法。餃子D餡都幾新鮮，味道真係唔錯，難怪成日都有人排隊。

不要被這家店的招牌誤導，其實除了餛飩之外，還有很多其他款式的食品可以任君選擇。福建小餛飩真的很細顆，餛飩的皮很滑，餡料新鮮。麻醬拌麵份量比想像中多，其麻醬而近香，配上花生和蔥花很美味。餃子亦有很多款式，我則選了韭菜餃，因為小餛飩是放湯，所以這個韭菜搞我選了煎餃。韭菜很香，餃子型沒有炸得很燶，外皮少少脆，好吃。這裏還有燉湯可以點，我選了黑豆枸杞燉排骨，上菜時不夠熱，要麻煩侍應幫我再翻熱，材料足，味道也不錯。還點了一個豆漿。

其實book mark咗大埔墟嗰邊間鋪好耐，但係都係冇事。跟住屋企人話市中心開咗新店，咁就一齊食晚飯。四個人，但係叫咗個五至六人餐都係$319。望住個餐牌就唔係好多款，起初都驚唔夠食，但係最後真係爆到要捧住個肚走。落完單之後，隔離枱個餃子同侍應講等咗45分鐘唔要。有少少淆底，見佢清左外賣單同已經過咗人潮，我哋入單嘅時候嘅話都唔算等得耐。先嚟肉餅，比我預期中係薄，佢似印度薄餅麵，雖然個餡唔多，但係都好食同埋夠肉汁。個韮菜餃煎到超脆，裏面就保持肉汁熱辣辣超好食。個炒麵就有以前細個係屋企食粥，嫲嫲炒油面嘅感覺。湯麵嘅話本身有少少保留，但係食完第一啖湯有幾得喎，佢有少少似湯羹嘅感覺，落左元貝仔，個湯勁鮮甜。30粒細雲吞，個湯有少少油，但係個紫菜就好好食，唔係得雲吞皮，個餡足料。海大冇特別，唔會過鹹已經贏咗。屋企人想食小籠包，點知嚟到個小籠包同想像中有出入，實在太飽食咗一個嘅話已經食唔落，因為食得太多碳水化合物。最後終於係蠔餅，勁鍾意去台灣嘅做法煎好囉。啲𤐶大大粒超飽滿，但個底比較多油，如墊番張紙格格啲油就會好啲。性價比超高，但係唔建議繁忙時間嚟食。

阿霞餛飩麵(大埔分店)新裝修重開店，長期很多人排隊，點了一人套餐，包括有福建鮮肉小餛飩15隻，家鄉芛乾炆肉飯，合計$58元，人手不足製作需時，味道有家的感覺，中規中舉不差，下次再試鹵麵同煎餃再報告。😋

#大埔雲吞 #阿霞餛飩 話說，其實我鍾意食 #鮮肉雲吞 多過鮮蝦雲吞🤭今次介紹呢間，係另一間我搬走咗都會返大埔食嘅餐廳🥰 佢哋啲雲吞皮薄，餡靚，好吃好吃～～餐廳位於大埔墟嗰邊，舖頭面積唔算大，座位唔算多，枱與枱之間有少少迫🤏🏻我最鍾意食佢哋個 #乾撈福建鮮肉小餛飩 $52/25隻細細粒粒雲吞，用大量麻醬撈，勁香口好味🤤每次都必叫😂另外 #香菇鮮肉餛飩 $42/20粒菇味好香，唔係間間做到🥹同樣都係皮薄又細細粒～個湯仲有少少紫菜👍#粟米鮮肉煎餃 $46/8隻餃子相對上會大粒啲，餡同樣足料而且餃子嚟講都唔厚皮❤️呢間無論餃子、雲吞都幾多款選擇，味道唔錯，有機會要試吓～

喺大埔番工，近近地搵左間餃子店食LUNCH。星期一午餐時間好好彩唔哂等位可以直入。韭菜煎大餃子8隻 $45坊間有好多餃子店食煎餃都可以加配湯粉，但偏偏呢間就唔比加。如果佢餃子有荃灣餃子屋或者餃王咁大隻，唔加湯粉都可以食得飽，但佢D餃子無特別大隻，食10隻都唔飽啦😂我份人諗野就衰D，感覺似係想焗人叫飲品濕下個口或者消費多個餃湯粉食飽D。煎餃煎得幾靚仔，少少脆，菜肉比例大概1比1。不過幾油，如果唔飲少少野，真係會頂唔順😅。大湯餃子10隻$46雙拼+$2麵底+$10我揀左雲耳拼粟米，兩款餃都唔錯，個人偏愛雲耳餃，肉量較少，而且入口依然食到脆口嘅椰菜、餡汁鮮甜😋；而粟米餃肉餡實少少，但味道都唔差。湯底較清，飲落有少少紫菜味，米線偏軟，同譚仔米線口感無得比🤷。人均$50，可能我同同事都大食，所以食完唔會覺得飽😂。個人感覺食一次就夠，不竟附近仲有好多餐廳揀。

西洋菜餃拼韮菜餃（湯餃走青），各5隻。盛惠$49。湯底是紫菜湯，有味精。餃子size不算大，但內涵扎實。多菜少肉，合本人口味。餃子皮沒有北方的餃子皮厚，但有點嚼勁。

一開始叫左個雙拼餃子，洋蔥拼椰菜木耳然後黎錯咗韮菜 然後叫佢換返五隻走，因為我都唔太好韭菜，所以我食住另外果5隻先～等佢再玩另外果五隻俾我，但係呢5隻比起一開始第一轉果啲仲快左上菜食第一隻嘅時候冇睇到🥹好快食咗落肚，因為肚餓然後第二隻咬開一半想點醋，發現入邊啲肉仲係透粉紅色，我諗得6、7成熟隻餃子食物熟係餐廳基本原則啦，唔熟就拎出嚟仲要係豬肉喎..我唔知佢係懷恨在心要煮嗰個定係點你煮咗咁多年餃子冇理由判斷唔到佢唔熟下話 以後都唔會再幫襯

朋友曾極力推薦，剛巧星期六下午在附近，便特意找找，約3點，店內也8成滿座，數人在等緊外賣，店員十分忙碌。鋪面只得一人，收錢，包外賣，落單，聽外賣電話，可能這樣這名店員沒有耐性，也不大禮貌。這個鋪面很細，座位不多，環境衛生也一般，不過相信這店外賣營業額比例多。這裏水餃雲吞選擇多，而且有大粒及細粒，真係任君選擇，有放湯的有煎餃，可加麵底。這裏註明是用新鮮豬肉包，我食落都覺得是，調味剛好，不鹹。湯底不錯，還有紫菜配料，這店鎮江醋及辣椒油我都覺得幾好味，食材用料質數高，價格也合理。此店講明不設茶水站，可以叫汽水飲品。

下午茶時間去咗呢一間大埔小店，佢主打餛飩就梗係要叫啦，好多款式花多眼亂，結果加2蚊叫咗個雙拼，因為想試多D唔同野，福建鮮肉小餛飩拼薺菜鮮肉小餛飩，皮好滑，兩款都好食，不過薺菜嗰款如果薺菜味再濃D會更好。福建鮮肉小餛飩拼薺菜鮮肉小餛飩水餃又心思思想試多D唔同味，所以都係雙拼，粟米餃拼姬松茸餃，我就鍾意粟米餃多D，因為D粟米好甜。粟米餃拼姬松茸餃至於個招牌福建鹵麵就一般，可能係我唔識欣賞D家鄉野，入面有韭菜、蝦乾、肉碎、迷你帶子粒等，麵就好大碗，不過咁樣要$48好似唔係好值。招牌福建鹵麵

重味精得黎仲要唔好食我寄語一眾對粉麵有要求既大埔人不可一不可再唔好諗住一試無妨我食完一個鐘係咪飲茶都解唔到味精真係唔好浪費自己quota去食所謂鮮肉唔鮮亦無肉味

話說中午冇食飯，行行下嫂子話食過依間餐廳，佢平時唔係好食水餃雲吞都話好食，叫我一定要試吓，就好啦就坐低試吓啦，坐位約30個左右，感覺都清潔得乾淨！入到去有2枱客，人手得2個，但又幾多人叫外賣喎！坐左一陣已經三四個人外賣！我嫂子叫左一碗淨小雲吞，我叫左韮菜上海麵，同春卷，其實水餃款式不多我拎咗嫂子幾粒小雲吞食，湯好夠熱雲吞皮好薄，餡料新鮮，都算皮簿餡靚水餃方面皮唔厚，都覺得唔錯，最怕食D皮厚嘅餃子，個人覺得雲吞比較好食

印象之中之前這間雲吞，都應該是雲吞麵的外觀，但要裝修過後才有興趣去。裝修過後的裝潢就好像深水埗或是旺角那些新式的中式餃子水餃麵店。變了一個霽菜水餃刀削麵，另外有一件大白菜煎餃。刀削麵不特別，因為起用預先整好交來的刀削麵，不是店方自家搓粉再刀片削的麵這樣，刀削麵就沒有那麼彈牙霽菜水餃都算非常之大隻，外皮不會特別薄，但亦都不覺得口到很離譜，內裏餡了不少，霽菜比較其他平時吃的白菜還是韭菜特別。辣椒油夠辣，但未免太辣，辣到嗆，再配熱湯難以吃下；比起一般餃子店用豆瓣醬辣得多煎餃就會亦都非常香，因為外皮不算太薄，煎來帶香味，其實挺為香口，夠熱的時候吃亦都不會顯得太過油膩。