18
3
0
港铁长沙湾站 A2 出口, 步行约4分钟 继续阅读
电话号码
62318008
开饭介绍
台湾特色小食,台湾古早味,大肠红面线,台式卤味,清凉冷饮 继续阅读
营业时间
今日营业
11:30 - 22:00
星期一
全日休息
星期二至日
11:30 - 22:00
付款方式
AlipayHK 支付宝 现金
其他资料
当面支付
食记 (25)
等级2 2019-03-21
34 浏览
美居中心的地舖有不少小店,午饍时间每每都见好多中学生光顾。 中学生都识帮衬,睇来应该平靓正。天气开始转热,想买杯饮品解解渴,路过阿贤面线,见珍珠奶茶只需14蚊!!咁平!!出面闲闲地都差唔多30蚊杯!试试先!等候期间发现原来舖头系一个台湾人开。 台仔(阿贤)娶左个香港太太,由於太太好钟意台湾的小食,阿贤就学整、之後再开埋呢间台式爱情小店。 咁真系「真」台湾风味喎等左3分钟左右,珍奶就到手了。杯野唔会太多冰~唔会得奶味而无茶味!亦唔算过甜。 珍珠口感唔错,好弹牙呀! 但珍珠稍嫌无乜味。 (可能依家好多舖头都用黑糖珍珠,所以显得呢间的珍珠无咁甜咁好食。)如果想平平地,呢间都系唔错的选择。14蚊,都okay呀。 继续阅读
(以上食记乃用户个人意见 , 并不代表OpenRice之观点。)
等级2 2019-02-23
185 浏览
长话短说,正!我对食物先评性价比,讲气氛讲环境均为垃圾。从落单个刻个台湾感慢慢浮现,下单後,收银的那位会以带点台湾音的普通话同厨师下单,坐下来,等一会,研究一下枱面上的自制酱料,热腾腾的面便送上了,卖相九分,份量九成,自由再加点菜脯,加几滴蒜汁,就升至十分!我选了鸡肶,味道八分,几滑,唔算大只,份量七分,上碟时会问你要唔要胶手套方便食用,够细心,比多两分。送左杯冬瓜茶,唔算甜,几好,无特别要求!整体不错,可以返食! 继续阅读
(以上食记乃用户个人意见 , 并不代表OpenRice之观点。)
等级3 2019-01-15
275 浏览
今日揾食揾到黎长沙湾 寻觅台湾既风味!面线!去台湾旅游我同男朋友可以一日一碗都唔厌 热胜胜既面线 如汤羹一般 食落鲜香味四溢 真系好好食 仲要配埋蒜香辣👍🏻揾到呢间小店 我听到店员用普通话沟通 问下先知原来佢地系台湾人开店!面线配菜只有卤大肠而不是蚵仔 卤大肠卤得入味 肥瘦得宜 咬下去有劲👍🏻面线味道适中 𣎴过即使加入辣菜甫 味道同台湾的还是有差距 味道没有咁多变化 食耐仲觉得偏咸🙈另外套餐其他小食都不错 可以来治一治台湾瘾👍🏻 继续阅读
(以上食记乃用户个人意见 , 并不代表OpenRice之观点。)
等级3 2019-01-12
212 浏览
呢间系一间小店,由两夫妻打理,主打面线丶鲁肉饭同鲁味,没有煎炸的花巧嘢,主力做返台湾古早味,在一次无意中食过後便爱上了它,面线同鲁肉饭除有单点,亦有优惠套餐,有轻食及正餐比你拣,可以一次试埋小食同嘢饮。阿贤仲坚持选用台湾的红面线,口感滑溜,汤头带有淡淡药膳风,配埋自家制辣菜脯就如锦上添花。而鲁肉饭材料十足,味道恰到好处,不会太咸,小食大多数系卤味系列,但就不太特别,不是我喜欢嘅卤水汁,没有甜味,且卤得较老,跟"滑"扯不上关系,饮品类都较为逊色,较方间的甜且茶味淡,但冬瓜茶又👌喎。可能因为佢专注於面线吧!但其实以老板一个人喺厨房一脚踢嚟计,做得叫不错,路过记得支持下佢地。 继续阅读
(以上食记乃用户个人意见 , 并不代表OpenRice之观点。)
等级3 2019-01-06
221 浏览
个日行开个头想食下啲野医肚见到依间舖头啲野食唔算贵咁就试试佢喇门面极简单同埋唔算大小店经营个啲黎嘅见到佢地系两公婆一齐经营嘅太太负责落单收银 门面野多而先生就系台湾人 负责煮食嘅下午茶时间去食就冇咁多人去食咁就谂多阵食咩叫左个轻食版套餐有鲁肉饭 简左个甜不辣同鸡翼 仲有杯野饮轻食版都几大碗连啲鲁肉都好多 好足料好有台湾嘅风味肉汁搭配得岩岩好不会好油岩岩好最紧要嘅一样野系舖头啲自家制辣菜甫都极得好出色仲可以冇限添加到小食个到得就简左鸡翼 而甜不辣就系太太介绍得试下嘅咁就简左依两样小食黎食鸡翼系卤水鸡翼 不过不失喇甜不辣就真系未食过喇我食落有啲似年糕咁烟烟unun咁都几好食咁有少少咸咸地乜甜不辣个味唔系应该甜甜地先叫甜不辣嫁咩所以我真系唔知乜系甜不辣😂😂😂整体来讲小店系要多多支持嫁仲要依啲小店啲野食唔错更加要黎食多次喇🤤🤤🤤🤤 继续阅读
(以上食记乃用户个人意见 , 并不代表OpenRice之观点。)