阿賢麵線 (已結業)

現身在台灣，寫在香港品嘗的台灣人開的小店~阿賢麵線。感覺更加強烈這間小店的格局和台灣一樣，店小小，簡陋，卻擁有說不出的人情味及親切感。沒有太多選擇，主攻麵線，魯肉飯及滷味。當日選了套餐$38~ 大腸麵線(小)，高麗菜，滷水雞翼尖， 冬瓜茶。 任食，不同辣度的菜莆非常细心。套餐(小)$38一排大腸配口味獨特的台灣麵線，真的在別家吃不到。雞翼尖滷得非常入味，再配入口香脆的高麗菜。大大杯，甜度適中的清熱冬瓜茶。

一個人食午餐 同事介紹呢間由台灣人開既阿賢麵線 雖然同事係叫我去試佢既麵線 但我真係好肚餓好想有飯落肚 就決定叫大魯肉飯加雞脾同冬瓜茶 但阿姨落單既時候建議我叫細既魯肉飯就得 如果麵線先嗌大既 我考慮左兩秒 如果佢要賺錢既點會唔叫我嗌個貴既 好啦 信佢叫細飯啦 $37 冬瓜茶可以簡暖既 姐係室溫 佢唔會好甜 感覺幾健康 個飯既大細就係屋企食飯個隻碗咁大到 有幾粒菜脯係面 而隻雞脾都唔細隻喎 又入味 肉質又嫩滑 送飯一流 枱面有一盒寫住勁辣既野 鐘意食辣既我梗係打開望望啦 原來就係魯肉飯上面個幾粒菜脯 送呢個咁香油味既飯岩晒！一定會再返黎食啊！

話說有次睇左我食評既朋友仔,佢介紹我食尼間台灣人主理既店,雖然我同佢唔識,但我都係大膽嘗試既人,所以我帶左寶寶一齊黎食~店鋪俾我既感覺好似黎到潮州打冷店咁,有種說不出既獨特風味,佢食品款式唔算多,設有大套餐,小套餐同單點,著校服既學生或出示學生證仲有學生優惠價,我地兩個就叫左大套餐,套餐有主食,小食加飲品~ 叫左兩碗大腸紅麵線,小食:香滷雞脾同香滷火雞腎,飲品佢係送冷/暖冬瓜茶,但係我補差額要了熱珍珠奶茶,因為我見到佢店外貼上淡淡茶香,Q彈珍珠,見到Q彈尼個字就更加想飲~(我覺得佢既珍珠俾一般台式飲品專賣店既林,是因為正宗嗎？!)店家有兩種醬汁俾我地選擇(蒜汁/勁辣)麵線入面放左啲鰹魚片,已經好有味~我只放了一小匙蒜汁落麵線調味,味道確實提升了喲~ 佢另一款勁辣我就用黎夾住火雞腎食,雖然有好多辣椒粒,唔知係咪加左豆豉既原故,所以我就覺得佢唔係好辣,味道好夾~雞腎滷得好入味,口感似食緊肉,沒有分毫內臟感,杯熱珍珠奶茶係暖既~啱啱好係入口既温度,個人好鍾意熱辣辣既野,但在於飲品放面,尼個真係一個既貼心又加分既服務~

今天我去阿賢麵線食野，我叫了一個肉燥飯(小)套餐，味道很正，肉燥飯味濃，啱我口味。小食的味道屬於中上。之後我叫了紅麵線帶走，家人話好好食，夠味。總之下次會再幫襯

店名：阿賢麵線地點：長沙灣福榮街218號美居中心地下41A號舖Shop 41A, G/F, Manor Centre, 218 Fuk Wing Road, Cheung Sha Wan，電話: 62318008共壹人享用本餐，合共四十三元。食物的色香味如何：全部食物不算油膩。豬大腸切得幼細，而且煮得軟滑，味道十足，麵線幼滑，冬瓜茶微甜也大杯，雞翼香口，只是可惜未能一嘗鳳爪的味道。環境：較淺窄，但以小食式或輕食量式來說，無須太講究。服務：合格。衛生：合格。抵食：價錢合理。

偶然在長沙灣經過這間位置挺偏僻的「阿賢麵線」，吃到真係有台灣感覺的大腸麵線，後來聽港人老闆娘（因佢講廣東話待客）對其老公所講的台腔國語，估計老闆是真台灣人吧。呢度也供應套餐，我所選的是細的大腸紅麵線跟滷味加冬瓜茶。雖然呢度既麵線沒有蚵仔（台灣也非間間也有蚵仔），但其大腸飽滿又洗得乾淨，麵線的糊度又剛好。若嫌不夠味，只要加點店家自製的辣菜甫，味道即刻起了變化。同場的滷味也不錯，我選了雞中翼、鳳爪及雞翼尖各一小份，雖然外表黑漆漆、其實藥材味不濃，但勝在滷得夠軟熟。自製冬瓜茶不太甜，啱我口味。最後埋單四十元有找，又一抵食之小店也。

I love Taiwanese food. There is something comforting about it. For it's simplicity, yet it's comforting on chilly days. It fills you up and warms you up. That, to me, is Taiwanese food. There are many places in Hong Kong that offer this food. Some are fairly decent. Some are horrendous. And some are just so expensive, I don't even know why I bothered to come. Recently, someone recommended a place that served inexpensive Taiwanese oyster noodles that were down right tasty. I was curious and told

長沙灣區價廉物美，細心發掘也有不少平民美食，今天來到阿賢麵線。店子小小，只有數個坐位，客人大多是附近的居民。食物種類也不多，主要賣台灣大腸麵線、魯肉飯和魯味小食。點了套餐細麵線 $37，味道對版，大腸肥美。旁邊有不同醬料供客人調味，如蒜汁、辣椒醬、辣菜甫，個人推薦菜甫，拌麵線吃一絕套餐可選魯味/ 關東煮項目中合共價值$15的食物，老闆娘見我心大心細，破例讓我選了香滷火雞腎和百葉豆腐味道沒大驚喜但物超所值飲品是冬瓜檸檬茶 +$3, 清涼解喝，埋單合共$40, 大滿足

之前見過有傳媒介紹過，咁啱呢日去開深水埗，就揾揾呢間台灣麵線試試。地點都易揾，方便到達。可能天氣凍凍哋，一去到冇咩人流，只有我同大佬兩個，食嘢枱櫈大多數都係喺舖頭出面，店內都有一張長枱面壁。我哋坐咗出面，餐牌係易拉架或者貼晒喺店舖周圍。見到有個大腸紅麵線餐，有一碗麵線、冬瓜茶同一款滷水小食，二話不說就走入舖頭收銀機前落柯打。雖然當時冇其他客人，不過都等咗一陣，應該即點即做啩！麵線送嚟時，應該係老闆娘嘅小姐用心介紹啲調味配料，有蒜汁同分大細辣嘅秘製菜脯，仲強調大辣菜脯真係好辣！我三款都加晒，大腸香濃，食到滷水味，麵線滑而唔會碎晒，正，食到台灣食過嘅味道，唔似XX雲X，又水又冇味，料又少，呢度完全相反，份量大，麵線多，唔會越食越稀。滷水雞脾size就細細隻，味道都可以。冬瓜茶，甜甜哋，飲落好似糖冬瓜水咁，跟餐OK嘅，單點我就唔會啦。為咗麵線我會再嚟，努力阿賢麵線！

我今晚外賣咗個大腸麵線，打開有驚喜，賣相我俾滿分，似足台灣食嘅樣。但未開始食就先扣分，因為佢俾筷子我食麵線，好難夾，好唔習慣（台灣係用匙羹食麵線）。味道方面，個texture又係滿分，但食落。。。點解係無味嘅？！老闆今晚唔記得調味嗎？！豬腸正常，無騷味。總結，我自己唔會再encore，除非老闆承認今晚真係無落調味 😅 但對大腸麵線要求唔高嘅朋友不妨一試，支持小店！利申：我老公都係台灣人，家住九龍，返台灣多過去港島，大腸麵線係我最鍾意嘅台灣食品之一，大街小巷無名氣我都會食~

大腸麵線+大杯冬爪茶+4款任選滷味小食(雞翼，雞腎，翼尖同大腸)湯底不錯，麵線多一點更好另有自家製辣菜脯，好味**咸蒜醬，愛重口味可以一試易找，但少位，可先打電話外賣，附近可送

又係小區發現既小店，開左唔耐，而家天氣咁熱，日頭去食可能熱左少少，舖內得張bar枱，門口有2張枱，剪完頭髮剛8點，直覺話比我知要試下，果然係好野1號餐~魯肉飯/麵，15蚊以下鹵味，台式飲品 （$38）2號餐~大腸麵線，25蚊既鹵味，台式飲品 （$48）我叫左2號怕魯肉肥，湯好濃唔會重味精，麵線比平時粗少少，比較爽滑，唔食糊口，大腸入味同稔身，鹵味要左火雞腎同翼尖，老闆比左少少紅蘿蔔我試，腎入味唔咸，軟硬適中，翼尖一啜即骨肉分離，個鹵水汁唔會好大陣花椒八角味，我話要熱冬瓜茶，老闆好細心話沖常溫少甜，另一樣要讚就係個辣菜甫（白蘿蔔）有大中小3個辣度，我要戒口，試左少少小辣，真係好好味，老闆話佢師傳佢爸爸（台灣人）係早傳秘方希望有多D人去試，好味又有人情味小店生存空間太少了

長沙灣真是搵食好地方，小店多，高手如雲。看了openrice 見這小店有我喜歡的大腸麵線，就想試試。可以電話叫外賣，接聽的女士很有禮，猜是老闆娘吧，聲音很年輕。叫了大腸麵線，肉燥飯，滷雞脾，送冬瓜茶。大腸麵線是很正宗的台灣風味，手工麵線很滑，軟又爽口，湯有點碗仔翅湯的質感，稠稠的，吃得出有藥材味，微辣。大腸很香，很軟，大腸切得很細，但只有幾粒，相比整碗麵，真是太少😅，當然價錢很便宜，但我覺得可以加高價錢，增加大腸份量，比例會較完美，這裡有少少扣分。肉燥飯賣相真的不討好，跟麵線有同樣問題～肉燥太少。我覺得要麼加價加多些肉燥，要麼減少飯量，餸和飯的比例不對會影響整體食物的感覺喔。這雞脾的肉很實，有點雞肉香但完全無味，下次可以不吃冬瓜茶不太甜，有糖的香味，還可以。老闆是台灣人，麵線真心不錯，如果餸跟麵線的比例改一下，會更出色啊！加油喔💪🏻

香港有台灣餐廳。但不少餐提供的台灣食物都是空洞有形無實。今次試新開張的台灣麵線。 佢提供的食物種類不多，台灣大腸麵線，魯肉飯。仲有滷水食品。 貴精不貴多。 份量上都不少。 大腸麵線有台灣味。 麵線都多。最正係可以加蒜汁， 最岩重口味既朋友。 個豬腸都好食。如果可以多幾舊就好。冬瓜茶係自己煲，店員推薦，試左幾好飲，如果無咁甜就更好。滷水方面。雞尖抵食。 $5 5隻套餐38 有麵線 或魯肉飯+滷水$15 +冬瓜茶。 比散叫抵食。係ok 既。 廚師係台灣師傅，比個機會小店。

支持小店係我嘅宗旨。呢間都算正宗，台灣人煮理，但有廣東話嘅店務員嘅，我估係老版娘，。唔識講國語。。。無問題。佢有餐 ，我本來想散叫魯肉飯，但又想試下佢嘅冬瓜茶加檸檬，老版娘，幫我計條數，話加多幾蚊，就有個小食。。。其實無乜小食啱食，得有雞翼同雞脾都幾啱食，所以再老版娘再三游說下，我用左$41，買左佢地。我自備左外賣盒，但忘了外賣杯，不過隻杯幾有驚喜幾靚，不其然影多幾張相留念。下次會走杯了。 不過，我加左$3要嘅檸檬冬瓜茶居然無加到檸檬，白白比多左$3 仲有而家佢新開，所，以訞優惠價，我睇佢原價，節就覺得貴囉，希望佢keep 住呢個價，節就keep 住幫襯啦吓!