影片
以上资料只供参考，请与餐厅确认详情
补番农业新年嘅食评！估唔到佢年初二就开咗，仲要无特别收费，所以行过食一食佢。我叫咗鸡肉竹笙米线，佢啲鸡肉比起连锁𠮶两间滑啲，最关键嘅汤底比起𠮶两间啲味会丰富啲，啲配料都会稍多一啲，个汤会比较接近南记。以前佢啲米线特别好食㗎，但而家已经无咗哩个优势。不过招呼几好亦胜在坐得舒服。
继续阅读
无论喺太古返工定居住，开业多年，主打云南菜嘅阿诗玛，系该区嘅名店，真系无人唔识！当年更引入各种香港少见嘅云南特产作食材，绝对系够晒正宗风味。业务重整后，近日终于强势回归，唔知味道又系唔系𠮶阵味呢？冰镇黄金耳云南地形复杂，孕育咗唔同种类嘅野生食用菇菌，而嚟自云南大理沙溪嘅金耳素有「植物燕窝」、「菌中燕窝」之称，健身养生之余，口感Q弹又有嚼劲，冰镇嘅食法加上wasabi同豉油，非常清新醒胃。金奖凉白肉蒜泥白肉肥而不腻，五花腩肥瘦相间，入口非常软绵，加埋垫底嘅青瓜丝一齐食，口感更丰富！昭通酱鸡翼比较少接触嘅昭通酱，原来堪称云南酱王！酱色呈啡红色，色泽油润，味道甜辣继而咸香，而鸡翼够入味，咬落超嫩够汁，系必食推介。招牌过桥米线食云南菜又点少得过桥米线呢！阿诗玛嘅过桥米线配料以木桥作碟，想影相打卡就要快，因为配料要趁滚热嘅汤时放入。而配料有虾、腐竹、韭菜、葱花、火腿、鸡肉等，将所有配料放入金黄色嘅汤底入边，品尝新鲜滚烫嘅正宗过桥米线。
继续阅读
应友人邀约外出晚膳，选址太古城道这间重新开业嘅「阿诗玛」。餐厅始于 1991 年，主打正宗云南料理～店内装潢雅致，以杏啡色为主调，配以一室柔和灯光，予人一份舒适恬静之感。入座后，店员随即送上一壶云南糯米茶，入口具浓郁糯米香气，风味独特。餐牌选项非常丰富，除了一系列云南特色小菜、气锅鸡同家乡米线外，仲有小食、水煮类、泡饭、蔬菜、饮品及甜品等供应。京城糖醋里脊 ($108) 里脊采用了较瘦嘅猪背肉，外层炸至金黄酥香，内里肉质软嫩，每件都裹满糖醋汁，入口甜甜酸酸， 非常醒胃，用嚟佐饭一流😋😋😋 黄金虾球水晶酥 ($138) 虾球鲜甜爽弹，外面包著一层铺满咸蛋黄嘅脆皮，入口咸鲜交错，配埋垫底嘅水晶锅巴，卜卜脆又唔油腻，相当美味，令人食欲大增。樱花虾蟹肉炒饭 ($98) 樱花虾炸得很香脆，蟹肉鲜嫩，而且份量下得非常慷慨，炒饭镬气十足，饭粒分明又够干身，食完大满足。
继续阅读
早排去咗阿诗玛试下佢哋嘅云南菜，呢度主打卖米线，都有提供其他小食✨ 🍜过桥米线呢碗米线真系唔讲唔得，一大碗，料多到你以为食紧火锅咁夸张！🤣 最搞笑系，佢真系有条细细条嘅「桥」，成支桥摆满晒唔同配料，好吸睛呀！里面有好多鸡肉虾腐皮芽菜等配料，又可以自己加啲菌菇同埋嘢酸菜去增添风味。最重要系个汤底真系好正，系高质嘅鸡汤。🥇金奖凉白肉系升级版嘅蒜泥白肉，猪肉肥美又嫩，配埋微辣带少少酸嘅酱汁，一啖入口，哇！真系好开胃，简直停唔到手！😋 🍲浓汤饺子浸鸡鸡肉滑嫩，仲有浓浓鸡味，饺子又多又大粒，汤底真系浓到爆，饮完啖啖香，冬天饮真系啱晒！💯 🥬有机腐皮浸时蔬油麦菜清清甜甜，份量又大，用鸡汤煮出嚟，健康又好味，正！💚 🍧芋圆冰粉底系滑溜溜嘅冰粉，奶香超浓，加埋QQ嘅芋圆，食落真系幸福感满满呀～🥰
继续阅读
经过太古星辉台附近，见到餐厅名好特别，原来系一间传承三十年正宗云南风味餐厅。除左云南米线出名，小菜都好出色。餐厅设计新颖，节约大方。晚饭时间全场坐满晒人。🐤浓汤饺子浸鲜鸡一次过食到招牌饺子同新鲜鸡件，汤头好甜好浓郁。鲜鸡嫩滑，仲系鸡脾位置👍🏻猪肉白菜饺足料鲜味。🍤蒜心虾球炒带子带子虾球弹牙爽甜，加上蒜心，腰果，洋葱，大蒜一齐爆炒，够镬气惹果。🥬有机腐皮浸时蔬清清地食个蔬菜，新鲜爽脆，腐皮嫩滑豆味几浓，汤底清清甜甜几好饮。⭐️简简单单食个晚饭，每个菜式都好满意，难怪咁多人帮衬。
继续阅读