阿虎串燒 (已結業)

一直對燒雞軟骨念念不忘！話說第一次幫襯係夜晚00:30，外賣咗幾串返屋企！由於住得唔近，返到去已經唔太熱，但味道唔錯。有時經過又見未開，今晚終於都同朋友嚟堂食！3個人每款叫幾串share, 雞翼脆皮有汁好正，雞軟骨微辣香口都幾唔錯。另外推薦燒魷魚，又係外脆內軟，唔會太難咬，火喉控制得幾好，燒燒賣同就比較普通。見到太多肉所以加咗個茄子，多蒜好正，美中不足係無煙肉腸同金菇牛肉，唯有再等下次嚟試。3人最後賣單$330， 每人$110都合理（無叫海鮮）。建議3-4人嚟幫襯，每款叫嚟試吓，啱口味再加單。