影片
以上资料只供参考，请与餐厅确认详情
招牌菜
相关文章
事隔十年再到访，食物质素进步不少，突飞猛进食得过。舖面偏细，台櫈放得密密麻麻，食客件件肥狮大只，隔离个健硕肥婶已撞到我几次，背后个笨重肥佬批我两次踭！真系食都唔得安乐，燥底火火地！举五次手叫五次先有职员招呼，是否只有一位职员专责落单呢？其他不准吗？必须准时冲出门口及在 3 分钟内到逹，否则大量食客涌现就有排等咯。包场食饺子，食清一点，食轻一点，留力今晚食大餐！火腿炒蛋叉烧意粉，不用鲍参翅肚，不用山珍海错，都可以发挥米芝连 5 粒星的杀伤力！火腿炒蛋，炒蛋嫩滑带蛋汁，蛋味甘香浓郁，调味恰到好处无可挑剔，跟咸香火腿融合，使出合体攻击战无不胜！叉烧汤意粉，叉烧没有真正烧过都美味可口，松化溢出猪肉醇厚甜味，只有赞好的份儿。特浓高汤衬著弹滑完整长长意粉，滚热辣烫住嘴不停连汤吸啜，色香味爆灯使我停不下来！半滴不漏全部灌入，清得干干净净，好食到心里边食边讲粗口！火腿煎双蛋，就算系平凡煎都可以做到米芝连级数！蛋白香脆可口，蛋黄流心滴滴，最紧要有心！滑滑咸香火腿，搭著煎蛋齐齐食更美妙。叉烧汤通粉，嫩滑通粉浸在浓郁鸡汤灌入，无话可说，满分！醉转湾，点解系海湾个湾，不是弯曲个弯呢？点解系鸡中翼，个转弯去左边？不是应该系鸡中翼同鸡翼尖之间骹位个弯咩？凉浸浸的冷盘，干干的，鞋鞋的，轻轻腌味少少酒香，非常一般的。拍青瓜，腌味偏淡，带少少涩，时间不足，去水不足，拍得不足，只食其爽不是食其味，微辣有少少面豉味道。玉豆猪肉馄饨上海面，都话走葱咯！讲两次都唔理我，不幸中之大幸，葱花铺在云吞上，汤汁没有受到污染。餐牌写著玉豆我都不明所以，咬开检查一下。睇落都系菜，食落都系菜，清甜朴实爽爽的。多多菜少少肉，菜汁肉汁互不相让，在舌尖上不停翻腾。上海面雪白曲曲没怎样的期望，难得拖著甜清新汤汁啜入口，有点不错的味道，而且微弹略有嚼劲带米香。汤底似曾相识，再呷多三四啖都硬系谂唔起是什么。队两羮辣椒油点缀，居然跟大埔许记一样麻辣辣椒油，刺激兴奋，越饮越过瘾！成只碗拿起连上海面一齐扫入嘴仔，不经意成碗汤饮咯。洋葱猪肉饺子汤面走葱，记得走葱真有我心。原来汤底有加入樱花虾肴制，所以有种独特的鲜甜味道。饺子大大粒充满洋葱甜味，而且还保留少许辛辣味道，搭上猪肉松格外可口！整粒啪入不让精华有半点流失，满意满意。豆瓣酱属咸类不是辣类，强咸而辣弱，混上汤汁再大大力吸啜，添味提鲜许多，亦使味道丰富多了！蒜泥白肉，各施各法，不同食店有不同的传承。厚厚黏黏的黑酱油混著蒜蓉，让五花腩肉卷著，肉质咽韧结实，食得到的肉甜肉香，加上蒜味辛甜开胃，转眼被我全部消灭。五香牛腱，估不到会系冰冻的，咽咽韧韧黑酱油浓烈，不过不失。食几块牛腱补一补对膝头哥，新伤旧患。韮菜猪肉饺子面，即煮有诚意，不是煮定面底，求其倒个滚汤就出货。所以请耐心等候，只需要 5 分钟左右便好。韮菜饺感觉比其他两款饺大一丁点，馅料塞得胀卜卜，大量韮菜少少肉碎，落味清淡而韮菜甜味突出。热豆浆，极高温难得一遇，比冻的更香更醇。全场食客都系阿婶阿姐阿妹，只得我一位男士㖞，莫非阿伯阿叔全部确诊武肺被隔离？临食完有个阿伯冲入黎，心感高危！急急食完埋单即闪。卤蛋豆腐，入口即联想到猪脚姜，糖醋鸡蛋全熟，我还以为会系溏心蛋。豆腐蜈蚣？盘龙豆腐？皮香口，肉嫩滑，豆香出众，糖醋味豆腐怪怪的。绍菜肉丝上海汤面，竟然跟老妈自家炸春卷馅料一样，但老妈系客家婆，唔系上海婆㖞。何解有股草青味既？话知您照食可也！正常份量比轻食多两三倍，实在使得我太饱咯！面条卷著爽脆菜叶咽韧肉丝不停吞噬，最终都能完美地消灭。熏鱼，少少脆，少少干，少少甜，咽咽韧韧可以的。售 $22 蚊条干争争硬掘掘既熏鱼，我真系唔识欣赏。雪菜肉丝上海汤面，自家炒雪菜咸鲜爽脆，咽韧拉面夹著大啖啜，仲有浓郁上汤紧随，没有挑剔的份儿！非常出色。糖醋排骨，排得靓靓整齐三大旧。突然肠胃炎，疴到菊花也谢了，填充一下再继续疴。不正常肚泻唔似食错野，感冒菌入肠？全部都系猪软骨，方便悭功夫全部没收！松化瘦肉甘甜脂肪搭著脆卜卜软骨，赵得过瘾。甜甜带轻轻醋味，感觉捞饭会更畅快。洋葱猪肉饺韮菜猪肉饺上海汤面，叹完两大重口味饺子，口气都大唔少！蚝油生菜，烚到成堆纸巾一样，带著苦涩味，虽然热辣辣，但不鲜不甜完全唔想食，失败！肠胃炎第 4 日疴足 4 日，菊花都出血，要食清一点，上海汤面应该清好多啦。玉豆猪肉馄饨拼洋葱猪肉饺子汤面，婶婶称系豆瓣酱？明明系辣椒酱黎㖞，露馅了﹗虽然讲著流利广东话，但唔系香港人黎。雪菜肉丝汤意粉，居然失手！汤汁依然可口浓郁但温度不足，爽脆雪菜炒得未透彻有少少宿味，意粉腍了一点点，感到黏口不顺滑。
继续阅读
每次补习前谂唔到食咩，都总会返到阿芳既怀抱里，呢日都唔例外😯频频食轻食餐，可以拣净食六粒饺子配小食，或者系四粒饺子加年糕配小食，饺子有四款选择，而小食就有约十款，带黎无限个配搭可能性🤫▪️ 轻食餐 细韭菜猪肉饺子年糕配醉转湾 + 豆浆 💲46呢日要左细韭菜猪肉饺子年糕配醉转湾，自家制既饺子结实饱满，皮厚薄适中，内馅既韭菜猪肉足料🤗不过年糕同汤底都好似退步左，前者无以往咁烟韧，后者既麻油同樱花虾味亦都无咁突出了😣醉转湾其实就系将鸡翼浸落花雕度，酒味依旧香浓，除咗层皮之外，底下啖啖肉都够味🐥豆浆会有冻热之分，不过不失🔎 整体评分（7/10）
继续阅读
欣赏 : 1, 店内最吸引我系枱面铺上颇吸引嘅绿色枱布.2, 点咗个洋葱猪肉饺子面, 洋葱同猪肉好夹, 好味!3, 饺子除咗好味, 足料! 另外如果净食十只饺子, 面就六只, 唔似马头围潮丰噤偷工减料, 叫净食同面食𩠌菜材料份量系一相同!4, 另外点绍菜肉丝汤年糕, 用嘅系猪骨汤底, 猪骨汤底够香浓入味, 好味!失望1, 豆浆太淡.2, 洋葱猪肉饺子面汤底用清鸡汤, 汤底太淡, 令到个面都淡淡无味, 搞到个面我食得一半就停手, 转用猪骨汤底相信更理想.3, 餐牌无写明有两款清鸡汤及猪骨汤底提供, 分分钟重有其他汤底选.4, 餐凳坐得好唔舒服.
继续阅读
同事带我行远少少食lunch，原来崇洁街依边咁多野食，行左个圈随便咁入左间话食馄饨专门店，但只有卖一款馄饨 😂😂好彩有双拼，仲有3款水饺可以简，仲可以简净食就有10粒饺子 或 配年糕or粉面就得6粒饺子，再送多杯豆浆（冻/热）我叫左 玉豆猪肉馄饨 ＋ 韭菜猪肉饺子 米粉；米粉一夹起就散，非常碎😑碎到要用 匙羹食。而且店内非常热，面又热食到全身成个人都湿哂🤮价钱其实红磡区黎讲唔算平，又唔太好食又热又焗，好难再黎了
继续阅读
一早去红磡开会，先去买早餐，已食怕咗茶餐厅，所以拣咗呢间水饺店，去到门口已放咗餐牌，店内平实面店格局，枱面放咗饺子皮及馅，睇到系即包，先去收银处落单，有八达通比钱方便！我想要收据店员好好写比我（因为呢间店落单纸写比厨房出菜，唔会比客）玉豆猪肉饺跟年榚早餐（$32）跟冻豆浆，卖相几靓，水饺🥟浸咗一阵，皮无可避免有啲泡，幸好够滑，喜欢水饺皮够大块，索汤嫩滑，馅猪肉同打烂嘅豆一半半，猪肉唔干，豆味无草青腥味，好味！年榚略薄，索汤微烟韧，汤味几香浓，应该加了麻油，开胃！冻豆浆（跟餐）够冻有豆味！微甜好味！韭菜猪肉饺早餐（$32）跟冻豆浆，同事食店员几nice，我问佢玉豆系乜野豆，佢好亲切地答我系四季豆！仲比埋外卖纸，我话一个餐都送外卖，我攞外卖走仲同我讲bye bye!可以一试
继续阅读