阿翁上海飯店 (已結業)

去到門口滿心歡喜今晚可以享用一餐美味上海菜，但一入到門口已經聞到好大陣臭味，本人覺得係一陣味...之後坐低睇睇menu，價錢的確係比出面嘅上海舖平；我地叫咗三個餸，分別係小籠包、上海粗炒及肴肉。肴肉都還可以，不是太吸引；上海粗炒偏酸，自己不喜歡。而最離譜的竟然是招牌小籠包！第一次蒸出黎居然唔熟，店員仲話係咁無問題... 之後換過一份新嘅嚟，但已經比之前個壞印象扣哂分！！食物唔好味係其次，做飲食業做嘅態度就好有問題！:(…查看更多

之前拎外賣仔嘅時候，已經問住佢幾多個餐會送外賣， 佢哋搭話三個餐就送， 今日諗住試下佢， 我哋叫咗三個餐， 佢開頭話送， 點知道送餐時間嘅時候， 佢先打電話嚟話唔夠人手唔送， 嗰一刻真係覺得畀佢翹起咗， 飯都冇得食， 真心覺得呢間嘢不負責任…查看更多

我下晝兩點同家人去食，因為以往去都是下午茶時段，所以仲特登睇過餐牌，上海年糕下午茶$36，午餐$40，個侍應姐姐仲好好人咁話送野飲....點知，結帳時原本有另一個單點餐牌是$55，那侍應說'唔係點鮮我會話送野飲'，堅持說我叫餐用的是單點餐牌.....（注：沒單的，結帳時她只告訴你金額，要單據需要詢問）食物品質只是中規中矩，味道我覺得夏麵館更好一點，所以我就不評了，總之大家去既話記得查單，免招損失～～…查看更多

黎間鋪新開時有黎食過，當時覺得服務一般，侍應叫極唔應，擔擔面同外間食完全唔同，勁酸。當時同侍應講，佢都係懶懶行話係酸酸地既味，無問題。第二次係過左幾個月，始終雙鳳街無乜上海鋪，佢都算係便宜既。 但一坐低，覺得餐具有d痴luplup。叫左鱔糊面又勁咸，小籠包叫左套餐，有4個，一上已經有2個穿左。雖然跟餐的担坦面好左d，但整體而言真係好一般。尤其衛生情況令人卻步，所有餐具都係唔乾淨的感覺。下次應該唔會再黎。…查看更多

香港地，因為地產霸權關係，好多小食肆已經無曬生存空間，出去商埸食親既都係美X集團，唔係就咩咩集團的!要搵番餐小店的風味已經買小見小，而做得好又做得住的小店，更加難得一遇!是日想食上海野，聽個frd講呢間唔，而且好多泊車位，就拿拿臨開車出發去黃大仙！在黃大仙竹園區，呢間野唔係一個有外區人來食的地方，但估唔到帶來意外驚喜！叫左個：小籠包—皮薄多汁，夠新鮮，唔係平時食開的冰鮮行貨銀絲卷—即叫即蒸，熱騰騰，入面軟熟，好難唔好食上海粗炒—鑊氣夠，唔會好似出面咁，得個咸字擔擔面—叫佢多湯，佢又真係多湯比我，而且味道不減老實講，環境就一般，堅係一間小店，但係就有連鎖店無的人情味同小時侯食上海野的味道！大家唔好意思，因為太肚餓關係，同埋開餐前冇想過會寫ｐｏｓｔ，所以唔記得左影相，大家勿插。…查看更多

黃大仙銀鳳街有好多食肆。隨時有些隱世食店~~（😂😂講得誇張左）阿翁餐牌選擇眾多，味道又好，重點係價錢相宜，一個客飯，大大碟餸連飯，再加飲品都係~$40，真係好唔錯， 所以我地成日都去幫襯。今次同朋友來午餐，一人叫一個客飯再 share 。佢每日都有幾款是日午餐，不過其實餐牌叫都唔差好遠。叫左獅子球，口水雞（朋友常點的）,椒鹽骨，糖醋魚塊（好好食，但忘了影相）。客飯質素有返咁上下，唔會 hea 你~如果平時我自己來，通常都叫嫩雞燴面。清清地但又唔會話好淡。連飲品都唔駛$40！絕對係區內推介~~…查看更多

最近去完上海，對上海菜一直念念不忘。今日行經黄大仙，朋友推介呢間街坊上海菜。店舖裝修平實，飯市時間座位機本坐滿，菜式琳瑯滿目，但由於趕時間，我同朋友叫左當日嘅精選午餐。紅燒獅子頭獅子頭大大粒，肉嫩彈牙。醬汁偏傑。梅菜扣肉飯扣肉係大大件五花腩，可惜肥瘦比例不佳，唔係半肥瘦，瘦肉略多，食落有啲鞋口。梅菜煮到太爛，而且味道略嫌過咸，但係撈埋飯就啱啱好。隨餐俸送熱飲或中湯。中湯唔似味精湯，飲落令人舒舒服服。…查看更多

平時好少黎黃大仙區食野始終唔係住附近，附近又冇太多商場行街街近期調左黎依邊番工間唔時都會同同事一班柴娃娃出去食下飯始終朝九晚六都留係公司，感覺有點鬱悶呢今次揀左食依間上海小店餐牌選擇都多，價錢唔算貴小店有點懷舊，舊式上海既感覺我們一行六人，每人叫一款野食然後互相share 🤤最鍾意糖醋魚塊同醉雞酸酸甜甜既醬汁 係好開胃魚塊炸得香脆粉漿唔會過厚啖啖肉送飯佳選醉雞酒味香醇很入味依兩道小菜最快被KO 😂叫餐仲有中湯同飲品都算唔錯…查看更多

很喜歡阿翁既上海菜味夠濃及夠鑊氣而且價錢十分親民 很快便成我一家每星期必去既地方。今日我地點了小籠包,雪菜雪𢇁湯麵及家常豆腐。-小籠包皮雖然厚左小小但肉汁鮮甜。-雪菜,青椒,肉絲及芽菜快炒後跟麵分開上。味道十分好之餘同時也見到小店的心思。-家常豆腐亦是我一家至愛因為一餸有齊豆腐,菜及小量肉片,加左豆瓣醬去炒十分惹味。配飯及銀𢇁卷都一流。…查看更多

我是黃大仙居民，搵食當然喺附近，這間店是近期新進駐黃大仙區，看門面真的唔多吸引，所以，一直冇幫襯，是日晚了吃飯，除了茶餐廳就別冇選擇，但我又唔想食呀～ 經過這上海菜店，即管入去試吓～我們二人比較餓，點了擔擔麵、素菜煨麵、北方餃子（6 隻）、小籠包、糖醋排骨，先吃北方餃子，雖然，比較普通但好味的，再試糖醋排骨，精彩咯～ 糖醋煮到糖膠般、酸甜適中、均勻地黏著每舊排骨、排骨炸脆而不覺熱氣（外脆內軟），繼續小籠包，是傳統上海風格，皮是厚身那種，但不會覺得好飽、最正是內灌的湯汁濃郁、肉餡鮮味，素菜煨麵，雖然只是素菜，但也不馬虎，留意煨麵是比較腍身，但仍然是企身、不會一團糊，好手勢～ 然後，擔擔麵，更精彩，湯底是比較四川風、調味（辣）得剛剛好、靈魂所在係一條老子天椒，麻而不辣，一絕～我之前，寫過一篇評論也關於上海菜，我是上海菜熱愛者，以前，經常幫襯上海老店，可現在，市面很多上海餐廳也是濫竽充數、快餐口味，真正上海菜是甜而不漏、咸而不渴、脆而不油、濃而不膩，現在，已經不多上海店能做到，這間小店，正正就能做出老上海菜的風味，我詢問店員說師傅是在上海學師，最出色的是雲吞雞、鱔餬、前菜拼盤，下次，我將會試埋哩幾款菜色，雲吞雞、擔擔麵係上海店見真張的其中菜色，試埋個雲吞雞，就知道師傅功力去到邊～…查看更多