阿甘蝦餐廳

营业中

休息中

從前睇電影，有套叫阿甘正傳既戲，係我好細個既時候就已經睇過（而家都吾係好大個🙈）長大左都耐吾耐睇下套戲，片中主角經歷著實吸引，如果能夠參與其中，有時都係一個有趣嘅睇驗。話說尼間餐廳，12年前來過一次，同一位置，同一裝修，當年去都係因為部電影。中間都有去過幾次，但計計埋埋，都有6/7年無去幫襯過，決心帶埋另一個人去食餐好。叫左3樣食物，餐牌睇落去好似有點吾同左，洋蔥圈，蒜香牛油大蝦茉莉香飯，再來份牛扒加燒大蝦，講真，由行入鋪頭個一刻開始，旁邊人就睇得出佢吾多睇得起間餐廳，心諗美國菜都無咩咁特別啫，所以都係我發版。吾知因為佢太肚餓定咩，一來食個洋菜圈，經已猛話好好食，確實係好香好甜，個粉漿開得好薄👍🏽大蝦飯，個汁底好有水準，農農既蒜香牛油，完全吾油膩仲帶點淡淡既檸檬香味，大蝦去殼進食方便，無得彈👍🏽👍🏽牛扒主菜，熟成度剛好，味道係美式煮法，蒜味同百里香完全入味，牛油好香，好快就清晒！未去過食既朋友，真心推介可以一試，美國菜入門選擇，價錢亦吾貴。最後想講，小弟第一次去既時間，還記得有一杯特飲：花生醬朱古力冰沙，非常好味，但現在已經無得飲了，唯一遺憾🤣🤣

今日去山頂行下，上網search見到好多人都推薦阿甘蝦餐廳，所以嚟左試下。staff幫我地安排左窗邊位，可以望住個view食飯好有氣氛- - - - - -<Shrimper’s Heaven> 嚟到當然要試下佢嘅蝦，阿甘蝦天堂可以一次過試哂4種唔同煮法既蝦，包括椰絲炸蝦、燒烤、吉列同埋天婦羅。我最鐘意椰絲炸蝦，炸到好香脆，而且食到淡淡椰子味，好特別 - - - - - - <Dixie Style Baby Back Ribs>Ribs既肉質好淋，加上BBQ醬夠哂惹味。佢嘅份量好大，再加上薯條好滿足

疫情下的旅遊區太平山山頂，在缺少遊客的情況下，結論是人煙稀少、不用排隊的阿甘蝦餐廳XD從落地大玻璃可以看到維港的景色，餐廳播著經典的外國流行曲，晚上來訪的話應該頗有情調吧！一行四人本來打算用klook package$188/位的午餐套票，但最終忘了前一天購買所以今天的結果是「已售罄」。好吧唯有散叫，反正餐牌上的選擇不算多，大部分以蝦、魚、海鮮為主。阿甘美國拼盤（$218）下層墨西哥片配的醬很滋味，有點似千島海鮮醬撈芝士菠菜的味道。墨魚圈比一般的幼身，咬入口偏乾，但配上拼盤的芝士醬及千島醬即取得平衡。炸蝦理應是招牌之一，但小蝦入口竟然是沒有調味及陣陣雪藏味，有點驚訝。炸蝦球彈牙，調味正常。炸雞塊的外面是充滿泰式風味的酸辣醬汁，很開胃但與整盤拼盤有點格格不入。美式秘製豬仔骨拼薯條（$238）豬仔骨非常稔身，從骨與骨之間一刀切下去，毫不費力便分開了兩邊，以致吃下時亦很方便把骨肉分離，內裡肉汁鮮嫩，秘製醬汁調味適中，帶點燒烤風味，配上幼身的薯條，滿意！香烤海鮮三重奏配茉莉香飯（$198）這碟是最欣賞的菜色之一，整碟的靈魂不是蝦不是魚不是飯，是檸檬牛油蒜蓉醫汁！調得很好得醬汁，牛油及蒜蓉的香味

The last time I was here before Covid was good, but this time was a complete disappointment.The baby back rib tasted like reheated meat cooked from the day before, and the NY steak was cold, tasteless and chewy, and even the mashed potatoe was cold. The server never came to ask how we were doing, and didn't bother to clean up the table after we finished.

話說有次行上山頂行到攰，所以到頂後就馬上搵野食，居然比我搵到這間稀世奇珍！用阿甘正傳這個電影做主題，食物的種類都跟阿甘故事的水準可作相提並論。餐廳的特色就如從Forest Gump與他好朋友Bubba的故事作一個extension，在現實社會裡擴闊了虛構故事中Bubba的夢想，即是除左釣蝦外，仲要喺山頂開間餐廳！此餐廳的食物水準唔錯，加埋個景色，就真係冇得頂，尤其是行到攰到死下死下。裝飾好精緻，每一張枱都打過蠟般滑，而每張枱上都有一塊Run forest run! 的牌，令人恍如情景中。食物質素方面，我會給一個中上的評價。因為主要的食物都是以煎炸野為主，例如炸蝦炸薯條，還有一些美國的種類，排骨等等。好食是好食，但是煎炸野好難會可以好頂級的，在這間餐廳主要是食個景色。不過飲品方面，有點令我喜出望外。平時唔飲太甜的我，也是點了一杯soda，唔會太甜，但又幾有水果的鮮甜，值得一試。這間餐廳的位置，如果是週末的話，應該會好難有枱，不過因為我是閒日放假來行山，所以先至有咁多位，如果大家想來的話，建議打個電話問問留枱！

去到山頂，喜歡食蝦既我地去試吓傳說中主要食蝦既美式餐廳，提早左兩日booking，好好彩職員都安排左我地坐近窗口位，仲可以邊欣賞風景邊食嘢😍由於之前前一日買某網站package有三人餐，坐好後就俾個code number 就可以了，一開始叫左三杯士多啤梨特飲，呀甘拼盤到啦，首先黎先係蒜蓉飽熱上，香噴噴嘅味道入口外脆內鬆軟，之後就到炭燒魚柳及鮮蝦級茉莉香飯及檸檬牛油汁，食落去一d酸味都冇配個飯都好味，一大座野咁送上，有香炸爆谷蝦，洋蔥圈，脆香海鮮球，特式辣汁雞柳，好好味啊....如果想叫野食呢，就係個鐵牌轉個stop字就會自動有職員問你要咩？我地想試埋另一個叫阿咁蝦天堂，有燒蝦，炸蝦，有種炸蝦有椰香味同爆谷蝦，蝦既底下有薯條啊！蝦好厚肉，我比較鍾意食燒蝦😋好快就上甜品，由於生日，佢將個甜品加個生日牌再有職員會唱美國嗰啲歌俾個蛋糕都幾有氣氛.雪糕同蛋糕餅底都好好味啊，雖然依家有疫情依度都多人等食晚餐啊，由於只係阿甘蝦天堂唔係package範圍內，所以俾錢時都係俾返阿甘蝦天堂拼蝦就走得啦！準備去下一站😊

今日山頂一日遊嘅主菜就係嚟呢間以電影「阿甘正傳」做主題嘅餐廳，裝修好有心思，將電影入面嘅元素融入餐廳嘅每一處。我哋一早Book咗位，餐廳仲安排左間房俾我哋，房間落地玻璃仲望到維港嘅景色，而今日天氣又好好，我阿爸阿媽都超開心！【阿甘蝦天堂】應該係呢到嘅招牌菜，影相超靚冇得唔叫，哈哈！一次食到晒四種唔同煮法嘅蝦（燒烤、吉列、天婦羅、黃金椰子蝦），仲有三款唔同嘅醬汁！其實款款都好食，我最鍾意就係燒烤，蝦肉彈皮燒得香口又Keep到肉汁，而黃金椰子蝦就比較特別，外脆好食。另外每一杯仲有薯條墊底，好食又抵食！【凱薩沙律】減低罪惡感之選，啲菜好新鮮爽口，麵包粒好脆好正，加埋個醬好fresh。【阿甘美國拼盤】拼盤一上到枱超豐盛！！有炸魷魚圈、水牛城辣雞肉同炸栗米球配炸蝦，下面仲有大量栗米脆片，配埋個芝土菠菜醬好滋味！【美式祕製豬仔骨配薯條】佢呢個豬仔骨真係炆得好淋，同BBQ醬超夾，啲肉都入晒味，甜甜酸酸好開胃！仲跟住大量我最愛嘅薯條！又係抵食飽肚之選！【卡真牛油煎嫩蝦配蒜蓉包】樣樣都話超好食好似好假，但真係超好食，哈哈！一開始食咗個蒜蓉包先，佢個飽一啲都唔Hea，外皮係脆裡面好鬆軟，冇焗到硬晒，點咗少

平時好少去山頂會係上面食埋嘢，要食就食啲係返平地少見嘅餐廳！今次試左呢個以蝦+阿甘正傳為主題嘅餐廳，試勻用唔同方式去烹調蝦(可以叫佢地試下加埋中式煮法) 食物方面：Shrimper’s Heaven 可以話真係一個必點嘅菜色。佢包含左四種蝦嘅整法(雖然兩三款都係炸出黎)，但係配合唔同嘅醬汁，款款食落去都有一種幸福嘅感覺！愛蝦人可以試下😋 每一種蝦都有一堆薯條做個底，除非你真係好愛薯條，如果唔係可免卻叫多一份薯條。 環境方面：由於疫情關係，佢開放嘅坐位都以窗邊會主，所以你可以一邊食蝦一邊一覽香港 價錢方面：以山頂普遍嘅價格、又有海鮮(蝦)食、再加上可以遠眺維港，人均大約二百幾我覺得都常算合理

來到山頂，特意選了這間，在其他地區沒有分店的餐廳。食物方面：軟殼蟹漁夫海鮮桶 - 第一印象鹹，除了蝦以外，由軟殼蟹到醬都鹹，醬汁特色是有好大陣酸瓜味，薯條好普通，冇特別暖朱古力曲奇新地 - 曲奇軟硬剛好，唔會太甜，配上微甜的雪糕，唯一美中不足的是cream太甜，有點扣分服務方面：特色 - 生日會有全部侍應唱生日歌俾你聽招呼 - 侍應寫錯單，但會覺得係客人錯，雖然會更換返，但之後態度唔多好清潔 - 每枱客人離開後會抺地

阿甘蝦餐廳係電影「阿甘正傳」嘅海鮮主題餐廳📽️，主打美國南部風味嘅鮮蝦料理。餐廳設計貼近美國平民家居風格，佈置大量電影劇照同道具，播放歡樂愉快嘅音樂🎶。餐廳更設有電影紀念品店，門外有劇中長椅同模型跑鞋，比你扮下阿甘影相。位於太平山頂佔盡優勢，景色真係無得頂🏙️，享用美食同時飽覽維港美景。————————————————👅Shrimper’s Heaven阿「甘」蝦天堂 ($220)👍🏻蝦迷嘅天堂！一次品嘗4款唔同烹調方法嘅蝦，包括黃金椰絲大蝦、炸大蝦天婦羅、燒烤鮮蝦同麵包糠炸蝦，配有3款特調醬汁(Tangy Asian, Cajun Marmalade & Zesty Cocktail)。個人最鍾意黃金椰絲蝦🍤，炸椰絲酥脆又好香椰子味！天婦羅蝦非日式嗰種，炸蝦同燒烤蝦比較普通，下面又係一堆好飽肚嘅薯條，唯一要挑剔係大蝦無挑蝦腸👅Dixie Style Baby Back Ribs美式秘製豬仔骨配薯條 ($238)👍🏻美國菜特色就係份量好多大大碟，一大條燒豬仔骨下面仲隱藏左半條🐷！豬仔骨從豬腰脊中取得，比腰腹嘅豬肋骨更厚肉鮮嫩，搽上自製BBQ醬慢燒而成，炭烤風味濃厚，連皮幼身薯條同椰菜沙律，

建議：Fd 子表示：個個去睇景 唔通個個都想去觀景台咩 😌Cajun shrimp (蝦+蒜蓉包) $68叫份小食，再叫杯野飲chill 下😉🍸 如果唔點酒精飲品，大概HK$150-200埋單~ 望住個景真係好舒服❤️ #homekong 平日嘅山頂，真係無咩人🙈 靜到不得了。如果打算去食飯，最好8點前去到餐廳 #cheers 🥂 仲可以睇埋幻彩詠香江😂

疫情期間，同朋友行完西高山之後就食左個好早的晚餐!最後我地決定黎食阿甘蝦餐廳!!聽聞都幾出名下!!後尾我上網了解下, 先知道原來呢間係由阿甘正傳作為主題的餐廳，所以入面好多裝修都好特別!!!由於當日是聖誕週，所以佢地都營造左聖誕氣氛出黎!!我地點了Shrimp's heaven HK$220包含左四款制法的蝦美食:1) 炸椰子碎蝦2) 天婦羅蝦3) 炭燒蝦4) 普通炸蝦剛上菜的時候外皮熱辣辣，蝦肉亦都好彈牙好有口感!!!味道一流!!!同時, 我地叫左個steamed mussels HK$172我地略嫌比較淡口，帶唔出白酒味道最後因為我地坐纜車的關係，坐左張COUPON俾我地，我地就決定食BROWNIE!!好濃郁的朱古力味，都唔錯架!!!

假期上山頂一遊，坐下好耐無坐過既山頂纜車🚠揀黎揀去，都係揀左之前已經想食既阿甘蝦大約等左10分鐘就可以入座，要window seat就要提早預約啦.我地都坐到張半window seat, 都開心仔啦😁- Ribs Combo：豬仔骨肉質唔算鞋，加埋附上既bbq sauce一齊食好惹味。蝦燒得好香，只係食落有小小乾。- 蕃茄青口意粉：青口唔會好煮到老晒，意粉都ok，只能講無咩特別🙈總結：食物份量好足，味道不過不失啦。風景係加分既。

阿甘正傳做主題嘅主題餐廳， 電影道具及服飾都用咗嚟點綴間餐廳。成間餐廳所有菜式都以蝦為主，碟碟都蝦，不過好似比較多炸物。枱上面有個牌，需要侍應就轉一轉個牌，跟住就有人過嚟服侍你㗎啦！叫咗一個雜錦拼盤，有白汁焗菠菜/墨西哥片/辣雞/炸蝦/炸魷魚圈/炸蝦丸。個辣雞真係有啲咸，肉又好似梅梅地咁，又整得唔似韓國啲辣雞酸酸甜甜咁好食，食咗一嚿就放棄咗！炸魷魚圈又係唔掂，冇彈怕冇質感，街邊檔個炸魷魚鬚好食好多。可以讚下就真係嗰墨西哥片，完全無添加，純天然粟米定係麥香味，拌個乳酪醬或者白汁食都可以嘅。另外仲有個香蒜檸檬蝦意粉，個味道好創新，古怪但我中意，唔中意係隻意粉好似天使麵咁幼！唔啱我，我中意食粗麵！老實講，喺冇味道㗎！不過有浪漫feel咋，因為餐廳就位於凌霄閣3樓，可以睇住夜景談心！

疫情中最享受的戶外活動應是行山，今天相約好友選了簡單方便的路缐，由半山出發步行上山頂，花了不少氣力斜路上山，再在山頂走了個圈看看風景；又是時候吃午飯了，好友選了這間以蝦為主食的「阿甘餐廳」。餐廳地理位置優越，擁無敵山景和維港兩岸美景，落地玻璃令風景一覽無遺，居高臨下景色份外優美，如疫情過後一定要多來一趟欣賞夜景。餐廳室內設置甚具美式風格，牆壁掛滿與阿甘相關的畫和「甘句」，食客可回味當年紅極一時的「阿甘正傳」。啤酒灼鮮蝦桶（garlic recipe) - 以小金屬桶盛載，茄紅色的醬汁，入口不覺有啤酒味，反而帶點辣。蝦肉有質感不會＂梅＂，連殼煮吃起來有點不便，但整體味道不錯。豬仔骨配燒蝦串 - 豬仔骨肉質軟熟不乾身，燒烤醬汁惹味，份量比想像中大；燒蝦串沒有配合醬汁，所以味道較清淡，入口有質感不會＂梅＂。Caesar Salad - 蔬菜新鮮爽脆，沙律醬份量剛好，麵包糠也香脆，如果灑點煙肉碎更能提升味道。Louisiana Lemonade - 冰凍清新，偏甜，不吝嗇加入酒精。Bubba’s blue Hawaiian - 朋友讚好，清新帶甜，重洒味。