影片
虽然这个烧味双拼烧肉饭叉烧烧肉饭 价值港币30元 但系 啲叉烧非常 硬 好似树皮咁 烧肉反而 好似水煮咁淋 同埋得两嚿有烧肉皮 值得一题佢只匙羹得两啖已经挛咗喇 虽然烧味饭30蚊要求唔系太高 但系都唔系做老咁差！
继续阅读
叫左烧肉豉油鸡饭，$28，切啲位靓唔靓呢样嘢就预咗未必㗎啦，但我都冇谂过叫烧肉一块烧肉皮都冇，自动帮我走晒，乜依家嗌烧味饭有走皮服务嘅咩？本身见个装修几时正又开咗都有一段时间，应该都唔会差得去边，点估到咁好服务帮我切走晒啲烧肉皮，谂起都嬲嬲地，不过都系嘅，$28系预咗㗎啦，俾啲咁嘅质素我唯有硬食，不过就冇下次咁解，我宁愿俾贵啲都唔再食呢间，特登喺度帮手顺便宣传吓，想食烧味饭走皮记得揾呢间，呢度有专业切皮服务
继续阅读
专登走落去买个外卖已经要烧鹅系贵啲都唔紧要，因为自己想食一返到屋企见到盒外卖，得四件烧鹅加油鸡翼。 但系烧鹅一旧系全肥无肉嘅一旧系得骨。得两旧肉有油鸡，仲要系鸡翼位。咁就收啲食50蚊。 真系有啲过分啰。
继续阅读
置乐𠮶头见到有一间烧味档人头涌涌，原来大家都系外卖烧味，我见舖头亦都有得坐，但系好多人都只系嗌外卖，可能同疫情有关，$30 1个湘婷烧味，再加$5一杯嘢饮，系今时今日算系抵，行返屋企都差唔多要半个钟头之后，一打开个饭盒，果然有惊喜，叉烧够Juice油鸡佢又俾咗鸡俾我，有饭香，虽然菜心得半条，外边都几大风，但系盒饭同杯嘢饮依然够暖👍同一个双拼烧味再嗌多碗汤米粉，不过外卖汤同米粉佢冇另外分开，外卖返到屋企啲汤汁俾啲米粉吸收到一半，不过都系有鸡髀，而且叉烧系半肥瘦外卖烧味来讲，算系有质素嘅一间👍不过要留意，只收现金。
继续阅读
比左几次机会都系令人失望一开始我系先买烧味饭食，叫咗个肥叉烧烧肉饭，烧肉唔错，叉烧够味但有啲瘦同韧好啦谂住试吓买一斤肥叉烧，已经再三叮嘱肥少少，点知返到屋企打开都系又瘦又大旧，真系好失望，明明味道唔差系要做坏自己招牌，无肥叉烧出句声未ok啰，叫其他野，系要斩啲人地唔系想要既野比人我连新墟果间都试过，同样都系斩啲又瘦又韧既比人，明明门面干静企理，都唔好好少少，为咗清货咩都斩比人，所以如果钟意食瘦韧叉叉烧，不妨一试，本人一般，between佢啲烧肉系ok
继续阅读
您可能会有兴趣的...