影片
今日行开呢头，唔想又食嘉宝。明明记得之前呢度有间齐柏林，行过嚟先发现执左，开左间串烧系度㖞。作为一个烤肉老饕，点都要试下先得既。 行到身水身汗，落完单即刻嚟罐可乐先。羊肉串，鸡肉串，猪颈肉，黑椒肠陆续送到。「起筷！」香味够，新鲜烧起，表面焦脆内𥚃嫰滑多汁，可以。 好似唔多够喉，再嚟一round先得。今次叫左罐苹果醋，酸酸地配串烧都几消济。多数人会喜爱金菇配牛，但我最喜爱既配角却系韮菜。先嚟串一口牛，香口软腍又Juicy，衬著满口既油香再咬一啖串烧韮菜，独特既香气充斥满整个口腔。每啖既咀嚼都在冲击著味蕾，实在系个人最爱配撘，百试不厌。 呢个时候，见到隔离枱竟然出现了海鲜。「唔通呢间串烧小店都有omakase ?!」点知反转张餐牌先发现原来仲有得拣既。见到锡纸烤金针菇，烤大虾同烤生蚝，作为海洋生物爱护者既我，嘴角已经𣎴自觉地流下了泪水。为了捍卫老饕既声誉，麻烦再加单唔该🙏🏻。 离远闻住阵烤海鲜味已经令我垂涎欲滴。唔系等左好耐就有得食。真系不愧为(我以为)隐藏menu菜式，鲜甜味美更胜预期。蚝系用左蒜香牛油焗，恰到好处既蒜味没有盖过蚝既鲜味，反而带出更浓厚既海鲜味，调味同火喉都可见一功。真系好彩有叫嚟试，赞赞赞赞赞👍 不经意既偶遇，惊喜既美食体验。其实有时忙碌过后既享受，就不过是串烧配上快乐水。
继续阅读