影片
以上资料只供参考，请与餐厅确认详情
阿波罗作为童年回忆，今次经过，就去怀念下！夏天出咗季节性嘅西瓜味，咁就试吓西瓜乳酪雪糕啦！睇住佢将新鲜西瓜肉放入机，搅一搅，就形成咗西瓜乳酪雪糕啦，好神奇！员工姐姐仲超级好人，好有技术地，吱左一个6层高嘅雪糕俾我☺️ 可能呢种就系屋村店舖嘅人情味🥰 全天然嘅西瓜乳酪雪糕唔会有好多人工糖，唔会太甜，识落口感觉上都健康啲，食雪糕嘅罪恶咁都会低d🤣虽然价钱比普通雪糕较贵，但系以佢嘅味道同埋天然成份尼讲，都系值得嘅！
继续阅读
《阿波萝乳酪》由于我有童年遗憾症（我自创既病名，姐系童年时好多野都无试过而搞到无回忆）好可惜，所以我依家决定临老补获，逐一逐一试返。今次！就试左朋友话「根本无可能无食过既童年回忆————阿波罗乳酪！」😂😂救命，我今次真系第一次食😝我童年时期究竟发生咩事，失忆咁款，好多都唔记得，甚至未试过😖阿菠萝既乳酪做法同我见其他乳酪专门店既做法系完全唔同既，系将啲雪到结晒冰既水果+乳酪放进大搅拌机度打碎后再混合，不出5秒，有得食啦😆😌我选择左士多啤梨+蓝莓味，整杯乳酪水果味浓，甜中带酸，但又欠缺乳酪应有既乳酪味，似杂莓雪糕多啲～而且质地冰感，带点点水果既纤维，有啲打唔够碎都系件好事，增加口感，大大杯够2个人share👏🏻☺️一个人独食会咳咳or肚痛（其实系我会，玻璃喉咙+玻璃肚），溶化速度亦合理整体而言，几得意吖，唔错吖，但CP值不高，略贵（哎，谂谂下又唔算贵，约$35)，味道未见惊喜，但试下都无妨既😁🎉又收集左多一样童年回忆✌🏻️✌🏻集邮尚未成功；同志仍需努力💪🏻 ·最后，套用几位朋友说话：「你地唔系未食过啊？妖！都无童年回忆既！😒😒」
继续阅读
28-4-2013(日)♬ ♪ ♩♭～ 小小的宇宙，欢欣的宇宙 。。。～♬ ♪ ♩♭你的童年回忆里，曾经有著它吗？♬ ♪ ♩♭～ 蹦蹦跳，哈哈笑，是我小时候！～♬ ♪ ♩♭是日宵夜，是较早前在 阿波罗 店舖买下的 Monaka 雪糕，这款雪糕是我儿时最喜欢的雪糕 。那时候只有云呢拿味，后期再加入朱古力味、朱古力云呢拿味、红豆味及意大利芝士饼味等，现在市面上很像已没有红豆味再售卖了(还是我较少见到呢？真的不太清楚。。。)打开包装纸， 它外型像一个夹饼似的，分成厚厚的八小格，每小格都填满雪糕。是次我选的是朱古力味，外层一个是不脆的威化饼，反而更有嚼劲，入口颇有口感；除雪糕外，内里还藏著粒粒的小朱古力粒，之后会慢慢尝到奶香，奶味也颇重呢！吃完整件后， 那种冰冻的感觉，彷佛能即时凝住内心的快乐，非常舒畅！ 我还一边在吃著，一边在 openrice 写下这个食评，这是多么愉快的一夜！阿波罗，谢谢你！ ♬ ♪ ♩♭～真的我，真的你，唔系小木偶 。。。～♬ ♪ ♩♭在我心中，你永远都是带不走、抹不掉的美好回忆。。。
继续阅读