阿木台灣麵 (D2 Place TWO)

营业中

休息中

睇戲前見D2 place二期開咗阿木台灣麵（試業），好驚喜‼️同層另外兩間16:30都仲係只見午市餐牌，梗係即刻入阿木喇！下午茶係（主食+小食3款+飲品）嘅配搭，價錢$39再按飲品選項加錢，QR code落單。我叫咗肉燥飯、炸甜不辣、台灣腸、醃小黃瓜，熱冬瓜茶就+$3。1️⃣肉燥飯好大碗！飯量同肉燥量都多，而且好味。係可以當午餐嘅份量。2️⃣小食最欣賞炸甜不辣，個邊少少脆口，但感覺唔會好熱氣，最好味👍🏻👍🏻台灣腸同小黃瓜都唔錯😌3️⃣冬瓜茶甜度剛好，用鋼杯keep到食完都仲頗熱😹下午茶時間幾多位坐，餐廳職員親切友善，睇戲之前喺度食嘢一流👏🏻😼

仲諗住阿木有保證…真係有啲失望🤦🏻‍♀️外賣自取紅燒牛肉麵，話10分鐘拎得，最後等多10分鐘先有，不過預咗佢多人等得耐，所以無所謂。但返到去個發現個膠碗底係裂開咗…啲湯滲緊出嚟…我要搵個膠袋兜住加上極速食完先無搞到一枱都係🤦🏻‍♀️外賣盒有加錢架😰不過可能佢都唔知所以都算…最大問題係啲牛肉…係好多好淋，但無味嘅😅…好似啲煲湯肉咁完全無調味，個麵同湯正常，所以最後我係食晒啲麵，啲牛反而唔想食🤢我諗短期內我都唔會再幫襯住🥲

咁啱去開荔枝角，諗嚟諗去都係得幾間舖頭啱食。突然之間就醒起阿木喺D2 Place two開咗，諗都唔諗就去咗食！中午1:30到達舖頭門口，見到門口有唔少人喺度等緊位，我就立即去撳飛。唔知係咪新開張嘅關係，老闆娘都喺度坐鎮。見到員工執枱都幾快手，而且都好注重衛生。大約等咗10分鐘就有枱。新舖頭係用QR code落單，都有少少客制化選項可以揀。落單後大概5分鐘左右就出齊。影咗一兩張相之後，就立即開始食我呢碗牛肉麵啦！而家冇乜機會去到台灣，但係喺呢度可以食到一碗比起喺台灣食更好食嘅牛肉麵，心滿意足！味道 5/5紅燒牛肉麵，唔單只係個碗大，牛肉嘅大小同數量都好誇張，食晒啲麵都仲有幾塊牛肉喺個碗度未食到。叫紅燒牛肉麵而唔叫麻辣牛肉麵係因為咁樣可以試到原味嘅湯底之外，加上呢度個辣椒油就等於轉左麻辣口味，總之就一句講晒，正！環境 4/5大熱天時最緊要係個冷氣，呢度個冷氣夠晒涼爽。佈置都幾好，唯獨是係大家都高談闊論，環境有啲嘈吵。服務 5/5雖然轉左QR code落單，但係員工們仍然係有警惕，一旦同你有眼神接觸，就會上前問你有咩需要幫手。送餐到你面前亦都會同你confirm一下係咪點咗呢個餐，避免咗送