阿木台灣麵 (豉油街) (已搬遷) 新店位置

之前經過幾次，每次都好多人排隊冇機會食，今次我醒目，係GULU apps㩒定飛先😆。我點咗「麻辣肉燥拌麵$43」、芝士肉鬆蛋餅「$42」、熱珍珠奶茶$30。作為麻辣愛好者，「麻辣肉燥拌麵」呢個辣度對我嚟講係小麻小辣，惹味嘅醬汁及肉碎，配以粗身煙韌爽口嘅手工關廟面，帶來美味與口感😋。「芝士肉鬆蛋餅」，蛋皮口感Q蛋，包住半蓉芝士及好多肉鬆，令人忍不住一口接一口。仲有我至愛嘅「珍珠奶茶」，好少地方飲到會有茶香，要讚👍。會再來✨。

成兩點幾先有時間食午餐，經過呢度，一般有好多人排隊，呢日可能比較晏，只有幾個人排緊，咁我都即刻排吓，等咗約15分鐘就可以入去食😆叫咗$69嘅「紅燒牛肉牛筋麵」，加$3轉「粗手工關廟麵」，$36嘅「肉燥蕃薯苗」，半價$19嘅「芝士岩鹽奶蓋炭燒烏龍茶」😋「牛肉牛筋麵」嘅湯底據聞係用牛骨、牛肋條、牛𦟌、雞腳、藥材等經過24小時熬製而成，咁飲啖湯先，真係幾好味😋；「牛肉麵」嘅牛肉其實係牛𦟌，有兩件，每件都非常巨型，煮得超軟熟😋；牛筋都好腍😋；「關廟麵」夠粗身，我喜歡😋；呢碗麵份量超大😆「肉燥蕃薯苗」簡單好食😋。「奶蓋」唔係好甜，有香濃烏龍茶味，仲有少少煙熏味道😋

用左gulu 拎左飛，去阿木台灣麵食唔洗排隊等好耐，所以食之前記得拎左飛先😆今日就去左旺角豉油街果間阿木台灣麵，叫左麻辣牛肉麵、肉燥飯、醬油豆苗（原本想叫醬油蕃薯苗，但當日冇晒，下次再叫過🥲）、台灣小香腸、芝士岩鹽奶蓋四季春茶。特別推介係佢地招牌麻辣牛肉麵，d牛肉好厚份量好夠，入口即溶好有牛味，而個麻辣佢地調得好香又夠辣，而麵質又彈牙，碗麵冇得彈！另外佢地出左好多新既產品，有豬腳啊，鴨血粉啊拌麵等等，買返屋企慢慢食🤤

疫情以來，大家都無咩機會去台灣。為了解一解條台灣癮， 所以我地今日就去左食阿木。阿木除左有堂食之外， 仲有一d 麵食，果乾或者茶包可以買回家去煮同沖，而且都係台灣製，唔使出街都可以食到台灣食物！今日我地兩個人叫左兩碗牛肉麵， 兩個小食同埋兩杯飲品。麵食方面，我地叫左推介嘅牛肉牛筋麵同麻辣牛肉麵。牛肉牛筋勁足料， 一碗有成四大塊厚切牛肉， 男仔食都好飽肚。牛筋有咬口又唔會過韌。 麻辣湯比較重花椒麻香味，少少辣。 小食叫左醬油蕃薯苗同地瓜條。蕃薯苗好滑， 地瓜條同平時連鎖台式小食地唔同。佢係帶少少煙韌同口感， 配埋佢個梅子粉， 一個人食哂成碟都無難度！飲品叫左金鑽鳳梨四季春同埋蜜桃烏龍。 蜜桃烏龍係無糖冷泡茶，飲落好清爽，都係店舖有埋嘅產品。食完真係好滿足， 可以捧住個肚番屋企！

早前看了Alfred的影片介紹 一直很想試小店的牛肉麵和蛋餅🍳實測後 的確性價比很高😎〰️麻辣牛肉麵 ($65)是令人震驚的份量 一碗有4大塊牛肉 入味而且好淋 超厚身(好像牛扒般厚 沒誇張🤣 麵質就好彈牙 而湯底是令人不斷想喝一小口 雖說是麻辣 但實質又不會過辣〰️芝士肉鬆蛋餅 ($42)蛋餅皮薄身 有點煙韌 肉鬆是完全不吝嗇的份量 又是超級多😽 很滿足🤎✨加分位：筷子及匙羹都用了膠袋密封 感覺乾淨衛生✅

阿木台灣麵相信呢個名大家都唔會陌生因為佢係旺角近期非常人氣高企嘅食店淨係經過見到佢哋門口嘅人龍就知道佢哋有幾受歡迎就算係平日都等咗一段時間先有位食～不過唔緊要我知道美食係需要等待嘅喺等待嘅途中我就睇吓餐牌 門口仲有啲台式食品俾大家揀下～ 某啲產品喺門市都唔多見到㗎今晚做完運動有啲肚餓等我揀個主食再加啲小食先！紅燒牛肉牛筋台式麵～ 我諗台式牛肉麵大家都唔會覺得陌生 佢哋個湯底非常濃厚 而且一定唔會有味精嘅感覺！牛肉牛筋肥瘦適中非常入味為食嘅我再加多個芝士肉鬆蛋餅！滿滿嘅肉鬆加埋芝士真係非常夾～～加埋杯芝士奶蓋飲品 猶如置身於台灣一樣

常客🤪終於得閒去呢間新分店食一如既往咁多人😂😂 現家仲有好多台灣手信買番屋企食肉燥飯 （$35）最近要食得清淡一點 呢個就係最佳選擇!多肉燥啊 大大碗😚😚好滿足台灣小香腸 （$29）好似臘腸咁 佢係炸完 切到薄薄一片可加蔥同蒜一齊食醬油蕃薯苗 （$32）第一次食 就係吾知咩黎 先叫黎試下係一樣好好營養價值的蔬菜🥬可抗衰老同埋加強骨骼強健好食架最後招牌麻辣牛肉麵 （$65） 男友最愛 最近我介緊牛啊！ 忍下口😚😚但我食過佢d 牛係好正好厚😝😝芝士岩鹽奶蓋炭燒烏龍茶 （$19）飲開呢個 因為呢間的芝士奶蓋係可以走冰🤪🤪桂圓紅棗茶 （$24）好好好好好甜😂😂😂 但我都叫左微糖鐘意飲甜野就可以試下阿木台灣麵 (豉油街) (旺角)旺角豉油街60-102號鴻都大廈地下3-4號舖

這家暫時是香港數一數二最愛的台灣餐廳，已經重覆光顧過無數次了。即使開了分店，但每次去都依然排長龍，超受歡迎！總括來說食物質素相當高，而且價錢亦很合理，喜歡台灣菜的一定不能錯過！・⊳ 鹽酥肉便當這家的炸物很出色，如果第一次去吃十分推介這個鹽酥肉。豬肉條肉質嫩滑有彈性，口感酥脆，炸粉亦不會太厚😋！⊳ 紅燒牛肉牛筋麵這碗麵份量十足！就算大胃口吃一碗真的已經飽了。牛肉麵麵質有彈性，掛湯能力不錯！另外亦附有兩至三塊超厚切牛肉，肉質肉味都不錯，能滿足一眾食肉獸！⊳ 甜不辣這個脆口亦不會太油膩，口感煙韌，好吃。⊳ 芝士肉鬆蛋餅這個亦是必吃！餡料滿滿的，配上鹹鹹甜甜的醬汁，超好吃的！🤤

好耐無食牛肉麵，就諗起阿木牛肉麵今日就去試下水準能否保持得到===================蕃茄牛肉麵湯底好濃郁，好足料飲得出唔係用茄膏溝出黎係用新鮮蕃茄煮好fresh好健康牛肉一如既往咁大塊同多足足有成4,5塊好軟淋 正！鹽酥雞炸粉好薄，火喉剛好外脆內軟另外叫左一杯芝士岩鹽奶蓋炭燒烏龍茶奶蓋既甜同烏龍茶好夾，一飲難忘店外有賣雜貨，今期新到有乾貨包括烏龍梅，青芒果，紅心芭樂，鳳梨角，糖山渣，姆檸檬片，紫蘇梅，柚皮乾，愛文芒果，蜜洛神花全部都係台灣名產，值得一試！ 另外點少得佢地自家既拌麵同豬手好有質素，一定唔可以錯過！

成年都冇得去旅行，相信大家都好掛住台灣嘅美食😞今次就黎到呢間旺角人氣台式小店，之前已經喺總店食過兩三次，今次嚟試吓新店，味道依然無變，保持到質素💛🤩呢間台灣餐廳長期都有一條好長嘅人龍，大家想食嘅話就記得上gulu拎定位先喇😆今次約咗朋友食6:30 ，搭車途中就上 app拎定位，去到啱啱好有得食😚-紅燒牛肉麵 $65之前食佢嘅午市已經試過肉操飯同埋拌麵，今次就試吓新野牛肉麵啦！一上枱我同朋友都”哇”咗一聲，牛肉有四大舊仲要全部都係厚切！😱面嘅軟硬度非常適中，加埋個湯底飲得出係足料熬製，加埋阿木秘製辣醬一齊食非常之惹味啊🤩芝士肉鬆蛋餅 $42；台灣小香腸 $29小食方面我哋叫咗一份芝士肉鬆蛋餅同埋香腸😽蛋餅方面蛋餅皮非常之薄而且肉鬆仲好足料！一份有成六件，但係就略嫌食唔到芝士味，我哋食到一半都有少少懷疑係咪落漏咗芝士😶台灣小香腸好有台灣夜市嘅味道！本身以為香腸係吼嘅點知原來係炸嘅，但係依然非常之好食，小香腸非常之多汁再夾埋蒜片一齊食，正呀😆醬油番薯苗 $32朋友想食啲菜所以就叫多咗一碟番薯苗。免頭有啲炸過嘅蒜頭撈勻一齊食之後非常之惹味！但係就略嫌呢個價錢來講比較細碟，如果可以多多兩條菜就好

近排好鐘鐘食台灣野今日醒目攞定飛，行到過去就岩岩好入座唔使等咁濟👏🏻👏🏻👏🏻之前食過覺得好食所以Encore 叫佐4樣野食一杯野飲麻辣牛肉牛筋面 $69+ $3 轉新竹米粉份量十分足夠，男仔食一樣夠飽。牛肉同牛筋都幾多，唔會好靭湯底唔算好油，食完都唔怕好口渴，米粉都好爽口唔會過淋。炸排骨便當 $56備注佐多飯同多肉燥，今次係第二次食，份量一樣咁足。便當仲有3款小配菜鹵蛋，菜脯同花生面筋咁岩我全部都食清晒！！芝士肉鬆蛋餅 $42上次食完都覺得好味，有6舊餡料都好多，肉鬆係滿晒台式炸大腸 $39 第一次試，炸得都好香脆唔會重油分不過就味道單調少少可能加少少醬汁好啲加咗每張枱面嘅辣椒醬，但都好食凍冬瓜茶$11 ( 1-10號套餐野飲可半價)備注左小糖走冰都做到好貼心總括而言食得好滿足！下次再嚟！！

今次係第一次完整地食阿木 （上次粗心大意的我倒瀉了三分二 T～T）用某app 外賣自取，十五分鐘就可以拎，好方便～今次叫左鹽穌雞便當 （可以叫多肉燥）同埋芝士玉米蛋餅～覺得便當大大份好足料 （雞粒都好多，食極都唔完：P）本身好鐘意食蛋餅，然後果然無令我失望！有幾層口感，好有蛋香同芝味，下次要再叫～ps. 食飯時間門市好多人排隊，可以早d 去 ～

#旺角美食 #旺角黃店🍽肉燥拌麵便當💰54⭐️阿木台灣麵 (豉油街)📍旺角豉油街60-102號鴻都大廈地下3-4號舖==============================📝講到台灣食店，第一間就諗起阿木台灣麵，今日難得放假，一於同朋友去回一回味。上次就試左牛肉麵，今次都係食麵，不過就係試佢地既拌麵。唔好睇少一碗拌麵，雖然睇落好簡單，要麵底，醬料，配料夾成一碗拌麵絕對唔簡單。阿木就處理得恰到好處，咸中帶一點甜味，同時肉燥又有少少口感。便當仲可以揀一款小食，我就揀左鹽酥雞。新鮮炸起嘅鹽酥雞，外脆內軟，脆漿唔會話太厚，食落成陣粉味。而且每粒都係一口size，超級方便食，份量仲一啲都唔小。💫⭐️⭐️⭐️⭐️值得一試

聽講好多人講話一定要去食最近大熱嘅台灣牛肉麵餐廳!芝士岩鹽奶蓋炭燒烏龍茶上面嘅奶蓋好香濃鹹鹹甜甜😍 下層嘅烏龍茶較甜，撈埋一齊味度道就剛剛好！ 朋友叫咗紅燒牛肉牛筋麵, 我就叫咗蕃茄牛肉牛筋麵🤤肉嘅份量好多！ 牛肉好厚身好淋🤤 牛筋唔會太韌！ 仲有好多蔥花配菜，但係都唔會太濃味！蕃茄湯底好好味， 都幾濃郁😍 另外小食嗌咗鹽酥雞 🐓鹽酥雞有十粒，唔會炸得太燶，不會過鹹，細細粒好易入口 ，個皮好香脆金黃，配埋鹽酥雞調味粉，味道一流 !呢度仲有賣好多款阿木梅梅，同阿木伴麵！！！ 好多款都想買返屋企試！仲有阿木香芋豬腳超特別！

今日放學之後，朋友帶我去旺角朝聖呢間好hit嘅良心食店💛️ 以下係我食嘅😙🐂🍜 紅燒牛肉牛筋麵 $69牛腱同牛筋真係勁大塊🤯 不過我影唔出🙈 口感軟腍，牛味濃👍🏻 份量又多，我係好肚餓嘅狀態下都食到好飽😆 麵好彈牙，加埋蔥同梅菜，大大碗真係好好食😋 🫔 芝士肉鬆蛋餅 $42肉鬆口感綿密，肉香味好出🤤 加埋芝士嘅鹹香味、蔥嘅鮮味，同埋蛋香味，層次豐富～ 唔怪得知咁多人都嗌，推薦💯🧋黑糖珍珠鮮奶（熱、微糖）+$17珍珠有好多粒，就算浸係熱鮮奶入邊，都一樣咁煙韌Q彈😋 黑糖味好出，適合嗜甜嘅朋友🤤臨走之前見到阿木梅梅同拌麵都幾吸引，款式又多，買啲返去試下先☺️