阿木台灣麵 (廣華街) (已結業)

阿木台灣麵位於旺角廣華街，是人氣小店，兩點幾去到都仲要等位，相當誇張！等位嘅時候，可以留意一下出面的貨架，除咗有良心小物出售之外，仲有賣由台灣入口的糧油雜貨，連平時勁難搵到嘅台灣調味料都有！到阿木的 FB/IG 也有購物的連結，啱晒想煮正宗台灣菜嘅朋友！店內座位不多，但做足間隔等防疫措施，讓人安心！除咗有自家製麻辣醬之外，仲有鹽酥雞調味粉任落，啱晒重口味嘅我！即場Like阿木 FB/IG，店員會送你漂亮的貼紙，記得Like喇！麻辣牛肉牛筋麵 $69生意太好，牛肉煮唔切，換成全筋，嘩！啱晒我！麻辣湯底微辣帶小麻，香氣噗鼻，而且超級惹味，令人欲罷不能！麵條軟身但唔會愈浸愈淋，麵底真的不錯！主角牛筋軟腍入味，帶膠質但唔會黏口，配麻辣湯一啲都唔膩！最重要係份量超多，夾極都有，正宗餸多過麵，超正，推介！鹽酥雞 $38表面夠乾身，內部雞肉仍保持嫩滑，最重要係可以任落調味粉，Yummy！黑糖珍珠奶茶 跟主食半價 $16跟主食有半價，實在抵飲，唔叫對唔住自己！

係疫情下，好耐冇出去撐下枱腳，日日都係屋企煮，仲要每日煮三餐，真係好攰。🙈🙈🙈所以襯攸桐契爸爸收早，就去接佢收工，同佢出旺再行下同撐下枱腳先。😍😍😍我哋去到廣華街見到有間食台灣野嘅鋪頭排晒隊，咁飲食契媽我當然唔執輸排返份啦。似住多人食都應該唔差嘅心態，一等就等咗差唔多9個字先入到去。🥺🥺🥺講真，佢真係好食過某間好出名嘅台灣野（荔枝角），平又平d，禮貌服務都好d，唯一嘅缺點，就係間鋪，真係好細，所以大家去到，做定心理準備，幾點去到都要排隊等位啦！🤣🤣🤣@阿木台灣麵散叫紅燒牛肉麵 - 湯頭超香，好夠味，唔會死鹹，牛肉成吋口，麵夠爽口同Q彈（食台灣野，用返少少佢地嘅形容詞），呢碗嘢，除咗好食，仲要用埋性價比高嚟形容。😋😋😋台式炸大腸 - 呢個犀利，由佢嚟到上枱，佢係食到最後先食晒，但佢個皮都仲係脆，腸真係夠肥，鐘意食肥腸嘅人，一定要叫。😂😂😂芝士肉鬆蛋餅 - 蛋餅唔怕老鞋，超多肉鬆，唯一缺點，唔夠芝士。😘😘😘粒粒金鑽鳳梨汁 - 有果肉嘅菠蘿汁，好飲。🤗🤗🤗下午茶麻醬乾拌麵 - 好香麻醬味，加埋青瓜絲，整體嚟講係一絕🥰🥰🥰鹽酥雞x2件 - 好香好脆，雖然細細粒，但入面唔會好乾身，仲有好多肉汁😃

不用去台灣，都可以在香港食到真正正宗的台灣牛肉麵了！ 我和朋友今次來到阿木點的有台灣牛肉麵，芝士肉鬆雞蛋餅，炸豬腸， 我特別喜歡其中的一款我曾經都點過必食的台灣牛肉麵， 牛肉筋肉分明， 啖啖濃濃的牛肉鮮味！ 而小食方面，真是不得不提這芝士肉鬆雞蛋餅，簡直就是香港人至愛！ 新鮮配對！ 最後我仲買了小店推薦的手工鳳利酥，全人手製作的， 用料都會採用台灣材料，作為差不多中秋佳節的送禮佳品！阿木台灣麵地址: 旺角廣華街8號地舖

呢間台灣牛肉麵係旺角非常出名，長期都勁多人排隊，當然要支持同感受下，等左超過一個鐘先有得食😩。.紅燒牛肉牛筋麵（$69）個麵完全無令我失望，首先個湯底夠曬濃郁，好重嘅牛肉味。不過最正都係d牛肉❤️，真係好厚切，而咁厚又可以做到非常軟身，再加埋牛筋非常滿足🥳。.芝士玉米蛋餅（$40）呢度嘅蛋餅都好出名，層皮都好夠薄，而且裡面嘅蛋夠曬滑🤩。.蜜桃烏龍（$28）呢杯烏龍雖然有蜜桃味，但係唔會覺得甜，幾特別😋。

旺角人氣大熱的阿木台灣麵，經常都大排長龍，今次我都決定要試一試，等左大約35分鐘入座！小店座位都比較逼狹。- 魯肉飯：味道都唔錯，一人份量剛好。- 飲品芝士奶蓋炭燒烏龍正！茶味香濃，同厚芝士奶蓋好夾！- 芝士肉鬆蛋餅：蛋餅皮較軟糯，有啲似腸粉。個人比較鐘意煎得香脆外皮。要讚肉鬆好好食，零舍香口！- 麻辣牛肉關廟麵：湯底好香，但飲落唔係味精，而且麻辣強度剛剛好！鐘意大辣既朋友，可以加店舖特製麻辣醬！牛𦟌肉又夠入味，一碗有厚厚四大塊！非常足料！大推

今日去左一間台灣餐廳，佢門口外面放左好多產品賣，公仔、鎖匙扣、曲奇、調味粉等等，真係琳瑯滿目💯大家一定要支持👍🏻鹽酥雞便當🍱 $54除左啲飯濕左少少，啲肉躁好夠多，仲有三個小菜(菜圃超入味)。鹽穌雞記住要灑上佢地60年家族傳承嘅調味粉！提升鮮味，仲平衡到炸物帶嚟嘅油膩感😁😁😁.芝士肉鬆蛋餅 ($42)餅皮好Q彈~如果蛋味再厚啲會更香濃~加左惹味的肉鬆，令人一口接一口🥳🥳🥳.芝士岩鹽奶蓋炭燒烏龍茶(散叫 :$38;跟餐半價 )啲茶吾會太濃，咸甜味的奶油，好綿軟，飲完有滿滿的幸福感🥰🥰🥰佢個order menu有一行係special request 可以比你揀走葱、多冰、微糖等等，岩曬啲麻煩食客😂🤣😂🤣❇️話說中秋節就到，大家不坊可以考慮下買佢地出品嘅🍍手工鳳梨酥🍍，全部食材由台灣直送，禮盒裝大方又得睇。呢排冇人去到台灣買手信，買呢個送禮夠特別☺️💕❇️每盒$158，買10盒送1盒，9月3日去就可以有現貨‼️

某天到旺角買東西，都不知多久沒去過旺角了，天呀好陌生。隨便上網找了一家人家不錯的台灣菜吃，就是想隨便吃點飽的，但又不想超飽這樣，吃台灣菜最適合。雖然是下午但等候的人也不少，我們應該排了20分鐘吧，熱到全身都濕透了。*芝士肉鬆蛋餅 $42想介紹我最喜歡的芝士肉鬆蛋餅，肉鬆超多的，蛋餅也很好吃蛋香味很濃，蛋餅有點濕潤的不是乾乾的那些，份量也多，喜歡。唯一是吃不太到芝士味在那裡，但好吃就好。*肉燥拌麵 $42肉燥拌麵的感覺很自家製但也沒什麼特別，但加了它們的麻辣像是畫龍點晴一樣，想吃簡單的麵點這個準沒錯！*花生麵筋 $10這花生麵筋是小小一碟的，像是酒樓那些用小碟子放的前菜一樣大小。麵筋前成小小一塊，味道很香濃，花生也不錯，軟軟的。*

之前比咗一次差評，今次想補返好評。哩間阿木台灣牛肉麵係一間好有愛心💗🧡嘅餐廳，好耐之前我路過員工好有禮貌話比我聽收工了，第一次就比我感覺很親切。 良心餐廳，因為佢係一個支持環保♻️嘅餐廳，愛護地球🌍。同埋幫助好多人！佢哋嘅食物十分注意衛生，因為本人腸胃唔好容易肚痛，但係食阿木從黎都冇過任何唔妥！腸胃係好舒服嘅！😊介紹下今日食咗啲乜先！番茄🍅牛肉麵，紅燒牛肉麵，芋圓嫩仙草！番茄牛肉麵好好味，係用新鮮番茄製造，無味精，健康養顏配搭牛展真係好適合嘅搭配！紅燒牛麵有點五香味，可以自行選購阿木辣椒醬。芋圓嫩仙草有仙草、紅豆、芋泥、珍珠以及各式芋圓，係飯後甜品首選。餐廳員工態度良好，食物乾淨衛生，很有台灣味道，就算好耐去唔到台灣都可以係阿木台灣麵買到台灣嘅食物飲料🥤！

長期排隊的阿木，今日終於試到🤤 超好吃的紅燒牛肉麵、酥脆的鹽酥雞、夾著生蒜片一起吃的台灣香腸、清甜金鑽鳯梨汁、冰凍珍珠奶茶，每樣都是台灣才吃得到的味道😋店外陳列各式台灣零食，還有講國語的台灣老闆娘，好像去了一趟台灣旅行✈️這碗紅燒牛肉麵真的好吃得誇張，牛𦟌很厚很軟，根位很好吃，肉質鮮嫩，吃完很令人回味🤤🤤麵條彈牙，煮得剛好，湯汁香濃好喝，與麵條一起吃或者只喝湯汁都很好喝！😍鹽酥雞是即炸的，香脆外皮，熱辣辣的雞肉加點自家製的調味粉重口味一點也好吃！台式香腸很惹味，煙韌有嚼勁的香腸肉夾著生蒜片一起吃帶點辣辣的，很過癮！愛吃辣的試試自家製麻辣醬，很麻🌶大熱天時喝一杯冰凍金鑽鳳梨汁😍爽yy珍珠奶茶也不錯呢！

「武漢肺炎」纏繞全球近大半年，不少人旅遊的計劃也被打亂，就連來個快閃台灣遊也變成了夢話。想念台灣的味道，只能從向本地的台灣菜館著手吧！幸好香港還有不少和香港人同行的良心台灣菜館，值得我們一去，懷緬一下自由的美味！這次我們就來到位於旺角，經常都大排長龍的一間台灣菜—「阿木牛肉麵」，來看看其引人入勝的秘密吧！由台灣人主理的「阿木牛肉麵」，總是比較親切。在門外排隊，已能聽見熟悉的國語腔。台灣令人喜愛的，就是其人民風情，以及國民質素。只是早上的十一時多，未到午餐的黃金時段，門外已經排滿長長的人龍等待入座。看看餐牌，餐廳主打著各款台灣地道的菜式，包括招牌的「紅燒牛肉麵」，「鹽酥雞」，較少見的「鹽酥肉」，經典的「台式拌麵」，「魯肉飯」和早餐店的常客「蛋餅」，都一應俱全。價錢都相對合理，大概落在港幣30元至40元左右。這次我們就點上一客「紅燒牛肉麵」，「鹽酥肉」便當，「鹽酥雞」便當和一客「芝士肉鬆蛋餅」作為這晚的晚餐。紅燒牛肉麵 ($65)這裡主打台灣地道的牛肉麵，麵條就沿用台灣老店的配方，以高根麵粉每日手工製作，難怪這樣彈牙煙韌吧！紅燒湯底十分香濃，加入了大量的香菜和香蔥，特別清香。嚐辣的朋友絕對

因為網上訂左貨就順便去食個lunch, 星期六預會多人，所以11:30到以為可以唔駛等，點知門外已有10人左右正在等位。一個人以為好快有枱，最後等左1小時。我明白店細生意難做，單人客喺我的時段，係輪一張枱，即係你前一個籌的人食完先到你！二人枱就不停入，即係遲過你到的二人籌比單人籌快好多。對此等到有點不滿，單人客去前要三思。講返食物，叫左紅燒牛肉麵+黑糖珍珠奶茶。牛肉好淋好厚，點自家製的麻辣醬好味。麵有咬口唔會好淋，湯好味！值得食！黑糖珍珠奶茶，珍珠有咬口，如果有d甜味會更好，奶茶唔錯。一個人都食到好飽。總體食物唔錯，店細坐得比較逼，等位安排對於單人客比較差。

「阿木台灣麵」依間餐廳聯乘烘焙愛麗斯推出左手工鳳梨酥。蕃茄牛肉牛筋麵， 蕃茄湯底味道濃厚，飲落酸甜適中；牛肉口感厚肉鮮嫩、腍身，食落好入味；牛筋口感爽滑，食落幾有咬口；麵麵口感彈牙；配以自家製麻辣醬食用， 味道更豐富，食落麻辣帶鮮。芝士肉鬆蛋餅，好足料，芝士味道咸香，肉鬆味道甜香，雞蛋味道濃香，餅皮口感煙韌，配以醬油膏、香蔥食用，味道更香口。黑糖珍珠鮮奶，鮮奶口感細滑，奶味醇厚；黑糖珍珠味道香甜，口感Q彈。

餐廳：阿木台灣麵 (旺角)地址：旺角廣華街8號地舖係旺角捐完血🩸，去咗深黃台式餐廳阿木台灣麵食下午茶🥢，估唔到下晝3點幾去到都有十個八個人排隊🙈，排隊嘅時候，見到佢地出面嘅架放咗好多新嘅台灣同自製食物、飲品、小食比人買🧃，仲有餐廳同烘焙愛麗斯聯手新推出嘅手工鳳梨酥，臨近中秋送禮一流😍，就算呢段時間去唔到台灣都可以懷緬下台灣原味道鹽酥雞便當 $54鹽酥雞有大約8-10舊😋，炸得酥脆可口，咬開外層見到鮮嫩啖啖雞肉🐓，配埋惹味嘅滷肉肉碎飯，仲有3款自家製小菜，真係好似食緊之前係台灣食嘅便當咁😭芝士肉鬆蛋餅 $42用料十足，薄薄嘅蛋餅夾住豐富嘅肉鬆同雞蛋🤤，仲用咗香蔥增加咗蛋餅嘅香味👍🏼，不過芝士味就唔太出，但係都好吸引，出面好少食到咁足料煙韌嘅蛋餅最後緊係叫多杯台飲啦，跟餐半價$19就叫到杯芝士岩鹽奶蓋炭燒烏龍茶🥤，雖然出面落住大雨，但係食完呢個下午茶，心情都即刻靚哂🥰

阿木台灣麵有幾💛，相信大家心中有數，一直都未有機會去懲罰下，因為每次去到都比長長嘅人龍嚇窒咗，結果放棄而回😭有日閒日晏就終於的起心肝排隊，好彩嗰日唔算太多人，排咗30分鐘就有位🥺~🍁 下午茶餐($36)星期一至五晏就2:30-5:30有下午茶餐供應，見茶餐咁抵，身為C9嘅我就梗係唔會錯過啦🤣下午茶餐可揀一款麵類、三款小食同一款飲品，所以就揀咗麻醬乾伴麵配鹽酥雞、炸甜不辣同台灣香腸，而飲品就要咗凍冬瓜茶 (加4蚊)💁🏻‍♀️伴麵個麻醬濃郁得嚟又唔會好漏，撈一撈啲麵掛晒汁，麵條軟硬適中，仲有青瓜絲加返啲清新感，係略嫌麵嘅份量有啲少🥺鹽酥雞好細舊，味道正常唔厚粉，而甜不辣煙煙韌韌，比想像中好食😋

呢間台灣小店係疫情下人気依然好勁，今日我地中午去食Lunch，等左45分鐘至有位，但落單黎上菜夠快。👍🏻牛肉牛筋份量正常，牛肉用嘅係厚切牛𦟌，炆得好淋好入味；湯底有少許藥膳嘅香味；麻辣味主要靠佢地嘅秘製麻辣醬，味道可以，唔算好特別。每碗麵都會跟少量自家製酸菜，強烈建議大家加$5要多一碟酸菜。爽口，唔會死鹹或者過酸，加入湯麵一齊食，增加唔少鹹香～ 我覺得非常好食，忍唔住臨走前都買左一樽酸菜番屋企😋👍🏻應該改名叫「蔥蒜麻辣魯肉飯」🤣 因為飯面頭有好多生蒜片🧄，增加辣嘅口味，唔食生蒜嘅朋友仔要留意啦～‼️魯肉飯都幾大碗，飯量比較多，但魯肉就少左dd，而且唔夠肥，整體味道都🆗麻辣醬其實唔係好辣，台張枱都放左一樽俾客人因喜好自由添加。蛋餅皮Q彈Q彈，而且唔會好厚，包住滿瀉嘅豬肉鬆同半溶嘅芝士，真係好正！非常足料嘅蛋餅～ 👍🏻炸衣薄，炸得幾香脆，但排骨略乾，唔夠鬆軟。鳳梨汁- 酸酸甜甜，夏天飲最消暑😉珍珠奶茶 - 珍珠好Q，有咬口，好飲 ☺️