阿木台灣生活百貨

营业中

休息中

喺旺角波鞋街附近嘅阿木牛肉麵門面寫六十年！有好多獎牌！裝修好有台灣feel 睇下係咪真係咁正宗！台灣牛肉麵呢個蕃茄牛肉牛筋手工粗麵（湯底好濃郁，加上牛肉嘅鮮味，牛肉炆得好入味，又軟熟肉燥時蔬，我就走咗肉燥，啲時蔬炒得好嫩，火喉啱啱好 👍🏻炸雞扒餐，外層香脆，咬落卜卜脆㗎而肉質鬆軟，好滑又juicy，再加上自家制麻辣醬，勁正💯玉米蛋餅：上台系熱辣辣，份量又多，而且蛋也非常的多好濃的蛋香味，推薦 🥳滷牛腱滷牛腱非常軟糯，入口就溶咁，仲滷得好入味小食豬肚又淋又入味 整體食物質素，服務都🌠🌠🌠🌠🌠#台灣小食 #台灣美食 #台灣牛肉麵 #台式美食 #旺角美食

🌟🍴 【旺角 • 阿木台灣生活百貨】 🍴🌟 📍 旺角白布街8號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 🍵 四季春青茶 (熱)好香嘅四季春，熱茶入口溫潤清新，茶味濃而不澀，帶點花果香，超適合慢慢品嘅下午茶時光！😊 暖胃又舒服，絕對係茶控嘅心頭好！⭐⭐⭐⭐🍖 滷牛筋滷牛筋入味到爆！軟糯Q彈，滷汁香濃，帶點甜鹹嘅層次感，咬落每口都係滿足！😋 份量夠，食完好想再encore！⭐⭐⭐⭐½🥞 芝士肉鬆蛋餅蛋餅外酥內軟，芝士牽絲超邪惡！🧀 肉鬆鹹香同蛋香完美平衡，一咬就停唔下來！😍 唯一小遺憾係芝士可以再多啲～ ⭐⭐⭐⭐🍋 金桔檸檬話梅四季春 (凍)呢杯飲品係驚喜！金桔同檸檬嘅酸爽搭話梅嘅鹹甜，層次豐富又解渴！🍊❄️ 凍飲清涼，四季春茶底好順口，夏天必試！⭐⭐⭐⭐½🍜 紅燒牛肉牛筋麵紅燒湯底濃郁，牛肉同牛筋燉得軟嫩入味，湯頭香辣帶甜，超開胃！🥩 麵條彈牙，份量十足，食完暖笠笠好滿足！😄 小建議：辣度可以再調高啲！⭐⭐⭐⭐🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 260✨🥢🍣🍕🍜🍴🍰✨

讀書個陣就好中意來阿木食嘢，之前旺角有兩間阿木，宜家得翻一間。來開旺角無特別嘢想食，就過來阿木回味一下。簡單食個下午茶，同以往點嘅配搭差唔多，紅燒牛筋牛腩粗麵（加埋自製辣椒醬更正）、肉鬆芝士蛋餅、滷牛腱、芝士岩鹽奶蓋烏龍茶（加珍珠！）食落一如以前咁好食，甚至覺得今次牛腱嘅口感比以前更加好，唔會煮到太爛，加埋本身嘅筋，咬落幾好入口。次次來食阿木都會勾起啲回憶，可能係因為店鋪入面會播我地年代嘅哥，無論係周杰倫定係五月天定係台劇嘅主題歌，都會一聽到就會忍唔住心入邊跟住唱。

旺角人氣台灣小店，每次經過都大排長龍，主打多款麵食、便當、小食、飲品。地點方面，價格親民，想食台灣嘢嘅不妨過嚟試一試。蕃茄牛肉牛筋麵，牛肉同牛筋都煮得恰到好處，肉質軟嫩，湯底酸酸甜甜，啖啖都充滿蕃茄香，實在令人停唔到口。唔夠喉嘅可以要單點～另外，佢哋嘅芝士岩鹽奶蓋炭燒烏龍茶亦都值得一試！奶蓋厚厚一層，芝士味濃郁，與炭燒烏龍茶嘅香氣相得益彰，飲落去既清新又有層次感。至於芝士岩鹽奶蓋四季春青茶，則帶有淡淡嘅清香，配合芝士奶蓋，口感更加滑順。

又去返嚟阿木台灣麵，因為好掛住佢哋嘅紅燒牛肉麵，係一碗非常引人入勝的台灣式牛肉麵。湯底呈現深紅色,可見湯汁味道濃郁,應該是經過長時間熬煮而成。肉塊看起來鮮嫩可口,配以香蔥和蔬菜的點綴,更添風味。麵條也有好的口感,似乎是以優質面粉製作。朋友嗰碗就唔辣嘅，但係佢比嘅評語都係非常之高，佢話下次都會帶朋友嚟食。整體而言,這是一碗符合台灣傳統風味的美味牛肉麵,對於想品嘗正宗台灣風味的食客來說，絕對是一個不錯的選擇。

有日跟朋友過嚟買嘢，發現新大陸呀，呢度有好多台灣食品賣，我都忍唔住買咗d 蛋糕、包點同只需翻熱嘅食品回家食，除時加餸都得呀，非常方便店內仲有得預購食品，下次可以預購定先

上次去旺角食完串燒之後去咗阿木台灣生活百貨行吓，諗住入下貨，嚟緊有幾日假期可以儲吓糧。嗰度有好多急凍食品，有台灣蔥油雞、蔥油餅、餃子、蒸包、湯包等等，仲有一啲台灣零食飲品。佢哋仲會定時做團購，幫大家搜羅一啲台灣特色食物，咁就幾時都食到台灣特定美食啦😋今次我就買咗一包台灣餃子、一包客家小炒、同埋一包台灣尾珍珠😊剝皮辣椒鮮肉餃 $88一包有16隻，可以分幾次食，有盒排得整整齊齊，不過我冰格唔夠大，我拆散佢用保鮮袋放。餃子大小適中，皮有厚度咬口得嚟又唔太硬，餡料脹卜卜，剝皮辣椒好惹味，少少辣配上豬肉餡料好食，我用餃子嚟配新竹米粉一流👍🏻另外，我仲買咗包客家小炒，諗住之後懶煮飯🙈，晚餐可以番熱食。裏面有豬肉、魷魚、芹菜，炒熱佢應該幾惹味爽口。我仲買咗包台灣尾珍珠，即係醬燒雞屁股🙊店員話用氣炸鍋整就ok，夜晚整嚟餸啤酒睇波超正😆

行經過旺角真係要去呢間台灣食品雜貨店睇睇打個圈🤗， 應該都有豐富收穫。 邊方面積不大， 但係就擺放住好多唔同種類嘅台灣食品， 每一個貨架都好似尋寶咁好新奇❤️。泡菜灌湯餃: 台式嘅泡菜會係點嘅味道？ 食完之後覺得呢款湯餃更適合香港人口味， 泡菜冇咁辣同埋冇咁鹹， 灌湯餃皮入口仍然有彈牙口感🤤， 急凍食品黎講真係唔做得幾好。阿木客家小炒: 小編不嬲都鍾意食福建菜, 呢個小菜有建子肉， 豆乾，蒜苗，魷魚等等惹味材料炒成， 成個包裝袋溫水坐熱就食得🙊， 無論係宵夜或者晚餐加數都係好好選擇。涼拌干絲: 入口好爽口彈牙😘， 好似食緊肉絲咁， 估唔到用豆腐乾造成嘅麵條可以咁好食, 下次再去要大量入貨😏。~~~~~~~~😋味道: 8.5/10📸賣相: 8.5/10🛋️環境：8/10💁‍♂️服務: 8/10💎性價比: 9/10💲人均： 豐儉由人🙊⏪回頭率：85%~~~~~📍阿木台灣生活百貨旺角白布街8號地舖~~~~~

朋友開始報復式旅行，台灣都係港人旅行熱點之一，見大家去得咁開心，今次就推介下香港e間專賣台灣地道野嘅小店喇🤓店入面有各種嘅風味台灣小食，急凍食物，仲有得預訂台灣直送嘅產品☺️我地買左以下：🌺 剝皮辣椒水餃🥟水餃🥟入面爆汁，剝皮辣椒脆嫩鮮甜，味道唔算太辣👍🏻口感Q軟🌺 醬燒雞屁股係台灣熱門嘅小食，食落唔太肥🌺蜂蜜蛋糕-紅柴蜂蜜蛋糕🤓平時去台灣都會購買，蛋糕質感細滑，甜度適中👍🏻帶香香嘅蜂蜜味

今日約咗朋友係旺角白布街食晚飯， 可能係星期六既關係， 同埋又剛剛解除口罩令，去到間餐廳都幾多人， 要等位.我見應該都要等一段時間， 係附近周圍行， 經過見到間《阿木台灣生活百貨》， 入面有好多各色各樣既台灣百貨， 包括零食， 甜品， 急凍食品， 一見到d 野食都忍唔住要買返幾樣.今次買咗阿木剝皮辣椒鮮肉餃， 台灣尾珍珠同客家小炒.第二日我已經整咗d 水餃黎食， －包有16 隻，味道唔錯， 唔係好辣， 個皮唔厚👍👍其他咗二樣未試.另外， 重見到有其他台灣品牌食品都可以團購預訂， 價格還比其他地方便宜.

早幾日去咗「阿木台灣生活百貨」買咗三款台灣地道食品, 可以回味一下台灣夜市嘅風味～ 除咗冷藏食品, 仲有台灣夜市小食、零食、飲品、台灣必買甜品等等都搵到, 好多種類選擇呢！𓌈˒˒ 剝皮辣椒鮮肉餃 一包有16粒餃子🥟, 一口一粒, 方便食用～ 餃子皮比較煙韌, 皮薄餡多, 粒粒飽滿, 肉餡多汁！用上台灣地道食材 - 剝皮辣椒🌶️, 並混合豬肉, 好特別呢！原來剝皮辣椒唔會好辣, 辛辣味唔會太強烈, 反而能提升豬肉嘅鮮味, 微微嘅辣椒味唔會搶咗鮮肉味, 幾惹味！𓌈˒˒ 阿木客家小炒 只要放入水中加熱♨️, 剪開包裝就食得, 好方便！客家小炒配料有好多, 有建子肉、魷魚、豆乾、蔥、芹菜、蒜苗, 調味都相當唔錯👍🏻！充滿蔥同蒜味, 好有台灣風味⸝⸝ 𓆸𓌈˒˒ 涼拌干絲係一道夏天開胃嘅冷菜！材料有干絲、芹菜、蒜頭🧄、辣椒🌶️, 吃起來好順口, 豆干軟嫩, 有豆香味, 加上清爽嘅芹菜絲, 口感爽脆, 十分開胃！

之前疫情嚴重無得飛個陣成日都好掛住台灣野食 為一解鄉愁 小編就會去阿木生活百貨個買D凍貨 佢地仲會有團購可以直送甜品同凍貨黎香港 好正 之前成日買開佢地個蛋餃🍳 真係好好食 大推💯阿木客家小炒 ($39) 其實即係芹菜 肉絲 乾魷魚加麻油炒 之前係台灣熱炒店食過好鬼惹味🤤 送飯真係一流 呢度有得買細細包凍包番屋企慢慢食阿木涼拌干絲 ($45)另一款凍包就係涼拌干絲 原來以為係麵 但原來係啲干絲係豆干黎 即買 啱晒減緊肥嘅小編 又可以飽肚又唔洗食咁多澱粉 加埋蘿蔔絲蒜頭 辣椒 連埋小炒一齊食 好正👍🏻麻辣燙豬肉水餃🥟 ($88)最迎小編愛上左食辣嘅餃子 香口又過癮 麻辣燙唔算非常辣 啱晒唔太食得辣但又想過下口癮嘅朋友 一盒有成16粒 可以慢慢食😍

未有時間去台灣夜市掃街食野!? 黎阿木台灣生活百貨, 係台灣嘅地區美食都可以係度搵到，係旺角位置都算方便，好多貨品種類選擇，價錢都合理，撐小店！🥟剝皮辣椒鮮肉餃 $88一盒有16粒，典型台式手工水餃，食落惹味而不太辣，加埋juicy既肉汁，好正！怕辣人士都可以一試。 客家小炒 $39醬汁炒豬肉絲、魷魚、三色椒及洋蔥等配料涼拌干絲 $45材料有干絲,辣椒,芹菜店舖職員教我將兩包浸水解凍，再將兩個炒埋一齊食。果然無講錯，好好食，好有台灣風味。

今日喺旺角呢度附近餐廳等位 期間見到呢間台灣食品百貨 估唔到入面咁多唔同類型嘅台灣食物，例如蚵仔煎，肉腸，鵝肉丸子，茶類，醬汁類等等今次我揀咗三樣食物醬燒雞屁股，阿木剝皮辣椒豬肉餃，嘉義水晶餃子豬肉餃子一客有十六隻，食落去有辣椒香但係唔會太辣，有少少辣椒反而更加開胃，內面豬肉都好足料，餃子漲卜卜，餃子皮同港式唔同，雖然唔薄但食落絕唔會覺得係厚皮，反而有d 煙韌，台灣風味十足！ 水晶餃子呢個真係好有驚喜，喺香港都冇食過！外皮非常之軟糯qq，感覺睇起嚟似粉果，但又比粉果外皮更香又好味，內面肉碎餡料好好味，每隻餃子都手掌咁大，超級推介！醬燒雞屁股，台式熱門小食，醬汁濃郁惹味，有咬口又唔會鞋口，好似食緊淋淋脂肪，好味道又邪惡！如果唔係到我有位，真係要慢慢揀，眼花撩亂太多美食！

📍阿木台灣生活百貨 (旺角)雖然而家多咗出街食，不過放假都鐘意用懶人食品加下餸。除咗冷凍餸包，佢哋仲有唔少台灣食品團購😍。💕阿木剝皮辣椒鮮肉餃 $88皮薄餡多，粒粒飽滿。肉餡多汁又鮮甜，完全冇豬羶味，食得出係用靚豬肉。一食覺得冇咩辣味，估唔到都幾有後勁。💕阿木客家小炒 $39味道甜甜辣辣，蔥同蒜味都好重。食落感覺並非齋用醬撈，而係真係有炒過。💕台灣尾珍珠 $39其實即係雞pat pat🤭。連埋又嫩又香，不過要lur骨。醬汁偏甜好惹味。📍阿木台灣生活百貨 (旺角)旺角白布街8號地舖