影片
以上资料只供参考，请与餐厅确认详情
已经有一段短时间无帮衬过, 今日再次光临晚上六点未够就去到, 黄金时间未到当然唔使等位, 可以直入啦先叫茶, 要了香片 (茶钱 $5 位), 想饮特别啲, 可以叫五宝茶平时多数都系散叫主餐牌内的食品, 今日见到有个二人餐都几啱心水, 一于唔散叫食套餐金装二人套餐 $268(1) 花雕醉鸡(2) 风鹅粉皮(3) 鲜鱼羹(4) 黄金流沙虾球(5) 砂锅旺菜狮子头(6) 上海小笼包(7) 高力豆沙因为唔太喜欢食高力豆沙, 所以加 $10 转咗桂花红豆糕先上小食, 花雕醉鸡及风鹅粉皮都系冷吃小食, 味道可以.再上每人一小窝的鲜鱼羹, 鲜鱼肉份量充足.其后就系主菜黄金流沙虾球及砂锅旺菜狮子头流沙虾球超好味, 热辣辣炒起加上香而不腻的咸旦王, 口感十分满足, 但只嫌得五件, 份量比较少.狮子头份量相对充足, 足足有三大件, 除了量, 质素都很好, 猪肉肉质软滑且入味, 旺菜冬菇笋片都十分不错.跟住系点心上海小笼包, 一笼四个, 皮薄有肉汁, 不错.最后就系甜品桂花红豆糕, 桂花糕跟红豆糕的比例系1:2, 桂花糕中杞子太多, 食唔出桂花味道, 略嫌可惜.埋单连加一总共 $316.8价钱公道, 味道不错, 阿拉厨房可算是青衣城内三甲食店
继续阅读
依日入左青衣城行街~顺便食埋晚饭~见好耐无去过"阿拉厨房"ma另一半好想再去食下㖞~不过话时话..真系都好耐无去啦起码隔左成2年~原本下午仲谂住打去book定台呢因为近过年会好多人做节ma~点知booking话full晒但可以walk in~反正我地都惯早食饭..所以咪早d去食啰6点多去到..其实人都唔多~所以仲有台..而且又无限时制又无赶住快上菜快赶客~整体服务依然都好ok呢^^"鲜鱼羹"鱼肉好滑..个羹既浓稠度调得好好不过今次既..我觉得比之前咸左少少..但整体都系算唔错"蟹粉珊瑚蚌炒年糕"年糕口感好烟韧~但蟹粉个汁过于杰身杰得有d似浆糊既感觉..而味道亦不太讨好食物唔够热~珊瑚蚌带点腥感觉..而味道亦不太讨好"鲜肉窝贴"水准依旧~窝贴煎得够香口脆身..猪肉馅料亦唔膻唔鞋口甜品.."豆沙窝饼"原本想叫高力豆沙系列~不过一客有6球..食唔晒又唔想留啰所以拣豆沙窝饼~依个炸得好靓而且好金黄香脆窝饼好够薄~豆沙馅份量适中..又唔会过甜整体食物..小菜比之前略为失了水准~其他整体都ok呢
继续阅读
4位女子黎左食上海菜。等位等左劲耐，完全唔知等到几时既感觉。终于等左45分钟，先有得入座。茶：一黎到侍应A问我地要咩茶, 答左 “香片”, 由于壶茶仲未黎，侍应B又问, 侍应C再问, 最终黎左壶 “四宝茶”, 真系唔知想点。第1道: 鸡丝粉皮我地都真系未食过辣既鸡丝粉皮，唔系几OK，份量好少。第2道: 小笼包个味ok, 但可能师传惊好易一夹就穿, 所以个皮好厚。第3道: 砂锅云吞鸡 (半只)清清地咁…无咩特别第4道: 酸辣汤面份量多, 个味都几适中, 唔会太辣同太酸第5道: 炒樋菜好大碟, 但好油~第6道: 葱爆牛肉唔错~个味啱啱好~牛肉唔 ”un”虽然都几抵食, 之不过, 未吸引到我再黎, 因为食物一般, 仲要等咁耐位, 真系未必有下次。
继续阅读
2011-09-25 龙少爷语文教室 (二) - 上海话「阿拉事尚嘻燕」呢句上海话即系「我吔系上海人」咁解。作为半个上海仔，也算是个懂一点上海话的「混血儿」，有些趣事及忌讳可同大家分享：1. 上海话「苹果」与「病故」的读音是一样，所以去医院探病千万不要送苹果（除非你想曲线咒佢 !）2. 上海人称「傻仔」为「戆大」，读音和「港督」一样。。。3. 上海话有些词语听起来是贬义，但实际意思是正面；例如「一塌糊涂」在上海话中是好坏通用，例如 :「你靓得一塌糊涂啊 !」其实系赞紧你，唔系踩你！4. 如果有人骂你「B 拆开」，即是骂你「十三点」咁解。估唔到上海话都有潮语！「阿拉厨房」，印象中是否同早几年食到人出事而消失的「阿拉面馆」有关？食物也不算「一塌糊涂」。「风鹅粉皮」先上的冷盘。起初以为是「麻酱鸡丝粉皮」的变调，结果是另一回事。风鹅无乜味，汁料是甜豉油加麻油；与粉皮伴点浙醋同吃，清清地也算不错吃。「山东手撕烧春鸡」等了二十分钟的手功菜。半只烧鸡 (但有全个鸡头 ?!) 拆骨起肉，肉质嫩滑，鸡皮焗后烩煮也很惹味，只是汁料略嫌甜了点。山东烧鸡还是尖沙咀的「鹿鸣春」好吃。「小笼包」这个好吃，热辣辣、皮薄多汁；若肉馅再滑一点就更理想。要在港找好吃的小笼包，本少觉得「翡翠小笼包」非常不错，它爆汁之余连肉馅也是滑的，真系排队排得有道理。港版的「鼎泰丰」则完全唔掂啦。「金牌生煎包」楼面阿姐推介的「镇店招牌菜」，并温馨提示吃时要「小心爆汁」，神色凝重。唔讲尤自可，讲咗就令人有所期待；结果是希望愈大，失望愈大。。。生煎包是热，但不太觉爆汁，包底亦可以煎脆一些，阿姐真系唔讲好过讲。要说好吃的生煎包，「王家沙」的「蟹粉生煎包」真的一绝。讲起又想再去了！「担担面」汤底算浓辣，兼有很重花生的味道，还不错；可惜面条不够爽口弹牙，与「咏藜园」相比，逊色了一截。看来「阿拉厨房」应该改名做「二拉厨房」，皆因它的食物质素全属「二奶」水准！整顿「上海二奶宴」，埋单 $298。
继续阅读
之前系青衣城既"翡x拉面小笼包"食过上海菜，都唔差，但系要排队等位，最好就订定枱先好去....听我朋友讲，阿拉厨房都几好，仲好过"翡x拉面小笼包"㖞，我就即管试下啰上左电梯之后就见到"翡x拉面小笼包"好多人系出面，所以就知道我地系注定去阿拉厨房食既，大约6点半去到，冇乜人排队...我地四人叫左清新素食二人套餐($218)+金装二人套餐($268)+散叫:上海素菜包(5件)$40、四喜烤麸($4X)&阳春面($20)清新素食二人套餐- 兰花豆腐干 : 份量少，一夹就会串连成一齐，好难食到....好"鞋"冇乜味- 毛豆素鸡 : 毛豆好味，不过得一粒(切半)，素鸡其实唔系真系系超市买个D素鸡，我觉得系豆腐干，炸左，再焖，所以一咬佢里面就会有汁渗出黎，不错，但系都系个句...冇乜味...- 南瓜素翅 : 之前我系'大x然素食"都食过，都系差唔多，冇南瓜味，但系有一丝丝南瓜D素翅太硬，要咬几下先得.....- 干巴菌爆炒四季豆 : 干巴菌系黑色个D，其实系冇乜味，但系都几烟韧，而且食多几片就会有少少HOT，都唔错，四季豆就淋左D，冇乜野既，只系油左D- 高汤什菌娃娃菜 : 好淡味，D菌算多，但系仲有个阵菌味娃娃菜稍微硬左些，由其事个茎部，个汤底淡如似水- 上素蒸饺 : 个皮好特意，唔似出面既素饺咁硬，佢系薄得黎又烟韧，好似食紧粉果皮咁，但系里面就一般，有菜、茹、云耳&蛋丝，冇左菜既味，只有蛋味- 桂花杞子红荳糕 : 面头系桂花杞子，我觉得都OK既，D杞子好多，一食就好似POP一声，但系食唔出有杞子味，而且抢晒D桂花味，搞到好似食紧杞子糕咁 红荳糕 : 咬一下就感觉到佢好沙，好似红豆沙凝固版咁，仲有红豆粒系里面，都唔错金装二人套餐- 雕皇醉鸡 : 好既就系冇晒D骨，得番D鸡肉比我地，容易D食，但系冇酒味- 风鹅粉皮 : 风鹅就系一丝丝，红色，冇乜味，粉皮就切得太细，好难夹到但佢都有好既，虽然个碗里面见唔到酱汁，但系D酱汁其实拌匀晒....之后唔知点解佢可以令到D粉皮有(麻酱)味，利害- 鲜鱼羹 : 我真系唔知佢个主食系鱼定系芫荽个汤好重芫荽味，冇晒D鱼既鲜味同玛成个汤都系好清淡，要落左胡椒粉先有D味- 黄金流沙虾球 - 个样都唔差既，我谂得5只虾到一上枱就好热，都脆...外皮有面包碎&碱蛋黄，冇咩味道，都食到既....- 砂锅旺菜狮子头 - 我钟意佢个酱汁，好浓既蚝油味，而且佢唔系好似汁咁液体....好似D酱咁，正，娃娃菜就切得太碎，但系都好味，里面得两个大狮子头，唔系几靓，炸得唔好，见到有猪肉碎，最好就紧系一个完整无缺既波啦，唔系几掂- 上海小笼包 : 好容易穿而且佢里面既肉汁仲系一旧旧，成滩肉jelly系个笼里面，好核突- 高力豆沙 : 个卖相几好，圆碌碌，但系味道就比其他店差左d四喜烤麸 : 个烤麸好硬，唔似得"湘x沪"咁软绵绵，好似海绵咁，有多汁.....佢e个一黎硬，二黎就唔够入味，其他配料都系一般上海素菜包(5件) : 个包皱左d，而且折痕太小，唔合格，起码都要10折，我谂佢得6折，个馅都一般，冇菜味，得油味，冇麻油既香湘x沪最好味阳春面 : 麻麻地，面条好长，但系冇葱味，系"翡x拉面小笼包"既阳春面好好味(仲见到d青年人系到整面，劲!!!)总体黎讲，野食唔系几好味，而且上枱个阵都唔系几够热，除左个其金虾之外....唔系几值去e到食....
继续阅读