阿德廚坊 (已結業)

甚少去紅磡，去就係去大酒店。放學去同學屋企開檯前先醫肚。門口見下午茶二十蚊又多選擇，直覺覺得呢間野應該得~~ 叫左咖啡牛腩飯，同學叫了炸雞脾西多士。效率好高，環境幾好。哩腩好食~~ 掂! 但炸脾仲正~~ 脆卜卜入面滑溜溜其實呢種應該算唔算係茶餐廳呢?我覺得似係南風餐廳果類西餐廳，個咖哩腩都係果一款直覺覺得佢個星州炒米應該都幾得!

20070127第二次來這裏，不過今天是吃早餐。以茶餐廳的標準看，這裏是過分整齊與乾淨了：P圍邊都是卡位，不過一早就滿座，還好中間的位子也很寬敞。偌大的店面，服務生卻不多，還好動作夠快。Honey叫了一個公仔面餐，看起來不錯，只是那跟餐的多士裏面牛油太恐怖，一打開只見厚厚的一層，要小心撕去才覺心安：）我的是麥皮餐，跟一件蛋治、一杯奶茶。麥皮用中碗上，分量比較合適，煎蛋略油了些，也還可以，奶茶是典型的茶餐廳風味，勁道十足。最後吃不完，打包半件蛋治。與鄰近的富德比起來，品質類似，價錢平均貴一元，但環境就好得太多了。

有時門面真的有點招徠作用，元旦日到不熟悉的紅磡行個圈，見這間食肆門面幾大又乾淨企理，大大個招牌，老遠都望到，再加上一個啲啲特別的名稱(是叫「阿德廚坊」，並非「阿德廚房」)，我倆就被吸引入去。它其實是一間比較大的茶餐廳，地方算是整潔舒適。午市套餐$28，見有咕嚕肉，無謂多想，就要了咕嚕肉飯，加碟咖哩石斑飯。餐湯有紅、白、中湯可選，先問阿姐中湯是什麼，答稱「節瓜湯」，後悔沒有問清楚，結果飲不出那碗淡淡的湯究竟除了節瓜之外，還有什麼材料？！好在咕嚕肉炸得鬆脆，酸甜汁雖然偏酸一些，不過並不過分，滿意的。咖哩石斑也算不錯，雖然只得幾件細細的石斑塊，不過咖哩汁味道調較得宜，很適合送飯。餐茶照例要熱咖啡和熱奶茶：前者只得苦和焦味，麻麻；後者則頗濃滑。雖然overall令人滿意，但是不明它何以星期六和假期收加一？！

個日同男朋友去食佢地口既tea set,初初望佢個門口以為佢會幾貴點知一望之下又唔係真係咁貴woo都只係$20左右,, 幾抵本身自己好鐘意食雞,,咁叫口左個蒜蓉雞扒飯,,我唔知佢d蒜蓉汁點整口架囉勁難食,, 野飲我叫口左朱古力雪香+"舉藥"total要另加$7,,,個"舉藥"甜到呀媽都唔認得飲到一半已經飲唔落...不過我男朋友就話佢個碟野食都ok同埋都幾好坐,,,所以整體口黎講都屬於中下囉不過自己就應該唔會再去

同朋友去完黃埔，大約四點零鐘，就和朋友找個地方坐低tea一tea。行過經過這茶記，門面幾好，便走進去。裡面幾大幾舒服，又或者係假期的關係不是太多人，大把位可以揀。這裡的下午茶餐有不少選擇，西多、三文治、粉麵以至飯都有供應，認真不錯。我叫了西多士飲凍檸茶，朋友則要厚多士和凍華田。西多士的皮雖不是很脆，但花生醬味都幾香，配以牛油和糖醬，始終是下午茶的最佳選擇。朋友也大讚佢既厚多士食得過。下午茶餐$19，假期要加一，凍飲加$2，合共$23。不算太貴，但假期要加一就不太順氣。再看有不少客食下午茶餐的飯，又幾大碟，食完可以晚飯都不吃了。

早2晚做完gym,2個朋友加埋我呢個電燈膽....三個人一齊食飯,男既好肚餓要有肉同飯,但我地女仔做完運動真係唔敢食得太heavy,行過見到呢度有睌餐又有越式粉食,咁就入去食啦~男仔叫左T骨晚餐有湯有飽有意粉+餐茶$40都算抵食但並不等於好好食咁囉!由於檬粉賣哂,所以我地叫左雞絲牛肉米粉x2碗~大大碗既米粉上有一堆薑蔥茸,好油.......卻又好香!令怕肥既我都忍唔住撈勻落米粉一齊食。雞絲似係海南雞手撕,牛肉則係薄牛扒煎香碎上,加上質感不俗既米粉、仲有d芽菜....唔!比我想像中好味!$24 ok抵食啦!不過我地三個人都覺得果度個流水裝飾好嘈!好似有人不停沖廁咁!

31.8.2006呢日約左男友向黃埔度睇戲,諗住向蔡瀾美食坊度食架,但又覺得唔係咁岩食,於是咪四周圍睇下有冇新發現,點知俾我地行行下,搵到呢間食肆.向佢門口度都放左一些套餐牌,類似係客飯咁,見個價錢都唔係太貴入到去都唔係太多人,因為我地六點三去到,可能未到食時候,個waiter都好醒目咁羅左兩杯水黎,佢個餐牌又分散餐,套餐或者客飯至攪笑係套餐98蚊,但係都係多杯野飲送,但就貴過客飯,d菜又唔係咁岩我地食.反而客飯比較似番平時我地食的私家菜...1. 芙蓉蛋(都好大碟,夠料,味道岩岩好)2. 鮮茄豬扒(開頭諗住佢會好似其他餐廳咁,唔係好多塊扒,細細碟咁,但相反係---中等份量,豬扒經過少少走油,切成細塊條..我都諗都有兩至三塊架,最欣賞佢的鮮茄汁,好夠味,岩撈飯,而且係好多蕃茄)每人一碗飯,另有例湯.唔使等好耐就好快有野食環境方面都幾舒服,大堂中央放在一個好似水池的地方,俾人感覺都好怡人...今餐我地食左76蚊(星期六日先至要加一)

我通常都係午飯時間同同事先o黎食.我既經驗就冇咁好, 可能黑仔喇. 對上一次食咖哩雞飯. 好明顯就咖哩加白切雞. 而今日叫左咖哩牛腩. 結果只得三舊牛腩同一舊薯仔... 個湯就勁咸...

雖然佢個下午茶個價係普通紅磡下午茶街坊價，但D 味幾好。叫o左客扎肉凍檬熱奶茶。扎肉凍檬上檯時上熱（扎肉，因為新煮）下凍（凍檬梗係凍啦），連好多好多生菜絲同新炸蒜頭炸花生碎。雖然上熱下凍容易滋生細菌，快食，少理。奶茶就麻麻...濃既，但有D 澀口。雖然佢個門口同裏面個格局唔多夾，坐得長檯預o左搭檯，又未必好坐、靚姐service 未必好，不過...野食搭救啦。

一到二點鐘,阿德就會好多人,因為下午茶有飯加飲品,質數比普通茶餐廳好一倍,但價錢只係$18-20,服務就一般啦,以咁既價錢食裡西既野已經係超值！

下午茶真是抵食夾大件，抵食之餘鑊氣又夠!! 特別是炒貴刁，正!!

門面幾骨致食物又抵又足料... 推介炒貴刁唔錯唔錯

今日行過呢間鋪,見門面裝修好似小菜館,入去至發覺原來係港式茶餐廳,賣港式食物如火腿蛋飯.叫下午茶餐,食物都算大碟,當午飯食都夠.咖喱雞扒飯d咖喱冇乜辣味;雪菜火腿炆米就好少雪菜;炒貴刁都ok.連餐茶大約20蚊,平日重唔使加一.呢個價錢紅磡都算平,食得過.