影片
以上资料只供参考，请与餐厅确认详情
星期五晚谂唔到食咩，又嚟咗阿德厨房，原来对上一次食已经成年几前嘅事🤔⭐是晚餐汤餐汤要咗中汤同西汤，是晚中汤系木瓜汤，清清地都几好饮。西汤就喺罗宋汤，味道唔错仲好多杂菜添。⭐咖哩牛腩饭咖哩系马来西亚口味，有香料有椰奶味，少少辣，牛腩炆得淋，几好食。⭐福建炒饭有墨鱼仔、火腿、杂菌、菜心等配料一齐炒，饭底用鸡蛋炒过，香口唔油腻，酱汁调味都唔错。⭐热奶茶 & ⭐热柠水正常水准，胜在够热。星期五晚食饭嘅人都唔多，呢个生意额知唔知似得住㗎？不过可能今晚系情人节，啲人走去食大餐嘅🤣
继续阅读
搬左后第一次去食，谂住试下怀念下，去到两点下午茶叫写野食下午茶，用手指指住个下午茶餐牌叫左个和风牛肉饭（$四十零蚊）之后就到比钱，先发现伙记落左系原价的和风牛肉饭（$60蚊），之后揾伙记讲番，可能落单个个唔系到，另外两位剩系不停讲：你已经食左啦㖞/抄大份左比你/你坐左好耐真系系我错，唔应该帮衬，我入到去应该自己时刻小心保持警惕，对清楚张单如果要入去食，建议小心时刻对清楚张单，以免落错单到时口同鼻拗
继续阅读
【九龙城区】【阿德厨坊】最近嘅生活非常忙碌，但系都几希望系进入最后直路，因为当啲书读完，又放低埋一啲公职之后，就可以得闲好多。虽然呢番说话喺我人生里面讲咗超过十次，但系今次我决定写出嚟，逼自己实践，成件事好似踏实啲。不过再忙都系要食饭，今次喺红磡食呢间，其实好耐之前我就已经见过，之但系系喺另一边。原来佢哋而家搬咗过嚟檀香山个旧舖，好耐之前我反而好似都讲过檀香山，个杂扒超级大份，直接击败咗我，所以我今次都食扒。佢哋个扒类系列系「扒王之家」里面嘅「欧陆扒餐」，个名唔紧要啦，食个「牛肉眼扒」，铁板上嘅，要咗「五成熟」同「蒜蓉汁」，跟「薯菜」，味道都算几好。配「牛油厚多士」同「罗宋汤」，感觉成份嘢唔差。加埋杯「冻奶茶」，成个餐就 $85，茶记食扒系咁上下价钱，而佢质素唔算曳，我觉得算系咁。咁但系 1am红馆 系列我好少净系食一次就算，所以夹两个朋友去食多咗次，今次仲睇咗连登仔介绍，话佢哋下午茶同咖喱唔错。但系我都系食个「特价常餐」，「蒜蓉鸡扒」配「米粉」，正常水准，加埋份都系一般嘅「脆脆猪」搭「黑松露炒蛋」，加埋「冻柠茶」走甜 $49 只系唔算贵啰，冇亮点。反而两位朋友都系食「欢乐下午茶」，好似特别啲。有位叫咗「咖喱猪扒火腿饭」，佢赞咗啲咖喱几次，好似真系几好咁，配埋「冻柠茶」$41 好似算抵食。另一位朋友食两份，「餐肉蛋公仔面」配「冻柠茶」同「吉列猪扒沙律」配「冻柠茶」都系 $37，但佢冇乜感觉，大家自行判断。。。（地址：红磡宝其利街81号大利大厦地舖）
继续阅读
有日无端端想食扒，hea扒梗系去茶记食嫁啦，行过见到间野正正常常又有人坐以为无事，又写住扒王之家，点知入到去坐低叫左个鸳鸯扒鸡加猪薯菜，铁板菜心，劲！扒唔好食好似无腌过咁，菜心焦左。。。真系有料，食铁板薯菜落菜心，我真系第一次见🤮🤮🤮🤮
继续阅读
琴日星期五晚，黄埔间间有堂食嘅餐厅都排晒队，见到呢一间唔洗排，入面又坐左几枱人食紧，以为伏极有限，谂住快快手入去食餐饭然后走，点知出事……首先卫生问题，啲匙羹攞左两三支先有支系冇饭痴喺上面、叫干净啲，好彩佢有畀杯暖水可以洗下，系普通茶记常见嘅情况。食物方面叫左个海南鸡饭，另外送个汤加杯野饮就叫左红汤同热华田。首先个汤偏咸，饮得出系罐头/包装汤味再加啲茄汁。之后上左个油饭，每粒饭都系油光闪闪，食落应该系捞左猪油嘅味。以上嘅食物我觉得都勉强可以，但系碟白切鸡真系令我嬲左，鸡胸肉又干又嚡，只鸡翼嘅肉竟然可以同鸡胸一样都系干，而且切唔到底，每旧鸡都同另一旧鸡藕断丝连，可以成排夹起。仲有啲鸡上面放左啲花生，粒粒都系淋嘅…… 最后，杯华田系淡嘅，仲饮到水喉水味。愈食愈嬲嘅一餐，仲要成67蚊！下次都系唔好是但食……
继续阅读