阿婆豆腐花腐乳 (已結業)

滑,美味,已經吃了數年,雖然已經不在大埔居住了,但還會想念的美食,小心,2007年1月已搬新店,舊店位置又係做豆腐花,唔好去錯呀

我細個己經食阿婆豆腐花,嗰時仲係街邊走鬼檔.非常之香滑!之後很開心見阿婆有了自己的舖頭,他們一家人非常之有善和有禮,水準也很穩定,從没令我失望,每次吃完都很滿意.但今年初(1月)見拉了閘,寫着裝修,但到1月尾再開名字依然,但人面全非!心想會不會他們請了人,自己不做,店名一樣,試一碗就知是不是.滑是滑很稀,但没有荳味.知道不是原來那檔,感到有些失落,以往由家中步行去大埔墟大概廿多分鐘,為的也是吃阿婆荳腐花,所以之後有一段時間没有去大埔墟.直到有一天我姊姊說阿婆荳腐花開返啦!立即飛奔出去,好開心再見到阿婆一家的笑容和美味的荳腐花!

唔行過都唔知, 原來阿婆豆腐花搬左舖新舖就係舊舖斜對面, 大大隻字寫住阿婆豆腐花熱豆花, 依舊的滑, 價錢亦如舊$5豆漿亦係$5一杯, 低糖, 但亦低豆, 即係無乜豆味阿婆豆腐花已經成為大埔名牌每日不論時候都係甘多人由於無加價, 所以變成將貨就價想搵返以前好香豆味的豆花同豆漿, 怕且好難囉

每趟經過大埔墟公園仔，總見這店外聚集不小顧客幫襯阿婆豆腐花，是日見天口頗涼，經過這裡時順道幫襯見識見識！站在舖外的顧客很多，但都沒甚規矩，打尖插隊的不小，幾趟禮讓後才能拿到一碗熱騰騰的豆腐花。這裡的豆腐花非常滑溜，不是實實的那種，而熱食更顯得無比滑溜，簡簡單單就滑進喉嚨，但可惜是無什大豆香味，只有糖水的甜味而矣，坊間街市很多咱家制的豆腐舖的出品會比她好多了，但以五元一碗的來說，算是經經濟濟了！順道買了一瓶這裡咱家做的細裝不辣的腐乳，回家用熱飯和之，偏鹹之餘腐乳不夠企身，明顯時間不夠，若再多放個多星期待自然發酵後仍是這樣偏鹹腍腍，可將其打入冷宮了。

每次入大埔都"未出發, 先興奮", 大埔墟平覩正, 入到去都唔知食乜, 但每次最後一站都在此整碗豆花, 買樽腐乳先走。豆花五蚊, 夠滑, 算有豆味, 比Ｘ和十蚊平一半, 但有此水準已ＯＫ, 辣腐乳13蚊細樽, 比Ｘ孖記平, 但若用來做醬, 炒菜已經較supermarket超幾班。阿婆好嘢!

調查過程:轉新舖,但品質不變,阿婆仲係度,笑臉迎人.豆花依舊,滑而不香...豆漿依舊,滑兼微甜...調查結果:滑而不香,如何取捨?