阿利水韓國料理 (已結業)

滿心歡喜諗住同朋友食飯，一入到黎成間野已經好大煙，配菜已經黎得4碟，重點係無泡菜，一間韓國餐廳可以無泡菜真係好搞笑！想食牛排骨又無，叫左個五花腩，泡菜薄餅，人參雞湯，辣牛肉粉絲煲4樣野！一開始黎左個五花腩都幾好食，等左一個鐘忍唔住催佢地，催完先黎個泡菜餅，勁普通仲要$120，再等多半個鐘見個湯都未黎就問佢，一開始話整緊，轉個頭話無哂囉，真係玩野，等左成粒鐘先話無，真係食到一肚氣，以後一定唔會再黎囉，完成浪費我時間

已經去過好幾次，食物還ok...會再去嘅理由係地點就腳。。。 呢間野本身都唔算好食 但食物選擇算多，但味道真係一啲都唔算好食 又唔正中。服務態度超級差，次次都十問九唔認。倆個人坐底食飯，杯就有擺係度個水又唔俾杯人飲，問佢就好悔氣咁拎過黎。本叫咗碗人參雞湯，佢話無一隻雞，黎咗半雞，仲要硬到咬唔開。。碗湯係一啲味都無清到好似水咁。。燒牛脷叫咗又唔黎。。無又唔話俾人聽。。。石頭飯又細碗又難食仲要$180。。仲話年年有米芝連推介。。真係離晒大舖👹👹👹😡🤬🤬

這家阿利水不知發生什麼事，非常糟糕～是我有史以來吃過最糟的一餐😤1.空氣不好，烤肉味非常重2.整場就一位服務小姐，態度很差，請她倒水講了三次仍沒水。3.想點牛小排，沒有！想點人蔘雞，沒有！4.烤肉爐壞的，安排坐位時沒有告知，搞了半天烤不了肉5.服務小姐只能另外用別桌爐火幫我們烤，但又一直跑開，肉都焦了～ 肉本身就非常難吃不佳😓6.沒有湯匙、餐具，反應了半天～ 沒來！7.點了部隊鍋，因為爐火壞了不能煮～ 只能放在另外一枱，但又置之不理～ 總之非常糟糕，我們只好匆匆買單離開，一秒都不想多待～ 這家店有問題～ 大家不要再幫襯了！

閒日晚餐時段兩個女仔去吃，我地叫左一個泡菜炒五花肉、一個大醬海鮮湯（另加白飯）同一個泡菜煎餅，賣單成餐$500幾蚊但d野食有d垃圾...單單個五花肉就已經炒到好似煲完湯d湯渣再切出黎煮咁...價格比市面韓國野貴，但質素卻更差；個海鮮大醬湯得幾粒仔蜆仔，個湯又唔夠濃郁；泡菜煎餅不過不失咁，叫有野落得到肚；只得前菜小食係俾得好足，兩個人食都有成6碟...但我睇完openrice d comment先黎，都中左伏囉

幾年前去過阿利水食Lunch ,都唔錯咪諗住再同朋友今晚去食晩餐。店內有位態度非常之差嘅女待應，我哋八點鐘未夠就話冇晒牛肋條所有牛肋條做嘅食物都冇，跟住問佢牛肉拼盤原本有牛肋骨嘅有乜，佢好唔情願咁入去廚房問完出返嚟同我地講剩係得牛肉片同牛肉片，連牛脷都冇。咁我哋再望吓個Menu之制想問下佢有咩係有佢啤我哋一眼就行開咗！最終我哋叫咗牛骨湯，分開叫一碟牛脷，同埋牛肉。佢哋好快咁上菜，但食韓國菜最精彩嘅莫過於係啲小菜，除咗有傳統嘅kimchi之外，佢竟然夠膽死放兩粒西蘭花再加pat辣椒醬！每碟都係兩小舊，仲只可以refill四樣一次！個女待應個樣長期好似俾人虐待緊咁，我哋想再加個海鮮豆腐湯，間鋪頭只係得三枱人佢都可以漏單，我哋等左20分鐘再去問佢，佢理直氣壯咁同我地講我有入單不過廚房冇出單啫！食物嘅份量同價錢完全唔成正比，三個人食咗七百幾蚊，仲要俾啲咁嘅服務。我唔知米之蓮點樣比推介佢囉，一定會再幫襯！牛骨湯D牛骨雪味好重，湯頭加超多味精，個海鮮辣豆腐湯得幾粒縮到唔見影嘅蜆，連蝦都冇隻！

Book咗枱三位，夜晚七點半到，當時入座率一半，只有兩位侍應長期黑面，沒有招呼，沒有擺位同攞菜牌都叫左10分鐘，叫咗幾次。話係米之蓮推介食府，完全垃圾，完全唔明白點解之前啲食評OK。落單完全錯誤，講咗幾次，落錯幾次，叫佢哋換番，淨係拎走又唔拎返嚟，又要追，食物質素差，漏單欠單錯單全部齊。食物質素方面，完全失望， ＄680套餐，完全唔夠飽，嘢食難食，只有幾款燒物，當中套餐入邊嘅牛肋排沒有，逼住要叫個雜錦，包左兩罐汽水，賣單嘅時候竟然計兩罐汽水＄60 ,如果冇查單，咪俾佢老屈＄60 ,仲要收＋1服務費，最後埋單$750呢啲服務連茶餐廳都不如，每一樣野都要檢查清楚，千祈唔好去第一次嬲到要係OpenRice投訴，希望我嘅食評會登出黎

今日 同朋友慶祝生日， 想試下韓國野，咁就上網睇到呢間 係Tst H8 又話連續幾多界入選米芝連又剩 咁咪去試下囉去到一出電梯 我已經覺得環境好殘舊 係星期五既黃金食飯時段 竟然得幾枱客 我就心知不妙！ 我一坐低 本menu 又係感覺好舊，（心諗外表唔重要既， 睇下野食吸唔吸引先）真心 評論如下是日order 食物有， 豬牛雞燒肉拼盤， 帶子，大醬湯，海鮮炒年糕，燒銀雪魚，兩支真露埋單hkd 1300左右食物質素： 食物款式不多， 十分基本 ， Menu 一點都不豐富 菜式唔吸引唯一亮點係去到真係有足十碟小前菜， 但其中五碟都唔好食！ 大醬湯ok , 帶子真係大大粒厚肉但其他基本上一d驚喜都冇 ， 唔怪得menu 顯示佢米芝連去到2016 就冇入選了 （事出必有因）食完佢個燒肉拼盤 係成晚都要勁飲水。 味精十級重手。服務： 明顯服務員同生意唔佢正比冇咩人幫襯但服務員個個企哂係度所以個個玩手機既玩手機。玩手指既玩手指但最奇怪係 你食完成餐飯 都係冇人過黎幫你收過一隻碟 總括服務一般環境： 一個字”舊”你會見到d木櫃門係爛。 椅墊係爛既！ 唔係污糟既， 不過真係舊囉 。

有次自己一個出尖沙咀，到食飯時間唔知食咩好，又諗起之前有見過呢間餐廳，就上左黎食啦。呢到午餐無乜人，靜靜地啱哂一個人食，享受一個人嘅時間。落單嗰個係韓國人黎，落完單佢就俾人呢啲小菜我，身為韓食狂粉既我好興奮一個人都俾四樣我。左下嗰個好似係魷魚咁既，幾特別。之後唔知點解佢又俾左個煎蛋我，好開心啊我嗌左既係泡菜湯，佢跟個飯一齊上我就鐘意擺埋個飯落去當湯飯咁。個人都食得辣，但佢呢個真係幾辣入面好多料好多豬肉，食到我勁飽都食唔哂會再黎㗎

厚福街愈黎愈多食店，平日我都比較多光顧大廈嘅日本菜，今日收工同男朋友黎到8樓嘅阿利水韓國料理，食下韓國菜。餐廳位置唔算好多，裝潢傳統、地道，唔係好新式嘅韓國餐廳，用上木枱木梳化櫈，晚市未坐滿，但都有唔少客人，有啲燒肉、有啲食韓國料理。店員安排我地坐喺靠窗位置，環境舒適。揭開餐牌先見到佢地原來曾被定為米芝蓮食府之一，真係弱弱唔知道。個人對於米芝蓮嘅評定標準冇乜意見，亦好少作為平日食飯嘅參考。餐牌供應多款韓國菜，韓式燒肉、燜炒類、烤魚、煎餅、餃子、火鍋、拌飯、炒飯、麵食，定價中上，所以我地兩個都係點左兩款食物。如果要燒肉可能要多幾個人分享。點單不久後，店員就送上前菜，新式嘅韓國菜好少會供應咁多款式，一般傳統嘅韓國餐廳都會有約莫6-10碟。當然啦，每碟嘅份量都唔算好多，相信係按人頭份。沙律味道唔錯，可能加左少少梨汁，入口酸甜，幾清新另外泡菜、芽菜、豆角、西蘭花呢啲都係中規中矩。海鮮豆腐腦辣湯 $150湯品方面選擇都多，人蔘雞湯、大醬湯、豆腐辣湯、牛排湯、牛尾湯、牛骨湯等，定價相約。點左個比較簡單嘅海鮮豆腐湯，一人份量，附上白飯一碗，價位都係米芝蓮級啊，好在都係幾多料，有大量豆腐，泡菜、雞蛋、

尖沙咀厚福街的H8是近年尋食的新貴，很多食店都進駐其中，無論西餐、海鮮、火鍋、日食或韓食都不乏蹤影，選擇多多。這趟筆者就來到當中一間韓國料理，餐廳連續五年都獲得了米芝蓮推介，今次冒名而來，自然有著一定的期待。乘電梯來到三樓，店內裝修簡約踏實，裝飾偏向自然風，燈火鮮明，餐枱大大張座位寬闊，坐得舒服，韓籍店員亦十分親切，很有韓式地道餐館的風味，難怪座上客不乏韓國人士。還未點菜，店員已率先送上12款前菜小碟，陣容鼎盛豐富，單看賣相已讓人賞心悅目，感覺大氣。韓式前菜款式口味繁多，包括爽脆的辣大豆芽菜、辣醬西蘭花、辣豆角、甜香的柚子南瓜、酸辣的韓式泡菜、綿密的薯仔沙律、Q軟的醬䈮篛、甘香的醃涼瓜、煙韌的辣魷魚絲、清新的菜沙律、清香芝麻菜、酸香的醃洋蔥小瓜等，口感味道各有特色，豐富多樣，份量細細每樣試一點，驚喜清新又開胃。餐牌內食物種類選擇繁多，價格屬中高檔消費，店員向我們介紹一個抵食的$680  真露燒酒2-3人套餐，單點原價要差不多＄900元，餐內包括烤特大牛排骨、烤雞肉（可轉五花肉）、海鮮豆腐腦辣湯（可轉牛肋骨湯）、全州石鍋拌飯及一瓶真露，有齊韓式燒烤湯品，又有石鍋飯，還有燒酒贈興，實在不錯

今天到尖沙咀逛街，晚飯和朋友吃韓國料理，近年在厚福街開設了全棟都是食肆的H8，見這家阿利水是米芝蓮推介的，就去試試。餐廳餐桌夠大，坐得十分舒適自在。10款前菜小食沙律菜、辣魷魚、䈮篛、南瓜、辣西蘭花、泡菜、辣芽菜、菜、銀魚仔、薯仔韓國的前菜種類多樣，口感味道豐富多樣，各有特色，個人最喜愛是生魷魚，滑溜而且有咬口，味道濃帶點辣。韓國海特啤酒 $40/支冰凍啤酒爽口透心凉，易入口就，配上小食很不錯。韓國炒粉絲 $150 韓式粉絲是我的最愛，口感更好，比我們的粉絲要更粗些，帶點煙韌。炒得爽而不乾，而且海鮮份量都不少，份量足。大醬湯 $150 - 加白飯 $12/碗足料的大醬湯滿滿一鍋還在滾燙的，有青口、蜆肉、豆腐、泡菜、菇等等，熱辣辣好野味，配上白飯非常滿足。食物質量很不錯，比一般韓國料理要高一些，服務不夠貼心，店員也沒有好主動，改進一下服務質量的話，才符合米芝蓮的標準吧。

尖沙咀的H8是尋吃好地方，今晚我就跟朋友選擇了米芝蓮推薦的阿利水韓國料理。裝修很踏實簡約，很有韓國地道餐館的風味，怪不得到來的食客差不多都是韓國人。餐牌有韓燒及其他韓式料理，都是傳統的菜式，期望有刨冰、芝士的請到別家哦。先送來10款前菜：沙律菜、辣魷魚、䈮篛、南瓜、辣西蘭花、泡菜、辣芽菜、菜、銀魚仔、薯仔《炆牛肋骨 $250》 - 加白飯 $12/碗。牛肋骨炆得入味，脂肪少但十分軟腍，一點都沒有浮油。醬汁濃得來完全沒有膩感，令人一件接一件、一口接一口。鍋內亦有紅蘿蔔和白蘿蔔，大件但亦已經吸了醬汁的精華，很惹味。醬汁好味，用醬拌飯吃一流。《韓國炒粉絲 $150》- 份量很大，我覺得足夠5-6人食用，用料亦多，有多隻青口、八瓜魚、椰菜、紅蘿蔔絲、冬菇肉、蜆肉、蝦肉、洋蔥和青蔥，視覺效果十分豐富，而且增加了不少口感，加上芝麻更添香口。韓國粉絲口感Q彈，味道帶點甜，十分入味。《人蔘雞湯 $250》 - 湯料有人蔘、紅棗、蒜頭、蔥和一整隻雞，清淡中有淡淡蔘的甘香，雞油亦不多，熱烘烘送到餐桌上很有火氣。雞肚塞滿了糯米飯，飯吸了蔘湯和雞的精華，口感很軟綿而且味道香濃。《韓國海特啤酒 $40/支》-

今日同朋友聚會，我地都好想食韓國料理，於是揀咗阿利水，終於可以試下呢間米芝蓮食府！剛入店時覺得置身於韓國咁，因為大部分嘅客人都係韓國人！而且環境都不錯，坐位亦好寬闊！韓國料理少不了前菜，兩個人有十碟！全部都比我地食晒！款式同一般韓國料理差不多，其中我地最鍾意係辣魷魚同南瓜~海鮮大醬湯足料嘅海鮮湯一上枱石鍋仲滾緊！有青口、蜆肉、豆腐、泡菜，飲落熱辣辣幾惹味！加上我地都鍾意食辣，呢個湯送飯真係一流！炆牛肋骨呢個係去食韓國料理必食既！配料有金菇、紅羅白、白羅白！牛肋骨炆得好入味好淋，加上濃濃牛肉味既湯汁，真係食到停唔到口！水冷麵熱辣辣既天氣食水冷麵真係唔錯既選擇！配料有青瓜絲、蕃茄片、白羅白絲、牛肉絲、韓式辣醬，而冷麵亦整得好彈牙！加上帶有酸酸的白醋，好醒胃！食完先知原來餐廳曾經拎過米芝蓮，唔怪得高準咁好，下次要再來。

經過尖沙咀，突然間有點想吃韓燒，朋友於是推介了這一間韓燒餐廳，更曾經奪得米之蓮榮譽！這一間位於厚福街樓上鋪，平日夜晚上去，人不算多，我們這次三人行，點了一份套餐。點了食物後，餐廳先想前菜，想不到份量會這麼多，有足足七八碟！泡菜、芽菜、菠菜等都極具傳統風味，最驚喜是有辣魷魚！主菜有海鮮豆腐湯配白飯，看上去非常紅非常辣，但我和朋友都覺得不算很辣，辣度尚可接受，而湯亦非常足料，有青口等海鮮，亦有很多豆腐，非常滿足！泡菜煎餅，粉漿略厚，不過非常惹味，又脆又辣！我們最想吃的來了！我們點了牛肋骨和五花肉，店員更會上前幫你剪開牛肋骨。牛肋骨肉味非常濃，肉質鮮嫩，非常美味！至於五花腩則有點被比下去，肉質不及牛肋骨，但肉質尚可接受。邊吃邊喝真路，我和朋友都覺得非常盡興！這次三人行吃了600多元，價錢合理，而且吃得很飽，下次聚舊又有好地方了！

突然又想食韓國嘢於是嚟咗試吓朋友想試好耐嘅阿利水呢度環境闊落，枱與枱之間都有幾多空間，唔逼點菜後侍應就幫我哋送上前菜，總共有十一小碟。其中我最欣賞嘅係最辣魷魚，唔係好多地方食得到［生牛肉拌飯，$150］生牛肉份量都幾大方，配埋大量蔬菜，係健康首選加入辣醬後拌勻就可以食喇。對我嚟講，辣醬算係拌飯嘅精華之一。而阿利水嘅辣醬做得同平時食嘅唔一樣，落得太多蒜頭同埋冇麻油香，不過算係特別嘅味道石鍋燒得好夠熱，生牛肉撈完之後都熟哂［生拌牛肉，$220］驟眼睇得少少肉，但其實食落都幾多，兩個人都食唔哂生牛肉同梨絲都切得比平時食到嘅更粗、更有口感，撈埋生蛋黃就食落更滑，不過調味稍嫌就少咗啲，例如冇咗麻油、蒜、芝麻等等，食落比較清淡［烤牛脷，$180］份量都幾多！薄切嘅牛舌浸住醃料咁上少少燒焦味食落好香口、唔韌。只不過醃料好似太濃味，蓋過咗牛舌本身嘅味道燒肉有跟生菜、醬，同埋麻油，包住食又係另一種滋味