阿公 (已結業)

由今日開始，我希望做到每星期寫一個食評，不評「連鎖店」。 「阿公」，新開，食燒味及潮州菜。今天，試燒味。 裝修環境OK。 食「乳豬叉燒飯」跟餐$73，係呢區價錢算可以，乳豬ok，义燒夠淋，無味精，唔死鹹，米飯有質感（不是用平米），問新移民侍應姐姐，佢話d「c尾」（燒味）係廚房𥚃面自己燒。整體來說义燒做得好，當然有食過比佢好的叉燒，但比佢差的多很多呀。今時今日做飲食已經好難，好食咪讚下囉，唔好食咪收聲囉。 整體感覺，會再番食。

估唔到在九龍灣都可以食到咁高水準的燒味。激讚！咕嚕肉皮脆有肉味，絕不比名牌食府差。另外义燒是必食之選，勝價比高，值得推介。舖面裝修不過不失，不過也算是很乾淨，服務員亦相當勤快，今晚吃了一頓價廉物美的晚餐， thank you 阿公

好少寫食評，但衛生依樣野真係一間餐廳最基本嘅野。今日落好大雨，近近地係樓雨外賣，本身諗住叫小菜試下，但款式唔多唔太岩食，都係叫番啲親民燒味飯，我同老公叫佐一個金牌四寶飯同油叉米粉，餐廳有幫我分湯，姐姐都好有禮貌。番到屋企，由於我係夾起啲餸先食米粉，到食最後一舊叉燒放湯時發現有小強囉，相信小強係痴住佐舊叉燒到⋯⋯好嘔心，如果唔放湯的話可能已經一野食佐落肚，雖然餐廳係樓下，但都廢事落去換，同埋換黎都無意思，希望大家進食小心望清楚，同埋餐廳注意下食物存放問題。

同男友行過德寶商場，發現好多野食。之後我地決定試打冷。意外驚喜，好吃的潮州菜。好正宗。必試蠔烙！脆皮乳豬好味。半肥瘦叉燒正！鵝肉夠入味。D姐姐有禮貌，又有自動添水。

同阿女去同一商場嘅Maba Land玩，因為未食午飯，中途"鼠"岀去食個tea，偶然發現樓上有間新開(應該係)嘅潮州餐廳《阿公》，叫左個下午茶餐嘅潮州炒飯，諗住都係一般行野楊州炒飯之類…上到枱，無錯，就係楊州炒飯咁樣囉！巡例先聞下，有微微嘅蝦醬香味，飯亦炒得恰到好處，乾濕度適中，配料有蝦仁，蛋，芥蘭粒，咸豬肉等，蝦仁不過不失可以不提，重點係個咸豬肉，好夠味，咸香之餘，口感岀奇地好，原因應該係佢果片咸豬肉係有軟骨黐住，唔知係咁啱得咁橋定個廚師專登，如果係後者，咁呢個廚都相當有心思。食完，臨走再望下佢個menu, 見到有清心丸綠豆糖水，果然幾正宗，即刻叫返碗外賣拎走先！

今日晏晝響牛頭角德寶做完嘢見肚餓就去咗間新開嘅燒味試吓，個名好得意叫做＂阿公＂.平視跟住老細出去食飯就成日話食阿公嘅 ！ 不過今日食飯得自己一個就梗係自己俾錢啦。坐低左見到面牆好有特色畫左好得意嘅graphic. 最緊要係間餐廳地下好乾淨唔似傳統燒味店地下好油好似喺度溜冰咁 叫咗個叉油雞飯叉燒好夠味道軟硬適中，油雞入味，值得一讚嘅係個例湯完全足料唔似其他啲餐廳啲例湯好淡，好似加咗水咁大家有機會去試吓啦順帶一提我見到啲乳豬都好靚下次我會試吓!