阿元來了 (北街)

营业中

休息中

幾年無去過台灣，真的想念台灣味道，之前去元朗出名的台灣店諗住懷念一下，點知勁失望，但今次阿元真的一模一樣，絕對對辦，非常讚👍🏽👍🏽👍🏽當天試了滷肉飯，炸甜不辣，肉羹，雞卷，呵仔煎，珍珠奶茶，炸雞，炸魷魚，滷水拼盤（所有炸物都係熱👍🏽👍🏽👍🏽）服務員態度都親切👍🏽👍🏽👍🏽

台灣野食有好多選擇～但講到小編鐘意既幾間一定係講到西環依一間～開左一段時間同食過幾次～老實講的確唔錯👍小編算遲左介紹～大家體諒體諒😙台南擔仔米粉湯頭清淡而不油膩·米粉順喉吸收湯汁後都無令其發脹及唔順喉👍附有貢丸～鮮蝦同半隻滷蛋·滷蛋夠哂入味😍整碗食完都唔會覺得過重口味·份量令你可以額外點多餐牌上既其他美食新竹貢丸湯湯底清甜唔膩·伴料用上炸蒜乾蔥令口味更佳·貢丸大大粒一啖食唔哂😜用料足但味道意外偏淡(小編以為好濃肉味個款)不過啖啖肉口感食落好爽😆香菇肉羹呢味湯羹一上隨即散發本土獨有既小食之一碗仔翅味😆入面有筍～肉焿～冬菇～肉碎·連上湯味道都同碗仔翅一樣👍但唔同既係除咗用料就係湯頭比較濃稠台灣香腸真係台灣口味(想去旅行了)切得薄片夾住蒜片食有驚喜·不過食飽要接受口臭幾個鐘🤣🤣無骨鳳爪特別調製汁醬·味道剛剛好之餘有小小甜味👍鳳爪雖然細隻但份量都好多·反而岩岩好一啖食哂🤪小編覺得好抵食秘製蒜泥白肉豬腩片薄身·估計用上好小調味令到秘製蒜泥汁醬帶起成塊口感同味道好出·雖然刨到好薄身但數量唔小🙂招牌珍珠奶茶奶茶味香🥳珍珠有咬口唔會煮過龍👍同埋數量算多·$25黎講要讚😍好飲得黎多珍珠仲要唔會過甜·咁既

📍黎到西環覓食😋一定要去呢間超人氣嘅台式餐廳🥢阿元來了👍🏻 下午三點去到都唔少人等緊位架‼️入到去見到夜市嘅燈箱😍直頭好似去左台灣咁✈️😚再加上睇完台劇華燈，更想快啲可以飛去台灣喇‼️ 而家唯有食阿元來了頂住先🤭🥢阿元魯肉飯 HK$43呢個真係食過最好食嘅魯肉飯🤤魯肉肥肉較多，好香亦好入味，啖啖都咁好食😍配料有半隻雞蛋同菜。如果怕自己食唔晒，可以叫個細碗既魯肉飯HK$33，不過就冇雞蛋同菜喇。🥢甘梅粉雞排 HK$45睇台綜「來吧！營業中」有講到甘梅粉，見到佢地用甘梅粉做調味後，就話好好食，我又試下先🤤 其實本身塊雞扒炸過之後已經好香脆又好食，甘梅粉係令到塊雞排鹹得黎又有啲酸甜～不錯不錯👍🏻🥢蚵仔煎 HK$37呢個真係大份又好食，蚵仔鮮甜🦪同喺台灣一樣好鐘意食佢個醬汁🤤🧋統一布丁奶茶 HK$31係台灣必買手信一定係統一布丁😝 臨上機前係免稅手信店都會買‼️我係超喜歡食統一布丁🍮 所以呢杯係好飲亦好食😝一定會再光顧，下次想食蛋餅😍 我喺台灣必食嘅早餐之一‼️

下大雨的weekend 下午5點幾黎到阿元來了，唔使等位就可以入座，但係D位其實都坐得七七八八，都幾旺場。點餐係畫點餐紙，款式唔算好多，但一般既飯，湯，前菜，小食，蛋餅同甜品等等都有。叫左個蚵仔大腸麵線，雙色香腸，東石蚵仔卷同濃濃起司蛋餅，仲有叫左兩杯野飲。本身想食蚵仔煎之類既野，見倒人地叫左個賣相都好好，但係職員話係早輪時間先有。大部份我地叫既食物都一般般，最好食既係東石蚵仔卷，蚵仔料足，亦炸得香脆。

成日嚟堅尼地城，每一次都見到阿元來了門口排晒長龍。今日難得下午茶時段經過，完全冇人龍。所以就必定要入去試下究竟點解咁好味。我諗除咗係黃店之外，佢嘅食物都有一定咁上下嘅水準先可以吸引到咁多客人。咁就叫一個台灣必食嘅滷肉飯。呢一個係佢店嘅招牌菜有細碗同大碗嘅選擇。大碗配有半隻滷蛋、醃蘿蔔、幾條青菜。你見到佢嘅滷肉係肥瘦夾雜，所以係滷得特別入味同惹味，因為呢啲豬肉係要有啲肥膏先至有油香，不過唔怕肥膩，因為已經滷到落晒落個汁度。而且佢嘅肉質已經完全被軟化了，入口即溶般。再加一個小食鹽酥雞，外層既粉漿薄，而且夠椒鹽香，入邊嘅雞肉就保持到Juicy同埋嫩。食晒兩款台灣必叫嘅菜式，而且仲要唔使排隊，心入邊真係大滿足，係一個好運嘅日子。

1. 地方實在太屈質，二人坐一張細枱，仲要冇得坐對面，感覺唔舒服。2. 大碗滷肉飯都好細碗, 食完唔飽嘅！3. $20 貢丸湯得兩粒, 仲要勁細碗湯, 你唔係同我講$10一粒呀嘛？😨 天價黎？4. 擔擔面都好細碗, 味道完全特別，佢啲份量其實可能係設計比小朋友食🥵🥵🥵🥵🥵 5. 整體嚟講食物嘅味道不過不失啦, 唔可以講得上話係真係好食，非食不可6. 感覺呢間餐廳淨係食個裝修, 如果你要求要好似台灣嘅味道，咁你個地方應該唔啱你(我見到都唔想影相🙄, 所以冇相提供)

📍 阿元來了 西環店💰 人均 60左右 第一次吃阿元來了還是在觀塘，當時就感嘆於它的滷肉飯真的很好吃，有一種回到台灣的感覺，而且店裡的裝修也看得出來花了很多心思在裡面！在香港吃台灣菜，千萬不要去度小月，阿元來了更能滿足你！這次來到西環的阿元來了，同樣是這種感覺，桌子都是小小一張，但是擺的乾淨又整潔！門面的裝修也非常的有台灣的古早味！ 滷肉飯水平依舊，很香很下飯！手撕雞飯這次也強烈推薦，跟香港的完全不同，炸豆腐也很好吃！但不是臭豆腐有一點點失望～另外推薦一下隔壁阿元菜市場的滷味拼盤，好像國內吃的麻辣燙，不過有點鹹，阿元菜市場倒閉了非常可惜

疫情下好少選擇啲太迫嘅食肆！好彩安排我哋座在最角落位阿元滷肉飯～都幾足料幾香蚵仔大腸麵線～幾多大腸蚵仔唔太多但幾飽滿滷味拼盤～滷水味唔太重！雞翼只得一隻！豆腐唔係我平時食開果啲質感！可能台式豆腐係咁😅酥炸魷魚～分量比較多！夠脆楊桃汁～飲落有點似柑桔😅

阿元來了平時很多人排隊，我去了幾次都望門興嘆，終於有一天，在下午茶時段有位子。進入店內，裝修到好似去了台灣一樣。第一次來到阿元來了當然要食阿元鹵肉飯，$43。鹵肉，好腍、有肥肉、好味。青菜幾大條，顏色也好。唔夠飽，加了一碟炸銀絲卷 $35，熱騰騰、脆脆的。我把第一幅相放上網，網民已經猜到是阿元來了，他們介紹蛋餅，下次再試。總評味道：有台灣風味；環境：小店，舒適；服務：店員有禮貌；衛生：可以。阿元來了西環堅尼地城北街31號地舖

好耐好耐都冇食過阿元來了啦，一去到嘅時候當然唔少得嘅就梗係要食呢一度嘅滷肉飯啦，呢一度嘅滷肉飯真係好好食，本身我自己都唔係特別鍾意食飯，但係加埋呢度嘅滷肉醬汁一齊食真係成碗飯都好快咁食晒！呢一度嘅滷肉肥瘦適中，而且加埋醬汁！真係會令人食上癮的

堅尼地城人氣台灣菜 長期人龍不絕 因此對店鋪充滿期待 食後覺得食物不過不失 而且用餐時間只有45分鐘 如果是和朋友聚舊 就不建議食這間了 趕住食都都無時間傾計🤣🍽滷肉飯滷肉份量好足 細細碗 岩哂過下口癮-🍽鹽酥雞炸粉略厚 椒鹽味不太出-🍽芝士蛋餅比相像中大舊 味道則一般 蛋餅蛋香味不濃 仲有少少粉漿味🙈

晚上想吃甜品，尤其是芋圓，就來到堅尼地城的門店來買。因為之前未食過呢間，就過來試試看。點了2個九份芋圓，外賣要加1蚊，共68蚊。回家後打開是好失望，份量極少，得半碗，好稀。唯一要讚的是芋圓口感尚可接受，其他的我只有失望，失望同失望(重要的話要講3次)：啲紅豆好少，仙草一啖食晒，我覺得自己食緊甜糖水多過九份芋圓。如果我俾呢個價錢去食芋圓，西環會有其他更好選擇，我亦決定唔會再去呢間食九份芋圓，有啲俾人呃咗嘅感覺。

本身食開觀塘店，今次第一次去西環店叫外賣，亦都會係我最後一次光顧西環店！🤬態度惡劣，對客人呼呼喝喝！在店外等外賣等了20分鐘，進入店內想問一問，竟遭到一個後生四眼哥哥呼喝我們出翻去等？完全沒有想幫我們跟一跟張單。另一個年紀大少少的四眼男士都一樣！撞到你不會講唔好意思。不知所謂！野食好都無用（都唔係特別好味），咁既服務態度真係等執笠啦🤬

去不了旅行但想吃台灣地度美食,可以去「阿元來了」一門之隔就將我帶來台灣…店員阿姨及姐姐都是以國語跟你對談;而且, 四周充滿台灣的味道, 木材加上鐵板指示牌, 感覺去旅行啦!這個是肥膏滷肉飯…肥膏與瘦肉比例接近是1比1,所以每口都非常軟淋(千萬不要經常吃, 肯定肯定膽固醇會極速超標)加上醬汁調配非常好, 以四十多塊錢來說, 整體滿意!若果份量可以增多更好!珍珠奶茶的珍珠是超微細粒,我喜歡啊!! 細細粒+超煙韌, 不知不覺就將整杯珍珠吃掉了!

冇得去旅行，就去阿元來了食嘢，感受下台灣風味！有去過阿元來了食嘢嘅朋友，都知道要排一陣隊先有得入餐廳，因為長期都咁多人食。*所以記得係門口襟定飛，等嘅時候可以填埋點餐紙，一入到去就可以比店員落單啦！同埋要留意繁忙時間- 用餐限時45分鐘！蚵仔大腸麵線 $40- 大腸好有味- 足料！ 蚵仔食極都仲有🤣 好滿足！香菇肉羹飯 $48-湯底有啲似碗仔翅，酸酸地-肉幾滑， 有啲似魚滑香芋奶茶（少冰，半糖）$25- 好香，好濃芋頭味，喺出面好少可以飲到， 絕對推薦！炸甜不辣拼盤 $30- 煙煙韌韌， 食落唔油膩- 個人鍾意黃色嗰個 多過白色甘梅粉雞扒 $45- 甘梅粉冇我想像咁多- 同埋冇乜甘梅嘅味，有少少失望🥲總括嚟講: - 環境：台灣夜市feel（親切嘅台灣抒情音樂）（台灣夜市攤檔裝修）- 上菜速度快- 埋單2個人食 總共$188* (過$200先可以信用卡俾錢）♥️會再過嚟食！🤤