阿元來了 (北街)

营业中

休息中

我相信好多香港人都會聽過呢間餐廳。但未必個個都試過。我就試過兩次，一次買外賣，另外一次堂食。兩次都食得出台灣嘅味道。令就算冇得去旅行嘅香港人，都可以暫時緩解一下台灣癮🤣🤣 去到門面，已經見到台灣特色裝修，有街名門號，又有特色食物嘅招牌，突然間好似真係去咗台灣夜市咁睇睇餐牌，魯肉飯呢啲就必定有啦，仲唔少得台南擔仔麵，不同既台灣小食，仲有香港人最鍾意嘅九份芋圓 飲品就有好多手搖得飲，奶茶系列，絕對滿足唔同人嘅需要我就叫咗一個爆蛋雞肉飯，加一杯招牌珍珠奶茶🧋 雞肉碎加上酸菜，已經有台灣風味。加一隻生熟剛剛好嘅太陽蛋，流心蛋黃汁混合白米 (我估佢哋選用左台灣米)，食起上嚟有汁有肉又有飯，分量又剛剛好，適合帶埋另一半去食，又有得share而珍珠奶茶嘅珍珠，包含甜蜜嘅蜜糖味，有別於一般珍珠奶茶。呢個係有少少特別另一次堂食，我叫咗一份香菇肉羹米粉。台灣米粉幼細柔軟，令到我有綿綿既感受 再加埋香菇肉粒，絕對適合男女老幼。 再叫埋九份芋圓作為結尾，食到我四萬咁嘅口

好耐之前喺第三街嘅時候食過，感覺ok所以今次黎堅尼地城再試試佢相信呢間大家都聽過，直頭食過今次每人叫咗1個主食，1個嘢飯，另外1個小食阿元魯肉飯食咗條菜先，煮得啱啱好，有誠意唔係霉霉爛爛嗰隻，係新鮮嘅個飯嚟到嘅時候覺得好似好少魯肉咁但原來食到尾都夠魯肉汁睇開我都知我最怕，食到最後一啖唔夠味呢度唔會出現呢個情況魯肉本身肥瘦適中，係一層膏一層瘦好香肥膏味，襯埋碗飯，熱辣辣好正肉鬆起司蛋餅肉鬆脆脆地，加埋方塊起司蛋餅係厚厚地嗰隻都算有蛋味，又煙韌成件事都夾，幾好味不過魯肉飯就出色啲朋友叫嘅蚵仔大腸麵線佢話蚵仔非常新鮮亦夠滑飲品就不過不失我叫嘅係榛果奶茶可能因為我叫小甜，感覺無乜味係奶茶香味都無乜，不過都合格嘅整體餐廳成個體驗都好有台灣風味Jan B重點推介

through openrice買外賣，有職員說有的話會叫我，但後來發現我的單原來已一早準備好了放在櫃檯，但很久一直都沒職員留意到，也沒叫我，最後還是要靠我自己發現，希望可多多留意，改善一下。

之前喺觀塘食過晚市，知道原來佢地lunch先做蛋餅，所以今次過嚟堅尼地城呢邊試吓，諗住食lunch就冇死啦，終於應該可以食到蛋餅。點知一問先知原來呢邊係晚市先做蛋餅。真係比佢哋玩死！😭😭😭😭明唔明白好想食但係兩次都食唔到個種晴天霹靂嘅失望收拾心情之後，我哋叫咗一個香菇肉丸麵線，焢肉飯，酥炸魷魚，台式香腸，蚵仔煎。食物名稱有講錯嘅話請原諒😅麵線好QQ，味道正常，唔會好鹹，有啲肉滑咁嘅豬肉，香菇片。啲湯食食吓會變稀。焢肉飯好好味，唔會太多汁，豬肉亦都啱啱好半肥瘦🤤飯同肉嘅比例亦都啱啱好，唔會到最尾淨係食白飯酥炸魷魚嘅粉啱啱好，鬆脆得來唔會口。加埋九層塔，超級好食。調味亦都適中，食完唔會好口渴平時好少叫呢個，因為總係覺得台式嘅蚵仔煎好濕好淋咁。但係佢呢個蛋好香，有酥炸嘅口感，中間嘅粉亦都唔會太多。都係好好食😋台式香腸反而就好一半，唔係特別香，亦都唔係特別差。個肚唔多位嘅可以試下其他嘢小芋圓奶茶，同埋唔記得咗另外呢杯係咩啦😅不過不失，少冰，算大杯👍🏻👍🏻

講起阿元來了點可以唔食滷肉飯呀！🤣今次叫咗一個普通滷肉飯，朋友叫咗一個阿元滷肉飯！味道啱啱好！唔會太鹹或者太淡，送飯食就啱哂！🤤份量方面，個人覺得唔係好肚餓嘅特別係女仔可以食普通size, 如果比較肚餓嘅就可以叫阿元滷肉飯！另外，今次亦都叫咗2個小食，分別係鹽酥雞同埋肉鬆起司蛋餅！鹽酥雞個人覺得還好 皮比較多，比較有驚喜嘅係肉鬆起司蛋餅！食過咁多次都未叫過，一食落去又有芝士又有肉鬆🤤真係絕配！鐘意食芝士肉鬆嘅真係一定要試！

是日週六行山走下來是堅尼地城，其實堅尼地城有太多好吃的了，但是因為自去年就沒去過台灣而非常想食臺灣嘢，所以就首選阿元來了從門口看就很有台灣feel，而且等位時候可以先看好自己想點什麼方便入座後直接落單點的都是必吃的鹽酥雞，滷肉飯，甜不辣。不過我們不確定肉羹到底是什麼，只知道這些都很地道台灣美食很好吃，後來還要專門是台灣人的工作人員才可以解釋清楚，最後就點了肉羹麵每樣都大份又好吃，如果滷肉飯的醬汁再多點就更好了，鹽酥雞和甜不辣都炸得剛好，雖然甜不辣有點多油吃完後超級滿足，以後會encore其它的

最近他们成为米芝莲其中一家推介的餐厅，媒体也有介绍过。抵达时已经是五点多，离关门不到一个小时，客人开始减少，坐下后便匆匆的点了餐。台南担仔米粉先上，上面放了一点肉碎和半隻卤水蛋，还有虾和贡丸。用的应该是新竹米粉，质地不腍，又带点弹性，比常吃的米粉有口感。汤才是精华所在，真材实料，清甜得很。吃时把肉碎拌匀，米粉会更好味。盐酥鸡是即点即炸，外皮酥脆，带点微咸。中间的鸡肉仍带肉汁，不会太干。如果喝啤酒，它是很好的佐酒佳肴。餐单上还有不少想吃的东西，下次与朋友过去可以多点几个菜。

餐廳裝修雖然簡單 但都有唔少吸睛點架大家可以邊食邊細心欣賞下其實門口都有吸睛位架 不過無影到呀今次 encore 阿元魯肉飯 上次食過覺得唔錯還點了新竹貢丸湯 粒丸正正常常啦碗湯就好好飲 但可唔可以大碗少少呢鹽酥雞好鬆脆 配埋炸過既葉一齊食更正小芋圓奶茶可選甜度要微糖後甜度適中小芋圓有咬口但一啲都唔硬間中仲食到芋頭粒添呢個豪華海鮮煎，有大大隻蝦，有細細粒帶子同埋普通大細既蚵仔個醬汁會唔會少咗啲呢？對於我黎講就剛剛好

今日嗌外賣阿元來了！超耐冇食啦，好掛住佢哋嘅滷肉飯！平時喺堂食就會覺得佢嗰碗飯超細碗唔夠飽，反而外買佢會比大大兜你喎！一定夠飽啊。朋友叫咗台南擔仔麵，同埋台南擔仔粿條，佢哋分佢哋嘅份量都超多啊！大家都對佢地外賣嘅份量比起堂食嘅份量多表示非常滿意，哈哈。天氣凍，另外嗌咗個貢丸湯。20幾蚊，不過只得兩粒。食落去啲貢丸好彈牙爽頭，同埋肉質好食，我食到連啲湯都飲埋😂希望疫情過後，放寬堂食令嘅時候再次光臨阿元來了！超掛住佢哋嘅珍珠奶茶同埋芋圓！

講起有地道口味嘅台灣餐廳🇹🇼，一諗起緊係由台灣人經營嘅「阿元來了」！除左以魯肉飯同便當聞名，懷舊裝飾同玩具都係一大特色🔫。多數店員都係台灣人，又見到攤檔造型嘅開放式廚房，好似用隨意門去左台灣夜市。次次去到都選擇困難症發作，因為真係好多台灣食物選擇😍，扮下「正港」嘅台妹先~————————————————👅阿元魯肉飯（$42）👍🏻 主食必點魯肉飯！醬油味適中，切條滷肉肥瘦均等🐷，肥肉入口即化，香而不膩，撈勻綿軟分明嘅米飯，好食到OMG~👅爆蛋雞肉飯（$42）👍🏻 手撕雞肉淋上秘製雞汁，炒過嘅酸菜非常開胃，真係對流心荷包蛋無抵抗力🤯，見到都食欲大增👅炸甜不辣拼盤（$30）👍🏻 甜不辣個名咁特別，原來係取自Tempura諧音，即係炸魚漿製品🐟，點餐紙寫明台灣直送，果然同普通魚蛋好唔同，特別有嚼勁👅凍九份芋圓（$55）👍🏻 煙韌彈牙嘅芋圓同地瓜圓由台灣直送，配有紅豆同珍珠等，如果多啲配料就正啦————————————————🚩總結：魯肉飯可治思鄉之情，地道台灣菜首選之一~————————————————🌟注意：不設加一服務費，繁忙時段設用餐時間

Love how every time you walk in you’re transported back to the food streets of Taiwan! Their minced pork rice and chicken egg rice is definitely worth trying! Both are so rich in flavour and not too oily! I also highly recommend the salty fried chicken which is just so crispy and flavourful and pairs so well with their bubble tea also! The egg rolls with meat floss are also a must try but only available in the evening!

今日阿仔帶我來到西環其中一間食店～阿元來了！店內裝修有種懷舊，食物非常好味～～尤其蛋餅，新鮮熱辣加埋內裏軟芝士，正呀！最後我賈埋外賣比家人食，有機會再去encore ！🤤🤤🤤

因為疫情 冇得飛去台灣掃街唯有喺香港搵啲台灣菜食下每次經過阿元來了都見到好多人等緊位好彩今次都唔算等好耐因為佢上菜上得好快又有用餐時間限制.阿元魯肉飯 $42炸起司地瓜球 $35塩酥雞 $37豪華海鮮煎(蚵仔、蝦仁、帶子) $40.👍🏻阿元魯肉飯魯肉份量足夠 夠食曬一碗飯魯肉比例唔錯 唔會太多肥膏醬汁味道岩岩好😐炸起司地瓜球外層係香脆嘅但起司味道唔太突出加上地瓜球應有嘅煙韌感都冇咩👍🏻塩酥雞 鹹香 脆口雞幾juicy👍🏻豪華海鮮煎(蚵仔、蝦仁、帶子) 好味呀 真係好似去咗台灣食蚵仔煎咁😋不過如果唔係好特別想食蝦仁同帶子其實叫番蚵仔煎就ok⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

呢間由台灣人經營嘅台式小店 一直好高人氣💚但每次經過都見到排長龍 所以一直未試元旦呢一日 本身同朋友諗住去嚐囍食點心 點知疫情期間唔做堂食 咁啱時間尚早 阿元未見人龍 造就咗我哋第一次幫襯🎈開心同朋友一人一個阿元魯肉飯 其實真係好有台灣風味 不過無台灣咁重口味咁醎 我覺得仲好食😆仲叫咗大雞排share 呢個真係好有驚喜 炸得好香脆 入面食肉夠嫩 食落口唔會有好油膩好熱氣嘅感覺另外我飲咗杯熱嘅胚芽珍珠奶茶 望落細細杯 不過夠飲啦 最搞笑係佢用嘅係一隻鐵湯匙代替平時嘅小匙 Btw貫徹台灣嘅環保 唔提供塑膠飲管👍🏻

因為疫情關係無得旅行老公就提議去食下台灣野 回味下台灣嘅感覺阿元來了個名都聽咗好耐 就等我食下睇下係咪咁正啦！我地星期六中午去 好彩都唔算好多人等咗十分鐘就有位(о´∀`о)不過座位就好擠迫仲要同其他人搭枱 個距離都幾近！地方都尚算乾淨！我叫咗個滷肉飯 老公就食爆蛋雞肉飯仲叫咗個椒鹽魷魚同熱珍珠奶茶！啲野食好快就嚟到啦～滷肉飯都幾細碗 但係好多料好多汁好好食(´∀｀) 而老公個爆蛋雞肉飯就真係麻麻個雞肉好乾 好韌 又無乜汁個蛋就好普通 可以唔洗試都得 而個椒鹽魷魚就幾好食 炸粉岩岩好又脆又足料 好快就比我地食晒仲唔記得咗影相XD最後杯珍珠奶茶 我估唔到係用紙杯同埋無飲筒要用匙羹去食珍珠∑(ﾟДﾟ)真係好特別 但係味道都算幾好 唔會太甜同埋我地中午去食 中午原來無蛋餅食！搞到我地好失望！所以如果大家想食蛋餅記住夜晚先好黎呀～