阿來泰式地道風味 (已結業)

剛剛屋企附近開左間主打地道既泰國野，見唔係太貴，一於黎試下!原來阿來呢個讀音，泰文係解好味道! 自己讚自己好，真係要試下先知道而且餐廳都係以平價高質為宗旨，平就的確算平，而雖然我唔係識食既人，但高唔高質都要試下先知!餐廳格局同一般茶餐廳一樣，而且非常多人十分旺場同朋友只得兩個人，點左份泰式滷豬脾肉~雞脾羊脾都食得多，豬脾真係記憶中第一次，除左冇骨，賣相好似豬手!當然，都係豬手對上既部位，似都好正常，但味道同質感唔知點呢~點少少泰式辣醬試試!  食落肉感多D，膠質冇咁重，如果講相似度，我會覺得腍既程度似豬展肉雖然膠賣冇咁重，但皮都會煙韌既口感，本身既味道都OK，如果想要D新口味可以點辣醬，甜甜辣辣幾有趣既泰式粉絲蝦煲，送飯一流!雖然只係開邊蝦，但佢做底既薑蔥炒粉絲非常香口!蝦肉夠爽夠甜，油香加上材料既香味，愈食愈開胃!

今日同朋友黎西九行街，咁當然要係長沙灣搵食啦，上網見評價都既好就決定到此一試啦。餐廳招牌都閃亮，係平平無奇既街道上都幾容易搵到內裡乾乾淨淨，整整齊齊，就是位置比較細，係餐廳旺D幾時候就比較悶熱。我地兩個人，叫左2份海南雞飯，炸蝦餅，一碟炒菜，2杯特色飲品。午餐時段既海南雞飯只係$52，特色野飲都係加$5，抵到爛啦。其實唔知點解食泰菜係一定要食海南雞飯，但係點解係海南雞？其實跟海南一點關係都沒有，就是泰式正宗的【油雞飯】雞肉鮮嫩香滑，飯粒粒分明，飯有微香不會太油，而我都幾欣賞雞飯上特調的醬汁。餐廳烹調的方法像是家常小菜，改變了我們對泰國菜重口味，濃惹味的看法，像是雞飯應該採用了白飯雞飯兩混方法，雖然沒有那麼香，但是加上特別的醬汁，特別的辣味酸甜味，讓雞飯錦上添花。【飛天炒通菜】小編跟朋友在餐牌上面看到就覺得特別，於是問問店員分別，沒想到店員竟然幽默的回答「因為炒的時候飛天呀」據說它的成名，起緣於當時芭堤雅某一大排檔檔主正苦惱生意難為，吸引不到食客進來。一次機會下，不慎把炒菜的爐弄大，火焰高燒，引起四周遊人觀賞，掌聲不斷，靈機一動，於是在翌日再次如法炮製，並呼叫伙計在對面用鍋接菜，吸引遊人

今日同朋友去高登買嘢，買完嘢我話想食泰國菜，所以朋友就介紹我去佢食開果間試試。餐廳位置都ok，界乎深水埗同長沙灣之間。可能係晚飯時間，建議去之前預約。坐低睇下個餐牌，價錢都唔算貴，朋友介紹我食個二人餐B，話一定飽咁話，我都冇乜意見，所以就等佢發板。先黎嘅係海南雞，都算好大碟，雞肉都好新鮮，點埋個醬食，濃味，正! 個餐跟埋兩個油飯，唔駛我多講，睇相已經知啲色有幾靚，我平時食個啲所謂油飯同白飯其實冇乜分別，不過依次就好唔同，好夠油香，送海南雞一流。之後黎個泰式蝦刺身，半打上，配埋個泰式醬，一個字，掂！依個係我同朋友都覺得唔夠喉嘅一味，可能平時食得放題多，食大左個胃！哈！再黎嘅係生菜豬肉包，我嘅至愛，基本上我每次食泰國菜必點嘅一樣餸。如果係二人份量，依個算係大份，我覺得要整得好食，除咗係香料嘅配搭之外，其實仲好睇豬肉嘅肥瘦比例，我平時食果啲，有啲太肥，好似食緊肥豬肉咁，太瘦就好似好乾咁，而今次依個啱啱好，夠味之餘，豬肉肥瘦適中，只可惜我朋友唔食得辣，所以叫左減辣，如果唔係應該仲好味啲！最後黎嘅係飛天通菜，原本都已經夠飽，不過通菜炒落都幾香，又夠熱，食吓食吓都俾我哋食埋。餐廳整體水準都好OK，

最近一直都好想食泰國野！同男朋友講完後，佢即刻帶左我黎呢間泰式店鋪度食！好開心啊！員工嘅服務態度真係好好，仲好快啊！我地傾左陣計都開始揀野食啦！我地揀左泰式蝦醬炒飯、泰式炸蝦餅、汁燒魷魚筒、馬拉盞炒通菜同叫左個椰青！蝦醬炒飯唔係就咁炒啊！上面仲有啲豬肉同炒蛋！超細心位系有青瓜同番茄，系食呢個飯前食反舊黎refresh下先！炒飯好香蝦醬味，但唔會好鹹！佢應該仲加埋啲蝦粒黎炒！更顯香味！炸蝦餅又係好香！外層好脆同埋一啲都唔厚炸粉！入面好彈牙！點左甜酸辣椒醬好好味啊！而且佢呢個系切開一半，容易食用，超細心！汁燒魷魚筒系最正！我本身好中意食魷魚，而佢呢個菜食到系用新鮮魷魚整，而且系原條上架！另外，好爽口彈牙，配埋汁又係perfect嘅！馬拉盞炒通菜我都係第一次試！雖然我最後都係想食蒜蓉炒通菜，因為呢個好似唔系太夠味，但整體上還是不錯的！菜炒得好爽口，我覺得好好味啊！椰青水應該都係食泰國菜不少得嫁啦！我地兩個都勁中意飲，中意個種清新嘅香味！入面又有好多椰青水，好正啊！我地叫左勁多野，超飽，但都好平啊！超抵啊！雖然樓面大部分都男仔，但真係勁好態度，好細心！下次要再試下其他分店嘅先！

今日第一次試食味道最好係咖喱蜆、炒菜及西柚、雞翼同油飯。老人家小朋友都鍾意咖喱咖喱味道偏甜小辣👍、油飯好味😋但燒魷魚就太細及味道麻麻哋價錢就略貴。下次都會繼續食。

今次到長沙灣做美食探險小隊 穩到間正泰菜激動又感動入去到會俾本meun既桌面都好整潔 餐具亦都係好新洗得好乾淨 估五到雖然係小店 但做得一d都唔馬虎旁面有三款泰式風味醬汁任添真係幾貼心行到流曬曬汗即刻叫杯青檸梳打來開胃解解渴好清新既青檸 醬汁做得非常出色襯托嫩滑既雞好惹味 充滿住泰式風味雞件唔會太冧太粗糙 熟度恰到好處嫩口柔滑 好岩配飯食去到泰國餐廳必定要點既緊係炒金邊粉佢旁仲有花生同青檸隨個人口味去添加惹味可口每一寸既材料都有濃濃既泰國醬汁風味大蝦一d都唔少仲要唔係細蝦來 一咬落去係爽架 食得出非常新鮮用心材料落足工夫豬頸肉又係必點的一碟已經好大碟 性價比略高加配左一碟醬汁又係酸酸地好開胃配上豬頸肉好解油濟既感覺豬頸肉軟糯外面係焦香裹面係軟糯唔油利滿意非常最尾加配個芒果糯米飯做甜品飯係暖的 椰汁味香濃芒果亦屬於甜的圓滿結束了滿意的泰國晚餐

同放題同雞煲吾一樣, 泰國野係可以成日食既, 所以我食泰國野既密度都幾高. 九龍城多泰國野食就係人都知喇, 不過其實長沙灣都吾少泰國野得簡. 最後就簡左呢間算係比較出名既阿來喇. 呀!同埋佢好近地鐵站出口, 行過去都唔洗5分鐘我地一行3個人, 安排左張4人枱比我地, Lucky! Menu上面樣樣都吸引, 不過我哋好快就簡好左要食乜野. 員工數目明顯地幾充足, 所以都幾照顧得到我地, 一舉手就有人理, 唔洗等!  首先黎左碟豬頸肉炒椰菜苗先, 豬頸肉同椰菜苗都係爽口, 豬頸肉味度香濃, 而椰菜苗就吸左豬頸肉既味度, 好夾! 跟著就到黃咖哩牛腩煲(辣椒X1), 呢個煲擺上枱時都重沸騰緊, 濃濃既椰香味, 連隔離枱都聞到. 黃咖哩汁食落好綿滑, 一人加一個白飯, 白飯配黃咖哩, 啲汁好肯定係主角. 另外牛腩好林同入味, 份量算多.  金沙炒大蝦, 炸得好香脆, 大蝦超級大隻, 啖啖肉, 而且新鮮! 泰式肉碎生菜包(辣椒X1), 去親食泰國野, 生菜包都係必試既. 而呢到既生菜包調味十分好, 香料十足, 但唔嗆鼻, 不過其實幾辣下, 但係都值得推薦! 叫左杯龍眼冰試下, 好香龍眼味, 不過幾

突然好想食泰國嘢，收工喺長沙灣見到一間新開張嘅地道風味餐廳，叫做《阿來泰式地道風味》，就同朋友入去試吓。餐廳空間都幾大，燈光閃耀，門口開揚，出面可以泊車，非常方便。餐牌有多款食物選擇，更有二人套餐等等，還有圖片可供參考。由於我太喜歡吃雞翼，所以叫咗一份泰式小食拼盤，四款食物擺放得整齊，配以泰式辣醬。當中有我最鍾意嘅雞翼同埋蝦餅，炸得非常香脆可口，肉質鮮嫩。主菜方面，我哋叫咗辣椒膏蝦頭油海鮮炒飯，遠處已經聞到好香嘅大蝦味道，驟眼睇賣相已經好吸引，見到一粒粒辣椒連埋雞蛋、海鮮等等炒埋一齊，食落去非常滋味。蔬菜方面，叫咗欖角肉垂炒四季豆，我哋向店員要求炒林啲啲四季豆，店員服務真好，即刻話冇問題。四季豆炒得好有鑊氣，而且非常入味，再配以肉碎粒同埋欖菜炒成，送飯一流呀。食到好飽啦，最後兩個人埋單二百幾蚊左右，真係非常抵，食物果然有泰式地道風味，難怪客人源源不絕啦。

以前以為淨係九龍城先有咁正嘅泰國菜，點知今日係長沙環食到咁正又唔貴嘅泰國菜！🇹🇭😋😆講下小食先！我地嘅咗蝦餅同生蝦刺身🙊哈哈！睇黎我地好鐘意蝦，兩款小食都係🦐蝦餅以價錢黎講6件真係超值，仲要每舊都好大舊，蝦肉好新鮮又夠熱，配埋個甜酸醬，正到爆🤟🏻之後係生蝦刺身，鐘意食辣嘅可以點埋個汁生蝦夠凍又新鮮，最緊要係大隻😋之後到小菜啦 🙆🏻‍♀️ 我地先叫咗咖哩炒蜆肉！呢碟嘅咖哩唔算太辣，而蜆肉夠肥美又入味，我地好後悔冇叫飯一齊食撈汁！然後我地叫咗呢到好出名嘅炸軟殻蟹農夫包！呢個飽好大，我諗至少足夠3個人食！佢嘅軟殻蟹都幾大隻，記住要點住啲汁黎食先正架！因為我地比較大食，所以仲叫埋泰式雞炒河🤟🏻啲河粉同我係泰國食嘅差唔多真係好正架！最後當然都叫咗兩杯泰式飲品，而我最愛嘅就係龍眼冰🙈

今晚突然想食泰國野就搵下附近有咩泰國餐廳好食🤤最後就搵咗阿來嚟試下🤤兩個人可以試好多野🤤首先嚟個生蝦刺身先 夠鮮又大隻🤤仲有少少酸嘅汁 夾得啱啱好🤤🤤之後就嚟個招牌咖哩大花甲🤤🤤啲花甲本身好大隻無沙又鮮甜😍啲咖哩就有啲辣又有啲甜 啱啲唔係好食得辣嘅🤤🤤之後出場嘅係軟殼蟹咖哩法包 依個真係正 個法包配埋個咖哩真係停唔到口🤤🤤🤤🤤啲蟹加啲咖哩又係一絕🤤🤤之後就係炸蝦餅 依個無乜粉入面好多料 真係幾抵食🤤🤤🤤最後就到乾炒雞肉河🤤🤤我就最鍾意食大塊河粉架嗱🤤🤤依個又足料又惹味🤤🤤🤤🤤最後就叫杯青檸梳打解下渴 正呀🤤🤤🤤🤤埋單都係400幾蚊兩個人食到飽哂 真係幾抵食🤙🏻🤙🏻

最近有朋友生左BB去左長沙灣探佢，之後一齊吃晚飯朋友推介最近新開嘅泰國菜館，話上次食完番尋味餐廳門口好光猛，真係遠遠都見到。我地點左以下食物飯係油飯仲好香添，而個質感幾有咬口👍🏻雞都唔錯，唔會好多皮好多脂肪嚟到嘅時候香噴噴雜菜份量都唔少，不過咖哩方面我自己就覺得甜左少少大蝦都幾多喎，柚子都好甜，調味剛剛好呢碟算係成餐飯我最喜歡嘅一碟菜，因為自己本身好鍾意食魚，加埋佢真係做得好好，好香檸檬葉，肉質夠厚身去親食泰國菜我一定飲青檸梳打，因為唔會好甜，同好香青檸味，好refreshing朋友叫咗龍眼冰，佢表示龍眼肉夠多但係就甜咗啲。賣單兩個人食咗$253，都算抵食總結: 朋友今次真係好介紹，睇黎我又多個食飯好去處啦

前排睇住呢間餐廳新開終於有時間去左試，晚飯時段我地去到機呼爆滿，當晚好彩唔洗等位。叫左酸辣鳳爪同咖喱牛腩煲，另加2個飯同野飲。~酸辣鳳爪個人覺得好辣，份量足，好開胃~咖喱牛腩:伏!咖喱味淡，超甜，唔知牛腩有層好肥既皮，好奇怪既牛腩，我都唔敢食咁多。~冬陰功炒飯:又係伏，甜到一個點，又甜又油，完全食唔到任何冬陰功既酸辣香草味。~豬飯髀飯:偏凍，醬汁特別，要睇個人口味，我就唔中意，先生就ok呢餐飯剩左好多，因為我地叫既送大部分都太甜，我地都唔中意。另外感覺衞生程度一般。

今日難得夾到時間，同屋企人相約到長沙灣食泰國野，平時都會專程去九龍城食泰國野，相比之下長沙灣方便得多，而且呢到既鋪位好近地鐵站，行過去都唔使五分鐘。雖然係閒日，但係到左七點鐘左右都已經差不多滿座。黃咖哩牛腩煲(一個辣椒)，雖然餐牌上有一個辣椒，但係我應為呢個辣度係任何人都可以接受到既，怕辣既朋友都可以試試。我認為個咖哩汁內既椰香係非常吸引，而且非常滑口，用來送飯一流。而牛腩就入味且唔韌。泰式肉碎生菜包(一個辣椒)，肉碎既調味很香濃，搭上各種配料，而且加上肥肉混和在一起，令到肉唔會乾身，不過頗辣，但仍然愈食愈想食。金沙炒大蝦，大蝦是炸的，所以可以考慮連殼食，蝦既用料都幾大方，蝦十分大隻，而且食得出鮮味，用炸米粉墊底，過下口癮都唔錯。豬頸肉炒椰菜苗，豬頸肉表層微脆。而椰菜苗就較爽口，配上豬頸肉一清一濃，味度剛剛好。椰青，椰青配泰國食物真係絕配，清新而且解辣。龍眼冰，啖啖都係龍眼味，不過要有心理準備係比較甜的。除左食物之外，最值得讚既係服務態度，服務十分殷勤。

深水埗有很多美食就個個都知, 行過幾條街的長沙灣也有很多有水準的街坊小店架，而呢間就係其中一間，價錢合理，而食物也有質素泰式鐵板蠔仔蛋$68平！值得一讚：蠔肉多 ，而且好大隻好多蠔，每食一啖，就有一隻係你口中。 而且粒粒新鮮同蛋味又match 整體唔乾，而且蛋好另附上辣醬，沾上拌吃，超胃! 可惜，味道方面略為淡口小小 不過見佢蠔同蛋的比例剛剛好，而且又帶點海鮮的鮮甜，就算啦～椰青海鮮焗飯味道一流，有甜甜的海鮮味和椰青味十分開胃，而且海鮮和飯的分量好多，絕對足夠兩個人食。芒果糯米飯食完出名辛辣的泰國食物，然後來一口芒果糯米飯，絕對是一流的搭配！糯米飯，好甜同埋好夠椰汁食呢個最怕椰汁太小，呢度完全無呢個問題😆️ 泰菜咁多濃味野，梗係要飲椰汁，解渴下啦～椰汁非常清甜，正呀 一杯清甜的龍眼冰絕對是必點系列濃濃的龍眼味道，生津止渴，搭配辣味食物一定是絕配。最後埋單先二百幾蚊，絕對是平靚正之選！

一講起食泰國野，個個人都會去九龍城，但今日係屋企附近開左間新既泰式餐廳，一於試下!餐廳門面幾大間，但感覺上似茶餐廳入邊既梧局擺設都係一般茶餐廳咁，冇太多泰風既裝潢但menu入邊真係全部泰國野，平時食泰國野都係食海南雞多，今日決定唔食雞!泰式肉碎生菜包食左咁多次泰國野都未食過肉碎生菜包，呢度既肉碎炒得好香，加上洋蔥辣椒夠哂惹味。用生菜包住黎食，清爽得黎唔會油膩泰式香芒蟹肉炒飯泰國除左海南雞，我食得最多就係芒果!但睇落似係用平時街市買既白芒，但用黎炒飯岩岩好，蟹肉份量一般，唔太多唔太少，加上芒果，味道更鮮甜炒飯用蛋炒飯做底，食落食到有三種食材既香甜味。豬頸肉炒芥蘭原本諗住點椰菜苗，但menu唔見有，點左一份豬頸肉炒芥蘭臘肉炒就食得多，豬頸肉第一次，豬頸肉都幾大條幾粗，食落口感好彈牙。芥蘭夠爽夠甜，好味!滿滿一台高質食物，好滿足要左龍眼冰同咸檸7，呢度既咸檸檬夠哂咸味!加埋7up超正!!!!2人晚餐黎講食得算豪，性價比十分高