影片
同个亲戚见面，因为就我番工地点，就拣左新世纪哩间日本野。入到去环境唔错既，都几阔落；坐低左就等waiter攞menu比我地，等极都无人理我地，但当时其实无咩客，应该唔关忙事啦！最后就要我地问佢先比，算喇，叫野食先！「寿司定食」：大约10件寿司，跟个乌冬、前菜、沙律、炸鸡同面豉汤，包一杯野饮。寿司食得出系手握，所以口感唔会好实，但块鱼生就真系薄得可怜，仲要梅梅地，好唔新鲜！个乌冬系完全无味，亦煮得太淋了！果几粒炸鸡系冻既，似系放左好耐先攞比D客食，亦炸到太干。「牛扒定食」：虽然望落系铁板上，但块铁板系唔热，似系纯粹当碟用；牛扒严重overcook，系煮到well done（100%熟），好un，超唔掂 全餐饭都有个waitress企喺我地附近，但举手叫佢加水、落单等等都扮见唔到，要大声叫几次「唔该」先有反应；落单时又无礼貌，问佢有咩餐茶，佢就答「都系果D啰」，真系比佢吹胀！食物唔得，服务又差，价钱又唔系平（埋单要差唔多成二百蚊），一定无下
继续阅读
今日行开太子新世纪广场，见到四周维都系装修工程，本来好多食店都唔系改左位置开舖，就系结束营业。行左好多个圈，好多食店都有人等紧位，但系行行下见到间日本食店，唔系好多人，仲要系午饭时间都唔系有人等位。咁就入去试一试啦入面原来系类似居酒居的装修，地方都好大，但系唔系有好多枱客人。唔知道点解呢?坐低左，因为太肚饿，好快手就叫左一个三文鱼井饭同埋一个牛肉炒面。初时仲以为要等好耐，但系唔够一阵已经好快有野食三文鱼井饭，有一碗味僧汤跟定食，但系连埋三文鱼和饭的份量好似比较细左少少。看睇下D三文鱼，色泽不错，都算几新鲜呀。牛肉炒面，个面份量就好大份，但系个食物唔系好够热，虽然系用铁板上菜，但好明显煮熟左先放上去，热度就差左少少。有两件腐皮寿司跟定食，味道都不错。相反个面就水准一般冇想像中咁好食。埋单计，午市时间两个人差不多要两百元，唔怪得唔系咁多人帮衬啦。虽然系食物质素都冇问题，但系价钱就贵左少少呀。
继续阅读
新世纪广场仲未装修完 , 继续营业o既食店之一 , 就系 6 楼呢间阵屋 , 己经食过好多次 , 水准蛮不错午市套餐都几抵食o家 , 印象中连星期日都有套餐o家呢次夜晚黎到 , 都几多人等紧位 , 所以最好 book 定 ~我地两个人叫左五样野食 , 一杯饮品 , 约 $ 350 1. 什锦刺身 3 种~ 三文鱼 : 油纹平均 , 切得厚身 , 入口肥腴鲜味 ~ 带子 : 只有三小片 , 即系得一只半 , 都算几甜啦~ 甜虾 : 三只晶莹透白 , 唔算肥美 , 但够新鲜 , 虾头甘香2. 烧肉拉面沙律~呢个沙律其实好似冷面喇，酱汁包括沙拉汁同烧肉汁烧肉好薄好入味，面层有少少干但咬落不失肉汁，好香口拉面冻食格外弹牙有嚼劲，微曲面身，有助环拥酱汁，配合生菜丝, 蕃茄碎, 仲有混于烧肉中o既青椒 , 味道丰富3. 阵屋风味鱼生饭~ 卖相相当美, 配料份量十足 , 先有一只连头o既甜虾刺身,旁边围住o既刺身碎有三文鱼, 吞拿鱼, 鲷鱼 , 油甘鱼,仲有甘香油滑o既三文鱼子 , 味道鲜甜不在话下口感仲有绵有爽, 醋饭面放有紫姜, 蛋丝同紫菜 , 又美又好食4. 猪肉泡菜钖纸烧~ 呢个系整晚最失望o既一道特式炓理, 钖纸烧上枱时 , 就好似平时 d 牛油锡纸焗什菌咁 , 原来无乜咁特别打开锡纸, 第一眼见到o既系一堆菜蔬 , 一堆肉, 上面一只蛋蛋仲未熟 , 但因为锡纸己经唔系好热, 要弄熟只鸡蛋,就只有将佢拌匀到猪肉同菜里面, 味道似乎有d 奇怪, 猪肉略为过韧 , 泡菜只有少少酦但系唔辣o既, 仲有一堆芽菜鸡蛋己经变成左似汁非汁似水非水o既一部份 , 有点浪费5. 鸡肉薯仔芝士烧~ 呢个用小铁板上, 热烘烘的香口惹味, 由其系垫底o既薯仔切片放o系铁板度 , 热力令佢面层带焦香 , 配合酱汁同芝士 ,再有鸡肉铺面 , 酱汁渐渐煎干就越入味 , 简直可以叫碗白饭黎送 6. 利宾纳什果宾治~ 是日优惠特饮 , 不过不失 , 就系利宾纳加七喜加什果## 整体都有唔错o既水准 , 我 keep 住都有黎帮衬 ,o系新世纪呢类型o既日式料理中 , 阵屋算数一数二了
继续阅读
今日有朋友生日, 佢话想食日本菜...o黎到「阵屋」门口, 见到件护甲好有型呀!!! 我地3个人坐6人卡位, 劲宽敞, 而且餐厅唔多客, 好宁静, 我地可以畅所欲言...餐牌好似好多o野拣咁... 拣咗好耐, 终于落到单啦...三文鱼亲子饭(阵屋迷你饭)--真系好迷你呀!!!!!! D鱼生尚算新鲜...什锦刺身3种--甜虾有D腥, 三文鱼OK, 带子都唔错...盐烧芦笋猪肉串, 芝士烧免冶鸡肉串, 汁烧安格斯牛肉串--芦笋猪肉串都几清新, 唔错... 免冶鸡肉串都OK, 安格斯牛肉串好得...炸芝士年糕--好好味呀!!! 我地放咗好耐先食, 好香芝士味, 软绵绵热辣辣, 点D BB酱感觉冇咁腻... 蒜片炒鸡肾--鸡肾有D腥, 食1粒就怕怕... 迷你蕃薯天妇罗--味道OK甜㖞, 外层薄脆, 内里软熟, 不过个样好似... 咦...D食物碟碟都咁的骰, 食完第1 ROUND, 好似咩都冇落过肚咁... 点搞... 唔通等阵真系要去麦当当整个"足3两"???好, 第2 ROUND!!!赤面豉汤锅烧乌冬--哗!!! 又系咁细碗嘅... 不过好味㖞个汤底... 等我返屋企都试吓用赤面豉煮乌冬先...照烧鸡薄饼--哗!!! PIZZA都系咁细嘅... 直径同部手机差不多... 点食得饱呀??? 味道都只系OK程度...我地一路大大声话食唔饱, 又话唔知自己前世系咪耕田, 点解可以咁食得... 唔知系咪厨师听到, 所以烧鱿鱼嘅SIZE终于变番正常...原只鱿鱼烧--好好味呀!!! 外皮有少少烧焦, 好香口... 鱿鱼好弹牙, 仲好有鱿鱼味, ICHIBAN呀!!! 食完只鱿鱼终于觉得冇咁饿, 不过同"饱"仲有一段距离... 好彩有一个朋友病咗冇o黎, 如果唔系, 我地成个餐牌食一转都唔会饱...食唔饱... 唯有转战甜品... 用我部嘅iPhone 4S揾吓附近有咩甜品食先... 呵呵呵呵~
继续阅读
朋友仔约食饭，佢话之前嚟过，觉得几好坐，所以呢次聚会就拣咗呢度！入到餐厅，感觉都好舒服，唔会太逼，倾计最啱！打开menu, 见到啲价钱都唔贵，同以前"鱼一丁"差不多！我哋order剌身先，叫咗海胆(超like)，三文鱼腩(好肥)，帆立贝(普通) ，之后就系拉面沙律(拉面"林"咗啲)，但都好食，再嚟就系葱吞拿鱼腩卷同天妇罗炸虾卷(整同切得太旧了),味道普通,之后order 热嘢，叫咗几串串烧，有蕃茄烟肉，鸡翼，鸡软骨，鸡肾，帆立贝(好干),仲叫咗个免治鸡肉，已经超饱了！最后叫埋甜品，布甸云呢拿雪糕(好好味)，再share绿茶雪糕(唔creamy, 好绿茶味)同芝麻雪糕(有粒粒芝麻)，雪糕真系超抵($10球),仲要系北海道雪糕, 所以再order!!! 整餐都好满意，下次一定再嚟
继续阅读