影片
又喺一年一度上嚟钻石山坟场扫墓嘅日子，唔会拣清明嚟，反而拣先人嘅死忌日，一来呢度晌清明嘅人潮真喺多得好恐怖，二来先人嘅忌日正正喺农历公众假，就番大家又实唔使返工，所以，就会拣呢日嚟。扫完墓，一齐食晏亦喺惯例，行过嚟慈云山中心揾食，旧年帮衬过嘅「安平面店」原来已经折咗。而今次本来打算试「中心点」食点心，哗！人多到呢……所以，「求其」拣咗隔离嘅「阮兰坊」，食吓越南嘢。餐厅嘅格局四正，地方光猛整洁，最入墙上贴有一大张越南稻田相，加上两位越南少女，算喺最典型嘅越南风情，而吊灯嘅灯罩犹如越南斗笠，亦喺较有地方性色彩。楝晌门口，有个午市套餐嘅餐牌，忘记影俾大家当参考。反而，拎咗啲点菜纸，扫描埋出嚟俾大家参考。平日用餐，如果嗌啲小菜系列，饮品有8折优惠，不过星期六、日、假期就无喇，唯一好喺全日免收加一。饮品就印晌另一组小餐牌度，由于细佬妹话晏食早餐，而午餐唔使预佢哋太多，所以，就点咗两个午餐，加几款小食。所以惯常晌越南餐厅见嘅调味料，如鱼露、是拉差甜辣酱……都会晌枱上揾到。越式香草莲藕饼 $38睇样就好似几正，煎得金黄，但入口就真喺唔得，点唔得？一心谂住喺藕饼，本应带脆口感，但唔脆之余，口感好粉，又无乜莲藕味，觉得喺沟咗大量粉嚟整。法式牛油鸡翼 $38比起藕饼，牛油鸡翼就好食好多喇，煎得既香口，又有阵阵牛油香。难得简单一道小食，都扮得靓靓仔仔嘛。越式炸春卷 $48一客4件，炸得金黄，入口亦都唔油，而外层脆口到不得了，里面卷住嚟少甘笋丝，故感觉清爽轻怡。不过，以藕饼及牛油鸡翼作对比，定价偏贵。札肉鸡丝汤檬 $45随后两款午餐上场，碗汤檬大大碗，份量十足，面头放满嫩滑嘅鸡丝，可是札肉得两片就嫌佢哋手紧啲。个汤底都几清香，而檬粉食落爽身，算喺唔错。香茅鸡翼捞檬 $45天口热，食捞檬就更爽，加入大量鱼露，捞匀所有材料一齐食，唔单止食起嚟更有阵阵凉意，而且口感丰富，再者，鱼露带点酸酸咸咸，好醒胃。至于啲香茅鸡翼喺加咗层粉浆炸，入口多咗份脆口感，香茅味亦算突出。热奶茶（餐饮）小弟贪过口瘾，拣热奶茶，完全喺错误嘅选择，唔单止唔滑，咪睇佢嘅色水，茶底真喺好弱，茶味唔芳香。冻柠茶（餐饮） +$5细妹嗌咗冻柠茶少甜，大就大杯喇，正如我杯奶茶咁，茶底弱，而咁大杯嘢，柠檬薄薄三片，所以，柠味亦淡，有啲「阳光」柠檬茶嘅感觉。珍珠朱古力 $24细佬近期爱上珍珠，所以，试咗杯珍珠朱古力，就连成品都做成外带模样，好台式，但呢间喺越南餐厅啰，所以，都要为生意求变。佢话杯朱古力唔错，冰冻，够浓郁，啲珍珠亦QQ极咬口。我哋入座时唔喺好多人，所以，招呼都OK，临走时接近下午茶时段，就明显多咗客。食物整体而言，属中上啦，喺个藕饼及奶茶好唔得之外，其他食物都做得不俗。
继续阅读
之前系大埔食过呢间越南菜，今次黎到慈云山中心发现都开左一间，价钱唔算贵，份量都合理，所以再帮衬多次－－－－－－1. 河内生牛肉汤河 7/10生牛肉呈半生熟状态，自己决定佢几熟，系热辣辣的汤底慢慢灼熟，牛肉不失嫩滑口感，汤底都有越南风味，不过我觉得偏淡亦欠牛香，河粉颜色雪白，薄而滑，份量适中2. 蟹棒捞檬 7.5/10檬粉份量十足，爽口不过比较淡味，而配料都几多，有青柠、红萝卜丝、花生碎、炸蒜，配菜爽口，再加上酸甜惹味鱼露，几开胃，蟹棒雪味唔重，而且都有六条，整体口感清新👍🏻3. 咖哩鸡饭 7/10咖哩色泽几吸引，不过食落唔太辣同埋椰香味唔重，不过鸡、薯仔都几多，食哂好饱
继续阅读
因为工作关系，经过慈云山中心有新嘅越南铺头，星期日周围都人头涌涌，唯独呢一间铺头好多座位表，于是就入去食下试一试。我点左一个番茄虾膏猪手汤金边粉，另外两位同事分别点左清汤扎肉金边粉，咖喱猪颈肉饭，大家都不约而同话「非常清淡！」咖喱没有咖喱嘅香味，亦都唔辣，唯一优胜之处就系猪颈肉份量也算多。唔肉出面舖头薯仔比主菜的多。而我嘅系蕃茄虾膏汤粉，汤则只有蕃茄味，而虾膏味真系食唔出，当中猪手亦都冇味，只有焾⋯⋯失望失望希望餐厅多加留意味道咸淡。
继续阅读
正如其他评论所讲，略欠味道，又或者系，没有味道。今日叫左个外卖，虾饼汤金边粉，好快就有得拎。番到屋企，一打开个盖就吓亲，白蒙蒙一片，净系卖相已经扣哂分，未食已经feel到碗野一定一粒味都无。咬左两啖虾饼，味道还好，外脆内软，不过唔系好多旧，但碗野讲紧成六十蚊。金边粉就好多，口感都算唔错，唔会太硬唔会太淋。但个汤真系完全零味，清淡到核爆。唯一好既地方系—佢比左包甜酸酱我，味道有d似m记点鸡翼个只泰式辣酱，基本上系一啖面一啖酱咁食，无左包酱真系完全啃唔落。我谂下次都系叫番d大路野，例如猪排猪颈肉个d算数。
继续阅读
星期日同老公训到晏一晏，慢条斯理揾野食就黎左慈云山中心喱间越式「阮兰坊」门面都唔差，店铺装修几有心思一去到2：30开始有下午茶，等一阵间就有位但啲位置好缩，行出行入要麻烦食客下午茶平过午餐几蚊，但连埋杯野饮而我地落单后，野饮好快就上左我地一杯柚子蜜、一杯咸柠蜜野饮好饮㖞，拿捏得好好 唔会太甜，又唔太浓味猪颈肉捞檬点菜后十分钟内有野食，好多配料味道都唔差，但猪颈肉就好似用粉那到淋，但唔差咖喱猪排饭睇个色水都见，个咖喱真系唔多掂，而且个猪排等左好耐，老板话猪扒要炸，炸完再焗但其实黎到都一般般，而且个咖喱无咩香味，个饭等左成20分钟
继续阅读