閩港小廚

营业中

休息中

今日同朋友想搵中菜食，見到呢間嘢主打閩菜，朋友未食過，就諗住不如試吓。入到去見成間舖咁大冷冷清清， feel到有啲唔對路，不過諗住照試吓無妨，點知一試就中伏。特別點名呢隻竹絲雞！成碟雞一啖肉都冇，全部都係雞頸、雞腳、大量碎骨，每食半啖就要吐出大量骨，餸頭餸尾都好意思收我$168？我禮貌指出冇肉食，老闆娘一開始笑笑口話「可能師父撈出嚟嗰陣撈得唔平均」，話會同廚師反映⋯⋯撈出嚟？！即係佢哋一次過整幾隻雞，然後求其撈出嚟一碟！乜而家一碟雞係咁random嘅咩？咁真係睇運氣咋喎！佢又話影張相俾廚師睇。揸住部手機要影嘅時候，無啦啦又改口，仲要夠膽指住啲雞頸雞腳，同我講其實咁樣嘅情況都係好正常⋯⋯ 真係好過去搶，又要交智商稅。連最簡單嘅白飯，都硬到冇朋友。如果對煮嘢食咁冇熱誠，不如唔好做啦。

滿心歡喜特登去北角食閩南菜，主打想食土筍凍，見上網寫$10一件，去到餐牌寫$12，唔緊要，照叫，食物嚟到之後，侍應話今日會加價， 變$15，見都已經叫左，都唔係爭得多就無同佢爭論，不過好失望，唔好食又唔新鮮。另外叫左蠔餅，不過不失。鹽水鴨，餐牌寫7x，落單呀姐又話呢個價錢既無晒，今晚得番$98，大份d, 諗住一場後黎到都試下，點知得幾舊，勁鹹。覺得間野好唔老實，餐牌價錢同最後價錢都唔同，啲嘢又唔好食，一定無下次。

廁所連洗手液都冇。叫服務員斟茶遞水好似當耳邊風咁，嗌佢兩次就行開咗就係當冇聽過。後來叫咗一隻鴨隻好鹹而且無肉非常難食，侍應仲話呢一隻鴨係大陸買返嚟，講到同佢冇關係仲話係咪供應商嘅錯，並且仲話只是加熱而已。再加上所有菜都好油，食幾啖已經跩晒。服務態度和食物質素都去到前所未有最差嘅水平。

去過一次，服務員嘅態度都係一半一半，不但沒有招呼，點左菜上咗之後，叫菜要等好耐，問佢有乜嘢好食，佢叫你自己睇餐牌啦，叫白飯，竟然睇住佢將啲冷飯放入微波爐度叮翻熱，真係接受唔到！連咁低成本嘅兩碗白米飯都求求其其，稍為有要求嘅人都千祈唔好去，我搬咗入嚟錦屏街4年，係初初幫襯過一次之後都唔敢再返轉頭，就算其他鋪頭閂晒門，得返佢一間冇嘢食，我都唔會行入去，佢真係最差嘅一間，仲有一間書局街嘅瓊媽媽，芽菜多個雞，都千祈唔好幫襯

因為同事話未試過福建菜，所以特登黎哩間試下。四個人亂咁叫餸，叫左十幾樣食到最後食唔落。最後埋單每人都係百幾蚊，真係好抵食。啲野食又幾好味，特登個五香雞卷，外皮炸到好脆，配埋入面啲馬蹄，食落口感好正，第一推介係哩味送。另外個土芛凍，如果敢食既人都可以試下，食落口好爽。至於其他，其實都唔差既，不過整體都比較重口味，食過一次之後要隔一段時間先可以再試。

餐廳附近大把銀行大街好多人，但餐廳位處條街都幾靜下，附近有大家樂中午路經見到食閩南菜好少有，就入去試下唔好預會好好招呼，入去有位就坐低午巿大大碟又唔貴喎，仲包野飲，無加一叫左閩南炒冬粉，有鑊氣，味不咸，幾唔錯最難得係唔鍾意食椰菜的，竟然食晒d 椰菜唔知點先做到～無椰菜的草腥味呢，犀利呀最搞笑入到去講廣東話的，好似變左遊客咁侍應同其他食客唔係講緊普通話唔通係閩南話其實在香港，切切實實咁開餐廳做生意，真係值得支持啦

友人想食福建菜，原本想食另一間，但價錢太貴，只好選擇這間小店。店內環境不算太大，剛好有張細枱 大部分食客都似是福建人，像做街坊生意。看看餐牌，有很多是福建菜，價錢合理。我們點了「閩南蟹肉羹」、「雞卷併醋肉」、「香煎蚝仔」及「芥菜炒飯」。平時我們都不太好湯羹的，今次友人興致勃勃地要點閩南蟹肉羹，味道與別不同，清清地，有D碎肉，有口感。雞卷併醋肉，較大塊，不太油，但很香口。這碟香煎蚝仔很特別，同以往的煎蚝餅的口感不同。香口，可送飯 店員推介這款芥菜炒飯，炒飯不油膩，飯粒粒分明，材料豐富，很好味！

福建炸雞卷同土筍凍，聽就聽得多，香港比較少地方有得食嘅，有一晚行北角發現呢間野，仲要10蚊件土筍凍咁平，就梗係入去試吓。原來佢個形狀成舊砵仔糕咁，又整得幾有喜感，我諗其他地方嘅土筍凍唔係呢個形狀？其實成舊野係冇乜味嘅啫喱黎，靠少少醋黎提味（果然係冷盤吓），啲土筍口感似蜆肉，有好輕微嘅腥味啦，唔算係好食，但都過得去。雞卷真係有啲失望，其實只係肉碎撈馬蹄做餡嘅炸物黎，都足料嘅，不過口感唔豐富，食完會覺得酒樓嘅雞絲炸春卷先至係王道。反而因為想試多樣野，而同雞卷做雙拼嘅炸醋肉係幾特別。佢有啲似上海排骨嘅做法，但上海排骨咸而炸醋肉酸，醋味其實好中和到食炸物嘅膩感，所以食落幾清新。我諗如果可以同上海排骨撈埋黎食就好玩喇。最後嗌多個大路嘅炒粉絲做主食，炒得算有鑊氣，但都係唔夠味，要撈啲豆辦醬先好食，可能呢間野整體都係走清淡路線啦。

姓蕭嘅服務員態度甚差 ，請了這樣的員工如同趕客 我叫支啤酒佢夠膽死攞支唔凍嘅呢，仲要開埋蓋 ，跟住我同佢講咁唔凍點飲， 仲講大話話已經雪咗成個鐘頭， 佢話開咗個係冇辦法，唔係可以點？埋單嘅時候 ，盛為一百蚊， 我攞張500蚊紙出嚟，她好串咁樣問我你冇100蚊散紙咩， 我心諗 500蚊紙好大咩， 星期五晚已經淨係得兩張枱有人，再請埋啲咁嘅夥記 真係死得。

香港吃閩南廈門風味的店很少, 最多人知睇怕都係土瓜灣美景街和春秧街市附近的廈門小店. 最近紅磡民泰街附近也開了一間, 但小店細到祗能放下一張4人枱. 同其他廈門食店比較, 閩港小廚肯定是規模比較大的一間, 我看到內裡貴賓房也有2間, 咁當然除了閩南風味也有粵菜.海鮮選擇, 看店名叫閩港小廚已知, 而且以這店的規模及香港的驚人租金, 祗賣閩南菜實在難以支撐.... 3人午餐點了: -土筍凍 - 我又吃虫了, 好好味的沙虫啫喱滑嘟嘟如食果凍, 加上陳醋汁和蒜泥, 實在好味, 我不是福建一帶人仕, 但我以前第一次食土筍凍已經愛上了, 當然怕就千祈不要叫了五香雞巻 - 沒有雞祗有芋蓉.沙葛,肉粒.香菇的雞巻, 稍微炸得過了火, 五香味濃點比較好.廈門肉糉 - 和台灣糭是双生兄弟, 有別廣東糭, 廈門糉應是糯米先用醬油.乾蔥等調料炒香才包的, 內有香菇豬肉和滷蛋, 吃時再淋上醬油膏, 香酥軟糯好滋味, 我愛吃台灣糉當然也會愛吃廈門糉炒麵線 - 炒得夠乾身麵線也沒有糊爛, 內裡配料多賣相也不錯, 但可惜味道實在淡, 要自己下豉油調味咸飯 - 好好食, 白飯用醬油.香蔥.香油及冬菇絲.木耳絲和蝦米調

舊同事聚會推介去食福建菜，平時食得多日韓菜就決定去試下無妨。估不到好怕蠔的我竟然覺得蠔餅好味，一些都無腥味，很脆！黃金蝦好有肉，蛋黃香脆，連殼都食落肚。雞卷入面有馬蹄同五香粉好脆好入味

第一次寫食評，來左有福建鄉情feel的閩港小廚，今晚參加老友生日晏，延開四席，差不多包了個場地。老板今次特意從鯉魚門訂來多種海鮮襯托福建特色食品可為一絕！這道鹵麵本人便吃了三碗。油鹽水焗奄仔蟹，好味到暈！果皮蒸鮑魚，鮮味無比。炸醋肉，五香雞卷，一貫的好味！店內還有多種特色湯羹，小食供選擇。

本來想食上海野 但大排長龍 見呢間冇乜人就走入黎話無人其實入面都坐無虛席 只係冇排到出黎 好多人打邊爐叫左蠔仔湯 幾多料咖 不過湯既味唔出 少少可惜福建滷麵 食閩菜必試 原來好大碗 好彩家父好鍾意食麵 而且麵又夠入味 好抵食清蒸沙巴龍躉仔 本人就最愛食蒸魚 最怕酒樓大log大log咁放入蒸櫃蒸 完全死魚當活魚 呢度就唔同啦 蒸到岩岩好 又滑肉中間又有魚汁滲出 自己食左3/4條😛豉汁蒸鱔 其實我成日都分唔到鱔同鰻有冇分別 anyways,, 我鍾意蒸鱔既蒸完都非常爽口 只係個豉汁太濃 蓋過左鱔味 反而家父就覺得咁先夠味 同埋可以碰頭保無草泥味順帶一提 叫度既午餐三四十蚊就有交易 大大盒 夠火喉 外賣左都同樣好味 而且老闆好好人 我地揀餸個時問三問四 左思右想都冇話我地 仲叫我地慢慢黎唔洗急 like ah!

話說岩岩過去個weekend同家人行開港島，走去北角睇下有咩食，行到錦平街見到依間閩港小廚連校長譚榮麟都係常客就入去試下啦。由於屋企係福建人，福建野真係由細食到大，但可惜始終係香港都食唔到家鄉既味道。果晚我地一行4個人點左5個餸: 福建滷麵，五香雞卷拼炸醋肉，牛腩清湯，豉汁蒸鱔，鹽水拼盤。強力推薦: 豉汁蒸鱔鱔蒸得岩岩好！個豉汁好正！聽講師傅每日精心調製😋聽講廚師都係福建人！所以係餐廳大部分都係同鄉黎幫襯，可見佢地既食物都幾正宗，大家都黎食家鄉既味道當晚我地食左唔夠半個鐘就清哂5樣野😂價錢ok，食物又正宗！力推比鐘意正宗福建菜既人👍🏻

必試的福建菜！呢度食1至2000都已經好多樣，大約就10個人食😋抵到爛！比起銅鑼灣莆田，質素比較好，又平過好多！有些大廚精選推介更係一流。我屋企人鍾意食魚！叫條沙巴龍躉仔都係168左右，甘要係魚缸度新鮮即劏即煮，酒樓都冇甘正呀！瀨尿蝦都係冇得頂，唔洗自己拆，起好晒D肉過你！小朋友又食得勁開心，大人又可以傾下計。福建滷面必試😋比較起莆田岩我多D！可能口味唔同，呢度都好似100左右定唔洗，又足料，岩晒大人細路一齊食！😋😋😋炒面都唔錯，夠穫氣！煎蠔餅嗰D都勁正，夠新鮮唔錯！五香雞卷都正到喊咖！😋😋仲有秘製醬汁係度，先26蚊一卷！外賣堂食都一流，係佢地每日新鮮包的，正到！鴨湯都好好味，夠晒新鮮！