開飯主義

营业中

休息中

成日經過大埔墟都諗唔到食咩，今晚一於去開飯主義開一開飯。夜晚7點幾去到，差唔多full曬，好彩好快有位。一打開menu見到都好多選擇下，沙律，意粉，焗飯，農夫包，小食咩都有，樣樣都好似好吸引。最後眼闊肚窄既我地就決定咩都點d, 呢個霜降色仔牛味道唔錯，幾個人share,一人一粒。蒜香蜜糖雞翼同韓式辣炸雞翼都味道香口，韓式雞翼唔太辣，岩曬我呢d唔食得辣既人。另外我地仲試埋佢既芝士焗蠔，估唔到咁大隻又肥美，配埋邪惡既芝士，太滿足了。最後叫多個焗豬手飯，d豬手切到一粒粒，配飯一流。以晚餐來講，價錢唔算好貴，同埋勝在多野選擇，值得一試

囡囡就讀果間幼稚園創校60周年校慶，昨日係大埔大明里旁的公園舉辦嘉年華會。作為家長當然要支持支持一下啦！睇完勁舞表演後，囡囡話好肚餓，見到隔離有間叫❛開飯主義❜，門口都人等緊位，相信吾錯。就揀呢間啦。因時間關系，等位其間已鎖定食物。等左一陣就有位啦，爸爸點左個lunch set A餐~咖喱吉烈豬扒飯配阿華田。我就點左個G1厚切鰻魚雞腿丼配熱柚子蜜。lunch set A餐~咖喱吉烈豬扒飯試左少少，金黃色嘅吉烈豬扒外層香脆，肉質軟稔，不油膩不太乾身。咖喱醬汁微辣加上有甘筍粒及薯仔蓉作配料，味道香濃，香辣有層次，刺激味蕾，爸爸極速食嗮成個餐。吉烈豬扒厚切厚切鰻魚雞腿丼紅、黃、橙、綠顏色搭配鮮艷，賣相十分吸引。鰻魚加照燒汁香味撲鼻。鰻魚同雞腿肉同樣大大塊厚切，同樣燒到帶有焦香味。雞腿肉鮮嫩彈牙。鰻魚肥美，鎖住肉汁，淋上嘅照燒汁，甜甜哋，滲入鰻魚內，帶來陣陣香氣，入口更Juicy。再配上新鮮生菜絲、大根及福神漬帶來的爽脆，增加口感，令人食欲大增。飯嘅溫度剛好焗熟溫泉蛋，完全吾會起硬粒，令飯更多一份雞蛋香味同嫩滑。最後飲埋杯餐飲，好有滿足感。見到餐牌上有多款邪惡餐，一向保持正義嘅我都被擊敗，揾日

中伏。好失望。唔會再去。呢間menu做得真係好。齋睇menu有好多都吸引我，才令我無視第一次第二次味道體驗一般來第三次。但今次真難忍。難得悠閒又早起身的週末，就諗起試下。外賣，一個吐司加咖啡等半個鐘，都算了，點知實物同menu相差太遠，打開已經有被欺騙的感覺。肉鬆幾乎無，所謂海苔脆肉鬆芝士煉乳期待的層次感全無，一言難盡的一pet甜膩，只有吐司係真厚。咖啡帶酸味。唉！如果大家經過俾menu吸引不得不試一次，也建議大家儘量唔好外賣。

一睇menu 就俾呢個印式咖哩羊扒仔溶岩拉絲包吸引咗。一上枱，即刻試試個羊架，好厚肉，好香好好食，再切開個包，真係不得了，入面嘅咖哩芝士一湧而岀，好澎湃呀！切開一塊塊咁慢慢食，正。跟住我地點咗個蒜蓉/芝士燒日本廣島蠔，好大隻呀！先試一隻蒜蓉嘅，超濃蒜香又惹味，好juicy。再夾起芝士果隻，睇到d拉絲都覺得邪惡，芝士份量十足，隻隻蠔都好飽滿，好肥美，一d都唔腥。再黎嘅係呢客香蒜燒汁霜降色仔牛，個汁好香濃，牛肉好juicy，令我地不自覺地一口接一口，好快清哂飲品我地要咗一杯草莓果肉檸檬沙冰梳打，超級大杯！非常冰涼清新，食完咖哩呷一呷真係啱哂。

星期一無乜心機返工, 最好就係LUNCH試下新野刺激下自己精神返啦, 去咗大埔墟哩間一直門口排住幾個人的新式茶記"開飯主意試下啦, 去到時前面排咗5個人, 得一個鐘食LUNCH排隊諗住走人啦, 點知俾阿姐叫住有位~ 正~ 坐底睇下餐牌, D野食非一般茶記炒粉面, 有勁多芝士既焗飯丫, 勁邪惡既芝士流心滑蛋三文治丫~ 有吉列豬扒既ALL DAY BREAKFAST丫~ 價錢50-70蚊OK價喎, 但吸引到我係2CM厚切咖喱牛脷飯, 就叫佢啦. 碟飯黎到, 咖喱香到不得了, 牛脷明顯係炆好再兩面煎香先再配咖喱, 睇得出有心機做好的, 入口牛脷炆得好林, 仲有少少焦香, 配埋微辣咖喱汁, 好味到不得了, 好後悔無叫佢加飯 還有要讚下佢杯凍咖非常十分之濃, 星期一提神精選, 值得推介餐廳

星期六放飯成日都諗唔到食咩，經過廣福道一直都有留意到呢一間餐廳好多人食，但從來都未試過，入去前見到餐牌都提供幾多唔同類型既食物，於是就試吓啦。因為剛好係午餐時間，店內都好多人，好在唔使等好就耐有位啦。由於我好肚餓，我決定挑戰終極邪惡大組合火炙三重芝士撈丁。終極邪惡組合包括炸雞腿肉、吉列蝦、忌廉芝士雞翼。個人最喜歡吉列蝦炸到非常香脆，另芝士雞翼已經去骨，啱哂女孩子或者我地呢d懶人食，入口有濃濃的忌廉芝士香。當然邪惡嘅仲有火炙三重芝士撈丁，用上白汁芝士、車打芝士再加上芝士粉！由於太邪惡嘅關係，我決定加多$10要一份蟹籽吞拿魚碎蛋沙律，估唔到份量都幾多，沙律菜都幾新鮮。最後揀埋杯柚子蜜！好飽呀！餐廳食物不錯，下次有時間再試試晚餐！

今日約左朋友系大埔附近，見衣間餐廳望落新淨企理，環境唔錯，價錢又相宜，就黎食晚餐。我地兩個大胃王叫左兩個小食兩個主菜四隻大燒蠔，每個人再叫左特色野飲，叫甘多食到飽曬，仲要野食質數高，都只系$384，真系物超所值。藍柑果味薄荷檸檬沙冰梳打 ($40)青蘋果薄荷檸檬沙冰梳打 ($40)大大杯野飲$40就有，飲完都已經飽飽地，哈哈和風香蒜燒茄子($28)蒜蓉茄子勁大條，有家的味道，推介依份小食燒蠔4隻($88)燒蠔最讚，好大份，有芝士同蒜蓉味選擇，芝士味道較好，蠔好鮮甜，四十幾蚊就有兩隻，超值!龍蝦汁芝士麵包加薯角 (~$8x)，大大份，啱兩個人食。軟殻蟹牛柳芝士焗飯 (～$7x)真系見到完整一隻軟殻蟹，食落鬆脆易入口，牛較鹹，整體唔錯。章魚小丸子 ($17)望落去還可以，味道一般。

行過附近好多次，終於試左呢間開飯主義。見到menu有超多選擇，真係花多眼亂。本來好想試一試佢既東京電擊雞翼，點知已經無曬。因為見到好多人嗌拉絲面包，我地都忍唔住叫左一個。最後叫左印式咖哩羊扒仔溶岩拉絲面包有兩隻羊架同一大個拉絲面包仲有薯菜，好豐富呀！羊架無咩特別，但拉絲面包就值得一讚因爲個面包皮焗到好脆而又有好多芝士拉絲，配埋咖喱好夾 ，不過就好似羊架還羊架， 面包還面包，分開食都得。另外 ，仲叫左杯特濃意式咖啡，醒一醒晨。開心的晚餐：）

今次黎到大埔墟搵食。因為平時都比較少黎呢頭，見到呢間餐廳幾多人等就決定晚餐食呢間以為要等好耐，最後都係等佐一兩個字就入到 多人就預佐，不過都坐得舒服，桌同桌之間都唔會話逼同埋聽哂對方講咩。睇manu, 呢間餐廳都係主打韓風野，原本都好想試熔岩芝士系列既野食，但係朋友怕太飽，唔緊要啦，下次先試 睇完一輪我地每人叫佐個飯，加上又蚊跟餐連湯連包連野飲（＋$15)，同埋叫多個小食。由於肚餓得濟，個湯同埋包冇影到，個包係牛角包黎，熱辣辣又鬆軟，點湯黎食，一流呀炸芝士 5粒 ＄22外皮好脆，入面咸香，雖然好邪惡但都係不斷食。荔枝梳打 （＋$10)呢杯係朋友叫既，自帶effect咁都幾特別。烏賊豚肉意汁焗飯 $80朋友叫的，幾特別，因為個肉原來係2層咁上，一層墨魚一層豬，味道同份量都好好。朋友話好滿意呀。生姜豚肉軟骨石飯  $75豬軟骨同豬肉份量好多而且入味，最驚喜係個飯有d唔係白飯底，有d一粒粒（可能係墨魚粒？）既野，脆脆地，成個飯都幾開胃。成餐飯都係滿意晚，埋單200蚊倒，但係可以飽成日下次叫少個小食都得評語：平民價韓餐，CP值之選，再去呢區會再黎幫襯嫁

係大埔呢間餐廳係以焗飯、石頭煱飯、芝士做主打的飯店，星期六好早都人頭湧湧。都要等左陣先入到去。我地叫左兩個主食，轉套餐。所以會有餐湯同埋餐廳。最意想唔到既係個餐包竟然係牛角包 🥐仲要係好香的牛油味！扺讚！個湯我就覺得個白湯係好出色既，cream味都好重，平民食堂有呢個質素都好好！蒜香雞翼🐔👅👅👅👅好香同好juicy，唔會因為炸就會好乾，愛食雞翼的就一定要試！辣汁蕃茄青口芝士真係好多，又有好重的蕃茄味，係不錯的餐前小食。呢個芝士焗蠔又係好抵，48蚊有4大隻，有蒜蓉同埋芝士兩個果隻味，我就覺得芝之好味d，佢有種好好味的甜，我好鐘意，我個fd就鍾意蒜香味，兩個都好好食，我地最後仲覆桌叫多一次！🔥🔥燒茄子🍆佢做得同燒烤店一樣咁好食，唔係！係仲好食tim!!唔會一味得個辣字同咸字。都仲好多汁。松靈軟殻蟹意粉既然佢成個meun都係焗野，咁焗意粉當然有番咁上下，呢個價來說，好高質，好多芝士🧀。正！

呢條街附近都好多野食，大約8點見呢到滿曬座，就拎飛等咗15mins食樓上裝修，差啲miss咗行走8點去已經滿曬座加$15有套餐，忌廉湯or羅宋湯加牛角酥雞翼迷一定要食呢個蜜糖蒜香雞翼🤤真係外脆內軟岩岩好連青口都加拉絲芝士🤤呢個係番茄辣汁吧個一定要試呢個廣島蠔🤩一定成個手掌咁大嫁，有蒜容同又芝士揀，又新鮮又多汁💯必食茄子🍆烤得岩岩好，加咗蒜蓉好惹味🤤個底又唔燶，啲汁泌曬岀嚟哇，呢個真係大大杯好新奇，係青蘋果薄荷檸檬梳打，飲落真係好fresh 主食叫咗個軟殼蟹海鮮龍蝦汁意粉，見到入面啲材料真係好豐富最後，隆重推介呢個拉絲大蝦🍤包，好邪惡但真係要試下見到啲芝士都忍唔住啦，濃郁芝士加上包皮外脆內軟，一個人食有啲多，share食好似岩岩好好掛住呢個包，下次經過一定要再試👍

平時好少會入大埔，今次入嚟搵朋友，就同朋友試試呢間餐廳。坐低就見到厚厚嘅餐牌，食物選擇真係好多，睇落都好吸引，有選擇困難嘅真係花多眼亂，唔知點揀好🙈芝士炸雞焗麵包，加小食蒜燒骰仔牛同蜜糖雞翼。焗麵包呢個餐份量真係唔惹少，大大件炸雞加芝士麵包，仲有薯角，好邪惡✨又香所以好快已經清晒！小食嘅骰仔牛同雞翼都煎得好香，啱啱好！飲品我叫咗青蘋果薄荷檸檬沙冰梳打，飲落幾清新😝朋友就叫咗草莓果肉沙冰，草莓味味香濃又大大杯，抵飲👍🏻我哋坐卡位，座位都幾闊落，食下傾下就一晚，幾舒適👍🏻

已經係第二次嚟呢間餐廳，上一次因為點菜失誤搞到成枱芝士，所以今次叫嘢食時小心咗🤣今次叫咗凱撒沙律，牛仔骨豬扒雞扒鐵板餐，加小食燒茄子同蒜香蜜糖雞翼。凱撒沙律分量足，菜都算新鮮👍🏻👍🏻因為有朋友唔食牛，有朋友又係牛魔王，所以叫呢個餐就滿足晒佢哋🤣🤣小食方面，茄子一上枱就聞到超香蒜蓉味，啱晒我哋呢啲蒜頭怪！上次食過電繫雞翼，覺得好味，但今晚嚟到已經賣晒，但轉咗嘅蒜香雞翼都好正，食到朋友想翻叫一次😂

今日秋風起，準備同男友去大尾督踩單車，順便係大埔墟站食埋晏，而男友以前係呢度反過工，所以佢帶我去間茶餐廳，［開飯主義］荼餐廳係大埔墟站A2出口街巿附近，行過去需十分鐘左右！我地見門口己好多人等待，所以我己諗定食什麼！羅宋濃湯螺絲粉加慢煮牛肉多士$48牛肉碎好嫩滑，配有濃厚的羅宋湯螺絲粉，好開胃！牛肉多士超脆口，個牛肉咬落去有點靭雞絲扎肉湯粉加個炸墨魚餅$50個湯好濃濃雞湯味，雞肉好滑，應該用雞脾部分手撕，而且份量仲唔少！套餐送埋飲品，另叫凍檸樂加熱柚子蜜！男友揀個終極邪惡套餐炸雞翼芝士蝦撈麵$56呢個組合睇上去好唔健康，但岩曬鐘意食香口野的人，我咬左一啖煎香過冬菇釀雞翼，幾好味，其他男友全掃曬！

同朋友附近睇完醫生......就睇中呢間cafe因為比佢個溶岩芝士包吸引我入到去，小編我當然好快選左個套餐啦！！呢個羅宋湯真係非常有水準，配料又足，牛肉都有，正呀多士就不過不失！！主菜當然係溶岩芝士包啦，好大份又好味。仲配埋炸雞同薯角，成件事係非常邪惡呢個雜扒味道不錯，吾會太咸，黑椒汁都非常好味