開飯主義

营业中

休息中

又鋸扒，呢間餐廳打破傳統❌甘蒜蓉汁嗰啲，只有黑椒同照燒汁，好，甘新穎我又試下先，個汁甜甜哋，同食開嗰啲有大不同，但又未致於可以改寫歷史，用呢個汁配牛扒食落只有一個字怪，加上餐廳over cook（我叫7成），佢上枱都有全熟甘嘅樣，同埋佢塊扒比鬆肉粉醃到梅曬，無口感，食落去又有啲怪味😂個石頭飯就正常，不過塊肉都係有啲梅囉🤣🤣但係間嘢個地跣到不得了，啲員工做到無停手，根本無時間去抹地，甘嘅design真係苦了員工又苦了客😂😂

我現時的生活，就是一至五返工放工返屋企，而在週末，就總會留一日的時間，買夠一星期既餸回家。通常，大埔墟會是我們的買餸的首選地，也有好多時，會兩公婆或一家人，輕鬆地食埋個午餐才開心 shopping。這是疲情爆發前的日子了，在大埔墟，我們想試一試大家都未去過的餐廳啊，而我就選中了這一間《開飯主義》。看了餐牌，大家都啱食啊。茶餐廳的食品，又帶點獨得的色彩，自我的風格，感覺好像不錯，而且，地方感覺乾淨，再加上店員非常之熱情，令我們，尤其是小朋友，感好很開心。來時，是下午茶時間，但，三人行的我未食吃飯的啊，所以我們都叫得豐富一點。我點的，是一個焗咖喱牛坑腩意粉。有芝士，有濃香咖喱，有又腍又香的牛腩肉。而且，餐廳標榜他們做的是阿差咖喱，會有印度的風味。食落，其實都是一般的港式味道，只是味道比較濃，用的香料比較多吧。芝士雞翼一丁，釀雞翼加上溫泉蛋，已經是一個豐富的麵配料。麵，真是出前一丁麵，而且他們用上了黑蒜油味，令到整個麵都好香口。太太點了一個芝士厚西多。出到來，成個批咁既。店員堅持說，這就是我們的特色芝士西多。爆多芝士，不用加糖漿已經非常之可口。麵包軟綿綿，內外斬充滿香味。雖然我們始終覺得傳統

天氣熱到唔想食飯，今日就食個常餐啦！常餐裡面呢個奶油豬好出色，豬仔包熱辣辣，焗得外皮脆口內裡鬆軟，加埋邪惡嘅奶油，我俾100分👍🏼👍🏼跟餐嘅奄列都幾好味，餡料都俾得足；鮑片火腿通粉又係我近年至愛，味道中規中矩，簡簡單單又一餐！開飯主意仲有推出抗疫特價餐㗎，$35就有一個飯連飲品，不過特價餐只限外賣，有機會再試試佢嘅抗疫餐啦！

晚餐冇加一 兼跟埋餐湯.餐包同飲品 凍飲都唔洗加錢😁餐包係牛角包🥐 羅宋湯好飲😋不過唔係正宗嗰口味-咖哩汁唔覺得有印式味道 咖喱汁加咗蔬菜去煮 食落有D甜味 味道豐富 牛坑腩煮到好淋 牛坑腩連帶有少少牛筋 食落口有唔同口感 可惜咖喱味入唔到牛坑腩-什扒飯個黑椒汁甜甜地 適合D唔食得辣既人 雞扒食唔出雪味 豬扒煎得好脆 食落有一絲肉既纖維 牛扒肉味就冇 不過好在冇醃到好淋 三塊扒入面豬扒最好-後日帶屋企人去食 本身我係叫黑豚肉焗飯 但佢落錯單俾左雞扒肉醬意粉我！由於截單關係 我遲咗發現冇得改 所以照食！不過要主動問佢拎餐刀 唔係就成塊雞扒叉住食😂芝士夠多做到拉絲效果 肉醬味都夠既 不過食落覺得有D鹹🤨-屋企人食龍蝦汁吉列蝦龍利柳焗意粉 佢第一啖食話好鹹 佢平時食得清淡既 所以到我(重口味人士)試吓 都覺得鹹😂佢個意粉鹹味蓋過左龍蝦汁 但都食到有少少味！-總結黎講呢間份量唔少 我地食開濃味野 都覺得呢間D味落得幾重手！同埋女士未必一個餐食得晒 兩個飯餐我地都覺得OK 係大件夾抵食🤣但後日同屋企人食 兩個意粉餐就唔掂啦！

呢間餐廳喺火車站行過去略嫌有啲遠，搭巴士喺廣福道落就啱啱好啦。因為去嗰陣正值學生放飯時間，所以要等一陣。入到去侍應哥仔都幾好招呼，落單上菜都好快。因為見身邊嘅食客都食緊佢嘅熔岩飯，所以叫咗L12 芝士咖哩牛肉肋焗意粉，跟餐有熱飲同半個豬仔包，都幾飽幾抵食。牛肋幾好入味，配上邪惡芝士簡直一流，但意粉就有少少唔夾，推薦大家下次轉飯，應該會更正。

有人推介呢間焗飯，今日就試下佢。叫左個黑椒汁焗牛仔肉飯，包埋半隻奶油豬，飯未到，先食左個奶油豬先，熱辣辣脆卜卜，好正焗飯到喇，望落唔算大碟，不過加埋個奶油豬，真心夠飽。牛仔肉份量都算多，有成4塊，仲要唔係細細塊，真心抵，黑椒汁就少少辣，如果啲飯可以先炒底再焗，就一流，整體係唔差，好食

🔥🐮🧀🍝｜燒牛肉芝士黑椒焗意粉｜$58｜對上一次食呢間餐廳嘅常餐，不過不失但今次試佢嘅烤焗，又幾好食(˶‾᷄ ⁻̫ ‾᷅˵)牛肉燒到表面香脆，肉質幾嫩略嫌芝士分佈唔平均，同埋份量多返少少就更好～成個意粉黑椒味好重，配牛肉真係好夾！不過意粉嘅口感偏淋身，個人prefer有口感同彈牙少少～跟餐會送半個奶油豬同一杯飲品（凍飲+$3）奶油豬烘得好脆，加埋煉奶同牛油，幾好食～午餐時間去入座同落單都有啲錯漏，不過都明白嘅🙈朋友食：鹽酥雞扒魯肉飯（唔記得問佢好唔好食，但塊雞扒好大）

餓餓地就隨便入一間餐廳試下係新式有裝修嘅茶餐廳優勢係好多款式但舒適度就一般了🥪肉鬆芝士蛋厚吐司蛋+肉鬆+花生醬+煉奶蛋煎得好靚 係流心蛋漿但吐司就烘得比較硬同乾小編認為加花生醬就畫蛇添足了反而掩蓋咗蛋香味🥪Bɪɢ ʙʀᴇᴀᴋғᴀsᴛ sᴇᴛ-蜂蜜板煎雞扒好豐富既all day breakfast. .🍳雞扒+炒蛋+茄汁豆. .🥓煙肉+腸仔+蘑菇沙律. .🧀炸芝士+半隻奶油豬奶油豬好香脆其他食物味道普通用黎醫肚或有選擇困擾症呢個都係唔錯嘅勝在乜都有 唔使揀

每個星期六同二少游水後都要搵地方食晏，開飯主義個心水餐廳之一。我自己好少食咖哩，但經過幾枱都見到人叫，我就試下, 叫左泰式咖哩吉烈豬扒飯🥘一上枱...嘩....塊豬扒好大塊，完全睇唔到飯😊。餐廳好細心，見我有小朋友，所以咖哩汁分開上👍🏻要搬開塊豬扒先見到飯正當以為塊豬扒好薄，點知又唔係喎👍🏻食落唔乾，而且好juicy 😍開飯主義個泰式咖哩係黃咖哩，好香，有少少辣，送飯一流😋埋單$50夠一大一細食，真係超值👍🏻

路過見到餐廳外面嘅餐牌有好多唔同款嘅食物，都吸引。一入去員工都好有禮貌，值得一讚！食物方面因為實在有太多選擇，最後都係揀咗最大路嘅常餐: 沙爹牛肉麵，火腿奄列，煎雞排，熱檸水。沙爹牛肉麵唔太鹹，味道啱啱好！火腿奄列不過不失。而令我最驚喜嘅係煎雞排，一開始見塊雞排好薄，以為係伏，點知咬落外脆內軟，煎得啱啱好，又唔會好乾身！雖然食物味道好好，不過餐廳環境方面覺得有啲太暗，如果燈光可以強啲就好啦！

夜晚嘅大埔，朋友帶我嚟到呢間叫開飯主義嘅餐廳。呢間餐廳十分旺場，好彩唔洗等就有位！見到人地食焗飯覺得好吸引！不過我地一打開menu，就已經比芝士炸雞嘅圖片吸引！於是叫咗一份。但食嘅嘢都會偏油膩，所以叫咗個凱撒沙律開開胃胃沙律上灑上芝士粉，芝士粉鹹鹹地，加沙律醬一齊食，開胃！不過略嫌沙律菜太碎，有啲難去食。麵包相當大份，芝士炸雞熱辣辣上檯！仲配有薯角芝士份量適中，唯炸雞份量比較少，只有四舊左右，不過因為麵包同薯角都係澱粉質，所以都好飽。麵包內塗滿蒜香牛油，點埋中間芝士食，好滋味！另外一讚麵包蓋都又脆又香，唔會dry！中間芝士奶味較重，點醬嘅時候亦都有芝士咪至愛嘅拉絲效果，不過掛住食冇影到相🤣而炸雞炸粉薄身，雞肉都唔會諧，同芝士好夾！之後叫咗個炒烏冬，感覺比起焗類主食冇咁heavy烏冬一嚟到，熱騰騰香氣一湧而上！鐵板仲有泎泎聲！feel到好有鑊氣而且烏冬唔係cheap 烏冬，係煙煙韌韌，好似稻庭烏冬嗰隻。而且醬料落重料，配上日式燒汁，好惹味搞到食唔停口！炸軟殼蟹亦都好大隻，外脆內軟，好味！另外特飲都唔錯，$24一杯好大份(真係好L大份）嘅巨峰多多沙冰，我同朋友一人一杯，絕對飲唔晒！建議sh

夜晚唔知食乜好，又見佢有多款西餐、款式揀，所以就揀左佢，一入到去佢地既運作模式就係滾水 淥腳，夜晚有晚餐揀，晚餐包餐湯、餐包同一杯野飲而唔係晚餐既亦都可以加$15變成有餐，都算彈性。我揀左白湯，味道頗濃郁，而餐包係牛角包，夾埋一齊食好夾不得不講個牛角包好好味，可能好多牛油，好香韓式炸雞芝士農夫包佢都幾多份量，唔係得一、兩舊炸雞，而個包就都好大個，有啲白汁雞同芝士係入面，可以拉絲架焗芝士雞扒肉醬意粉喱個就正正常常，但小朋友就好中意食，我就覺得普普通通唔特別，但都多份量抵食既

在鐵路博物館參觀完想high 個tea,行行下見到開飯主義見佢選擇多就入左去。厚多士材料足，面包做到脆口，肉鬆配埋滑蛋原來都幾夾。幾中意佢隻蛋炒到啱啱好食落甜甜地，應該係加左花生🥜醬同埋煉奶，但食到面包皮個邊就有啲乾身。再來一份豐富少少既下午茶平時食雞扒多數會去左塊皮唔食，因為怕肥啦，但呢塊雞扒煎到好脆咁所以忍唔住都係食左兩啖🙊而個奶油脆豬反而一般般，唔夠脆口。火腿奄烈滑身好食，沙律用芝麻醬最夾👍🏼兩份令人好滿足既下午茶

今日約咗朋友去食個午餐先，見到呢間餐廳好多人等，就一於入去試下先。炸蝦冷麵，好香芝麻醬味，上面的蔬菜沙律好新鮮，炸蝦火候剛剛好，很脆口，保持到的鮮味！麵有好有咬口，不會淋。煙鴨胸胡麻沙律食咁多肉，要食下菜平衡返，沙律菜份量適中，胡麻醬多﹐少許芝士粉，入口不會太清淡，有數片煙鴨胸，味道不俗。草莓果肉沙冰，草莓味味香濃又大大杯，好好飲这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

琴日同一班朋友去大埔諗唔到食啲咩，於是就有人推介開飯主義，話幾抵食同埋味道唔錯，所以去試吓！我哋五個女仔食叫咗四款菜式，都已經可以食到好飽😋個餐湯有啲鹹，但係餐包係牛角包，熱辣辣幾好食👍🏻主菜都好好食，仲叫咗個小食係叫做一口芝士，$22 有五個，算係好平👍🏻我哋每人咁樣食都係食咗70幾蚊，所以都好抵！菜式又有西式日式同韓式，好多選擇👍🏻呢個芝士包連埋炸雞同薯條，一個人一定食唔晒，個芝士可以再多啲，但呢個價錢來講已經算唔錯👍🏻呢杯係柚子檸檬梳打，唔算話太甜！我覺得呢一個焗飯係食過咁多人入邊最好食，酸酸甜甜嘅汁，感覺好開胃！呢個一口芝士都好抵食，如果芝士可以做埋拉絲效果就更好餐廳個設計都好靚，坐得幾舒服呢個羊架意粉就比較普通，不過個樣假都幾好食👍🏻總括來講佢個味道都OK，性價比都幾高