長洲角酪

营业中

休息中

長洲係個好有香港特色嘅小島，而長洲碼頭附近呢間飲品店真係我近期嘅至愛呀！今次我點咗杯招牌奶茶，一入口，首先感受到係絲滑嘅口感，奶香同茶香完美融合，甜度剛剛好，唔會太膩。飲品入面好似仲有啲細碎嘅配料，增加咗口感嘅層次感，每一口都好滿足。店內環境都幾有特色，牆上舖咗藍白相間嘅馬賽克磚，仲有醒目嘅“長洲”字樣，好有地方特色。價錢方面都好親民，性價比高。服務員態度又好，出餐速度都幾快。總之呢間店真係值得一試，下次去長洲我一定會再去光顧，仲要試下其他口味！

話說今日帶小朋友去長洲，小朋友游完水好口渴買咗兩杯沙冰，跟住自己諗住去買杯角酪順便打卡牆。入到去收銀要講order先有一位TB仁兄理我：堂食外賣呀？外賣嘅話膠杯唔可以喺度飲，包括你哋而家飲緊嘅膠杯都唔可以喺度飲。跟住我就窒一窒：哦，OK。心諗都正常嘅。跟住買完就行咗出門口飲住等。到我杯嘢飲可以攞嘅時候，TB仁兄一路撳電話一路講：張飛隔離掉，攪勻先飲。（因為想同小朋友share所以問佢攞多支飲筒）TB仁兄繼續撳住電話嚟答：飲筒加一蚊。🤷‍♀️🤷‍♀️呢位仁兄全程係機器人復讀機，仲要好似係得罪咗佢咁🤷‍♀️而家唔係一蚊嘅問題，而係你個態度非常有問題！！黎買杯嘢飲得罪咗你呀？定係你姨媽到啊？講嘢好聲好氣啲啦！有呢啲員工等執笠！絕對無下次！

太耐無入嚟長洲啦， 去左呢間角酪飲品小店。牆上面藍色嘅紙皮石，加上地鐵站字體長洲，成為左長洲其中一個熱門嘅打卡點 checkpoint。📍今次叫咗杯莓莓角酪 Strawberry Yogurt自家製嘅乳酪，配上原粒草莓做點綴，賣相精緻。甜美士多啤梨果肉，新鮮足料又健康。味道方面，乳酪質地輕身，容易入口，酸酸甜甜非常開胃解暑。店內裝潢簡潔雅致，以Tiffany藍色調為主，環境溫馨舒適，適合悠閒下午茶。📍長洲角酪長洲新興街78號#homeieatfood #homeieatfood_長洲 #長洲 #Cheungchau #長洲美食 #甜味 #foodie #hkfoodie #乳酪 #chill #vibe #yogurt #莓莓角酪 #打卡美食 #美食推介

親戚嚟香港玩，我哋帶咗佢哋去長洲睇最近嘅包山，於是我哋呢就參考平時啲人打卡post嘅嘢，想整一個類似地鐵站月台打卡，但係又有看頭啲呢就梗係嚟到呢個長洲站啦！呢間舖頭我都嚟過幾次㗎啦，每一次都會買杯嘢飲！玫瑰四季春 $36簡單嘅玫瑰花茶味道，甜甜地有啲玫瑰花香，茶味唔算好濃，非常之解渴！櫻花角酪 $45呢一隻呢就有啲乳酪嘅口味同埋櫻花味道，賣相都唔錯嘅！

百香果角酪 🍹$38行到身水身汗嘅時候，呢杯百香果乳酪好滑，搭配清新嘅百香果，酸酸甜甜，但係整體就比較酸，可能都要視乎百香果嘅品種，本身舖頭都會已經少甜少冰，反而正常甜會平衡返百香果嘅酸。草莓角酪加寒天波波 🍓$45加左寒天波波，有口感都幾好，同樣地都係酸酸甜甜，相比百香果冇咁酸，平衡比較好，所以草莓都比較多人揀既🤭。整體而言依間打卡舖，因為有好多人都表示去長洲一定要試，所以都幾多人排隊，佢入邊嘅裝修同環境都好適合打吓卡影吓相。但係整體嘅感覺，小編覺得純粹係一杯普通嘅乳酪飲品，相比起平時嘅珍珠奶茶手搖飲品，的確係佢有自己嘅特色，純粹係試一試就夠。

差啲落錯單，好彩因為聽到價格唔同，我問清楚，先發現佢落錯單我叫莓莓乳酪，佢以為係桃桃乳酪。😅 個音都差幾遠喔。不過呢啲小事就算啦。攞走杯外賣，入左碼頭，就發現入面無紫米。應該又係唔記得落我入去鋪頭同出黎嘅時候，我都係唯一一個客人所以唔係忙嘅失誤，係顧住同隔離同事傾計嘅失誤我係因為鍾意呢度嘅乳酪有紫米先黎買…. 都幾無奈

常住台灣既親戚回港，就帶佢去雜開下城市，去長洲行個山睇日落，順手食下野結果可能係平日去，落山時已經係大約6點半，大部份既鋪頭都關左門，得翻哩間打卡鋪頭仲有營業鋪頭最出名就係地鐵打卡牆寫住長洲，又真係仿得幾似舖頭都得3張堂食位置~相信都係做外賣為主，打卡牆就佔最多既位置但飲品款式偏向yogurt mix，大部分都係水果+yogurt / milk 選擇不多，唯揀左個士多啤梨，可能本人不太喜歡奶味比較重既野飲，所以覺得麻麻地杯野士多啤梨味唔夠出，只飲到奶味，但價錢都唔平嫁，所以都真係人生只飲一次，打卡一次個蛋卷就不過不失，鬆軟，cream 香滑，用蝶豆花做既藍色cake match 成間舖頭既主題總結評價，不過不失，打卡舖頭，試一次足夠

應該係長洲其中一個最出名嘅打卡地方， 因為嚟嘅時候都係假期，裏面基本上都係逼滿遊客有幾個位置可以坐低 ,但係預咗都係full曬唔記得每樣嘢食，大概40蚊左右，以一間冇得坐嘅cafe嚟計，就偏貴少少， 但係諗返長洲魚蛋都要十蚊嘅價錢，其實都合理嘅講返個蛋糕味道， 其實幾好食，蛋糕鬆軟，未到好濕潤不過唔會乾中間忌廉係有啲乳酪嘅酸酸哋味道，令到成件事好清新，唔會覺得好漏 我可以一個人食幾件都得，如果係唔使我畀錢嘅話😂

難得來到長洲，當然要一試人氣小店。點了杯每日限定的花雪角酪，以蝶豆花和檸皮為主打，藍色色調像海浪般。濃厚的芝士混合了清新的檸檬香氣，帶來豐富的層次感，清新而不膩，上面撒上的脆脆餅增添了口感。

這間飲品店已成為長洲掃街必到小店多年，除了因為乳酪飲品出名外，還有它的「長洲站」打卡牆也是吸引不少遊客的一大原因。這天一場來到長洲，我也與朋友點了兩杯飲品來打卡，一盡遊客本分。———————————————————————莓莓角酪⭐️⭐️粉紅色乳酪配上士多啤梨果肉，賣相一流。入口草莓味香濃，甜度適中，與乳酪的酸味互相配合。另外含有紫米，雖然是這店的特色，但本人認為紫米太硬，亦令飲品飽足感增加，對於專程在長洲掃街的遊客來說，這杯飲品未免霸佔了太多胃容量。而乳酪質地濃稠，未能帶來清爽感覺反而帶來負擔，在大熱天時下，這杯乳酪並不是一個好的消暑解渴選擇。柚露梳打⭐️⭐️⭐️⭐️這杯梳打反而有驚喜，杯中含有大量西柚果肉，味道酸甜而不苦澀。梳打甜度適中，整體感覺清爽，在32度的氣溫下消暑一流👍唯一可以挑剔的是部分果肉過大，經常塞在飲管中，飲用時稍為不方便。———————————————————————總結招牌乳酪雖然味道好，但太過厚身，適合作為飯後甜品多過飲品。

小妹今次去長洲搵野食～當然要去「長洲」站打卡啦，呢間餐廳🍴最出名就係長洲打卡牆😍勁似地鐵長洲站🚉😝 餐廳主打自家製乳酪飲品及卷蛋等😋🤩花雪角酪🌊🥤呢杯飲品係期間限定兼每日限定2️⃣0️⃣杯咋～以蝶豆花檸皮為主打，係杯面畫咗好靚既波浪🌊混合香濃芝士🧀及脆脆餅🧇，香甜又好飲😙角酪卷🍰同樣用蝶豆花製成，蛋糕口感綿密，唔會太濕潤及太甜😲 甜味主要來自乳酪餡，酸甜既乳酪cream，顏色奪目吸晴🫨 內餡係士多啤梨🍓及原味搭配，頭頂仲有一粒士多啤梨🍓，整體好靚兼打卡一流🤗餐廳飲品🥤蛋糕🍰特色好有特色及好飲，雖然店舖只有少量座位，但望住長洲打卡場真係任打卡，唔怪之得呢度係長洲新打卡地點🤩

入長洲必買的長洲角酪 飯後來一杯透心涼啊～♡3個人試了3款角酪：ෆ​ 百香果角酪ෆ​ 莓莓角酪ෆ​ 甘露角酪色彩繽紛的叫人看到得很開心～ 個人最愛是莓莓角酪🍓 淺粉紅色很美🥹，酸酸甜甜杯底竟然還混有紫米，有咬口又健康飽肚！( ˘ ³˘)

店家仲專登整左一面打卡墻，藍色格仔都幾清新，莓莓角酪、甘露角酪，生果新鮮，會加少少果醬，連埋乳酪，i好健康既味道，多飲應該都唔怕，餐廳影像都幾好睇，位置唔多，總體閒舖唔大。

一間偽裝成長洲地鐵站的特飲小店，係一個相當有名既打卡熱點，今次來到長洲，點可能唔到此一遊。長洲角酪地理位置可謂得天獨厚，就近長洲碼頭，一落船行幾步就可以見到。到鋪頭一望人山人海，不愧為長洲人氣小店。店鋪裝修以藍色為主角，有一面牆模仿地鐵站的格仔磚牆，彷彿真有長洲呢個地鐵站。鋪頭仲有貓店長坐鎮，客人可以同佢互動之餘，又有唔同口味既乳酩同蛋糕可以品嘗，今日我簡單咁叫左杯經典角酪，乳酪味濃，飲得出好新鮮，仲加左紫糯米，真係特別！🐻

每次一提長洲都會諗起呢間手搖店，因為佢個打卡位好吸引，係「長洲站」呀，行到熱又可以買杯凍飲同打個卡先！今次叫咗個莓莓角酪，飲落口酸酸甜甜嘅味道，充滿着士多啤梨味！加埋咬落去仲有啲紫米，變咗一路飲嘅時候仲可以食紫米好有口感！而且杯裏面嘅士多啤梨係心形㗎，好靚又好飲！另外仲嗌咗杯西柚梳打，你飲落去西柚梳打裏面有好多西柚肉，不過味道就較清甜，但係如果你想食飽消濟吓，呢杯西柚梳打可以試試佢！