長洲平記 (永和街) (已結業)

馳名長洲糯米糍平時係去長洲必食食物但今次冇搭船去長洲都食到就係長洲平記呢間店係長洲好岀名原來佢係上環開左分店芒果糯米道糍 $18大大個 食落去啖啖芒果🥭感覺好似成個芒果放入口好香 但今次就唔係超甜榴連糯米糍 $18榴連多 好足料但個糯米皮偏厚身好彩糯米皮係淋身 冇話好煙韌

平時食平記既芒果糯米糍就食得多啦，佢既糯米糍係好食既，但已經開始覺得悶，加上糯米糍皮好易飽，今日行過佢鋪頭見到人地買呢杯巨無霸芒果沙冰，首先我係俾佢既size吸引到，因為真係好大杯，然後我睇到只係賣35蚊，真係抵到嚇死你，咁平無理由唔試下，估唔到係真芒果味，加上大熱天時，呢杯沙冰真係極解渴、解暑，個份量係二至三人，總之就係正，極推介！抵飲過啲咩茶咩珍珠奶茶，唔鐘意芒果既，佢仲有其他生果既巨無霸沙冰，例如奇異果，應該會她通便下次經過會試埋佢，同埋一定會再買芒果巨無霸。

心思思食完lunch想食糯米糍，唔洗入到長洲都有得食😋平時去長洲食開芒果同士多啤梨糯米糍，今次見到有期間限定水蜜桃糯米糍就試吓！水蜜桃大大粒又多汁🍑皮就唔知係咪放咗陣先食，稔咗少少🤔朋友食芒果同榴槤味都係足料，唔錯嘅甜品

好耐無去過長洲，不過依家周圍都買到芒果糯米糍，所以都唔會專登走到入長洲食。呢間長洲平記就係正宗係長洲出嚟，所以見到梗係要食翻舊啦！芒果糯米糍$18，成個手掌甘大舊，都幾重手，應該每粒就有半個芒果做饀。拎起好容易整爛個皮，一啖咬落去即刻食到芒果，啲皮好薄，啲芒果好甜！隻色睇落都好正！不過就成手粉同食到塊面都好多粉。

咁岩經過上環先知原來長洲平記係上環都有分店!等我上次係長洲食完糯米糍之後仲心掛掛，想為左佢再入長洲依加唔洗啦，相信我之後都會成日黎食我最鍾意食就係長洲糯米糍最出名嘅芒果糯米糍啦!作為芒果fan一定必食，同埋芒果糯米糍比其他糯米糍嘅size更大，食咁大粒而夠喉嫁嘛當然，大粒啲價錢都貴啲，其他味只要15蚊，芒果就要18蚊，不過3蚊就大粒咁多值得俾嫁!平記糯米糍口感好QQ，又唔會死甜，食完都唔會膩，仲想食多個為左唔影響正餐，我當然冇再買多個，反而新嘗試買左芒果西米露，冇錯，又係芒果。平記出名糯米糍食返糯米糍就夠，芒果西米露唔推薦普普通通，25蚊有一碗半份量價錢合理，但係有啲過甜同埋冇咩芒果粒，有少少失望

又到3點3下午茶時間啦😎多謝某某同事請食糯米糍😆呢間來自長洲既平記真係冇得輸👍🏻入面啲芒果餡多到爆出黎😍糯米糍個皮唔算厚，食落仲夠晒煙韌！個size仲要拍得住廁紙筒😂芒果仲要好甜❤️超正呀！

長洲糯米糍出哂名好食，但長洲喎，平日想食都去唔到啦。但原來上環呢邊都有分店，而且味道一樣好味。想唔食到成手係粉，叫左個QQ杯 - 有糯米糍、芒果、雪糕。糯米糍煙煙靭靭，有少少椰汁味，個底有好多新鮮熟透嘅芒果，又甜又香。個雪糕球係獨立包裝，自己加上去，揀嘅芝麻味好香。見到阿姐無停手咁邊賣邊整糯米糍，保持新鮮，唔怪得咁好食啦。雪糕球獨立包裝夠衛生，小貼士係雪糕球開封後都幾快熔，尤其炎炎夏日真係要食得夠快。

係長洲做到好出名既長洲平記終於都過左海唔洗搭船先食到啦！果時去一日遊都已經覺得啲小食同甜品好吸引 今次再食多次佢個好出名既芒果糯米糍 水準一樣夠 芒果涵好夠香 下次都會再食

起初，在我眼中它的外型真的有點醜，扁扁平平！但自從朋友請我吃個一塊後，我就已經愛上了長洲平記的糯米糍，真是很好吃！芒果糯米糍：每一件都有大大件原塊芒果肉，芒果新鮮多汁又香甜，而包著芒果的糯米皮很嫰滑煙韌，真是很好吃😻

食完lunch散步經過平記口痕痕又想食下甜品，見到季節限定蜜桃糯米糍唔小心就比左錢，蜜桃係新鮮嘅，唔係罐頭貨仔，都幾厚肉，只係唔係好夠熟，微甜略帶硬身，當生果食okay，包埋糯米皮就變左唔夠甜，如果再吽熟ｄ桃就好啦，季節限定都可以試下，但下次都係食返芒果嚕

炎夏火烤，食芒果糯米糍冰甜滲入心扉。市區買長州正宗靚貨，必是去平記。仍是售價13元，與長洲島上同價。離港鐵站最近的平記，在上環永和街店。上環是香港華人第1個商業中心，華人最重意頭，街名是安，吉，和，樂，農曆新年要行遍4街。勿搞錯街名。出港鐵站E2出口，轉左靠電車路方向行，很快看到永和街（下圖）。入街內靠左邊便是到了。再前便是jenny曲奇店呢。買4個才有盒。有厨房紙包裹，保濕，吸倒汗水。足有10cm長6cm闊，如掌心面積。芒果都是精選甜姐兒，水汪汪的。糯米糍稔滑，薄身。試了榴槤，原來感覺都是果汁豐盈，比花生好味，解暑。現在多了香蕉，草莓，火龍果。另一分店在灣仔合和中心斜對面，離港鐵站出口較遠，但近商業核心區。出港鐵站A3出口，轉右靠電車路方向行，見汕頭街入，行到盡頭（下圖拍照處）轉左。或利東街入，參考下圖，盡頭轉右。

相信如果要搵一樣食物代表香港，除左老婆餅同奇華之外，芒果糯米糍亦係一個不二之選！結合左傳統既中式甜品糯米糍，加入香港獨有既多元文化 - 芒果去做Fusion野，可以話係香港既一個小縮影！加入左芒果既糯米磁除左保留到傳統糯米糍煙韌既口感外，比傳統既口感仲多份濕潤，更加香甜，可謂如虎添翼！要講到芒果糯米糍既箇中之最，相信「長洲平記」一定當之無愧！而今日賴生好好彩咁有個好錫好錫佢既女朋友拎比佢食（甜死了！賴生心裏飄飄然）！話說今日屈小姐辦公室入面有同事請食「平記」做Tea，原本屈小姐諗住1人1粒，已經打算放工先同賴生一人一半，點知1人係有2粒呀！（佢同事超大方既呢！），咁屈小姐想等埋賴生食既如意算盤就打得更嚮啦，就算賴生叫佢食先，唔駛等佢，佢都決意等埋賴生！所以賴生就用快過閃電既速度黎到屈小姐公司樓下等佢放工，見到佢拎住盒野黎既時候，就好想將佢成個人抱起啦（想死咩？咁多人，諗下好啦）就係呢盒野啦，結果賴生抱起左盒野⋯，但賴生居然不慎跌左佢落地，屈小姐即時好擔心咁搶番個B自己抱，唔再比賴生抱啦之後，搵到1個合適既地方，我地即刻急不及待咁打開啦 (順便檢查一下有冇跌爛)好彩2粒芒果糯米糍就再用張

某日經過呢間長洲平記, 口痕痕就同女友買左兩件芒果燸米滋來食wa!!手掌咁大架!!!食落去真係啖啖芒果肉, 好正以後想食芒果燸米滋唔洗再去長洲食了!!!!!!正呀!!!!!!另外見到佢仲有好多其他口味, 例如 榴槤, 我都好想食可惜女朋友唔食.......

長洲芒果糯米糍就不嬲都出名架啦，但冇理由山長水遠搭船入去先食到架😭 今次佢就開喺上環呢度😎咁我哋呢啲港島人，就梗係即刻去試吓啦😉😉不過今次呢我就同朋友一共買咗四粒姐，因為食完飯都唔想食咁多野佢啲芒果糯米糍呢真係唔使講，你睇吓佢個size😯成個手掌咁大粒我咬左仲不得了好似有半個芒果係入邊咁三份一啦～但真係啖啖肉囉😍😍😍雖然我食嗰個芒果呢就有啲酸，但我朋友食嗰啲呢就好甜同埋好正我覺得作為飯後甜品來講算係咁架啦❤️

聽聞長洲糯米糍好出名, 今日經過見到一間，已經要排隊，不過人龍唔係好多所以都決定試吓。呢個係芒果糯米糍，首先糯米粉好重，佢有煙煙韌韌嘅感覺，不過仲加左一份爽口感，係新鮮嘅糯米先會食到呢種感覺，唔錯。芒果好甜，整體來講都好食。