影片
系葵广食完晏，行完街，走去盛芳街买卤味返屋企做晚餐。鹅肉饭（$57）鹅件约有六旧，有肉有骨，无咩肥膏。最上面仲舖咗一层啖啖肉嘅鹅片，有五片。底有半砖切件卤豆腐，仲有少量辣菜脯。整体份量多，味道亦不错，鹅肉嫩兼有咬口，卤水味合适唔会好咸。卤什饭（$52）估唔到份量咁多，而且卤什款式亦多，有猪耳、猪大肠、猪腩肉、猪肚、猪脷、鹅肠、鹅肾、鹅肝、卤鸡蛋、卤豆腐、辣菜脯，真系咩都有啲，啱哂贪心鬼嘅小弟。各款卤味嘅味道都唔错，最紧要系无怪味臭味。狮头鹅翼（$38）谂住两盒饭啲𩠌唔会太多，所以加多只狮头鹅翼加𩠌。普通鹅翼$18一只、$50三只，狮头鹅翼一只就已经要$38，系玻璃厨窗望到的确大好多，既然系咁，有大食大。一只狮头鹅翼斩开有六件，仲要件件都大大旧，味道比鹅件稍稍偏咸，肉质十分有𡁻劲。
继续阅读