54
15
1
港铁鰂鱼涌站 B 出口, 步行约4分钟 继续阅读
所有分店 (1)
电话号码
23632683
营业时间
今日营业
07:00 - 23:30
星期一至日
07:00 - 23:30
付款方式
Visa Master 现金 银联
座位数目
500
其他资料
Wi-Fi
酒精饮料
自带酒水
泊车
外卖服务
加一服务费
电视播放
食记 (82)
等级3 2019-09-15
992 浏览
话说今晚鰂鱼涌开会,开完7:30就喺附近搵间酒楼食饭,其实晏昼都成日嚟长发饮茶,啱啱今日晏昼饮完茶,夜晚又来食火锅🍲因为佢真系好抵食,$168免+1任饮任食,啱晒我依一班大食嘅同事😆 ,仲要生日免一位,再送寿包🍑真系抵食到不得了!同事唔食猪润,又叫鬼死咁多嘢,搞到我一个人食啲猪膶😱鸡子都系任食,我起码食咗10几廿粒,唔知系咪加埋猪膶太补,搞到食完之後只眼下面即刻生咗一粒好大嘅疮😭基本上你点乜嘢佢都会嚟齐,好唔好食就见仁见智啦,将货就价,咁平嘅价钱唔可以要求太高😬个经理都好好,生日已经免咗一位,仲送埋寿包俾我哋🍑 继续阅读
(以上食记乃用户个人意见 , 并不代表OpenRice之观点。)
等级1 2019-09-14
424 浏览
第一次食长发订了18:00吃晚饭去到先知道下层已经不能安排位置因为订位时没有说所以我们好几个人小心翼翼扶着94岁的阿公爬楼梯唔系柜台既人唔不帮忙系我地真系蠢忽略左中秋前後每台大台都会好似我地咁一定至少有一位老人家或行动不便的人行 楼 梯 会 好 辛 苦下次再去就记得注意 订台时好好说明服务都唔错架系有啲死板罗主动换碟好细心但佢系以佢专业判断边啲换边啲唔换我地递俾佢换佢会拒绝 然後指着隔离果只「果只多啲骨」又上左省水环保一课蛏子40/只但口感像蠍似橡筋跟他反映也免了那碟钱我就说服务好了吧系喇 价钱都唔错系几优惠每人200几食到好饱 继续阅读
(以上食记乃用户个人意见 , 并不代表OpenRice之观点。)
等级4 2019-08-31
631 浏览
前几个星期六,都要晨咁早去到太古坊,为每年20多小时的 CPD 学分而努力。一早九点正要上的堂,我因为住得远,提早了许多出门口,到达鰂鱼涌时,仍未到七点。要打发时间啊,而且我又未食早餐,在落车的巴士站附近,见到一间很有本地街坊 feel 既酒楼,就二话不说,推门入来这一家《长发海鲜酒家》饮个早茶。饮早茶,当然看看他们有什麽早市的特价点心啦。我一坐低,就看中了他们的早市孖宝。是一盅饭加一个点心。而点心方面,我选了这一个水晶饺。馅料就是碎虾肉同碎杂菜,有足够的鲜味道。此外,饺子的皮做得很好,够晶莹剔透,也够烟韧。烧卖,是原只大虾的烧卖。份量足,很香,入口的味道是鲜味的,虾味鲜,猪肉味既香又滑。大细不等的烧卖,看得出是自家师傅制作而不是厂房大量生产的点心出品。早上,一盅两件最是令人开心,所以,我有叫一盅凤爪排骨饭。这是早餐的份量,细细地,刚刚好。四份一只凤爪,有适当份量而且熟到完全离骨的肉排,已经不理会这饭是不是完全是生米蒸熟的,加上甜豉油,就是好味道的一盅凤爪排骨饭。点心几好播,我既 schedule 系要来鰂鱼涌三次,三个星期六的早上,第一次虽然贡献了给茶餐厅,但之後的一次 (执笔时已经去了),一定要再来,饮番个早茶。 继续阅读
(以上食记乃用户个人意见 , 并不代表OpenRice之观点。)
等级3 2019-08-05
805 浏览
又到左每个星期最期待嘅时间,冇错啦!就系星期日朝早同屋企人饮茶嘅时光!今个星期日就系屋企人推介下,拣咗一间位於港岛嘅酒楼长发有分上下两层,楼下地厅系唔搭位,楼上就系任坐,自己搵位嘅,皆因我哋想食得舒舒服服,所以就拣咗地厅,因为我哋嚟得都算早,10:30到,所以唔使等位就入得咯红枣糕好烟韧,黏性重,不过如果系姜汁红枣糕就更加好食啦肠粉就可以唔使嗌,皮虽然烟韧,但系有啲厚,一般呢个沙嗲金钱肚好味,金钱肚炆到好淋,非常容易入口,不过比较逊色嘅就系萝卜,太爽,蒸得唔够淋我哋四个人食,埋单都只系$250楼下⭐️温馨提示⭐️如果大家都想好似我地咁食得咁平,就要记住11点前落单啦,佢啲早晨孖宝都几抵食㗎!😋 继续阅读
(以上食记乃用户个人意见 , 并不代表OpenRice之观点。)
等级3 2019-08-05
486 浏览
星期日又系family day既日子,一家人食咩好?饮茶最适合不过。今次向鰂鱼涌出发,试下长发海鲜酒家。今次总共叫左9个点心,雪山叉烧包、潮州粉果、沙爹金钱肚、叉烧肠粉、山竹牛肉、红枣糕、鲮鱼球同埋鲍片滑鸡粥!先讲好食既点心,菠萝包皮既叉烧包同平时既中式叉烧包口感好唔同,不过都系好食既!沙爹金钱肚系极力推介既一款,因为好淋同埋好入味,但萝白就好爽口(应该未熟晒),我唔食萝白既所以觉得冇咩所谓!山竹牛肉、红枣糕、鲮鱼球、粉果、粥就正常味道,冇咩特别!差既有肠粉,上枱时已唔热,所以啲皮好厚同硬。总括黎讲系一间普通质素既酒楼! 继续阅读
(以上食记乃用户个人意见 , 并不代表OpenRice之观点。)