長發大酒樓 (已結業)

昨晚約九時入座，九點半才齊人，火鍋價錢OK，但服務實在太差 😤😤10時左右侍應叫我哋落最後一個order，仲話先埋單可以坐到12點，所以我哋就放心點左食物。但10:45分時突然全場熄燈，舉手叫人，所有人都唔理會..我行去叫他們開返一支燈俾我地繼續食埋一枱既食物但遭拒絕，態度極差話屋邨係咁早收工，D燈係開唔番架啦⋯⋯當時還有另一枱客人坐在電視機前，所以佢地可以繼續，但我地真係睇唔到食緊乜嘢。最後搵到另一個職員先開返一支燈，其實唔係開到12點 點解又會咁話俾客人聽？

本來都只係抱住貪近方便, 沒有什麼期望, 但實在係太差, 一定要寫出來發洩一下.$148 全包實在抵食, (但也不算好平), 但D 肥牛真係差到食每一塊都覺得難為緊自己, 未食過甘難食, 好似柴皮甘, 食一塊都咬到牙軟, 好離譜, 食兩塊已收手, 我驚胃痛.無了最愛的肥牛, 只好食第2D, 激氣, 自己寫住唔好浪費食物, 什麼食剩每兩計$5, 我地2大小童(4 歲), 我唔想浪費所以樣樣寫半碟, 好似豬潤我一個人食, 只寫3 件, 卻來了13件, 水餃個D 我叫了兩款寫明每款兩粒, 卻來了每款6 粒.   鮮手打牛丸寫半碟來了6 大粒, (重要係平時山竹牛肉個D) 吹脹.  要D 魚片魚腩就幾次都唔黎..  D 蝦好細仔重唔多新鮮.. 一來唔好食, 重要樣樣好大份量.. 食得小款又唔好食.. 一定唔會再去食.

滑蛋炒蝦仁，蝦同蛋等如分開上；菠蘿京都焗肉排，罐頭菠蘿未經烹煮，再將肉排放上面就算完成。同經理講，佢話：“菠蘿京都焗肉排，即係菠蘿+京都焗肉排”。（即係，菠蘿，京都焗肉排）好在佢冇將個瑤柱蛋香炒飯分開炒！

諗住同屋企人黎飲茶，享受家庭樂，服務超差。企出面嗰個人話入面有枱，自己搵好喇，到我地搵到，又叫我地坐出面，心諗又係你地叫我地自己搵，搵到又唔俾坐，咩意思之後寫好張紙諗住俾佢地，個個扮睇唔到，一係就同其他人傾計。一定唔會再幫襯

星期五，屋企人唔想煮飯，其中一位成員想打邊爐，決定去長發酒樓，其實講左十年話去長發打邊爐，今日終於試到。去到人唔算多，大部份枱都係打邊爐既，坐位都算舒適，唔算太迫。$158任飲任食罐裝飲品有 藍冰、獅威、jolly shandy、百事、七喜、橙汁食物方面，款式唔算多，都係一d大路野，以呢個價錢黎講算ok架喇，而且都算新鮮!我推介炸魚皮，呢個最好食!!而同行者話芋頭好食!!哈哈，下次唔想煮飯都會再黎!

今天去了青衣飲茶, 第一次嚟呢間酒樓飲茶. 原來都好大的, 我們叫左一些點心, 煎釀青椒, 叉燒腸粉, 叉燒包, 炒米粉, 叉燒包好味又多叉燒, 炒米粉多料的, 好味呀.蘿白糕都好大件, 及香口, 多料, 唔係只有粉, 都OK呀, 煎腸粉好味, 好多蝦米及蔥花的, 煎到少少金黃色. GOOD.仲有燒賣, 牛肉球, 賣相都好吸引, 燒賣仲要有大大隻蝦係面架, 牛肉大小適中, 都有些蔥花的, 好味喎.這間酒樓的地毯唔知係咪好耐冇洗, 所以食食下有種臭味.

終於起心機打父親節的食評了...因為最近都有點忙，希望能清哂食評~好好的再分享！題外話不說，是次又是去胖蕉家附迎的長發大酒樓為他爸爸慶祝父親節！價錢一般，不算太貴，幾個人夾還可以的。其實我們會散點多於叫餐，叫餐會係真係好好好多人的時候先會，得幾個人食飯，就散點會比較迎合各人需要。雖然我們得7個人，但係張枱都有呢個玻璃盤，都算方便夾菜既，枱又夠大張。散點了一些乳鴿，味道偏咸，表面不夠脆，如果再脆D會更好吃，不過都比屯門的酒樓來的好吃。我不懂吃頭，所以只有吃其他部分，肉質都夠，有肉地，都抵食既。普遍食物都算咸，味道偏重，反而他們又喜歡重口味的。服務也OK，真的會安排坐枱。

補祝胖蕉媽媽生日，我們一起去他家附近酒樓吃飯，點左8樣菜，當中龍蝦伊麵和燒鵝都幾抵食，味道不錯。龍蝦係開邊上，仲俾埋剪刀我們剪碎，真係好貼心。因為原隻開邊令龍蝦感覺份量變大份左，可是伊麵就偏少，但幾入味，鮮甜不太咸。燒鵝一上枱比預期的大碟，肉汁幾濃，但比較瘦，肉比較少。

上星期食完今日再來食，見上次條特價清蒸沙巴躉都唔錯，幾滑$48好抵食，所以今日都叫左2條。一來到2條魚大小相差頗大 ，一條正常、一條明顯比平時細，短一個頭位。叫左個穿西裝疑似部長的先生來詢問一下，何解兩條魚差距這麼多？能否把小的換條正常大？他說不能換只能2碟都取消。這位先生自稱「當場話事經理」 ，身上沒名牌，問到貴姓他回答：「唔係。幫你取消哂全部」 ，然後再問我們：「你地講完未」 語氣和動作都充滿火氣，講到一半走左去，轉過頭返來竟然影我地相，我們一望他又扮忙碌走左去。 其實野食都還可以，燒腩仔是我每次必食，但時咸時淡。飯菜味道不差就是服務態度真的有待改善，尤其經理部長…

我很喜歡跟媽媽去飲早茶吃點心的。青衣區的酒樓不算多，但質素普通，尤其是青衣城裡三間的大牌子酒樓，早點更是令人非常失望！而長發大酒樓的點心很少令媽咪和我失望，抵食大件，味道更比很多名牌酒家出色，今早我們又去飲茶。上次我一口氣幹掉三個雪山叉燒包，因為它是新鮮焗起。麵包表面有油，焗起來有微炸過的感覺，麵包上蓋著很薄的墨西哥包皮。這皮非常脆弱，用筷子的夾起便散開了，吃起來有點可惜。叉燒餡不多，但粒粒都是叉燒，沒有用甜醬草草混過去。但深得我心是麵包的厚身程度，當熱騰騰的新鮮出爐鬆軟有質量的麵包送到口中，咬下白麵包和甜叉燒時那種燙口感覺，爽。多吃兩個也願意。腸粉也是到飲茶的必叫點心。這樣的羅漢齋料蠻多，而且馬蹄的味很爽很特出。腸粉厚身而且飽滿，但米漿似乎稀了一點，夾起來容易斷，沒有彈性。鵪鶉蛋燒賣不是每間酒樓都找得到的。這裡的鵪鶉蛋燒賣做得不錯，而且燒賣裡有很多彈牙的蝦，不是一味的肥肉和油，亦蒸得剛剛好！紅棗糕是小妹的心頭好，這裡的紅棗糕蠻像橡膠的，棗味和甜味都平衡得幾好，但質感真的膠了一點，後生女才能咬到。軟一點會好得多。雖然不是每樣點心都表現很特出，茶葉永遠都是碎片，來飲茶十次十次都要搭枱，員

花膠海味浸菜苗$64 (八點半後特價$49 星期六，日加$6)花膠煮得火喉夠，既香且稔，難得還有瑤柱絲，白菜苗的份量比一般多，非常抵食涼瓜枝竹牛仔骨$68 (八點半後特價$49 星期六，日加$6)以木架配黑色瓦煲上菜。能保存食物的熱度，牛仔骨入味鬆化，與涼瓜相配合。白雪海皇豆腐$66 (八點半後特價$49 星期六，日加$6)五件經煎香的豆腐浸在蛋白，蟹柳，翠玉瓜中，尤如在湖中一般，豆腐非常香滑，賣相不俗，味道得宜。

5-1-2013(六)是日上午要 OT，下午放工後，便和媽媽來到「長發大酒樓」飲下午茶。這是我的至愛！ 廉價酒樓之一，整體點心都不錯。 是次最好吃的是叉燒餐包，香噴噴的，吃時有咬感，鬆軟的包子配上香甜的叉燒餡，組成完美的配搭； 其次是蓮茸包及咸魚雞肉飯，前者外皮鬆軟，內裡的蓮茸甜度適中，吃到有蓮子香味；後者的咸魚帶來梅香，而肉質富彈性及嫩滑。

27-12-2012 (四)盡快清埋 OT 假，所以今天又要 take 下午假... 放工後，陪媽媽飲下午茶！我們點了一碗切雞米粉、一碟菜心、三款點心及一碗南瓜露。 點心即叫即蒸，夠熱夠新鮮，味道尚可，職員服務佳。 切雞米粉雖則不脾位，但肉質尚算嫩滑，香味、火侯的。 濃郁的南瓜露透出淡淡椰子的清香，感覺令人舒服。 埋單也只需七十多元，很抵食。

同事生日,我地一行十三人去左呢度飲茶我地叫左好多點心及兩個飯麵,點心好有水準的,我覺得蝦餃好好味,入面好多隻蝦的又爽口,仲有鳯爪好入味,辣辣地好惹味,燒賣都唔會好多肥豬肉,好味,牛展又香又薄身,正,薄撐係足料及香口的,牛肚都係好入味及爽口,蝦角,腐皮卷,咸水角全都好味又香口,豬腩仔較肥.我們叫左一個福健炒飯及一個蟹肉伊麵,福健炒飯好多料好味道,好快食晒,可能多料又濕濕地既關係,所以都好鍾意食呢個飯,但係蟹肉伊麵味道好淡,唔係好多蟹肉炸喎,一般喎.加少少醋就可以帶出D鮮味,所以都唔係好多人食呀.這裏的點心都ok的,價錢平,所以好多人服務好ok 啦,好容易就有仕應招呼到你.

平時屋企人都間中黎打邊爐因為百零蚊真係幾抵~今次我婆婆生日,全個大家庭選擇左係呢到擺三圍飯宴!本來都係抱住普普通通既心態,覺得應該都係ok味道啦,嘩!接住見到d食物黎,再食埋之後...回味到呢~~~上湯波士頓龍蝦伊麵底唔洗講,睇到都知勁正,底下d伊麵都好好味!木盆原隻鲍魚伴冬菇好味,不過好似汁多左d!至尊燒鹅拼燒肉爸爸同媽媽都話燒鹅好食,我就覺得燒肉正d,皮是脆的!西蘭花珊瑚蚌帶子西蘭花岩岩好,唔太硬又未林晒,入味喎!西芹炒龍躉球正!枝竹生炆龍躉頭腩我唔鍾意食骨既都去咬下,好入味!壽包呢個最尾送上來...新鮮出爐,熱熱的.仲有些食物冇影到放上黎,好似紅豆沙,蛋白瑤柱炒飯,生果--橙不過幫你切開左既...就咁一圍大約三千幾蚊!!除返12個人.其實都係三百幾蚊一個人已經食到個個笑哈哈!!!見到咁有質數,下次有機會要再黎試下小菜先!!